光猛明亮又顏色鮮艷o既韓式餐廳，d 檯凳夠晒闊落，坐得好舒服。一坐低，侍應姐姐隨即送上一式三款kimchi 作為餐前小食，係免費的，味道酸辣，先來刺激一下我o既味蕾。韓式蛋包飯有住一層滑蛋，裡面係酸酸甜甜o既飯，諗起都開胃，又夠晒營養~ 呢度o既蛋包飯($68 無加一) 唔係採用將好似火腿洋蔥之類o既碎料同飯一齊炒o既製法，而係有一份主食，可以配吉列豬扒或者雞扒，我配o左豬扒。d 飯帶點糯米飯o既texture，黏度高如同飯團一般。加o左蕃膏去整呈橙色，仲有少少似香茅o既味道，非常惹味，會係小朋友o既至愛，食完人都開心d！單係個飯連埋面頭隻蛋都已經夠晒實淨飽肚，仲有成塊吉豬，CP 值夠晒高~海鮮煎餅($78) 泛起油光，食落同中式薄撐類似，但佢當然足料好多，除o左蔥條之外，隨時一片都兩粒鮮蝦仁，仲有魷魚、青口等料夾雜其中。呢個同頭先個蛋包飯都附有一份沙律仔，蘸上柚子醬，靈舍富韓式風情。叫完主菜加配飲品可有優惠，試o左杯鮮雜果梳打(加$18)。蘊含百香果、芒果同菠蘿，附上薄荷葉，鮮甜清爽，夏天飲最正！…查看更多
