影片
更多
2025-04-15
169 浏览
上星期難得有3日連假，感覺出街食嘢會好多人😂所以我同男朋友就揀咗呢間偏離荃灣市中心嘅泰國餐廳食lunch。可能因為位置較偏，即使係假日都唔係好多人，小店嚟講我哋覺得坐得幾舒服。我哋嗌咗一個lunch set同兩樣小菜，仲追加咗份甜品，夾埋二百幾蚊，唔可以話好平但都唔算貴。🥢泰式海南雞飯 💰70 (👅：8.0/10)呢個套餐包埋前菜同嘢飲，前菜我哋揀咗冬陰功湯，入面有大量車厘茄同菇類，我鐘意碗湯嘅味道夠酸，辣度亦較友善，適合香港人口味，不過個人略嫌雨露落得太重手，有啲鹹。海南雞飯好大碗，有10件左右嘅雞件，雞胸同雞髀都有比，外表油亮有光澤，雞皮薄且軟彈，雞髀肉軟滑有層次，雞胸肉都唔算柴。油飯煮到粒粒分明，散發住淡淡嘅雞油、薑黃、香茅同埋乾蔥混合嘅香氣，唔會太油膩，優質~套餐仲會跟一杯檸茶，茶種極具泰式風味。🥢豬頸肉 💰78 (👅：8.0/10)豬頸肉幾大份，而且每一片都頗厚肉，肉質軟嫩爽口，咬落有輕微脂香滲出，點埋個開胃嘅酸辣醬就啱啱好，個人認為表層可以燒得再耐少少，焦香會更突出。🥢 串燒（雞、牛、豬）（3串）💰48 (👅：7.5/10)雞牛豬各一串，每件肉都燒到外層焦脆，充滿碳香，唔點
🥢泰式海南雞飯 💰70 (👅：8.0/10)
呢個套餐包埋前菜同嘢飲，前菜我哋揀咗冬陰功湯，入面有大量車厘茄同菇類，我鐘意碗湯嘅味道夠酸，辣度亦較友善，適合香港人口味，不過個人略嫌雨露落得太重手，有啲鹹。
冬陰功湯
15 浏览
0 赞好
0 留言
海南雞飯好大碗，有10件左右嘅雞件，雞胸同雞髀都有比，外表油亮有光澤，雞皮薄且軟彈，雞髀肉軟滑有層次，雞胸肉都唔算柴。油飯煮到粒粒分明，散發住淡淡嘅雞油、薑黃、香茅同埋乾蔥混合嘅香氣，唔會太油膩，優質~
套餐仲會跟一杯檸茶，茶種極具泰式風味。
🥢豬頸肉 💰78 (👅：8.0/10)
豬頸肉
16 浏览
0 赞好
0 留言
豬頸肉幾大份，而且每一片都頗厚肉，肉質軟嫩爽口，咬落有輕微脂香滲出，點埋個開胃嘅酸辣醬就啱啱好，個人認為表層可以燒得再耐少少，焦香會更突出。
🥢 串燒（雞、牛、豬）（3串）💰48 (👅：7.5/10)
串燒（雞、牛、豬）（3串）
0 浏览
0 赞好
0 留言
雞牛豬各一串，每件肉都燒到外層焦脆，充滿碳香，唔點醬都夠惹味。個人最鐘意牛肉，鮮嫩爽口有肉汁，肉味都幾濃，有驚喜；豬肉都燒得唔嚡，同香茅味道好夾；但雞肉就好普通，扣咗啲分。至於沙嗲醬嘅調味偏甜，食得出好香嘅花生味，如果再穊身啲會更好。
🥢芒果糯米飯 💰38 (👅：7.0/10)
芒果糯米飯
12 浏览
0 赞好
0 留言
呢個係午市套餐追加嘅價錢，糯米飯新鮮熱辣，但煮得唔夠粘糯，少失望。芒果份量都唔少，而且果肉夠厚，入口香氣四溢，而家唔係芒果季節甜度點都會爭啲。
整體嚟講，我覺得呢到嘅食物係勝過一般泰國餐廳嘅質素，叫對得住個價錢，lunch set尤其抵食，經過可以試吓。店員服務態度都幾好，冇投訴～
张贴
