今次食左位於新蒲崗既泰亞萊海南雞專門店🐔因為係附近工作關係，所以成日都食呢間，呢間質素都唔錯👍🏻 海南雞飯($50)先講海南雞飯，份量都好多，而且肉質嫩滑🤤雞皮下都有少少啫喱膏，個啲其實係膠原蛋白黎☺️油飯都應該有用過雞油調味，做到粒粒分明而且啖啖都有雞油香，有咬口而唔會過硬😍海南雞會附上一個汁，用黎點雞都幾惹味👍🏻👍🏻平時食海南雞飯，我都鐘意將個汁倒落油飯度食，咁樣食都幾夾😆 滷水豬頸肉($88)平時食泰式燒豬頸肉就食得多，泰式既滷水豬頸肉就真係未食過，但估唔到又幾有驚喜😯豬頸肉係一樣幾兩極既食物，因為佢一過火就會唔好食，好柴口。而呢間豬頸肉就做得好好👍🏻👍🏻肉質偏淋身，而且滷水汁唔會過鹹，同豬頸肉出奇地夾。而入面隻滷水蛋都好入味！呢個小食都配有酸辣汁，平時食燒豬頸肉點辣汁會覺得好夾🤔但可能因為本身已經有滷水汁，朋友認為就咁食滷水味已經好足夠，點埋酸辣汁有少少畫蛇添足感覺，可能味道複雜左😂不過我就鍾意少啲滷水多啲點酸辣汁，所以真係因人而異🤣總括黎講，泰亞萊海南雞專門店係一間大件夾抵食既店🤩兩個人叫左兩個餐都飽到食唔哂🤭而且佢地做法都好正宗泰式🇹🇭鐘意食泰式野既一定唔可以錯過‼️另外除左上面推介既兩樣，我都大力推介佢地個黃咖哩蟹肉飯，已經食過無數次。🤤…查看更多
-海南雞飯（$50）海南雞 幾嫩幾滑，海南雞份量都唔少架
最驚喜既係個黃薑飯，望落無咩色，但食落淡淡既黃薑味，又唔會太重！正！ 不過略嫌食到底有啲油🤣-一份滷水豬手（$88）滷水豬手既皮超林！豬手既肉又嫩！超驚喜！份量可接受，不過覺得啲滷水入得唔夠味😢希望下次食會更好味😋
