淥鼎記

食評8月18號晚幫襯，講下當晚詳情:每一枱會送一次性既四格小食拼盤，其中三格算唔錯，有一格炸魷魚鬚又凍又唔好食，好扣分仲有一次性既刺身都算新鮮，唯一差既係比較腥既蠔，食落臭臭地，唔新鮮！裝蠔果隻兜淨番既水係渾濁既灰色酸菜魚好食，夠嫩又夠味，抵讚！仲有一次性既火鍋海鮮拼盤加靚牛肉，之後其他無限任點任食既只有小食枝豆，加全部賣相不堪入目既火鍋肉片，非常唔抵食！除此之外，要講番點解標題係員工衛生意識薄弱:1. 有個廚房佬拉低曬口罩，企係樓面範圍既出菜位叫侍應出菜，d口水。。。寧比人知，莫比人見啦！疫情咁緊張！2. 食到中途，有位侍應阿姐話幫我地換碟，點知原來佢係推住個無蓋既垃圾桶，將我地本身隻底碟，放入個大垃圾桶入面大大力拍，清完d骨就比番原本用開隻碟比我地。換過隻乾淨碟有幾難？3. 最扣分既位，臨走上一人得一杯既雪糕，有一位金色短髮冬菇頭既阿姐，眼見佢係經理級或稍為高級既店員。佢放低雪糕落枱果陣，掃左其中一隻匙羹落地而唔知道，我地執番起果隻匙羹，麻煩佢幫我地換過另外一隻，佢竟回應隻匙羹有膠袋包住，跌落地都無問題，塞番落黎叫我地照用！人均消費成400蚊，成餐飯d好野食限住曬，靚牛每人得3至4片，雪櫃野飲少選擇，所有啤酒要加錢，都算！連一隻匙羹都唔肯換，究竟咩事？食完仲要腸胃炎，如果同等價錢，有食過其他同類型餐廳，唔會係咁既體驗！…查看更多

今日去咗位於觀塘OPC打邊爐。KT站旁邊嘅淥鼎記，周末無限時放題有嚼嚼套餐$368加一、包剌身拼盤、小食前菜、烤魚/雞煲、5款時令海鮮、安格斯牛肉、其他火鍋配料⋯⋯⋯🥩🥬🌽🦐🦑🐟🍢飲品方面除咗大路包裝汽水果汁之外、仲有獨立包裝自家泡茶、涼茶🧃🥤Chicken or Fish🤔梗係楝烤魚啦！麻辣香烤原條上、拍得住坊間專門店😋😋邊爐湯底揀咗清清哋嘅花膠雞，雖然係平價花膠但都有十幾舊👍🏻海鮮盤有5款、鮑魚、海蝦、沙白、蜆、大扇貝；當中只有海蝦🦐可以任食，好在鮑魚都仲識郁，哩part 冇乜驚喜👌🏻安格斯牛肉🥩都冇得任食，不過賣相都相當靚仔，六人份出手都算大方，厚薄適中口感一流，肉味香濃😋😋其他火鍋配料選擇唔算多、尢其蔬菜類，不過食得晒上面嗰啲都已經飽左九成🈵️ 再食都食得唔多😅除此之外、仲有幾款小食前菜、飯前飯後可以點少少邊食邊吹水🍻甜品一人一杯Haagen Daz 雪糕🍦🈵️🈵️🈵️…查看更多

早2 年已經光顧過淥鼎記，記得味道好又抵食， cp 值，一直念念不忘。今次再次黎食， 我地叫了爵爺套餐，假日$358,無限時任食，每位贈送豪華海鮮拼盤，日本直送時令刺身，美國prime 牛小排，另外我地了揀酸菜魚，魚片啖啖肉，薯粉亦非常煙韌。而刺身有帶子，北寄貝，長腳蟹等，種類多和新鮮。火鍋我地揀了花膠湯底，對湯底有d 失望，只是用了雞粉去烹調。火鍋食材方面， 海鮮拼盤新鮮，種類都多。美國prime牛小排高質，配火鍋一流。…查看更多

前菜都有六款選擇都可以任食。台式鹽酥雞真係令我食不停，香脆入味，好惹味。飲品都有好多選擇，但一定要飲自家製清熱涼茶，今次有竹蔗茅根，唔會太甜又足料，而且獨立包裝感覺衛生。老壇酸菜魚，滑嫩魚已肉起骨切片，吸收湯汁精華後味道香濃酸辣，配料仲有寬粉、蓮藕、萵筍等，份量好大，兩個人幾乎食唔晒，仲要留肚打邊爐。食完之後再揀湯底打邊爐，湯底揀左花膠鮮雞美人鍋，濃味好飲又可以養生。海鮮拼盤有鮮蝦同蜆，另外仲有多達40款火鍋配料任食，推介手工蝦滑、墨魚滑，超級彈牙。最後仲有甜品北海道牛乳布丁，香滑奶味重。今次係第二次黎食，之前食過覺得CP值真係好高，飽到要捧住個肚走，同埋鍾意呢度地方大，樓底高，座位闊落坐得舒服，又有卡位。…查看更多

記得係大陸去過一間叫祿鼎記既餐廳食酸菜魚…好好味…咁啱早排朋友同我講話香港都有間叫淥鼎記…火鍋放題形式…仲話野食唔錯…可能個名既關系…引到我同班朋友黎試下到步見到門口有對舞獅頭…幾特別…入到去見到都好多人食緊野…估計野食應該唔錯同班朋友坐低後…有ABC餐揀…主要係海鮮種類多少…而C餐就多左個刺身拼盤同牛小排！最後大家話食豪D就揀左C餐之後店員詳細解釋成個流程…首先食餐前小食…再食刺身…之後就雞煲或者酸菜魚二選一…之後再揀鍋底打邊爐…中庭位置仲有其他自取火鍋配料同飲品…聽到都知多野食話咁快就有餐前小食…我地有鮑汁扣雞腳…泡椒雞翼尖同埋鹽酥雞…唔好諗住放題既小食會好求其…3樣都好好味…雞腳炆到入哂味…個汁好香濃…雞腳一妹就搞掂😍…泡椒雞翼尖…帶微辣(如果再辣d仲惹味)…皮脆…鹽酥雞即炸…熱辣辣…好味食完小食就到食刺身…有三文魚…蝦…帶子…鮑魚…仲有一款白魚(唔記得問乜魚…)…一睇個樣就知新鮮…尤其款白魚…覺得好似擦左少少黑松露咁好鬼香…可惜個餐只包一盤…唔係實encore食完刺身…店員過黎問想食雞煲定酸菜魚…見好多放題都無酸菜魚揀…加上店員話酸菜魚好味…咁就試下佢啦…盤酸菜魚到時真係嘩一聲…好鬼大盤同好靚…個格局成個太二酸菜魚咁…第一時間飲啖湯…個湯好好飲…酸辣啱啱好(其實辣d仲正)…湯夠熱要讚…再試下舊魚…好有魚味同好嫩滑…最緊要係無骨啖啖肉…配料仲有萵筍…蓮藕片…粉條(透明)好鬼煙韌…八卦問下…用左鱸魚…用料一d都唔孤寒…佢既酸菜魚比出面好多川菜館做得好…食完魚就到打邊爐…好多款湯底揀…原先想揀麻辣下…不過見試左酸菜魚…就揀個唔辣既湯底…最後就揀左個花膠美人鍋…個鍋好多花膠…可以補充骨膠原…跟手上埋個C餐先有既牛小排…一望就知唔錯…油脂分佈均衡…即刻淥塊試下…個個都話好香牛肉味…有質感又唔會韌…見到金牌墨魚滑同蝦滑又點黎試下…兩隻都好味…雖然未到好彈牙…不過好有蝦味同墨魚味…墨魚滑仲食到少少墨魚粒👍👍…跟住仲有個海鮮拼盤…有蟹…有海蝦…有鮑魚(仲識郁)…象拔仔…同蜆…呢隻蜆真係好鮮甜…之後出去攞多少少火鍋配料就已經好飽了…自取既火鍋配料就正正常常…不過都幾多選擇我就已經飽到連甜品都食唔落…不過朋友話個牛奶布甸都唔錯…呢度無論食物質素…選擇…就算連服務都好好…店員都好細心…如果大家鍾意食火鍋放題同酸菜魚…真係可以黎呢度試下…查看更多

食酸菜魚的癮起，其中一位同行朋友試過外賣淥鼎記的酸菜魚並大讚好食，於是我和另外兩位朋友就跟她一起來這裡試試book了6:30pm，沒有時限，可以直落到11pm的閉店時間。大概7pm後才愈來愈多食客，全場爆滿！星期五六日及假期貴$10，每位$338，就可享「淥鼎記御膳火鍋十二宮」套餐。入座後，可先點選前菜，任食的，有6款選擇。我們試了其中4款，泡椒雞翼尖﹑台式鹽酥雞﹑香醋鮮雲耳及胡麻醬秋葵。鹽酥雞香脆不油膩，秋葵脆嫩不會老，雞翼尖的辣味較單調，個人覺得雲耳的醋酸味有點怪，但朋友就覺得ok！吃完一round前菜，店員就送上刺身拼盤，有赤蝦﹑帶子﹑三文魚﹑螺片及鯛魚。刺身只有這一盤是free的，隨後要加錢才可追加啊！三文魚厚身又肥美豐腴，赤蝦大隻爽口又鮮甜，帶子嫩滑味甜，鯛魚清甜，每人都只是分到1隻/1片。螺片的份量最多，質感不韌，容易咬！刺身過後，就要2選1，重慶麻辣雞煲或老壇酸菜魚。我們因著酸菜魚而來，當然毫不猶豫的要酸菜魚！！沒有辣度選擇～酸菜魚一上桌，大家都驚訝的覺得好大盤啊用料好豐富！！先試一口湯，湯底味道偏酸。配料有魚片﹑酸菜﹑芽菜﹑萵筍﹑蓮藕及寬粉。魚片份量多，魚肉又厚身，質感嫩滑得來又不易散，好有咬口！其他配料也不錯，寬粉大片，份量多，質感爽滑。萵筍及蓮藕又夠爽脆～～辣度不算很高，但麻的程度幾厲害，酸辣加上麻，食到嘴唇都震，好過癮一大盤的酸菜魚，令我們4個女生都幾乎有8成飽！緊接下來還有火鍋！有5款火鍋湯底可選，才剛吃完酸菜魚，就不選辣的湯底了～來個滋養一點的花膠美人鍋～～店員送來一客海鮮拼盤及一份美國Prime穀飼雪花牛小排，同樣的，這兩款食品都自此一round，可再付費追加。海鮮拼盤有蝦﹑扇貝﹑刀貝﹑鮑魚及蜆。所有貝類都夠新鮮爽口又甜稍稍嫌蝦的肉質不夠爽口彈牙而已！牛小排的份量都幾多，肉味香濃，質感滑得來又有嚼勁！最後就是自取火鍋配料的時間，由於食完海鮮都有8~9成飽，我們都沒再追加其他肉食了。雖然宣傳海報上寫有50多種火鍋配料，但實質好像沒看到有那麼多啊！較為推介的火鍋配料是wasabi貢丸，原粒吃，wasabi的味略為嗆鼻，幾有趣！炸魚皮夠大塊又脆身～第一次試豬血糕，口感幾有趣，中間夾著一些糯米的，味道則沒什麼特別。最後就是吃淥了好久的花膠，大大片又夠稔身，吸盡了湯汁，很好吃！！與其他火鍋店有少少不同之處的是，淥鼎記的飲品雪櫃，有一半是放了大膠杯裝的竹蔗茅根～～味道清而不會太甜，確定感覺幾健康啊！總括而言，淥鼎記的食品質素，不論是刺身﹑酸菜魚或火鍋配料及湯底都很好吃，連加一服務費，每人約$370就吃到超飽肚了！！座位舒適，抽風系統也不錯！！…查看更多

好耐都冇食過咁好味嘅雞煲！色香味俱全！芫荽、芹菜、紅蔥頭、蒜頭同埋好多好多嘅香料混合出超正香味🔥🔥🔥味道做得好惹味！絕對唔會太鹹，辣得好過癮！雖然只係叫咗小辣，但係都好辣，但係又好好食，停唔到🔥🔥🔥🔥我諗佢係抽起咗啲好多骨嘅位置，因為食咗好多都係啖啖肉好入味！絕對會因為個雞煲再嚟多次！另外一樣好抵讚嘅係餐廳環境乾淨企理，夠晒光猛飲筒都係獨立包裝，感覺衛生而且樓底好高，整體用餐都幾舒適👍🏼雪櫃擺放飲品同埋食物都好整潔方便一眼望到不同嘅選擇☺️☺️食完個雞煲，可以就咁加水打邊爐，咁就冇乜特別啦~~佢哋呢度超勁! 係可以揀另外一個火鍋湯底打邊爐，真係有排食!有排享受!唔怪得知咁多人揀無限時任食😌😌佢哋嘅海鮮拼盤，以致蔬菜等等，都算好新鮮👍🏼 d蜆脹卜卜好大粒，又鮮甜👍🏼👍🏼…查看更多

今日同男友在觀塘工業區行逛後，他突然說晚餐想吃火鍋，一時間完全想不起附近有什麼火鍋店，然後在openrice的搜尋下，找到了一間評價不錯的餐廳《淥鼎記》，名字十分特別，決定試一試餐廳位於apm附近，非常易找。一到達餐廳，就被它宮廷式的設計吸引，即刻拍照打卡！我們今次吃的名為御膳火鍋十二宮，分別有十二款不同款式的食物按次序送上，淨看看菜單已令人十分期待！首先來到的是一碟碟的錦繡前菜，份量適中，令人愈吃愈開胃。同時，我亦拿了一杯竹蓆茅根作飲品，它是餐廳自家制的，味道一點也不甜，完全沒添加劑，又健康又止渴。下一道刺身盛合，有三文魚，帶子，深海池魚，赤蝦，非常新鮮，不消十分鐘已被我地吃光！下一道可選擇酸菜魚或雞煲，由於我們都不太愛吃魚，所以選了雞煲。雞煲加入了芫茜辣椒及洋蔥作調味，而雞肉亦非常入味。更重要的是肉質很嫩滑，很易咬開，份量亦比想像中多！然後就到重頭戲，養生湯底打邊爐了！我們選了花膠美人鍋，感覺較特別較健康。待湯底煲滾後，我便立刻嘗一嘗花膠湯，雖然還沒加入任何火鍋配料，但味道非常鮮甜，令我想起媽媽煲的花膠靚湯，很有家的感覺。嘗完湯後，我們才開始加入海鮮及牛小排。不得不讚的是美國雪花牛小排，雪花平均分佈，味道入口即溶，而且肉質不會太肥或太瘦，比出面餐廳吃到的更好吃，完全感受到是新鮮貴材，但可惜只有一碟，不能再點。另外，海鮮亦非常出色，材料新鮮運到，有鮑魚，象拔蚌，聖子，海蝦等，有時食海鮮很怕會吃到沙，但這裏沒有，海鮮處理得不錯呢！而且每款海鮮都是雙份的，吃到這裏已覺得值回票價了。最後，我們還點了少量自己喜愛的火鍋配料，由於有點飽了，所以叫得不多，以免浪費。總括來說，晚餐的價錢絕對超值，下次會帶家人再來…查看更多

今日行完山好肚餓，所以決定試下這間－直都好想食的火鍋店，保證可回本（自己以為）收費每人＄338，有加一。如埋單比現金可享有98折優惠，但要以正價加一！平日食可買openrice ＄311－人優惠券。醬料大約有８款，可任拎而不另外收費。最大優點係無用餐時限可慢慢嘆，無壓力食得舒服自在餐廳環境闊敞，多卡位不會有壓迫感，坐得舒適。而佈置以中式風格為主！12道菜式以順時針開始品嘗，略有特色。而每一道菜食完，侍應才會上另一道菜，不會－次過上齊，甚有規律12道菜式有:1.前菜4小碟枝豆，雲耳朵（爽口），秋葵，苦瓜（酸酸地好開胃）2.時令刺身（按人數份量）三文魚，白身魚，甜蝦，柱貝，三文魚籽 - 刺身新鮮甜美3.麻辣雞煲（任食）／ 酸菜魚（－次）我們點了酸菜魚 - 有好多乾辣椒，酸菜，芽菜，魚片等，份量比想像中多。也有菊花瓣做點綴。酸辣麻的味道令味覺大受衝擊，十分惹味魚片好爽滑4.湯底（六款任揀－款）花膠美人鍋 - 花膠只按人數份量，冇其他湯料，略遜色火鍋料5.海鮮拼盤（按人數份量）蝦（－般），蠔（略瘦有沙），鮑魚（彈牙），花枝片（爽口），貝類（肥美鮮甜）6.雪花牛小排牛小排色澤靚，肥瘦均勻，好好味7.手工丸（８粒）蝦丸，墨丸，豬肉丸 - 夠彈牙8.火鍋配料（任食）有各式餃類，丸類，蔬菜類，面麵類，海鮮及肉類等數十種。材料新鮮，午餐肉厚切，不錯吃9.蔬菜類（任食）有生菜，娃娃菜及金針菇，可在出面雪櫃任拎。10.－品御飯（按人數）用細碗上，我們只要了2碗share食，食到尾聲實在太飽了！御飯其實是香菇粒飯，飯面有蝦乾仔，食落有咸香味。11.甜品上枱時用乾冰噴出煙霧，營造整個火鍋爐好有仙氣這甜品其實係糖水，有龍眼肉，山渣餅，西瓜粒及我估係寒天，味道奇特，不是人人都接受到:(12.自家制健康飲品有羅漢五花茶，竹蔗茅根（不太甜，真材實料好飲），少甜豆漿（有香濃豆味，香滑）。還有其他罐裝汽水及紙包飲品另外還有小食任食炸魚皮（鬆化可口），地瓜條（香甜好味），鮑汁雞腳，鹽酥雞（香脆惹味）今晚我地慢嘆食左3個半鐘，也沒有催趕人走，哈…查看更多

今天晚上帶好友到觀塘一間任食火鍋，選擇這間餐廳因為空間感足夠，坐得舒適，而餐廳更是無限時，十分適合和好友慢慢享受晚餐一坐下便先點一個小吃，小吃上菜快，可以食著等美食炸地瓜條和鹽酥雞 - 鹽酥雞沒有很厚炸粉，炸得鬆脆。炸地瓜條則是滿滿地瓜，十分適合飯前小吃涼菜四點 - 最愛是苦瓜，不會很苦而是很爽脆刺身拼盤- 有比較貴價的䲞魚，肉質爽口鮮甜！賣相絕對是打卡之選酸菜魚 - 魚肉非常香滑，重點是沒有骨！配上麻辣酸菜湯，真是吃不停口！花膠美人鍋湯底 - 當然是先喝湯，湯底清甜又帶花膠味，作為火鍋湯底是十分養生手打丸 - 有蝦丸，墨魚丸和豬肉丸。因為是手打所以很彈牙！海鮮拼盤 -有鮑魚，鱿鱼，生蠔和蜆美國牛小排- 非常有牛味，油花均勻其他火鍋配料是可以逐件點的，非常適合眼闊肚窄的我！推介是魚腐，脆魚片和響铃食完火鍋很會有一品御飯，脆蝦乾和雜菇混飯，都非常惹味宮廷美點 - 賣相加分，像是四川冰粉，夏天吃份外涼快這間餐廳食料非常高質，種類也特别和多！下次和朋友都會再來！…查看更多

計埋今次, 已經係第三次嚟淥鼎記, 原因為佢個老壇酸菜麻辣鍋太好飲, 就算淨係飲佢個湯頭都會好滿足。佢嘅晚市套餐係會包下面野食品頭盤：我三次嚟都係唔同嘅食材，試過淮山漬, 苦瓜漬, 黑醋雲耳, 羅白漬, 豆腐漬, 蓮藕漬等, 每一個樣都係水準之作, 好味。刺身：三次都係一樣, 章紅魚(大喜屋級數)、帶子(大粒有L SIZE, 都叫甜)、三文魚籽(好甜)、牡丹蝦(急凍貨, 三次有兩次融雪處理做得唔係幾好)海鮮併盤：蠔 (有蠔味, 鮮甜, 但肉薄咗啲)、鮑魚 (洗清唔係做得好足, 都重鬼黑, 上枱時重識郁, 好食)、生蝦 (正正常常, 有蝦嘅甜味, 肉質彈牙),  墨魚配蟹籽 (個配搭幾九唔搭八, 基本上一入鍋就一定散, 唔明點樣配, 食味一般)手工丸：墨魚丸(有黑魚粒, 肉質彈牙, 正正常常手工丸)、蝦丸( 有點兒死實, 有蝦味, 正正常常手工丸)、鯪魚丸( 正正常常手工丸)牛小排：好食, 靚位, 有明顯雪花紋,  厚度1MM, 咬落有質感, 有牛味, 我哋加錢叫多咗一碟(59蚊9片)雞煲：好味, 我哋叫中辣, 辣味後勁不錯, 唔會越食越無味。老壇酸菜麻辣鍋：就係因為試過依個湯底, 所以就食過3次, 湯頭好甜, 但同酸味好平衡, 大家唔會太搶, 可以做到好立體有層次, 會飲得出比此的食味。食品：自家制涼茶及冷泡綠荼, 有誠意。火鍋配料：基本上同坊間任食火鍋差唔多, 係好啲咁。但的餃啲質數明顯好過晒佢哋好多。甜品：宮廷美點係四川寒天粉, 本人唔係太好, 但影相係幾好嘅。…查看更多

第一次嚟呢度，覺得有新鮮感而且裝潢幾好，感覺舒服。入到去我哋一共三大一細，開頭淨係知道可以食火鍋，原來冇乜餐牌，只係一個牌寫明有幾多樣嘢，我哋都好好奇，然後叫侍應起菜，然後佢就問我地要咩價錢？我哋都一頭霧水，我哋都唔知要點樣計，佢就話338咁我哋話可以啊！338試一試，之後個女侍應晚叫我地like fb 佢網頁就有88折，咁好啦冇乜所謂諗住我哋仲有着數之後佢又話比現金仲有九八折，當然我覺得邊有咁着數折完有折果然估中，所以冇理佢。起初起前菜都有四至五款呀，但我唔討好，之後黎咗雞煲幾特別好香口都令我意想不到，好食。之後仲有刺身，海鮮盤，可以自選丸類，自取菜籃🧺其實338價錢都好夠飽好足夠，之後我哋賣單佢竟然計左我哋四大一細，甘梗係問佢，個女侍應態度超差係都要我個小朋友出嚟搭高，一開始佢問咗我已經話比佢聽唔夠140，佢係都要迫人地，我當然唔會啦！而且都唔會係四個大人囉，自己計錯仲態度咁差之後，等左好耐好耐，張單都未嚟到，另外一個待應仲猛問我地買單未，離唒普😡😡整體來講食物質素OK，碗碟擺設都好突出，裝潢特別，就係服務態度差咗啲。…查看更多

Facebook見到，不停有人推介呢間淥鼎記食評吾錯。仲以為是幾年前喺廣州食嘅鹿鼎記搬咗落嚟香港，（當年係以麻辣為主）。所以膽粗粗黎試吓！竟然有二想不到的意外驚喜！🥳首先一入門口裝飾好古色古香，有兩隻一黃一紅嘅獅子喺門口迎賓好友喜慶感覺！卡位比較闊落坐得好舒服👍。睇落產品原來佢有小食，冷盤，刺身，重慶雞煲，火鍋，甜品等一條龍！可以滿足晒所有人嘅願望，唔使就來就去！食材新鮮！飲品足料！服務值得一提，哥哥不停推介我哋試唔同嘅新產品！（禦品炒飯，仙氣十足的甜品）！竟然搵唔到彈的地方🤤…查看更多

平時去亞太中心都係食5樓嘅放題，今次就試吓新野，去咗淥鼎記！訂枱嘅時候職員非常之好，話我地唔需要網上買優惠券，現場like Facebook同埋share Post就可以有八八折！🥃一去到見到個飲品櫃，發現左好特別嘅健康飲品，例如羅漢果茶、竹蔗茅根同埋白桃烏龍茶等等！然後職員都好細心咁同我地解釋係要順時針咁樣食菜單上面嘅食物。🥘首先就有前菜，然後就有刺身，最抵食係個雞煲！有得任食之餘，聞到隔離枱已經覺得非常之香，食落就更加香同埋更加辣！之後同朋友再refill要唔辣嘅，點知原來唔辣嘅都非常之好味！🤤其實食到呢度已經飽飽地，所以建議都係唔好任食雞煲，留返個肚繼續食接住落嚟嘅嘢食！🍲之後就揀咗花膠美人鍋，湯底好濃，雖然任食嘅火鍋配料唔會有太大嘅驚喜，但係附送嘅牛小排同埋海鮮拼盤非常值得推介！🥩牛小排係用一個非常特別嘅牛嘅盤裝住，非常適合打卡！📸 🍤而海鮮拼盤嘅海鮮係會跟人頭計，所以唔使擔心唔夠食。海鮮非常新鮮，唔單止有唔同種類嘅貝類，仲有識跳嘅蝦！🤤🤤🤤🤤🤤我哋成班朋友都食得非常之盡興！👨🏻‍🍳服務亦都非常之好，侍應哥哥仲話我哋嘅like係佢哋進步嘅動力😂😂😂😂😂。環境都非常之有中國風整體來講今次係一個非常之好嘅晚餐體驗！同事已經問定下次幾時再嚟食過！🤩🤩🤩🤩…查看更多

呢間餐廳幾出名，因為可以同時食刺身、海鮮、火鍋、雞煲等，今晚同朋友嚟試吓幾款小食好健康，最喜歡淮山同秋葵刺身好出色同新鮮他夠大隻帶子鮮甜雞煲夠惹味，可以揀小辣湯底揀咗麻辣，夠刺激手打四寶丸，最喜歡墨魚丸同蝦丸，夠彈牙牛小排好出色，薄薄嘅肉好爽嫩海鮮拼盤好新鮮，有生蠔、蚌、鮮蝦、鮑魚，係平時貴價的火鍋配料，今次難得一嚐，好滋味花膠雞湯夠晒清甜滋補，可以平衡麻辣火鍋嘅辛辣飲品任飲，低糖豆漿充滿豆味，竹庶茅根水好清甜，仲有冷泡烏龍茶等等甜品亦好特別，用乾冰製造煙霧，其實係黑糖西瓜葡萄乾等配料形成嘅啫喱，照騙一流員工服務好，食物質素高，性價比超值…查看更多