饒之味 (已結業)

趕住回家追劇集，放工馬上走去買外賣自取拎番屋企，行到九號水產的「饒之味」見到有$88日式五重奏的餐牌，有前菜、沙律、味噌湯或汽水、主食及日式芝士餅，真是相當吸引。最後我買咗兩個套餐，主食選擇了鐵板海膽炒飯($88)及北海道豚肉生薑燒飯($88)，海膽份量真是十足，沒有一點吝嗇，海膽都好鮮香，炒飯夠乾身，有蔥花、彩椒、及雞蛋，口感豐富超美味。豚肉生薑燒好香甜又肉質有嚼頭，配上珍珠米飯，夠晒煙韌，沙律菜都爽又多蟹籽，有點清甜的醋香，吃起來都好盟胃。前菜有北海道燒賣、玉子燒、加州卷及煎蛋卷，再食埋香軟滑溜的芝士餅，夠晒飽肚又滿足

下午同老公朋友去完東九龍果邊聚會後，我地就分散. 之後我哋就再過去黃埔嗰邊影燈飾同食飯。無意之中行到呢一邊，原來有好多日本嘢食。食物來源似係日本直接空運到港, 所以價錢相對偏高. 揀黎揀去因為要就小朋友, 所以最後揀左呢度食.  今晚叫左: (推介) 海膽炒飯 $108估唔到海膽份量都幾足料, 炒飯本身炒得幾乾身, 加埋海膽軟軟地既質地黎食, 好香濃滑既味道, 好好食.美國牛肉炒烏冬配北海道胹肉餃子 粟米沙律 $68小朋友既兒童餐, 其實有三款既, 呢款係仔仔自己揀既! 望落去, 食物係小朋友會食晒既食物, 所以我地放心叫, 最多佢唔食, 就我地大人食埋.賣相好靚, 仲要有架車仔托盤裝住食物, 提高吸引力.牛肉烏冬其實似係用肥牛片黎炒, 不過食落都唔鞋口, 味道係日式炒烏冬既味道, 烏冬用上讚岐烏冬, 所以食落口好煙靭. 其實有兩件炸餃子, 都好香脆, 不過唔想小朋友食太多, 只是給予一件作嚐味.沙律都叫食得好多, 因為上面有芝麻醬, 酸酸甜甜, 胃口大開.+兒童餐仲包一包QOO紙包果汁, 未有野食已經飲晒了.皇帝蟹肉燴粥 $98熱辣辣, 即煲, 粥煲得好綿, 而且入面真係用蟹肉拆肉黎