曼谷車站

泰國菜是我的comfort food，間中都會想去吃，這晚和朋友來到得寶的曼谷車站午餐，令我意想不到，在細商場中也有泰國人主理、正宗而價錢又相宜的泰國菜吃。餐牌有多款菜式選擇，由小食、沙律、咖喱﹑粉麵飯﹑至甜品都有，迎合大眾口味。…Read More

呢間餐廳喺九龍灣得寶商場地鐵站行過去5-10分鐘下午3點左右餐廳唔算多人 唔洗等位就可以坐低星期6都有下午茶餐 真心欣賞叫咗2個下午茶餐 海南雞飯蝦膏炒飯另外再叫咗個小食- 炸蝦餅首先講吓海南雞飯個飯喺油飯 但喺唔太油膩 好食雞都算嫩滑 不過即叫即到 唔喺熱估計1早做好出嚟蝦膏炒飯都好惹味即叫即炒 熱辣辣好正仲有啲臘腸、肉鬆可以配飯 真心推介炸蝦餅都喺熱辣辣 但就明顯係翻炸 有少少油益味 同埋外表唔脆2杯跟餐嘢飲正正常常檸檬茶茶底味濃 冰塊唔算多整體都滿意 抵食…Read More

今日難得約到班中學朋友出嚟食飯聚舊。咁啱佢哋又話想食泰菜，作為九龍灣地膽嘅我就提議去食曼谷車站。♪(´ε｀ )雖然今日係星期日，但我哋好好彩咁唔洗等位。我同班朋友分別嗌咗菠蘿海鮮炒飯，豬頸肉炒飯同海南雞飯。我地驚唔夠食再嗌個肉碎生菜包。朋友本身問我呢間有咩好食，我即刻推薦佢食菠蘿炒飯。呢間雖然冇用原個菠蘿咁裝住啲炒飯，但佢都好好咁比咗一件菠蘿！仲要好貼心咁切開一舊舊，方便我哋食~啲肉鬆同啲臘腸粒都好好食。我未食過呢間嘅海南雞飯就嗌咗嚟試。雞嘅份量都唔少。啲雞皮下面都有啫喱，同埋都好嫩滑！我之前都有食過呢間豬頸肉炒飯，但我覺得就相對比較普通，冇乜特別。(´･_･`)肉碎生菜包好好食！！酸酸哋，啲香料味都好香！不過呢間嘅肉碎生菜包都幾辣_(´ཀ`」 ∠)_，所以唔太食得辣嘅朋友仔嗌個陣記得同侍應講少辣。食完之後，我啲朋友都話呢間幾好食。(⁎⁍̴̛ᴗ⁍̴̛⁎)…Read More

今日喺九龍灣返工，成班同事想嗌外賣，於是就走咗入得寶商場搵到間泰國餐館。馬拉盞牛肉炒通菜，$45。因為係午餐所以都配咗一碗白飯。外賣嘅份量絕對唔少，打開外賣盒嘅一刻馬拉盞嘅香味十分強勁，味道方面帶少少辣，好惹味，另外通菜爽口牛肉嫩滑，送飯一流。小食拼盤，$98。有炸魚餅炸蝦餅同埋炸春捲，個人最鍾意炸魚餅，點番啲酸甜醬真係大滿足。不過始終係煎炸嘢，個人建議要盡快食。海南雞飯，$52。雞件都算嫩滑，醬汁都算正路，個人覺得算係正路。…Read More

今日3點放工去了這邊同朋友食野傾計，見呢間泰國野食好似好吸引，有好多泰國地道的菜式，所以入去醫肚入面好多卡位，而且坐位又闊又大坐得好舒服，設計簡約整齊。這間餐廳的主題係火車站，好有泰國既氣息及風情，令我想飛返轉泰國點了這個必叫菜式: 肉碎生菜包肥瘦比例岩岩好，唔會太乾身又有小小辣，保有肉汁，配埋個爽脆健康生菜真的好fresh香芒蟹肉炒飯炒飯個量好滿足，材料有芒果肉、蟹肉、同埋腰果係入面，口感好正泰式飛天炒通菜這個是我食泰菜必點的，唔會太油膩，炒到好有鑊氣，加埋辣椒，惹味得來值得一讚海南雞飯雞油飯抵讚，粒粒分明，好香既黃薑粉，另外海南雞都算嫩滑，更有清爽青瓜片…Read More

今日lunch係九龍灣食，醒起老豆之前推介得寶商場呢間曼谷車站叫我試下。佢話D泰國菜唔錯，而且裝修好靚，好有特色，火車造型仲有扶手添，好得意喎。三個人叫左三份野share:1.     海南雞飯雞肉肉質鮮美，重點係真係好多件雞，重去曬骨添。個人覺得三隻醬撈埋一齊食最正，佢既薑蓉好突出，唔會太辣，油飯就普通。2.     馬拉盞炒椰菜苗就有少少辣，但係夠味。D菜索曬馬拉盞既味，好好送飯。3.     炒金邊粉既份量都好足，女仔食一定勁飽有得淨。調味適中，甜甜酸酸，雖然唔係好多隻蝦，但係蝦無雪味，都好好食。…Read More

試過幾次經過這裏睇醫生都見到有間泰國菜館叫 曼谷車站，一路都很想入去試下，昨日下午終於有機會。場內裝修得像坐在火車上品嚐食物， 又新鮮又有趣。 每次到餐廳都最鍾意睇餐牌， 睇完一輪之後決定點海南雞飯$68，蝦炒金邊粉$62， 馬拉盞炒椰菜苗$59， 芒果糯米飯$48， 熱奶茶$32。海南雞飯 ~ 黃油飯香噴噴，雞肉肉質鮮嫩。蝦炒金邊粉 ~ 每次吃泰國菜必叫的，喜歡甜甜酸酸的味道，又開胃又好味。這個金邊粉炒得夠乾身， 一碟大約有三至四隻蝦。馬拉盞炒椰菜苗 ~ 有少少辣夠惹味。芒果糯米飯 ~ 泰國甜品首選， 糯米飯熱辣辣夠煙韌， 芒果是用泰國芒果又甜又香， 配埋椰汁的香味，食到停唔到口。熱奶茶 ~ 反而飲品方面就沒有特別，如果可以做到泰式奶茶的效果就更好了。第一次到曼谷車站，個人感覺食物質素唔錯和價錢優惠， 是一間可以繼續幫襯的餐廳。:)…Read More

星期五晚路過呢個商場，見到呢間曼谷車站好多人幫襯，應該都幾好食:)而且裝修都幾得意，成個火車卡咁，有曬火車d車窗同車卡座，於是決定試下門口寫住由泰國廚師主理，口味應該幾正宗。最開心係依家仲免加一添！另外見到有泰國生啤飲，最平28蚊就有杯，好抵侍應安排我地坐下，係一個綠色既卡位，加埋其他detail位，感覺真係好似係復古既火車車卡食飯咁酸辣鳳爪沙律$55份量非常多，d鳳爪多到令我覺得食極都有。鳳爪爽口彈牙，而且調味都好好，夠曬酸辣，加埋d洋蔥芹菜等配菜，真係好開胃！馬拉盞炒椰菜苗$59呢度既椰菜苗比某d泰國餐廳大顆，但係味道好似冇咩分別，師父炒得好惹味，令人食唔停口蝦炒金邊粉$62本身對呢個冇咩期待，因為男朋友想食所以叫，估唔到又幾好食窩！唔會油又有少少乾身，唔錯。無骨海南雞飯$68呢碟海南雞飯應該有四分一隻雞，份量好足！雞肉本身冇咩特別，不過不失啦。不過對於我黎講，海南雞飯最重要既就係佢既沾醬，呢度既沾醬令人感覺滿意甜鼓油夠傑身，辣醬又夠惹味，撈埋落雞油飯食真係一流西瓜沙冰$28非常消暑解辣，不過唔知係咪西瓜本身都味偏淡，所以杯沙冰都唔算太濃味椰汁西米糕$28呢個有些失望，我鍾意食甜野，但係呢個冇乜甜味，可能適合老人家食.呢餐食到我地好滿足。300蚊食到咁多野真係好抵呀！…Read More

3號風球下收工，急急搭車返屋企，在轉車地方搵呢間泰國菜🇹🇭，去到見車站裝修幾特色，堂食嘅坐卡位應該幾開心，睇咗餐牌去收銀處落單，店員好好叫我坐低等，仲同我傾下偈！幾nice外賣包裝企理，外賣盒都係可以入微波爐，醬料比得足海南雞飯（$68）飯餸分開，雞肉正常（唔係滑，又唔算嚡）醬料比足三款，我喜歡甜豉油撈油飯，油飯幾香，雞肉用酸汁點來食，點咗好味好多，酸酸地開胃！薑茸我通常唔用！幾好香葉肉碎煎蛋飯（$62）飯餸分開，餸賣相靚仔，蛋燶邊中央半熟，好味，肉碎加豆碎加香葉，鹹香好味，撈飯一流，好味串燒（$68）6串（豬、牛、羊各二）每樣2串，牛肉硬韌，豬肉肥美最好味，雞肉正常，最正係點嘅花生醬，又濃又香，講真肉只係一般，加咗醬先好味！千層榚（$28）一盒6件，賣相有啲歪歪斜斜，熱熱地，好軟糯煙韌，唔太甜有啲香葉（班蘭葉？）味道，好味龍眼冰（$25）叫了少甜，透明膠杯內好多龍眼肉，味道清甜，龍眼肉爽口，好味食物真係幾好，而且價格合理，可以encore!店員有禮斯文，我走時都同我講bye bye…Read More

得寶咁細個場入面竟然有泰菜，仲有裝修既咁就去會一會佢。裝修以懷著曼谷車站做主題，用啲懷舊props行理箱、竹籬咁裝飾下但其實除左個車箱樣，有啲卡位之外係唔會覺得有咩關聯既。星期六下午茶有位，其實有啲驚，不過可能新啲人未知有。咁part time 妹妹帶左我同姨姨去靠牆既位，俾左個餐牌我之後，我就明點解付近咁多位。因為左右隔兩枱都有講野超大聲既大媽響度。我真心係聽唔到坐我對面我姨姨講乜鬼。唔想老人家姨姨搬黎搬去就忍一忍叫野食🙉，下午茶太平了，只有約四十，見到唔係成日有得食既豬手飯就諗住叫，姨姨就食咖哩雞。叫個妹妹埋黎，佢話賣晒豬手喇咁就轉食海南雞啦。加龍眼冰。大媽終於埋單走人，耳根清靜。龍眼冰見到個色已經估到好淡，得一兩粒龍眼乾。個海南雞份量唔多，（平都預左既）都ok唔算老但又唔係好滑，似冰鮮既肉質（平既都預左），個湯味精都正常。正常味。咖哩雞啲咖哩就浠左啲無乜辣味正正常常，無乜配菜在內如洋蔥或青椒。雞用急凍雞柳無特別。侍應妹妹成日就企左響隔幾枱既外藉人士度用英文同佢介紹中文餐牌上既係咩菜，雖然詞不達意但外藉人士又真係照叫多幾樣但打包哈哈。…Read More