鳳雛燉雞

营业中

休息中

鳳雛燉雞🌟🌟🌟🌟🌟第一次吃韓式燉雞，沒想到這麼好吃！燉雞無骨惹味，醬汁可選不辣，微辣和大辣，這次就選了微辣，味道是甜辣的。韓式微辣感覺還是很辣，比譚某10小辣更辣，而寬粉彈牙帶勁，完全吸引醬汁，辣味也全吸收，又辣又惹味。就連紅蘿蔔，馬鈴薯也是燉煮得鬆軟😋，差點不夠吃，超級推薦！韓式炸雞🌟🌟🌟🌟辣味炸雞也是甜辣口味，炸得很脆，配上炸得同樣香脆的蓮藕片。原味就普普通通。另外還附上一碟沙拉，味道很特別，有點胡椒味，但不難吃😂芝士蛋捲🌟🌟🌟普普通通，上面有番茄汁🥫。如果可以有更多芝士會更好吃。海鮮煎餅🌟🌟🌟🌟邊位煎得脆，也有足夠海鮮，好吃好吃。🤤炒年糕🌟🌟🌟份量有點少，味道也是正常炒年糕味，但不知為何等得最耐，原來是忘了下單😂～未試過燉雞，可以試吓～

No.13 牛肋骨湯飯 $118睇名就讓人聯想到濃郁的湯底與燉煮入味的牛肉。牛肋骨肉質軟嫩，湯頭帶有醇厚的肉香微甜，搭配白飯非常暖胃。湯中帶有蔥段的清甜，平衡油膩感。價格稍高，分量足、肉量多，仍算值。No.18 炒年糕辣炒年糕是韓式街頭小吃的代表，紅通通的辣醬包裹著軟糯的年糕，年糕嚼勁十足，醬汁甜辣交織。搭配魚糕、雞蛋，層次感佳。價格親民，適合嗜辣者。No.23 海鮮煎餅 $98經典的韓式煎餅，外層煎得金黃酥脆，內裡塞滿魷魚、蝦仁等海鮮，口感豐富。煎餅邊緣帶點焦香，沾上醬油，勁提鮮。價格中等，適合多人分食。

❝鳳雛燉雞❞由韓國人主理的燉雞店，隱身於旺角商廈，唔太顯眼，本身擔心中伏，點知意外地高質，特別是招牌燉雞，價錢亦唔算太貴，值得一試💯࿐🐣鳳雛燉雞 $𝟐𝟒𝟖💫醬汁濃稠，附上的冬粉吸滿醬汁超好食，主角燉雞肉質嫩滑，份量都算幾多，無骨更易入口，另外亦搭配紅蘿蔔、薯仔等蔬菜，索滿醬汁超入味😋🦐海鮮煎餅 $𝟗𝟖💫外表望落平凡，不過味道幾出色！煎餅外皮香脆、薄身，唔會太厚及油膩，夾雜海鮮粒粒都幾足料🍶水果米酒套餐 $𝟏𝟐𝟖可以自由搭配三款米酒，揀咗青提、草莓、西柚，酒味唔會太濃烈，容易入口，不過建議快手飲，免得等冰融咗後溝淡晒😖

韓式炸雞就食得多，這家鳳雛燉雞，見其名就知主打是燉雞啊！未吃過燉雞的我，不知道是否跟韓國食的一樣正宗～～～先送上前菜，有泡菜、青瓜及大豆芽，泡菜及青瓜的酸辣度恰好，大豆芽的麻油味好香，食完可以再添！牛肉紫菜包飯，賣相吸引，用料十足，蔬菜與牛肉的餡料搭配，口感豐富之餘，好食又不會膩。還灑上白芝麻，增添香氣。芝士燉雞 (無骨)，好大碟燉雞面層鋪有一大片的半溶芝士，可以將雞件與芝士捲在一起吃！除了無骨燉雞之外，還有青瓜、紅蘿蔔和薯仔等蔬菜配料，煙煙韌韌的冬粉，足以飽肚！醬汁味道香濃不鹹，雞件與其他配料都盡吸醬汁，加上選了小辣，夠惹味～～～人參雞湯，滾熱焫的送上桌，雞肉煮至軟綿，仍保持軟嫩口感，毫不粗糙！人參雞湯味甜又暖胃，正！海鮮煎餅，包含魷魚、蜆肉、蝦仁及雜菜等配料，煎餅香脆可口不油膩，富蛋香，蘸魚露來吃，鹹鮮味更為提升！炒年糕，年糕煙韌度十足，不會太軟稔。除了年糕外，還加入冬菇，增加口感。甜辣醬的辣度十足，比起燉雞的辣更為顯著！梳打 ($32/杯)，飲品的味道整體不錯，不會出現藥水味飲品丫～～～單點菜式的價錢好像不便宜，但大堆頭的份量及食物味道都算對得住價錢啊！

最近網上各處都在討論香港服務員的服務問題，今天膽戰心驚地走進一家韓國餐廳，希望一切順利。這家餐廳由韓國人開設，幸運的是當晚的店員會講英語，準確發音點菜，一切順利。重點是當我專注拍照的時候，沒留意她端來了下一道菜，她很耐心的在旁等候上菜，感覺超好👍🏻🔺 海鮮煎餅 ($98)薄薄的蛋餅配上魷魚、蜆肉、蝦米等海鮮粒，金黃香脆，沾上醬汁食用，充滿韓國風味。🔺 芝士醬汁無骨炸雞 ($128)炸雞份量超多，大概有8至10件，每件炸雞沾滿了韓式燒烤醬，表面倒上一層香濃的芝士，非常邪惡！🔺 藍檸梳打 ($32)藍色的檸檬梳打非常好看，而且冰涼清爽，非常消暑解渴。總體來說，不論店內環境、店員態度和服務都很不錯，整頓晚餐吃得很舒適愉快！

小編今次搵到旺角依間由韓國老闆打理 出名食燉雞的韓式餐廳！即刻去試試🤤店內座位算闊落 適合同朋友聚餐👯‍♀餐廳會附送小菜 包括青瓜 泡菜及芽菜~豬手芝士燉雞 (無骨) 🐓$348真係唔好睇小哩一碟燉雞！絕對不只是個碟大 食物份量都相當大份 個人認為適合2-4人 今次揀依碟可以一次過試到燉雞同豬手 最鐘意個冬粉煙煙韌韌 煮得好入味！雞件啖啖肉無骨的 但食落口感偏紮實 豬手較硬身 面頭有大量鹹香芝士 每啖都可以拉絲🧀 燉雞裡面仲有唔同配料如青瓜 紅蘿蔔 大蔥同薯仔🥔 薯仔炆得夠淋同入味～海鮮煎餅🐙 $98依個煎餅睇落平平無奇但食落有驚喜！口感外脆內軟 皮煎得好香而且充滿蛋香😋 切開入面佈滿切粒魷魚及蝦仁 口感滿滿 配上特製的鹹酸醬汁食落好夾 中意韓式煎餅嘅朋友必食！👍🏻藍檸梳打🍋 $32偏甜既清新檸檬梳打 幾清新 適合解膩～️🥰溫馨提醒：建議預先訂座, 小編平日晚上去到都好快滿座 無訂座需要排隊

🇰🇷過江龍抵食韓國菜🇰🇷推介指數 ❤️❤️❤️❤️🤍打開美食薄之繼續韓國美食～ 餐廳位於旺角彌敦道食肆大廈，鄰近TOP 商場，好方便😌兩個人點選半件炸雞、雞蛋卷及煎餅，份量不少🐥原味炸雞 HKD88(Half)✨無骨炸雞啖啖肉，外層非常crispy酥脆。配熱焫焫粗薯條🥚芝士雞蛋卷 HKD88✨雞蛋卷包住芝士，口感軟滑。食用時面層沙律醬及茄汁更滋味🌊海鮮煎餅 HKD98✨煎餅微脆且厚薄適中，餡料魷魚、蝦仁、蟹柳及雜菜增加咬口，醮上魚露提升鮮味🥒配菜 - 爽脆青瓜、泡菜及豆芽，好開胃🥬爽脆椰菜絲減膩感總結：-食物 ❤️❤️❤️❤️🤍環境 ❤️❤️❤️❤️🤍服務 ❤️❤️❤️❤️🤍...🔖 鳳雛燉雞🪑旺角彌敦道726號10樓

鳳雛燉雞係韓國過江龍，主打燉雞，炸雞就食得多，燉雞真係一路都未試過，今次就專登去試下🤩絕對冇令我失望！而且呢度lunch time黎食好多野都有八折，抵食好多！ 1️⃣芝士燉雞（無骨）（折後$222）好大盤啊😳入面除左有好多雞之外，仲有啲紅蘿蔔、薯仔、青瓜、洋蔥同埋冬粉。啲配料全部都炆得好淋好入味🤤另外入面有一人份既冬粉，啲冬粉好滑好煙韌！特別係索曬啲湯汁既味😋個醬汁甜甜地，加埋啲醬油既鹹香，每一啖都好好味！  啲雞唔算係好入味，肉質都唔算好滑，不過係個啲汁加埋面頭超滿既熱溶芝士，夠曬邪惡😈啲芝士拉曬絲咁🧀份量好多鋪滿曬成盤燉雞😌啖啖雞都食到芝士既奶香同濃厚鹹甜既醬汁味👍👍而且雞肉件件都無骨，啖啖肉😍  2⃣️海鮮煎餅（折後$78）海鮮煎餅入面既餡料都好豐富，有啲魷魚🦑、蝦🦐、韭菜等等。煎餅既邊煎得好脆！沾上魚露食，唔錯😄  

早兩日同閨蜜食飯因為最近真係好想食韓國嘢所以決定嚟試吓呢間大約七點上到去walk in 坐低嘅時候都冇乜人但後來眼望吓餐牌諗吓食乜坐下坐下發現越來越多人下次要上嚟真係要book位講返點嘢食先餐牌上面啲嘢食影到好好食但係我哋得四個女仔真係食唔到好多嘢選擇困難症又發作嗌完嘢食啲嘢都好快上到嚟雖然呢個係招牌菜但係我哋嘅評價只係一般可能因為我哋揀咗唔辣所以味道唔太突出呢碟餸好大份碟真係要三至四個人先食得晒呢個炸雞真係要俾贊啲雞肉好鮮嫩唔會用好厚粉嚟炸好可惜只係嗌左半隻如果再嚟食一定要嗌原隻炸雞其實味道都唔錯我同其他食物比起來相對比較普通份量都幾大雖然個賣相一般但係其實好好食紫菜飯卷係食韓國嘢必嗌嘅除咗以上嘅嘢食我哋四個仲每人嗌左一杯梳打加埋價錢每人都係220左右不過值得留意嘅係相對來講呢間餐廳啲服務比較一般但以價錢來講整體性價比依然非常之高呢餐算係算係幾好

7個女仔 可以有幾嘈？緊係搵d大大碟既share一齊食先夠happy一早用open rice book台 唔洗等位 平時係旺角食飯最驚多人又迫喱間餐廳坐得舒服位置夠大係一洛單就計時90分鐘7個女仔嚟自五湖四海 放工香港邊到都塞職員安排我地入座 又冇吹我地叫野 好好服務鳳雛燉雞 （小辣）$248 🥰推薦 小辣另外加左2次冬粉 $28/份 愈食愈辣好正半半炸雞 全隻 $182🥰推薦 辣味汁唔錯 雞炸得干身 冇多餘既油 正！鳳雛豬腳 $298 送配菜普通 冇韓國風味 同一般大檔當食差唔多 媽媽地☹️芝士炒年糕 $98都普通 唔夠辣 同係韓國街頭賣既差好多😞另叫青提米酒 同百香果米酒（大）推薦百香果味 比較特別人頭$200

上次食過這間鳳雛燉雞，對辣味炸雞情有獨鍾！今次再和朋友黎到食其他韓國食物，為呢幾日轉涼的天氣帶來一點點溫暖～——————————🔹辣味炸雞 半隻 $88辣味炸雞果然一樣咁正，炸粉不會太厚，肉質嫩而多汁，外層有滿滿甜辣汁，令人一啖接一啖！薯條也是剛好炸起，香脆可口，不錯👍 🔸炒年糕 $88上次見到隔離枱叫炒年糕，已經好想食，但真是太飽～這次不食燉雞，有多餘胃口食其他食物。炒年糕有好多醬汁，裏面有魚糕、年糕和洋蔥，全部都很濃郁入味，越食越辣，朋友好食得辣，表示想叫碗飯撈埋一齊食～～～🔹海鮮煎餅 $98這個海鮮煎餅有點似港式味道，不會有太多韮菜和蔥段，還有些魷魚和蝦乾仔。雖然食落不算太香口，但醬汁好惹味，酸酸甜甜，值得一試～～

好耐無食韓國嘢啦😵難得兩公婆一齊收早，就係搵食好時機😆呢間我係隨意咁係OpenRice度搵到嘅🙂韓國炸雞就食得多，燉雞就真係未試過😂所以決定又去試伏😎🔹鳳雛燉雞$248 ：唔可以用「碟」嚟形容😵係一「盤」呀‼️我地兩個見到都呆咗🤣咁大盤兩個人點食呀🤣入面仲要勁多料，目測淨係雞都唔只半隻❗️因為件件都好大件😂雞肉仲好嫩滑👍🏻一啲都唔嚡口🤤其他配菜仲有紅蘿蔔🥕、薯仔🥔、青瓜同埋洋蔥🧅，全部都煮到好入味🤤最正嘅係，個底原來仲有冬粉，個冬粉吸晒成盤醬汁嘅精華😍真係超好食‼️🔹海鮮煎餅$98 ：我地冇諗過燉雞嘅份量係咁誇張🤣所以落單果陣仲叫咗個海鮮煎餅😆不過呢個煎餅我地都覺得有驚喜😍佢厚薄適中，煎到外圍邊好脆口🤤而中間位置食落就好煙韌，餡料都好多😎有蜆有魷魚仲有好多蔬菜🥬👍🏻配埋個魚露汁，真係好鮮味😍兩個人飽到上心口🤣燉雞其實3個人食都得😎下次要搵多幾個朋友一齊嚟，再試埋其他嘢食😆Encore❗️Encore❗️Encore❗️評分味道：4/5服務：4/5環境：4/5性價比：4/5回頭率：4/5

鳳雛燉雞今日收工同朋友去旺角行左陣，朋友突然想去食韓國餐，即刻上openrice揾，見到呢間餐廳係彌敦道超方便，就上去睇睇，店員叫我地等一等，因為好多人預訂，最後好在都有位比我地，下次去真係要訂位先😁一坐底，煎菜青瓜好好味，店員都有推介呢間店出名燉雞，但店員見我地兩個女仔話燉雞太大碟，推薦我地order芝士醬汁無骨炸雞，我最中意食芝士，芝士超煙韌味道算濃厚，拉絲個下見到都興奮😁配埋無骨炸雞，好惹味，最緊要炸雞夠脆口，炸粉又吾會太厚（因為有次食骨炸雞d粉超厚會食到好飽🤭）芝士配炸雞🍗完美👍另外再叫左個海鮮前餅，煎餅黎講都叫做多配料，不過佢個醬汁好出色，朋友大讚，可惜嘅係食完呢兩碟我地已經飽左🙈我朋友叫左杯柚子梳打話可以消滯，我就飲梨汁，因為好耐無飲😁下次叫多幾個朋友一齊黎試下d燉雞同特色米酒，今日兩個女仔食吾得多🙈以下5分為滿分😋好味程度: 😋😋😋😋 💞回頭度: 💕💕💕 💕 📝服務: 📝📝📝📝 📝🌉環境: 🌉🌉🌉 🌉 鳳雛燉雞網址: https://s.openrice.com/QrbS08DW700~dZDxwf3ms地址: 旺角彌敦道726號10樓電話: 27050022

放工後，約左朋友們在旺角行街。當次次諗食咩既時候，大家都話冇所謂，沒有人表態，真係冇眼睇🤦🏻‍♂有見及此，我就提議食韓國野，因為自己想食辣年糕，冬天食辣野就至好😂這間韓國餐廳是我第一次去，售賣不同地道的韓國美食，如辣年糕、炸雞、紫菜包飯等等，而最為出名是燉雞😋不過，由於我和朋友對燉雞沒有太大興趣，所以選擇了其他的食物😂1. 炒年糕 $88這個炒年糕煮得很軟食，和魚糕吸收了微甜和偏辣的辣椒醬汁，非常刺激開胃🥵😋2. 海鮮煎餅 $98這個煎餅很大塊，而且煎得很香脆👍🏻材料有蛋、蔥、魷魚和蘿蔔絲，很足料。如果蘸魚露來食，除了沒有那麼油膩，多一點鮮味更好食🤤3. 辣味炸雞 $98炸雞是即叫即炸，端出來還有一點煙在冒出。由於店家是用了雞腿肉，所以肉質較鮮嫩，和甜辣醬汁一齊食，非常滋味😋

上星期聽同事介紹呢到嘅韓國菜好食又抵，終於約到朋友一齊嚟食。位於全棟都係餐廳嘅大廈裏面，晚飯時間都要排隊搭𨋢，好彩我食6:30就少人啲餐廳座位相當寬敞而且好光猛，環境都好乾淨👍🏻我哋坐咗係窗邊卡位，可以望埋彌敦道風景。同事介紹我一定要食個海鮮煎餅，仲有個牛肉Kimbap。咁我哋就點呢兩個，再加半份辣味炸雞。一坐低店員就送上三款小食，推介麻油芽菜，好香口！第一樣到嘅係牛肉kimbap,我終於都明白點解我同事大力推介，因為真係好足料，而且飯同送嘅比例啱啱好，比我喺韓國食嘅仲要好食！牛肉用麻油醃得好香口，配上醃黃蘿白青瓜等配料，勁正。而且包得好實，唔會一咬就散開。之後就係海鮮煎餅，一上枱熱到噴煙，煎餅面舖上厚厚配料，尤其是魷魚非常有咬口，好好味。我開頭以為煎餅係好似港式薄撐咁，原來唔係煎餅有少少厚度，但係唔會太份，煙煙韌韌好有𡁻口。其實食完呢兩個餸我哋已經有啲飽，所以炸雞我哋只係食到一半就要打包😅炸雞係即叫即炸，配上酸甜醬有少少辣，唔食辣嘅朋友都可以試吓。炸雞配上薯條，好罪惡但係又好好食😂飲品我就叫咗一杯檸檬梳打，英文係lemonade，原來真係雪碧加檸檬😅下次試吓啲特飲先！每次份量都好大，