響葫蘆 燒物 . 居酒屋

尖咀日式放題好地方今日約左幾個朋友，黎尖咀食放題，朋友一早book左枱，今日放工ot左小小，坐mtr趕過來，在九龍公園站出口，過左馬路再行左２條街，終於到左目的地亞士里道，呢座大廈好多餐廳，好彩無遲到。樓下廣告牌，在４樓初初朋友話食居酒屋，原來係日式於題，原來係日式於題居酒屋。飲品方面是自助形式，都好多選擇，不過聽朋友講食於題切忌飲汔水，飯到一肚氣就食少左，感覺蝕底左，所以都係決定食茶，而佢地有題供屈臣氐新出樽裝綠茶，未飲過飯落又幾好飲，最後飲左２支。雙效減肥綠茶，最適合食放題人仕。魚生拼盤：我地每樣都點了小小，好特別上枱時係一大個玻璃盆，配以碎冰冰震魚生，而魚生方面都好新鮮，推介係帶子，真係好鮮甜，最後都有再encore，其次係牡丹蝦，好鮮甜又大隻，yummy yummy。海膽手卷：個人最鐘意食海膽，但放題一般都好難有提供，但呢度手卷有海膽提供，雖然餐紙上寫係限量，但點了２個手卷，每個手卷都有３條海膽，食好好新鮮，小小海水味，好好味。串燒／天婦羅：串燒最好食係雞軟骨，骨軟度剛剛好，爽口彈牙，好食。另外天婦羅炸皮脆得嚟又夠薄，新鮮炸出，應該有放在吸油紙，不算油膩，好食。日式炸豆腐：新鮮外脆內軟，豆腐滑，配以日式汁，入口果下口感好特別，一定要試。蒸紫薯：幾持別用籠仔，連皮食甜甜地，食落煙煙韌韌，當甜品幾好食，天然甜味香濃唔過甜。整體黎講呢間居酒屋感覺好舒服，２小時放題時間夠，食物方面質量中上，下次屋企人生日會再黎。…Read More

放假前夕又係狂歡食野既好日子，是日跟朋友黎到尖沙咀食日式放題。刺身刺身可以講係食日式放題既最大主角，十個有十個人去食都係狂點刺身食到七八成飽先食其他野食，所以刺身係對一間放題餐廳好壞既一個定位。呢間餐廳既三文魚十分肥美，一入口已感覺到好濃郁既魚香。油甘魚也十分出色，肥美好味。帶子刺身十分厚，肉質十分軟滑，還加有三文魚子在上面，可以點聚一下味道，還有不可不提既牡丹蝦，十分大隻而且蝦肉鮮甜肉質彈牙。海膽手卷好少餐廳可以食到好味既海膽手卷，呢到用既海膽十分高質素，因為落ORDER既數量有限，一入到餐廳已經叫左黎試下，果然沒有失望，海膽味道都幾濃下，而且份量十分多，真係要點既就要快手唔係想試都無得試。炸蠔/雞翼蠔炸得皮夠脆，蠔身仍保持左一定既水份，肉質仍然嫩滑，有香口又有軟滑，雞翼也不錯，首先是沒有雪味，其次是雞肉也幾嫩，而雞皮都是脆脆的，此兩款料理都做得不錯。蒸日本甜薯一般都是食燒蕃薯的，估唔到係呢到食蒜既都幾特別，好似點心一樣用籠蒸完上枱，感覺都不錯，蕃薯也十分甜。…Read More

放題食得太多，有時覺得間間都好似大同小異同時領略到，放題不可能全部款式試齊，但求某幾款出色中Hit左自己的口味。貴精不貴多。今次在響葫蘆食到幾款我覺得值得推介、令人印象深刻的食物。7:30pm來到亞士厘道的響葫蘆地方不大，有室外座位店裡四周以至點菜紙都大大隻字寫著不準浪費食物作為「環保戰士」(自稱)的小妹，忍不住俾個like！浪費食物可恥！作為放題，講真，響葫蘆的食物選擇不算多，不過有好幾款值得一講首先是這裡的手卷類食物值得推介這晚試了3款，3款都不錯海膽手卷用的雖然不是甚麼貴價海膽，但也沒有廉價海膽的腥臭味。質素和份量還是相當不錯。香葱吞拿魚手卷個人非常喜愛這個手卷，葱花絲和芝麻非常的香，加上吞拿魚油花粼粼，很是肥美。入口融化的滋味，一試難忘。這個我又連啪了兩個。中間是吞拿魚的油脂三文魚籽手卷三文魚籽手卷的三文魚籽份量頗多，粒粒圓潤飽滿，吃下也覺新鮮，很好！再來就講講放題的重中之重：刺身！這裡刺身的選擇頗多個人推薦的是魷魚及八爪魚類例如圖中右下方的芥末八爪魚和黃金魷魚彈牙又惹味，還有就是帶子和油甘魚，厚切又肥美至於蝦刺身，新鮮肥美，的確有部分的腸沒有除去，我就沒有點太多壽司也似模似樣，我比較喜歡的是火炙油甘魚壽司火炙過之後，油甘魚的油脂都融了一半入口也種口感一流！接下來講講熟食，不得不說，我覺得響葫蘆的熟食頗為出色！例如這個香橙焗銀鱈魚上檯時溫度很熱，面頭的白汁處於半融狀況。揭開柳橙下層是銀鱈魚。平日對煮熟的橙那種酸味敬而遠之的我嘗到這菜式還真有點驚喜因為中間還加了一些類似千島醬的醬汁帶甜味，鱈魚亦非常滑溜可口這款香橙焗銀鱈魚是我邊吃邊讚的菜式強烈推介！汁燒一品牛扒這款是很多食評都推介的一道菜由於友人是人不能吃牛，所以全碟都是我一人清的。上下兩邊是肥油中間的牛肉比較薄醬汁味濃咬落較腍，肉味濃郁與一般放題比較，這牛扒屬於相當高質素。蒜香一口牛柳粒食落非常之腍，肉汁豐厚，咬落有彈性，完全沒有韌和老的感覺在這款「放題常備菜式」來說，這個做得算是出色不過我個人更喜歡上面所款汁燒一品牛扒蒜香炒魷魚鬚同剛才所述，這間響葫蘆的魷魚類食物是相當的出色，無論生熟也是。畢竟前身是居酒屋，魷魚鬚這類下酒物必然是水準之作。魷魚鬚保持彈性，又不至於韌，我更喜歡是它的「收汁」程度，將醬油緊緊鎖住在魷魚的表面蒲燒鰻魚放題有鰻魚食是大加分，這裡更俾全條鰻魚則是大大大加分！叫完又叫。鰻魚上檯是熱的，而且醬汁很多第二次加一串炭燒雞肉串，也相當不錯，滋味多汁再叫了芝麻雞翼、日式芝士年糕和炸蠔芝麻雞翼皮脆肉嫩，好食。大蝦天婦羅，正常貨色，味道不過不失。埋單每位連加一$317價錢合理…Read More

大集團型式嘅放題豬小姐已經食到厭 食物款式雖然多 但就坐得迫夾 唔太岩多人gathering  今晚一行八人 去到「響葫蘆」！一於睇下佢葫蘆入面賣咩野藥  book左七點鐘 去到人唔算多 環境空間感充足 乾淨企理 :) 坐低後 急不及待寫野食啦 食物款式唔算應有盡有 不過最基本嘅都齊全嘅！最先上菜嘅係壽司同卷物 壽司飯夠醋味 唔易散 吉列大蝦卷熱辣辣上碟 加上木魚後 外觀同味覺上都加左分 加州卷相當足料 size一啖入口剛好海膽手卷嘅海膽比得一啲都唔菇寒 金黃嘅海膽雖然稱唔上幼滑濃郁 但唔腥唔苦帶微甜已算難得 :) 軟殼蟹炸得薄脆香口 可惜紫菜林左 飯就唔食咁多啦 要留番個肚仔食其他正野 炸物同燒物全部即叫即整 新鮮出爐嘅熱食點都比凍冰冰嘅吸引 水準不錯 炸物炸粉薄身 油膩感低 燒物香口 火侯十足 豬小姐特別推介幾款必食之選比大家  蒲燒鰻魚：鰻魚切粒上 方便進食 甜甜的鰻魚汁足夠到望上去反哂光 雖然鰻魚嘅骨係食得 不過有時骨大條左啲都會影響口感 但尼到嘅鰻魚完全無尼回事 啖啖肉 口感仲有啲彈牙 encore無限loop  香橙焗銀雪魚：用橙去焗銀雪魚係既聰明又新奇嘅做法 香橙嘅果酸有助減低魚油帶尼嘅油膩 銀雪魚滑溜溜 配上類似沙律醬嘅特製醬汁 好惹味 一上菜已經比我秒殺哈哈鹽燒鯖魚，多春魚：又香又脆 唧埋檸檬汁僻腥提鮮 送啤酒食一流！成班人一路食一路講 要炸要燒嘅都尼左 但刺身點解咁耐都未尼呢？ 越等就越期待 刺身盤一上枱個下 大家終於知道等係需要同值得架 擺盤上無可挑剔 好靚 睇得出師傅好有心機逐件逐件咁排出尼 好欣賞 最搶鏡嘅緊係界哂花 就咁睇都知肥美嘅三文魚腩 入口果然不負眾望 軟腍腍又爆發魚脂油香 件件厚切 又睇得又食得 感覺好幸福呀 豬小姐真係好愛三文魚呀 唔好偏心 講講其他刺身啦 希靈魚新鮮爽口 吞拿魚色澤紅潤 食落無筋 但未算上乘 帶子鮮味得尼帶甜 完整大大片 加上檸檬片 鮮味更上一層樓 蝦有分兩款 牡丹蝦同甜蝦 其實賣相味道口感大致上差唔多 都好爽彈嘅 但豬小姐就覺得甜蝦嘅蝦頭就多膏啲而且鮮甜啲 蝦肉再爽身啲 但牡丹蝦嘅巨型啖啖肉令同行朋友仔瘋狂失控 係咁食係咁食哈哈差唔多尾聲當然又係時候食下菜扮健康 蟹籽沙律係我最愛嘅刨幼絲青瓜 仲加埋白蘿蔔 和風沙律嘅汁係略酸嘅和風醋汁 除左芝麻之外 我諗加啲nuts同raisins都應該幾夾  又傾又食又笑足兩粒鐘 響葫蘆質素除左坐得舒服 食物質素都有保證 :) 但價錢方面就偏貴了 而且無甜品食 如果加多張menu係有雪糕 cake食下咁就perfect池啦！ …Read More

開心要吃好的，不開心也要吃好的。放題，除了甜品外成為治癒系的，另一治癒系的熱門選擇是放題。能夠在一餐內吃到很多令人滿足的食品，大快朵頤真的是一件賞心樂事。今晚到了亞士厘道的日本料理吃放題，一起把心中的壓力揮去吧！小店位於商業大廈4樓，白色的大堂感覺清潔明亮，像是裝修不久。環境走出電梯，就看見一個新晰的燈箱，很小的接待區和各種牌照。店內裝修簡約而明亮。坐椅舒適度也不錯。餐廳設有戶外區。放題分2時段，分別是18:00 - 20:30 及 20:45 - 23:15，時間方面比較欠缺彈性。我們在近七時入座後，店員表示放題任食時間為兩小時，到八時就說還有最後半小時要最後下單，資料有點混亂。響葫蘆是DUUD 的獎賞餐廳，桌上設有DUUD餐牌，用已安裝DUUD可以賺取積分(打咭10分、影Snapspot 10分、關注餐廳5分、登入5分=30分)。獎分可以用來換禮物。星期四的晚上客人不多，感覺寧靜。正如其他日本料理壽司吧，採用開放式設計。我個人是比較喜歡惠顧連鎖餐廳，因為不少小店的衛生程度未如理想。驟眼看來，壽司吧整潔程度令人十分滿意。刺身刺身共有16款，最基本選擇是有的，但就沒有如象拔蚌那些比較高價的食材，比較特別的是牡丹蝦。刺身上桌時擺放精緻，令人垂涎三尺。牡丹蝦大隻而且晶瑩通透，蝦膏豐富，味道鮮甜。帶子飽滿，可是鮮味一般。三文魚用上三文魚腩，誠意可嘉，其切割也傾向藝術化，這些心思難在同價的連鎖餐廳找到。三文魚刺身新鮮肥美，入口瞬間溶化，鮮甜滋味。壽司、火灸壽司、手卷吃過豐富的刺身，我就放棄了CP值低的壽司，主攻不在刺身列中的軟殼蟹手卷及海膽手卷。手卷給我的第一感覺是比連鎖餐廳的差，見其賣相已看見它被包得不太扎實及比平日的大。飯粒也有漏出來的情況。軟殼蟹手卷的軟殼蟹不熱，應該不是新鮮炸，而且份量很少。飯粒軟硬度適中，但是口感不像日本米，飯也沒有放到最底部。海膽手卷的海膽很多，同樣最底部也是只有脆脆的紫菜。海膽沒有強烈的海水味，味道較淡。卷物、壽司飯、沙律卷物只有5款，最基本的吞拿魚卷、青瓜卷也沒有。壽司飯是個人而言不會在放題中叫的食物，飯太多就很難試其他。沙律也只有2款，最基本的中華沙律也沒有。結果這張紙是沒有點。燒物+串燒燒物選擇亦不夠全面，我最喜歡的金菇肥牛不在選擇之列。我點了比較特別的香橙焗銀雪魚及香草燒羊架。香橙焗銀雪魚味道清新，一份有兩塊，銀雪魚鮮味不錯。相比於圖片，實際的賣相有點遜色。香草燒羊架調味太重，火候也不太足夠。炸物+一品料理+飯、烏冬熟食方面的選擇叫人失望。放題最熱門清酒煮蜆竟不在選擇之列。蒜香一口牛柳粒味道是正常的，可以店方用了中式的煮法。我期望是蒸香再收肉汁的做法。串燒都是9款比較普通的選擇。我點了粟米、牛舌和雞翼。除牛舌比較硬外，其他燒物的火侯掌握得不錯。炸物+燒物夏天有點上火，所以沒有點炸物。飲品飲品提供汽水及熱菊花蜜。汽水選擇都不少，只是沒有Diet Coke及Coke Zero，熱飲應該要加多數個選擇。服務方面，侍應招呼非常周到，態度友善，收碟速度快。她看見我的熱菊花蜜所餘無幾已詢問是否多要一杯，頗為貼心。食物數量也根據寫多少有多少，沒有出現私下減單或漏單的情況。店內的抽風系統有待改善，用餐後衣服上有些油煙味。總括而言，響葫蘆走中價路綫，每人消費三百多元，還算是物有所值。食物選擇和味道不是十分出色，以環境、服務及衛生已值得給一個好評。…Read More

今日放工就約同事一齊去食放題，有朋友介紹過呢間餐廳，但係本身唔係放題形式，而係以居酒屋形成經營，相信因為樓上舖生意難做，不過轉形之後，生意可能有好轉?因為星期四夜晚都有唔少人啊～價錢唔算太貴，不過食物同野飲嘅選擇就相對地少啲，飲品只有啤酒、汽水同熱菊花蜜，要自己去雪櫃到拎嘅放題必嗌同第一樣嗌先嘅就係刺身!!種類唔多，但係勝在魚生質量幾好，厚切嘅三文魚，口感非常嫩滑肥美，絕對唔係嗰啲薄切三文魚可以比得上。而另外一個必嗌嘅係牡丹蝦，手掌心咁大隻嘅牡丹蝦，肉質鮮美，仲好有彈性，大讚! 其他魚生嘅品質都唔錯，可以不停encore~~除咗刺身，緊係要睇埋壽司同手卷有無啲咩特別野啦，竟然發現有海膽手卷!! 海膽就中規中矩，無咩特別，略厭紫菜唔係脆身，應該係趁啲飯仲係熱嘅時候包，所以紫菜變得煙韌黏牙。食完凍野嘅頭盤，就係食熱食嘅時候，一系列嘅炸物都必嗌嘅野喇，相比起吉列炸大蝦，我更加鍾意大蝦天婦羅嘅口感，炸到脆脆薄薄，點點清甜嘅醬油汁，口感味道都好豐富，不過如果嗰醬油入面有啲白蘿蔔蓉就會好啲喇:)～另一個炸物 — 軟殼蟹天婦羅都係推介食品，炸到脆脆嘅外殼，中間有少少嘅蟹肉，連埋個醬油食，炸粉都仲可以保持到脆身。本身對呢個汁燒一品牛扒期望不大，但係反而有驚喜，一碟薄薄又切成一細塊嘅牛扒，中間雖然無粉紅色嘅肉，但係竟然係出奇地淋，而且鹹鹹甜甜嘅燒汁可以襯托到牛肉嘅味道~~身為羊肉愛好者，又點可以唔嗌個香草燒羊架呢?呢個羊架燒得啱啱好，同汁燒牛扒一樣，肉質都好淋，而且咬開仲可以見到微微嘅粉紅色，有淡淡嘅羊肉味(再濃啲就好喇～)。連接住骨嘅筋同脂肪，先係羊架嘅精粹，嗰個部位嘅羊味特別濃郁~~跟住上嘅就係燒魚類，鹽燒三文魚頭同蒲燒鰻魚，前者肉質嫩滑，再唧上檸檬汁去除腥味，所以唔覺得腥；但後者就有啲腥味，所以我食咗一舊就無再食喇 最後一樣係出於好奇心底下而叫嘅香橙焗銀鱈魚，上面有類似白汁嘅汁，跟住有一片熱嘅香橙，最底就有鱈魚塊，味道好特別，唔係兩者唔夾好難食，但係又唔係配合得好，好好食，所以係試得過，不過就未必會再嗌.....整體上來講，由於前身係居酒屋嘅關係，食物質素比普遍嘅放題好，不過就需要再加多啲選擇，同有甜品或者雪糕就好喇～…Read More