Grill ขุนทอง (和安里)

同朋友玩完，去咗樓下間串燒店醫肚，嗌咗個泰式串燒雞肉配炒飯。老實講，個串燒雞肉真係有驚喜！一上枱已經聞到好香炭燒味，啲雞肉燒到啱啱好，外皮有少少脆，入面就保持到肉汁，一啲都唔「鞋」口。醃得夠入味，個醬又香又濃，帶少少花生嘅甜香，同啲雞肉係絕配，我諗我淨係為咗個串燒都可以再encore！至於個炒飯呢，就真係普通咗少少。飯係炒得夠乾身，唔會油淋淋，但係味道就比較單薄，冇乜鑊氣，配料亦都欠奉，食落有啲寡。如果個炒飯可以再香口啲，味道層次豐富返少少，成個套餐就會完美好多。總體來講，雖然個炒飯有啲失色，但係個串燒雞肉真係好出色，拉返唔少分。成個套餐嘅水平都算係中上，絕對值得一試，下次嚟我會可能淨係叫串燒再配其他嘢食！…查看更多

路經蘭桂坊，一定認得呢間位於和安里的Grill ขุนทอง大招牌，同時會被他們的泰式串燒火焰吸引了目光，係蘭桂坊食嘢唔好諗住好貴，Grill ขุนทอง的全日串燒飯套餐，包埋飲品，最平只係$66就有交易，非常抵食，其他選擇仲有泰式海南雞飯、牛腩飯、豬手飯和沙律等，餐廳仲開到清晨5:30，chill完肚餓食宵夜就啱晒。泰式串燒配菠蘿炒飯及雜菜$72 凍檸茶串燒雖然看似是簡單直接的烹調技巧，但其實難在如何控制以高溫烤熟食物又不傷食材，這碟泰式串燒有齊豬、雞、牛肉，香氣撲鼻，菠蘿炒飯以新鮮菠蘿果肉入饌，米飯的熱力和酸甜果香相融合，份外開胃。泰式串燒雞肉配炒飯及雜菜$66 凍奶茶串燒爐火力平均，火候剛剛好，泰式串燒雞肉燒得表面帶焦香，肉質滑嫩不鞋口，沾上花生沙嗲醬，更加惹味，炒飯炒得夠乾身，粒粒分明，吸收了泰式香葉的複雜味道，微辣有後勁。泰式去骨海南雞飯$69 凍奶茶泰式海南雞已起骨，吃落啖啖肉，雞肉脂肪不多卻十分嫩滑，搭配的油飯軟硬適中，煮得入味，飯量十足。魷魚鬚燒$25魷魚肉質爽滑彈嫩，一點也不會過韌，點上酸辣醬汁，非常滋味。雞肉串燒$18嫩滑多汁雞肉，配上酸辣醬汁，和串燒飯點上沙嗲醬的雞肉相比是另一番滋味。…查看更多

地點：中環蘭桂坊和安里菜式：泰式串燒餐牌：多款串燒肉類，海鮮同蔬菜，餐牌亦有海南雞，幾款泰式飯，沙律，湯，街頭小食，甜品，仲有飲品，簡單易明。無收加一。平日午市都有午餐餐牌。主菜4選1，跟餐飲。首先去收銀處落單俾錢，然後自己揾位坐低再放低數字牌，等服務員逐一送上食物，可以自取飲管、紙巾、砂糖等。去骨海南雞半隻 $135去骨海南雞半隻都好大隻，真係全部去哂骨，連雞翼都細心去埋骨，除左雞翼尖位。雞脾位好滑溜，肉質嫩滑！雞胸肉都唔差。有好多肉同皮食，份量多。附上兩色醬，分別有甜豉油同酸辣醬，點醬食就好夠味啦。雞肉下底墊左好多爽脆偏生梛菜同一條紅蘿蔔仔，蔬菜量足。面頭一條新鮮芫荽。泰式串燒雞肉配炒飯及雜菜 $66泰式串燒雞肉三串，燒得燶燶地，無皮，食落啖啖肉，好多肉食。另上沙爹醬，花生味濃，甜甜地好惹味。雜菜即係串燒下面墊底既椰菜，仲有一條甘筍。泰式炒飯醬油味濃，味道都頗辣，加左好多材料如菜粒、菜絲同辣椒等同炒，好惹味，送白烚梛菜啱哂。青木瓜手撕雞沙律 $69手撕雞又瘦又稔，完全唔鞋，份量好多，面頭一片薄荷葉。下底青木瓜絲好新鮮爽脆，好有咬口，伴有少少青瓜絲同紅蘿蔔絲。甜酸蒜蓉汁另上，成兜倒埋落去，食落味道酸酸甜甜。怕肥人仕必叫。另外叫左串串燒。串燒用紙袋裝住。豬頸肉 $25豬頸肉一客4件，係燶邊架，口感超脆，好香口！味道叫左辣，配有芫茜酸辣醬，都頗辣！凍檸水（跟餐）凍檸水用個保溫杯裝住，入面有三塊檸檬，冇叫減甜，甜度都適中，解辣一流！今餐食物令人滿意。座位基本上都係高凳，播放酒吧音樂，非常之有happy hour feeling，冷氣好夠勁，大熱天時都唔會太熱。午餐收工happy hour宵夜都得。…查看更多

係酒吧林立既老蘭斜路居然有間泰式炭燒串燒～鋪仔唔大 但佢門口都有枱可以圍埋食串燒飲啤酒🍻行過已經聞到炭燒味香噴噴💨✿ 冬蔭公湯 $40 ✿依個冬蔭公係我飲過既入面印象比較深刻除左因為佢好特別咁用杯裝好方便之外 好重椰汁味 顏色比較奶黃 飲落好滑唔辣😻✿ 泰式串燒雞肉配炒飯及雜菜 $68 ✿串燒雞肉燒到燶燶地 肉質鮮嫩juicy💦沙爹醬有花生碎 甜甜地好夾🥜炒飯好多料 粒粒分明 少少辣好惹味～✿ 牛仔骨 $48 ✿手心咁大片既牛仔骨🥩燒到表片少少脆 肉質嫩滑 多汁入味✿ 泰國魚餅 $25 ✿份量好多 以酸辣醬調味 好香口👍🏻✿ 魷魚鬚 $25 ✿魷魚彈牙焦香 青辣椒醬調味好開胃😆✿ 有機露荀 $22 ✿用青咖哩醬調味既露荀～燒完依然幼嫩清新✿ 有機粟米 $22 ✿爽脆清甜 好解膩✿ 龍眼冰 $25 ✿好足料呀 成杯都係龍眼😍清清甜甜好滋潤👍🏻上午有set lunch 夜晚開到凌晨5點半下次黎老蘭飲野前後都可以去醫下肚喇😆…查看更多

餐廳：Grill地點：中環蘭桂坊和安里菜式：泰式串燒餐牌：多款串燒肉類，海鮮同蔬菜，餐牌亦有海南雞，幾款泰式飯，沙律，湯，街頭小食，甜品，仲有飲品。無收加一。平日午市有午餐餐牌。主菜4選1，跟餐飲。首先去收銀處落單俾錢，然後自己揾位坐低再放低數字牌，等服務員逐一送上食物。泰式青咖喱牛腩飯 $69泰式青咖喱好香又滑溜，熱辣辣淋落白飯度，味道微微辣又甜甜地，椰汁好香，撈飯真係一流！牛腩有4/5舊，味道口感都唔錯。蔬菜有爽口翠玉瓜，泰式茄子，同青豆角，好新鮮。白飯分量好多。泰式串燒雞肉配炒飯及雜菜 $66泰式串燒雞肉三串，燒得燶燶地，食落啖啖肉。另上沙爹醬。個沙爹醬花生味濃，甜甜地好惹味。雜菜即係串燒下面墊底既椰菜同紅蘿蔔。泰式炒飯粒粒分明，味道都頗辣，加左菜炒，好惹味。可以走辣油，不過味道都有少少辣。凍檸水（跟餐）凍檸水用個保溫杯裝住，入面有三塊檸檬，甜度適中。泰式青咖哩大魚蛋 $28呢個泰式青咖哩大魚蛋非常似港式小食，直頭用杯裝上，一客有兩大粒，魚蛋質感食落非常彈牙，而個青咖哩汁好惹味，面頭見到少少辣油。去骨海南雞半隻 $135去骨海南雞半隻都好大隻，真係全部去哂骨，連雞翼都細心去埋骨，除左雞翼尖位。雞脾位好滑溜，肉質嫩滑，好好味道！雞胸肉都唔差。好多肉同皮食。附上兩兜兩色醬，分別有甜豉油同酸辣醬，點醬食就好夠味啦。雞肉下底墊左好多梛菜同三條紅蘿蔔仔，蔬菜量足。面頭一條新鮮芫荽。今餐食物令人滿意。座位基本上都係高凳，播放酒吧音樂，非常之有happy hour feeling，午餐收工happy hour宵夜都得。…查看更多

近於蘭桂坊附近的一間泰國餐廳, 為了慶祝朋友生日就來試試看, 原來要在櫃檯下單。 雖然如此並非毫無服務, 收銀員會有問有答有推介食物, 我們轉另一張位置時侍應都有替我幫我們 😊泰式青咖喱牛腩飯 $72青咖喱微微辣, 帶點斑蘭味, 所以辣中帶點甜, 味道不錯 👍🏻 牛腩切粒, 肉質淋身, 還有佛手瓜泰式串燒雞肉配炒飯及雜菜 $68雞肉串燒並不乾身, 鎖住了肉汁, 炒飯算粒粒分明, 有獨特泰式風味, 另配秘制沙嗲醬, 也相當滋味 ☺️此外我們還點了幾款串燒, 我認為串燒是這裡最出色的食物, 款款都相當惹味 😋 又辣又酸, 而且燒得不過火, 其中最愛就是魷魚, 豬頸肉和牛肉串燒, 煙韌有咬口 😀 菠蘿都不錯, 稍為甜了點。以中環來說, 價錢是非常便宜! 而且味道也有水準, 如果飲品可以再多點款式就更理想。…查看更多

🇭🇰✨中環蘭桂芳人氣串燒店去蘭桂芳一定會經過呢間位於巷仔嘅串燒店，好多人飲完嘢、落完club都會去食番兩串，有幾出名相信唔洗我多講🤪每串串燒都醃得夠入味，燒到燶邊有焦香，配上香濃沙嗲醬，正！🌟泰式去骨海南雞飯 $72雞肉好嫩滑，去咗骨啖啖肉🌟泰式串燒雞肉配炒飯及雜菜 $68炒飯係MVP👍🏻個炒飯好惹味，炒得粒粒分明，有油份包裹每粒飯粒，唔會乾身🌟雞皮串燒 $25雞皮厚身帶點煙韌，食落口感有啲似雞肉，完全唔會肥膩食唔落口雞肉串燒 $18雞中翼串燒 $22牛肉串燒 $22📍 Grill ขุนทอง (和安里) (中環)中環和安里1號地舖…查看更多