泰風佳味海南雞

今次去咗旺角熟食市場覓食😗有間主打泰式食物嘅平靚正餐廳平日6:00去到大排長龍▫️泰式豬頸肉撈檬 $54 豬頸肉份量好大方 賣相好靚邊邊位燒得好香脆 肉比較偏瘦 配埋個汁好清新 （就係平時食撈檬嘅汁）檬粉份量超多 仲有啲生菜同打拋葉抵食好味‼️▫️泰式無骨海南雞飯 $45 （連熱飲）海南雞份量正正常常 雞幾香幾滑配埋個自家製酸辣汁 好惹味油飯俾咗成座山咁高😂唔會太淋身都幾好味 呢個價錢真係超值🫶🏻熟食市場環境就一般般 不過勝在有冷氣兩個人去預咗要搭枱！不過呢個價錢完全冇嘢挑剔😆…查看更多

前日食完海南雞又想食啦！今次嚟到朗豪坊隔離嘅旺角熟食市場覓食！旺角熟食市場其實唔錯，有冷氣所以夏天嚟都唔怕熱！小店嘅泰菜好多選擇，海南雞控嘅我地二話不說order左泰式無骨海南雞飯同薑蔥無骨海南雞飯，仲送熱飲！泰式無骨海南雞飯既海南雞好肥美，連雞胸肉都好滑，點泰式酸辣汁好醒胃。油飯好有味，不過略嫌唔夠熱。仲有菜芯比你有個balanced diet!薑蔥無骨海南雞就要等耐少少比店主炮製薑蔥。灒上滾油爆香薑蔥後嘅薑蔥味更出，試左少少真係比普通海南雞更惹味！有機會下次嚟試埋其他小食！…查看更多

📍香港📍旺角📍泰風佳味海南雞📍旺角上海街557號旺角綜合大樓2樓旺角熟食市場2號舖📍星期一至六 12:00~20:30黃到金既泰菜店你唔系唔幫襯呀麻😏冇得去旅行唯有去呢度止下癮!!店主系泰國人好好傾 雖然位於熟食中心但服務態度好好👍🏻🦄 泰式無骨海南雞飯 $41🦄 評分: 7/10呢個價錢咁既份量真系抵到爛🥸🥸食完飽到夜晚😹雞肉唔算超級嫩滑，但配埋自家製嘅酸辣醬好惹味。唔覺唔覺食晒成碗飯🤐🦄 泰式豬頸肉小食 $17🦄 評分: 10/10個日好好彩食到即炸好既豬頸肉，超，級，好，食🤣🤣脆卜卜但肉質嫩，這個系我每次黎必叫既小食❤️❤️🦄 泰式鳳爪 $25🦄 評分: 10/10呢個價錢又系無得輸…因為店媽媽系泰國人，呢個泰式鳳爪好正宗👍🏻酸辣汁系愈食愈過癮，平時叫BB辣嘅我都忍唔住食多幾舊🐖🦄 椰汁香芋紫米露 $20🦄 評分: 9/10呢個糖水好似唔係日日有，店員推介就試下啦!! 椰汁味好香濃但唔會過甜👏🏻成碗好足料有好多我鐘意食既紫米😁芋頭煮到啱啱好唔會入口即融有得咬下👍🏻👍🏻我覺得仲好食過大部份嘅糖水舖🤐🤐…查看更多

熟食中心永遠都係咁多人，就算晏晝3點都係好多人，而e間黃店係比較多人食👍🏼·泰式無骨海南雞飯+豬頸肉。d雞就有d位滑有d位就一般啦，不過點埋個醬食都唔錯，豬頸肉反而好出色，好煙靭🤤，個餐仲包埋野飲👍🏼…查看更多

#中意嘅請分享請點讚🍻----------💛#黃店💛國難救援認證----------😋泰式飛天通菜配飯 配熱飲 $46飛天通菜夠濃味，撈飯一流，重口味人士可以試下。油飯粒粒分明，硬度適中。-🐣泰式無骨海南雞飯 配熱飲 $41油飯份量好多，成座山咁高🤣，有飯有飲品，性價比高，海南雞肥瘦適中，可惜今次嘅雞唔算太滑，有少少鞋身。-抗疫時期汽水$3(原價$5)油菜$5(原價$8)轉油飯免費(原價$2)----------📍泰風佳味海南雞🔎旺角上海街557號旺角綜合大樓2樓旺角熟食市場2號舖…查看更多

旺角多好嘢食呢個大家都知唔洗講架啦，大家又知唔知旺角朗豪坊隔離有一個隱世熟食市場，而佢更唔係普通嘅熟食市場咁主要賣中式炒炒麵飯，而係有多國菜！水準高之餘，味道一啲都唔遜色！今次就揀咗一間性價比評價高，由泰國人經營嘅泰國菜試試地點：位處於旺角心臟地帶，係正朗豪坊嘅則面，方便到不得了！係上海街坐自動電梯，一入門口轉右就會見到呢間泰國小店。環境：旺角熟食市場應該係全港排名數一數二乾淨嘅熟食市場之一，雖然位置唔係好多，但咁樣就唔會令你有壓迫嘅感覺。環境光猛而且又乾淨，唔會有臭味同埋濕漉漉嘅地面，感覺很好👍食店嘅門口好當眼，綠色招牌綠色餐牌，仲好獨特咁有好多文宣海報memo紙（全場唯一）🤭好易認得出！食物質素：泰式無骨海南雞飯（$41）果日去到嘅時候都只係七點幾，究竟咁好彩比我食到最後一份海南雞咁早就賣晒，可想而知間野都幾受歡迎👏係香港食得到嘅海南雞大致上分兩種，一種係比較淋身嘅坡式海南雞；另一種就係泰式嘅比較實身肉汁較多嘅海南雞。呢度嘅海南雞係屬於比較實淨有口感嘅泰式雞，肉質鮮嫩有口感，雞肉唔係似係用上左新鮮雞作為原材料，一啲冰鮮嘅味道都食唔出！雞就算我地食雞皮部，都唔會太肥太多脂肪！就算你係減緊肥都唔怕，簡唔中黎幫襯下都無問題！再配埋泰式酸辣醬，令到雞嘅鮮味提升到另一個層面黃油用左雞油同埋黃姜粉，重手足料！每一口飯都有好濃烈嘅黃姜粉味，好惹味！再加上適量嘅雞油令到黃姜粉更香更入味！套餐包一杯熱飲（或者加錢轉凍飲同埋可樂汽水）油飯可轉白飯。服務：熟食市場都係以自助形式運作，店舖以家庭形式運作，態度熱情有禮。買完之後會比個牌仔你等，海南雞可能大部分都係預先製作好，所以好快就有得食！我見到隔離個朋友仔碟炒河等左一段時間都未有，職員好主動咁係咁幫佢追單，最後仲好禮貌咁同佢講對唔住價錢：以呢一個平民價，而且又有咁高水準嘅出品，而且選擇又多，（大部分都係$50內）絕對值得成日黎食！…查看更多