影片
更多
2012-01-20
79 浏览
10月10日, 今晚又去開奧海城睇戲, 順理成章又走過嚟大角咀呢頭搵食. 想食泰國菜, 之前食過橋泰, 今次就諗住嚟試下呢間晴苑. 晚飯時間, 裡面都唔少人, 不過好彩都唔洗等位~::: 泰式炒金邊粉 + 青檸梳打 ::: $39 + $4配料豐富、賣相亦不俗. 蝦仁、蛋絲、韭菜、芽菜、豆乾、蝦米仔等通通都有~ 仲有大量我最愛的花生碎! 萬事俱備, 只可惜欠了味道. 蝦係橡膠蝦無鮮味都預咗, 其他配菜感覺上都好似唔多調味, 金邊粉炒得乾爽, 但就欠缺酸甜醒胃嘅味道… 淡淡的~ 而且overall份量都略少, 食完都唔係好飽…餐飲要了特飲青檸梳打~ 係我鐘意嘅味道帶甜嗰隻~ 不過只得一片薄薄青檸… 所以杯野都無乜檸味.餐後奉上免費嘅甜品椰汁西米露~ 甜度適中而西米軟淋, 不過成碗野煲到糊仔咁… 食完即刻飽咗! ::: 青咖哩豬頸肉飯 + 綠豆椰汁冰 ::: $39 + $4青咖哩上枱有陣陣嘅咖哩濃香, 之不過味道都係差d, 咖哩好稀唔似平時食開嗰d青咖哩… 豬頸肉買少見少, 只有3-4片, 味道唔入味, 都係後加上咖哩度… 泰式茄子好生唔夠淋身, 亦同樣冇咖哩味… 綠豆椰汁冰唔錯, 綠豆
::: 泰式炒金邊粉 + 青檸梳打 ::: $39 + $4
配料豐富、賣相亦不俗. 蝦仁、蛋絲、韭菜、芽菜、豆乾、蝦米仔等通通都有~ 仲有大量我最愛的花生碎! 萬事俱備, 只可惜欠了味道. 蝦係橡膠蝦無鮮味都預咗, 其他配菜感覺上都好似唔多調味, 金邊粉炒得乾爽, 但就欠缺酸甜醒胃嘅味道… 淡淡的~ 而且overall份量都略少, 食完都唔係好飽…
餐飲要了特飲青檸梳打~ 係我鐘意嘅味道帶甜嗰隻~ 不過只得一片薄薄青檸… 所以杯野都無乜檸味.
餐後奉上免費嘅甜品椰汁西米露~ 甜度適中而西米軟淋, 不過成碗野煲到糊仔咁… 食完即刻飽咗!
::: 青咖哩豬頸肉飯 + 綠豆椰汁冰 ::: $39 + $4青咖哩上枱有陣陣嘅咖哩濃香, 之不過味道都係差d, 咖哩好稀唔似平時食開嗰d青咖哩… 豬頸肉買少見少, 只有3-4片, 味道唔入味, 都係後加上咖哩度… 泰式茄子好生唔夠淋身, 亦同樣冇咖哩味…
綠豆椰汁冰唔錯, 綠豆幾爽口又有椰香, 算係為呢個唔滿足嘅飯加番少許分數.
一路食一路見到越嚟越多人等位~ 服務唔係唔好, 不過真係會對街坊熟客偏心d. 食物價錢係抵食嘅, 不過其實呢d價錢都仲有好多其他選擇, 而且佢地d料同味道都爭咁d. 
张贴
