阿閒泰 (世貿中心)

营业中

休息中

環境5分：西式餐廳格局，樓面好高，地方大，四周圍有好多隻白兔同綠葉盆栽，好有大自然感覺，有一邊可以望住無敵大維港景，可以畀滿分。衛生5分：地方乾淨企理，光鮮衛生，一樣畀滿分。服務5分： 全部年輕侍應生做野快手，服務都可以畀滿分。味道4分：1)    泰館無骨海南雞配雞油飯份量好足，有齊黑肉同白肉，D海南雞皮一條毛都冇，好光滑，個泰式辣汁非常嘢味，油飯薑味唔會太重又唔會好油。送果杯泰式香葉肉碎磨菇沙律Ｄ菜好新鮮，配埋泰式肉碎冬菇絲少少辣好嘢味。加五蚊要左杯凍泰式季節茶少少甜，帶有生果味好清新。2)    泰式單骨雞翼配自家製泰式醬有三隻開半單骨雞翼，即係共有六舊，好香脆。3)    暹羅芽菜有自身嘅田園風味，爽爽地好新鮮。4)    兩隻泰式生蝦刺身非常爽脆，浸响個泰式辣汁入面所以入哂味，食完先知超辣。抵食5分：每人平均百幾蚊一個午餐，有雞，有湯，有沙律，有菜，有蝦刺身，有雞翼，真係好抵食。

世貿中心翻新後第一次過嚟，朋友訂咗新開嘅泰國餐廳，話之前試過喺尖沙咀K11嘅分店都幾唔錯。餐廳裝修簡約舒適，好好彩book到窗口位，仲有遊艇海景㖭😉「煎海蝦芒果牛油果有機藜麥沙律，泰式芒果醬 Prawn•Mango•Avocado•Organic Quinoa Salad with Thai Mango Sauce」$88，好清新好開胃，蝦同蔬菜都好新鮮，芒果好甜，仲有成半個牛油果，藜麥夠健康，配搭埋芒果醬超好味😋😋「泰館無骨海南雞配雞油飯 Boneless Thai Hainanese Chicken with Oil Rice」$92，雞都幾嫰，個油飯好有雞油味但又唔油膩👍👍👍「阿閒泰虎蝦炒金邊粉 Pad Thai Noodles with Prawn」$108，有2隻大大隻虎蝦，仲有青口，味道好正宗，同喺泰國食一樣咁好食💯，唯一係如果芽菜係生嘅就更perfect😉跟餐仲有香草蒜蓉焗包條同餐飲，有即磨咖啡或泰式季節茶可以揀。我哋仲加咗$30點咗個Thai Affogato，即係椰子雪糕加冰咖啡，濃濃咖啡夾椰子雪糕好好味😋😋性價比超高嘅一餐💯