海南村餐廳 (已結業)

今個星期又好想食海南雞飯,本身放左工係想去文華海南雞飯試菜的,但見到食評話試過七點去到已經無雞,我都唔想去到聽到賣晒而失望呀!於是係中港城血拼之後,就黎左久違了既呢間食店...海南雞飯分有骨及無骨的,我要了有骨的....新加坡式海南雞飯必備既醬汁三寶黑油-呢個係靈魂黎架,好唔好食就靠佢定生死了,呢到既好夠杰身,但唔知點解食落去有朕怪味,朕味好似係煲「火農」粥既味,搞到碟野好難食,初時以為自己味覺問題,但食左兩舊雞點醬食之後都好肯定係個醬有問題...整到我無黑油食,too bad!酸辣醬-無黑油點之下,就點呢個,雖然個醬帶點辣,但辣得黎我又受到呀,反而酸味就好似無咩咁,呢個醬既味道唔錯,另雞肉活潑起來.薑蓉--都幾油下,我唔怕肥都唔多想食,同埋有薑但無薑味,失敗!海南雞--雞頗滑,但唔知點解雞背唔係好肥之下,係會無咩肉架囉,好匪夷所思呀!油飯--一點也不香口,又沒雞油香,搞到碗飯好乾,除左有色之外,我真係唔覺同白飯有咩分別呀!清湯--有雞腎,芽菜及豆腐--呢碗湯清清淡淡無咩味道可言,好飲過水咁囉,哈哈!!海南村係好多年前我食過,個時唔差的,但唔知係轉左廚師定係點喇,水準已不復當年勇了,我