響 - Hibiki 日本燒肉

❤️成班舊同學聚舊，各有所好，攪手真本事，搵到呢間個個滿意嘅地方👍🏻。一出𨋢就見到雪糕櫃同人山人海，好彩book左位，唔洗等好耐。✏️每枱客人坐低一陣，唔洗order，店員就會奉上刺身生蠔拼盤、生牛肉拼盤、同海鮮拼盤，好似我地咁多人，就唔洗哂時間剔第一轉食物就有齊各式食物，Good!🔆澳洲和牛胸腹、西冷、牛舌、雞翼，encore!🔆刺身生蠔拼盤有幾種生蠔刺身，甜蝦生蠔超鮮甜，食多幾隻回本回本！🔆仲有北海道松葉蟹腳、大蝦、帶子，燒到香噴噴，大蝦係必定encore。🔆除左燒肉燒海鮮刺身生蠔，豆腐鍋、芝士年糕，我reorder左兩次。🔆任食之餘仲有任飲，連清酒、柚子酒、梅子酒、煎茶、玄米茶、茉莉花茶，都！係！任！飲！🔆已經飽到一個點，所以只食左Movenpick、Dreyers⋯⋯✏️呢度有d似去左居酒屋，氣氛好好。送上食物嘅時間算快，收碟頻率高，選擇多而且大部分高質素，我地都Bookmark左，列入聚腳點之一！…查看更多

今日約左幾個朋友食呢間燒肉放題，知道呢間都好似幾多人食，所以都book定位。晚市放題送海鮮拼盤，個人認為帶子同蝦最出色，帶子有粒小牛油係上面，燒個時牛油滲入左帶子裏面，又多汁肉又嫩。蝦就超級大隻，肉質鮮嫩，食落又唔覺好膩。仲有一條喜之次，都幾正，啲肉質都唔差幾嫩。肉類方面，賣相唔錯，油花都算分佈平均，而我特別要提既係澳洲和牛胸，因為佢係咁款隻牛裏面最好食，入口即融而且唔"韌"，識嗌一定再嗌佢，而和牛肉眼都ok係第二好食。七味豚拖羅就幾入味，有濃郁肉香加七味粉作調味，幾有口感。雞翼都大隻肉質都嫩不過就鹹左啲。剌身就全部都好新鮮，海膽肥厚好似帶點海水鮮甜，好有口感，再配合埋紫菜包黎食都得。生蠔就肉質豐厚，蝦都大隻爽口。八爪魚片都幾有咬口，三文魚、吞拿魚同帶子都幾滑嫩。其他食品例如炸物、串燒同鍋都唔錯，熱辣辣咁上，炸得幾脆口。甜品黎講食雪糕雪條都無問題，有多款口味，一定有款岩你食。…查看更多

有幾個朋友話想食好耐，早幾日下定決心要食，於是就book咗今日八點黎食。先上既係肉類，不但油花分佈平均而且色澤漂亮，試過晒咁多款牛，澳洲和牛胸係最好食，最入口即融而且唔"韌"，和牛肉眼都唔錯的，不妨嗌多幾轉。豬黎講七味豚拖羅，有濃郁肉香美味加上有七味粉作調味，入味卻毫不軟爛，好有口感。雞翼就咸左少少但肉質是鮮美的。送既海鮮拼盤樣樣鮮，帶子最出色，有粒小牛油係上面，燒個時將牛油既精華滲入帶子裏面，多汁而且肉質鮮嫩。蝦都唔遜色，超級大隻，肉質嫩而且食落仲唔膩。之後輪到剌身，全部都好新鮮，當中既海膽肥厚，濃郁甘甜，在口中會慢慢溶化，配合埋紫菜包黎食更顯美味，之後無得再嗌的，所以更加要好好品嘗。生蠔亦肉質豐厚，鮮味爽口。食完啲頭盤其實都已經有啲飽，之後嗌左少少自己想食既野同覺得最好食既肉就去攞甜品食，我揀左Dreyers既雪條黎食，估唔到呢度有，之前一直都想嘗下呢隻芝士撻味，芝士味好足好濃郁，幾好食。…查看更多

聽左呢間放題好耐，但一直因為價錢而卻步。難得遇到團購，決定組隊試試佢。場內唔算多座位，入座起計2.5小時。一入座會即刻上唔同種類既拼盤比你。刺身除左平時既基本野之外，仲有海膽同生蠔。兩者質素都未俗，海膽甘甜無臭味，生蠔偏細但重海水味。海膽無得任嗌，上完一轉就無，但生蠔有，所以我地後來都一人再叫多兩隻。刺身質素不俗，未算十分好。帶子好薄好林，同平時食既帶子刺身有少少唔同，朋友仔話因為佢唔係真既帶子。三文魚唔算肥美，蝦尚算鮮甜。之後再上另一份極上海鮮拼盤，有一條喜之次，蟹腳同埋扇貝。扇貝大大隻，仲有牛油係面，不過牛油少得滯，燒完出黎都唔覺有牛油味。底部仲有大大隻虎蝦，好有鮮味，值得推介。喜之次係北海道一種珍貴既深海魚，但是日食呢條喜之次質素一般，偏細條，每人食少少都無晒。要特別彈既係蟹腳，未食過咁難食既蟹腳。無海水味，乾爭爭，肉都唔多，每個人一打開食左一啖已經要放棄。黎到燒肉既部份，無令大家失望。款式好多，一望都見到係有質素既靚牛。D油花好靚，食落好有油香。我地特別鍾情牛胸腹，好有牛味，又有油香味，之後都Encore左兩轉。雞肉拼盤一般雪糕同飲品選擇都好多，有MOVENPICK同埋雪糕批任食飲品方面有唔同既酒類，汽水同茶，仲有支裝凍水。總結食物質素中上，但除左牛同海鮮之外其實都只屬一般。係用餐期間都出現漏單情況，我地嗌左兩次刺身只黎左一次。追單時職員只答「多單，排緊單，等一等。」有D野無嗌但就重複咁黎。團購既價錢我認為岩岩好，如果係正價黎食，我就覺得偏貴了。…查看更多

環境以日本風設計，充滿日式文化而且乾淨衛生，抽氣系統通風非常良好，食完唔會一身油煙味，坐位之間寛闊有空間感。2.5個小時任飲任食放題形式，晚市送海鮮拼盤。因為任食放題嘅關係,入座後服務員會自動先來一輪刺身拼盤，肉類拼盤，還有送的海鮮拼盤。刺身上檯時出晒煙視覺上一大享受，除咗海膽外，其他都係任食，唔夠嘅可以再劃紙仔，推介帶子同油甘魚鮮味可口，我同朋友都忍唔住叫多一轉。海鮮拼盤有鮑魚仔、蝦、螺、生蠔及喜之次喜之次燒起後魚皮脆口惹味，肉質嫩滑，鮮味足，螺同埋鮑魚都好爽口。肉類拼盤有和牛西冷、牛胸腹、肉眼、牛肋骨、豚西冷、雞肉腸、雞翼、豬頸肉，以上嘅肉類都係無限追加，另外仲有牛舌、一口牛粒、豚腩片可以劃紙仔叫，選擇夠多，檯上仲有黑胡椒同岩鹽提供，一路燒一路可以調味，提升肉片味道，非常細心。個人推介牛胸腹同豬頸肉，非常惹味可口。飲品選擇超多，有紅酒、白酒、2款清酒、梅酒，柚子酒，花茶，麥啤......等等，都係以自助任飲形式，想飲幾多都無問題，鍾意飲酒嘅話價性比超高。另外有提供和食，烏冬、蔬菜等等。而我地叫咗天婦羅試試，上檯時熱辣辣，新鮮炸起非常脆口唔油膩，亦都係我嘅推介，記得試埋榴槤炸彈，真係好好食。當日甜品有任食Mövenpick雪糕及Fruttato嘅gelato及Dreyer's雪條，附近仲有一個甜品櫃供應3款甜品。飲多幾轉食多幾轉好易回本，順便讚下當日追加嘅食物都無漏單，服務都不錯，要求換燒烤網都非常快手。…查看更多

今日元宵節，同男友食好西，見網上好多人食呢間烤肉放題，就揀左呢間間店係佐敦地鐵站A出口，大約行3分鐘就到，係間樓上舖，在白加士街101號珀軒1樓~Download響個app,仲可以成張單有9折，當日係星期二價錢收費為458一位(未計加1)，任飲任食2.5小時~一出lift門，已經見到大大個“響”字，四周都掛上紅燈籠，同埋有些櫻花點敍,好日系風服務員都非常有禮去招呼客人~放題mode正式啟動呢到既飲品比出面既放題多，佢呢到係有埋清酒，梅酒，柚子酒，紅白酒，啤酒，汽水。。。花茶etc. 都係任飲 出面飲杯紅酒都收你around $68杯啦，呢到仲要任飲一來就order個刺身比自己，成個拼盤上，有三文魚，油甘魚，甜蝦，帶子，八爪魚，海膽，海膽仲有個紫菜跟，包住紫菜食一流，海膽味道甘甘地，帶子甜蝦都好鮮甜原來餐廳晚市入座仲送一個海鮮拼盤海鮮有鮑魚，蝦，螺，生蠔同魚螺肉同鮑魚都好爽口，魚肉都可以~另有一份烤肉拼盤有雞翼，雞肉腸，澳洲和牛西冷，澳洲和牛肉眼，米澤三元豚西冷，澳洲和牛胸腹，美國牛肋骨，七味豚拖羅~ 非常豐富我們最愛的還是澳洲和牛肉眼和澳洲和牛西冷點埋燒牛肉汁食，真係超級好食，果然係高質靚牛，肉質又嫩又juice其實食幾碟已經回晒本，因為出面食塊靚牛，起碼都幾百雪糕仲要係Movenpick同Dreyers門口仲有d甜品，因為太飽已經食唔到了但係我仲影得到，哈哈~真心覺得性格比高，岩晒酒鬼，牛魔王既朋友…查看更多

見到好多食評都話呢度高質，而且又咁啱有團購優惠，所以就去試吓，不過有其他附加費，其實最後每人都4佰幾唔算好抵好平'囉。環境嚟講我覺得有少少逼，(牛角)仲坐得舒服d。呢度一坐低會先上 (刺身拼盤，海鮮拼盤，燒肉拼盤)另外飲品係任飲，有紅/白酒，梅/柚子酒，啤酒&汽水，仲有甜品有 movenpick 雪糕。刺身盤有漁膽、帶子、甜蝦、三文魚、八爪魚、油金魚、吞那魚，其實都好豐富尚算新鮮。海鮮盤有喜之次其實好少見，仲有鮑魚、螺、蠔、蝦。除左蠔同蝦麻麻地之外，其他都係可以。燒肉盤有豬牛雞8款肉，食完都飽左一半。不過肉嚟講我又覺得只係普通料，未至於入口即溶有肉香油香嘅感覺。總結: 如果無優惠我就肯定唔會再幫襯，呢個價錢可以去食更好燒肉。…查看更多

今日同3個朋友黎食呢間「響」日本燒肉！冇錯又係日本燒肉！燒過嘅肉真係好好好好味，唔可以抗拒又要再肥了！睇睇店內環境都超有日本feel,好正！先拎野飲先，同一般放題一樣都有好多唔同野飲自已拎！我今次試試韓國嘅蜂蜜檸檬茶！都唔錯架！如果飲酒嘅都有得拎清酒，好似都係免費！但我地就冇飲啦！等咗一陣肉黎啦！超正每種肉都有分好哂名！覺得幾好，平時最怕就係好食嘅肉但又唔知咩名，唔可以之後再叫翻！今次就冇呢個問題啦！燒啦燒啦！個人覺得雞翼係醃得偏咸嘅！另外有一個幾特別嘅就係附骨腸！錫紙包住嘅係一舊骨，我諗應該係方便我地拎住食！幾有特式，另外味道都好似比平時食嘅腸好味，我d朋友都食咗幾條！係時候燒海鮮啦！大家記住有殻果d 要加d清酒，枱上果樽，防止啲殻爆開，同埋癖腥味！另外魚最好先燒皮果邊先，如果唔係就痴哂底啦⋯⋯我地仲有食刺身架！張相係咪好有仙氣？正 主要好想讚讚個海膽！好味！另外甜蝦都好正，而且比一般嘅大！另外其實仲有其他熟食例如天婦羅🍤，但朋友都搶食哂冇影到！天婦羅我個人覺得都幾好味，尤其係蝦同訓茄子🍆！最後係甜品時間，我其中一個朋友第一時間拎咗榴槤雪糕，佢話好少放題會有，低讚！而我就唔食榴槤嘅，但movenpick 真心要拎啦，任食啊！正！平時都係限住每人一個好sad架！今次任食正好多！總括，呢間燒肉都幾多元化，又多選擇！正…查看更多

早前老公🍋上網找到了一家燒肉放題店📱，2.5小時內和牛放題🐮，對於牛魔王的我倆簡直有如天堂😇！事不宜遲😎，這晚放工馬上過去💨！大堂放了大大的招牌😳，氣勢磅礡🌟。店內位置蠻多😌，另外抽空系統也不錯🌪，絕不會有煙霧迷漫的感覺👍🏽。飲品選擇也很多🥤，更有日本及韓國啤酒🍺，全都是任飲的喔🎉~雪糕則是人妻🐷大愛的品牌💘！多款味道任君選擇👏🏽，單食雪糕也夠喇🤣~刺身拼盤🐟：除了海膽外🌊，其他的刺身也是可以任點的📝。三文魚肉質肥美🐠；吞拿魚入口鮮甜😋；甜蝦味道鮮美🦐，每款都是新鮮度滿分的😍！味付螺肉🐚：人妻🐷最愛的前菜之一💖，口感爽脆😋，用來配啤酒也不錯呀😉。海鮮拼盤🍱：凡惠顧晚市放題皆可享用的✨，當中包括了蠔🌊、翡翠螺🐚、鮑魚💓等，最驚喜的一定是那喜之次🐟！海鮮非常新鮮👍🏽，肥美味甜🤤，質素其高👑！燒肉拼盤🔥：主角出場了🌟！店內提供的和牛來自澳洲🇦🇺，有多款不同的部位🤩，包括西冷❄️、胸腹💗、肉眼👀等，另有日本直送的豚肉等🐽，看得人妻🐷眼花繚亂🤪。牛肉油脂分佈平均😍，肉味濃郁😋，但千萬要記住不要燒太久喔🔥~甜品🍰：除了雪糕外🍨，其實也有其他的😅，不過人妻🐷當然主力雪糕嘛💪🏽~ 綠茶🍵、朱古力🍫、咖啡☕️等等，超級大滿足的💘！總結：店內也有提供白酒🍾、紅酒🍷及清酒🍶等，這個價錢絕對不貴💰，加上食物質素之高👍🏽，絕對是物有所值😃！…查看更多

諗返起之前去日本指定動作就係去食燒肉，自己係屋企永遠唔會整到果種味道, 而且全係食極都唔會厭，今次有朋友提起想食燒肉放題, 就依openrice 的search result 搵左間日式燒肉店做今晚晚餐。店內面積不算大, 但樓底高, 坐得幾舒服。除了主打烤肉, 熟食、烏冬都有供應。而且唔單止汽水同茶, 連日本清酒紅白酒同梅酒都係任飲, 剩飲都化算。 先上黎的係刺身拼盤選擇都幾多,三文魚甜蝦帶子油甘魚呑拿魚八爪魚和海膽三文魚夠肥美, 如果帶子切厚少少會再開心D帶子同油甘魚嘅質素都幾高, 我地之後都encore 左幾次,以放題店來講, 這裡的刺身嘅質素都算唔話得之後上的係海鮮拼盤鮑魚比想像中大隻厚肉，口感帶勁煙煙刃刃 蝦夠大隻, 螺都好鮮甜喜之次D肉都夠白夠鮮然後就到重點嘅牛肉，和牛牛肉的質素很高肉質好香, 肉嫩又juicy，澳洲和牛胸腹色澤鮮紅, 脂肪分佈平均, 澳洲和牛肉眼同樣肉味幾出, 脂肪幼密細緻澳洲和牛西冷燒至五成熟就食得, 夾著絲絲脂肪, 咬個時啖啖肉啖啖汁七味豚拖羅（豬頸肉）厚薄適中, 燒到有焦面就可以食, 豬肉味甜, 感覺脆口骨付雞肉腸惹味鮮嫩又多肉汁, 食起黎有少少焦香味, 充滿了肉香, 入口爽而不膩雪條雪糕有Movenpick有dreyers 又有本地榴槤雪糕, 多元選擇,而且仲有不同種類的甜品,多種選擇, 食到捧住個肚走!!…查看更多

朋友仔慶生，知他喺食肉獸，搵間放題最啱他，經同事介紹得悉佐敦有間日式燒肉放題-嚮，質數唔錯，所以即是訂座試下店內裝潢和風設計，座位舒適，放題包括刺身、燒肉、天婦羅等等，種類繁多，相當豐富一坐下來，店員隨即奉上魚生刺身刺身款款新鮮，尤其帆立貝鮮甜美味海鮮拼盤十分豐富，包括海老、蠔、鮑魚、螺及喜知次海老size 大隻，肉質雪白、彈牙，口感唔錯鮑魚新鮮、鮮甜美味喜知次雖然細細條，魚肉鮮甜，燒熟後，魚味濃郁，肉質結實，食到停唔到燒肉拼盤列明各種肉類 ，方便試完後可以再添食和牛西冷，牛味比較濃，肉質幼嫩多汁肉眼腍身，好香什菜、蝦天婦羅，呢個好有驚喜炸粉一尐都晤厚，唔油，好乾身柚子酒，柚子味道香濃，味道凊新，配燒肉十分夾食埋movenpick雪糕，呢餐好滿足…查看更多

本月是我的生日月 生日飯吃不停 本來就唔係咁鍾意食放題 但朋友請到 梗係要賞面 五點半開餐 別人可能覺得早但我就異常喜歡 走入餐廳 覺得佈置氣氛非常好 服務員招呼也很好安排座位後很快便上了三盆非常吸引的拼盤飲品也十分吸引紅白酒梅酒柚子酒 及汽水飲料都任飲 可惜我兩都不好酒 就先來兩杯窩心熱茶包兩個半鐘飯局 加了不少食物 以天婦羅最為吸引 無論是大蝦 番薯 及南瓜也很有水準脆漿非常之薄 入口鬆化可惜我倆不是大胃王 很快肚子已滿滿的 但也抵擋不住 最後甜品 名牌雪糕的誘惑 感謝朋友帶給我愉快滿足的生日晚餐…查看更多

辛苦工作咗成個星期，幾個兄弟即興吹雞約食飯，一呼百應，其中有人提議食好啲，話要食和牛，就揀咗呢間日式燒肉店去試試，晚市放題時段分三段，我哋一班人揀咗食第一段，即5:30pm至8:00pm，一放工即到餐廳門口等，餐廳位於一樓，眾人懶得行樓梯，一齊搭lift上去，內𥚃座位不多，但感覺寬敞，環境舒適。我哋坐低後，侍應隨即送上一盤魚生刺身，當中有三文魚、油甘魚、吞拿魚、帶子、甜蝦同八爪魚，仲有成板海膽㖭，刺身新鮮，肉質爽口，真係好正！跟住海鮮拼盤送上，嘩！除咗有鮑魚、大蝦、生蠔、螺之外，竟然日本三大名魚喜知次都有，我都係第一次用喜知次嚟燒，以前通常都係食刺身多。嘩完我哋又再嘩！因為兩盤燒肉拼盤駕到，主菜盤當中有美國牛肋骨、澳洲牛西冷、牛胸腹、肉眼同米澤三元豚西冷，而另一盤則有雞翼、骨付雞肉腸同七味豚拖羅(豬頸肉)。我哋將貝殼類海鮮放喺爐邊燒，中間就燒肉類，咁樣就可以一邊燒肉一邊等海鮮熟，慳啲時間食多啲囉。而且啲和牛真係肉嫰多汁，再點啲喜馬拉雅山玫瑰鹽嚟食，更能帶出多幾分牛肉香味，當中最好味就係和牛西冷，我哋追加咗幾碟之餘，再叫多份厚切牛舌片，牛舌口感嫩滑，食前加幾滴青檸汁，一啲肥膩感都冇，食唔停口。另外，我哋加咗啲七味粉去燒雞翼同豬頸肉，真係超好味。而海鮮就落啲清酒一齊燒，既可提升海鮮鮮味外，啲肉都冇咁乾，好食好多哦！一班酒鬼，不停咁飲，嚐盡各式各樣酒類飲品，有sake、梅酒、柚子酒、紅白酒、麥啤同韓啤，如果唔飲酒亦有其他飲料，最特別係有蘋果味嘅玉泉+C，仲有一系列冇防腐劑嘅韓國果汁，啲果汁有幾多果肉粒㖭，又幾好味喎！除咗標準嘅蛋糕、撻甜品外，亦有Movenpick杯裝雪糕任食，不過榴槤雪糕一定要試，榴槤味非常濃，仲有兩隻好有趣嘅雪條：芒果益力多味同另一隻澳洲雪條，由果菜汁造成，味道清得嚟幾特別，總之就係好味啦！最後揀款喜愛茶包，泡杯熱茶解解膩。一班兄弟都覺得呢間餐廳服務好，食物質素高，大家決定約個時間再嚟飽餐一番！…查看更多

一個月總要帶媽子出街食返餐，扮下孝順嘅。令次就帶佢黎響呢度等佢任食一番，最緊要係有佢最鐘意嘅靚牛肉任燒。本身訂左枱，但提早上到黎都要等一陣先有得入席，可見呢度幾咁旺場。等位時順便睇下有咩甜品食，MOVENPICK任食，雪糕都有幾款仲有少見嘅榴槤雪糕。另一邊有幾個自製芝士餅／布甸及朱古力餅等，一陣可以食返兩件。一坐低伙計即刻送上海鮮併盤，睇落十分豪華。有鮑魚／海螺／大海蝦／蠔以及成日俾人誤會係大眼雞嘅喜之次。雖然唔係得令時節但放題食到喜之次都算係咁了。燒嘅時候加啲清酒去煮，除左令海鮮更快熟之外，酒香亦可以僻去海鮮嘅腥味，一舉兩得。刺身拼盤仲有一板海膽，認真豐富。三文魚同油甘魚都肥美滑嫩，帶子及甜蝦都新鮮可口。可惜係吞拿魚有啲筋失左少少色。和牛拼盤隨即趕到，唔同部位都標示清楚，方便食完第一ROUND之後揀選心水牛肉部位繼續食盡佢。牛肉油花都均勻，肉眼及牛胸腹因為油花間隔得最均勻，燒時唔需要太留意火候。兩邊燒差不多三十多秒就剛好半熟，入口口感最好，肉汁仍然豐富有油香味。兩款西冷／肋骨都偏瘦肉多，燒到七成熟會更好，肉香味濃唔需要沾太多燒肉醬汁就已經好好食了。牛舌厚切所以食起上黎口感十分滿足，加上燒起上黎勁多油脂火光紅紅咁，香味十分誘人。之後都主攻牛舌／肉眼同埋牛胸腹，燒到半熟加少少燶邊，真係無得彈。食到一半先醒起呢度酒類都係任飲，即刻攞返幾杯配燒肉。香甜加上少少酸嘅梅酒最啱配搭燒肉。燒烤點可以無自細鐘意食嘅雞翼？所以都揀左啲雞翼／單骨雞肉腸黎燒，過下口癮。最後加碼一個烏冬壓一壓肥同清下油膩感，食埋一早揀好嘅士多啤梨雪糕及芝士餅，清熱氣又可以去除油煙感，成餐就滿足地完成了。…查看更多

今日專誠同朋友嚟咗佐敦食日本燒肉，「響」呢間新開無耐既燒肉店，將日本燒肉夾埋放題一齊食，香港人點會唔鐘意，點會唔紅啊！！去到已經好多人等緊8點鐘入席食啦！環境方面，燈光好開明，環境好寬敞，四個人坐沙發位一啲都唔逼。燒烤既設備設計得好完善，抽氣做得好好，入到鋪頭完全問唔到好大陣燒烤味，呢樣野好重要，因為次次食完燒烤都唔想件衫臭晒！先來「刺身拼盤」，有新鮮、帶甘甜海水味嘅海膽，包住紫菜食，一大享受！仲有爽口彈牙嘅甜蝦，鮮甜肥美嘅三文魚，好滿足！「海鮮拼盤」，有林林總總嘅海鮮俾我哋報銷，包括有大大隻又活潑嘅鮑魚，仲有五六條超大條嘅鮮蝦，仲有幾樣貝殼類嘅海鮮添！全部都好新鮮同埋好鮮甜呀！「和牛拼盤」估唔到淨係牛都已經有咁多選擇！有來自美國同埋澳洲嘅牛，等你慢慢燒，慢慢品嚐到底有啲咩唔同啦！記得唔好燒到太熟啊，如果唔係啲牛就會變到好硬，無咁好食架喇！天婦羅方面，都有好多選擇，包括有海蝦、番薯、冬菇、茄子、南瓜，全部都係即炸架，熱辣辣好滋味！仲有鍾意食榴槤必叫嘅榴槤波波，爆醬好juicy呀！我地仲叫左兩個鍋，分別係「豆腐鍋」同埋「泡菜雜菌鍋」，加埋爽口又彈牙嘅讚岐烏冬落去食，就夠晒飽啦，提提大家個泡菜都幾難架，如果食唔到辣嘅朋友就叫返豆腐鍋會比較穩陣！想食日式燒肉放題既朋友可以一試～ …查看更多