泰亞萊海南雞專門店

行過久違既深水埗, 無意中發現到依間泰國餐廳. 午餐時間黎都相當多人排隊輪侯, 可見都幾受街坊歡迎. 價格方面都深入民心. 一款主菜大約$56-80不等, 仲可以用優惠價加購指定泰式小食同飲品, 絕對係抵!唔怪得知咁多街坊光顧~黎得泰國餐廳, 緊係要食海南雞飯, 加$10可以轉雞髀, 咁緊係要加~另外再用優惠價加左一份泰式炸蝦餅同埋珍多冰. 出餐速度好快. 海南雞飯作為人氣之選緊係最快到🐔海南雞飯($58, +$10轉雞髀) : 海南雞髀雞皮色澤鮮明，睇到雞皮脂肪滿滿,雞肉好嫩好滑 ，肥瘦岩岩好. 最值得讚賞同意外既係個湯. 有大大舊冬瓜同雞腳, 可見非常足料. 飲落仲意外地有胡椒味,中和番雞既脂肪口感,變到冇咁油膩. 另外一樣比較特別既係個醬汁. 一般海南雞飯跟醬會分開3種: 薑蓉,豉油,辣椒. 但依度係會mix埋一切, 本身以為mix左辣椒會唔岩我依個唔太食到辣既人,但原來唔係辣, 仲好夾個雞tim🦐泰式炸蝦餅(跟餐加$15): 一份有2件, 同出面部分餐廳賣的蝦味略為不同, 比較大份同埋唔會炸到乾哂咁, 有蝦味同幾彈牙. 🥤珍多冰((跟餐加$8): 份量正常, 配料充足. 椰汁味好濃.…查看更多

深水埗新開嘅海南雞飯店，睇得到餐牌比其他同店貴少少。嗌咗最出名嘅海南雞飯，飯有椰漿味，有雞油，幾好食。但雞就一般無特別，無話勁滑或勁有雞味，至於加8蚊嗌咗青檸梳打就唔記得落糖俾我，難飲到。不過嗌外賣就無仇報 right?仲有，呢間可以WhatsApp落單，夠鐘就去拎，幾方便！只收現金。不過要食平啲同有得坐我會食對面海南雞泰國人，要好食我會食街坊食堂。唯有係WhatsApp 落單方便，但要排隊就不必了。…查看更多

有時岀街食飯，係會想食d, 自己整唔到或者要好多功夫先做到嘅野海南雞飯，係其中一個必然選擇一個出色的海南雞飯佢的飯，醬汁都好重要，雞就一定要煮得啱啱好首先唔係比白飯你啦比得白飯都想bye bye 佢E間的黃油飯好岀色，不油膩同飯的米香互相輝影其實飯加汁都已經好滿足再講下個汁微微辣，好啱香港人口味個辣有少少料到之餘，帶點酸酸甜甜怕辣點少少，想濃味，成件雞浸落去都唔過份成件事都好match件雞好滑，有少少油脂有d雞件位置係胸位，入口都嫩滑！雞有雞味食到最後見有2件雞有骨，不過都冇問題佢冇話自己係無骨海南雞同埋佢好食，比起佢有冇骨，更加緊要總結：成餐飯都好滿足！開心，又多間飯堂！Ps 侍應好有禮貌，咁啱隔離坐左婆婆，佢哋都好耐心serve…查看更多