泰濃麵 (樂道)

营业中

休息中

呢間位於 尖沙咀I Square 後街樂道的「泰濃麵」，一直都好想去試下佢嘅粉麵。今日趁著去尖沙咀工作，有足夠時間，專登提早成個鐘去，終於試到佢嘅泰國湯粉。餐廳提供三款湯底，清湯即雞湯；船湯即豬骨湯；想要辣就可以選冬陰功湯。落單時先揀湯底，然後就揀餸，最後就揀粉麵或飯。跟餐可以$5加罐裝飲品或指定特飲（$18）。另外亦有海南雞飯及多款小食。下午2:30後特設下午茶，更加抵食。《卜卜蜆》（$89），湯底選了冬陰公湯，然後配金邊粉。我自己比較鍾意金邊粉微微爽嘅口感。卜卜蜆粒粒都肥嘟嘟，仲有其他配料：蝦、青口、蟹柳、鮮菇及秋葵，非常豐富。配上香濃冬陰公湯底，真係好食到不得了。《泰式鳳爪》（$49），配上芹菜絲、洋蔥絲、蔥𢇁、椰菜絲絲，加埋泰式酸辣汁，夠曬酸辣惹味 。《泰國原個新鮮椰青》（$48），果然係好新鮮，又清甜又多汁，夠冰凍，真係正到冇朋友，大滿足的一餐。當日有個小插曲，話說隔離枱來了三位男士，佢地好似有選擇障礙及困難症，心大心細，落咗單一陣之後又要求雙併改單併，改餸、改飯，改完又改。店員姐姐十分有耐性，首先好細心解釋清底分別，雖然客人改單多次亦立即通知廚房，仍保持很好態度，真係值得一

最近發現有香港開左好多間賣船河嘅泰國🇹🇭菜， 係小編最鐘意食嘅泰國地道美食，☺️ 之前去泰國每日要食幾碗！😂 係尖沙咀isquare附近見到一間主打泰國船麵嘅餐廳—「泰濃麵」， 就試下啦～ 泰式鳳爪（$48） 鳳爪份量都算合理，無骨爽口， 拌上獨特嘅醬汁，加上芹菜、洋蔥和蕃茄嘅配搭，酸辣開胃～😜 炸雞翼（$38）炸得微脆， 蘸上泰式酸辣醬，微辣惹味～ 雞髀肉船湯（$68） 湯底濃稠，質地有少少似芝麻糊， 店員話廚師全是泰國人，所以跟足傳統，加左少許豬血，味道幾正宗！😳 金邊粉滑溜煙韌，有點掛湯， 配料都幾豐富， 有豬油渣、雞髀肉、魚蛋、肉碎、蘿蔔等， 雞髀肉嫩滑，豬油渣炸得香脆可口， 不錯吃！👍🏾 頂級美國🇺🇸肥牛冬陰功湯（$68） 冬陰功湯味道比較淡，不過都幾香，值得一試！ 小編貪新鮮， 所以試左平時比較少見嘅薯粉， 喜出望外，薯粉煙韌有彈性！ 頂級美國肥牛有三、四塊，肉香又有咬口， 不過可能係冬陰功湯底嘅關係， 所以多左好多海鮮配料如青口、蝦、蟹柳等， 配料都算足！ 泰國原個新鮮椰青（$48） 椰青大大個，椰青水鮮甜解渴！☺️

自從一次在泰國食過冬陰功湯麵之後，一真念念不忘。今次來到位於尖沙咀的泰濃麵，主打泰國湯麵，全由泰國廚師烹煮。餐廳裝飾富泰國風味。餐廳提供三款湯底選擇，船湯、冬陰功湯和清湯。有5款麵底可選配，或者配白飯，還有多款泰國小食和甜品。飛驒和牛冬陰功湯 金邊粉 $128冬陰功酸辣醒胃，夠地道。飛驒和牛出名肉質鮮嫩，油脂甘香，入口即溶。牛肉燙至半熟、粉嫩色，牛味濃郁，非一般牛肉可媲美。原來配冬陰功湯底也不錯。金邊粉滑溜，吸湯力強，啖啖冬陰功湯精華。配料豐富，有大蝦、青口、秋葵、蟹柳、野菌。份量啱啱好。食冬陰功湯麵，配埋泰國原個新鮮椰青更加地道，清甜可口，中和冬陰功的酸辣。炸蝦片 $12脆卜卜，就咁食又得，沾湯食又得。烚唐生菜配秘製腐乳醬 $28秘制腐乳味道帶甜，配新鮮唐生菜不錯。泰式特色糕點拼盤 $38泰式椰汁糕&泰式千層糕 熱辣辣、軟糯的泰式千層糕，令人念念不忘。泰式椰汁糕 用班蘭葉摺成的小盒子裝著香濃椰汁糕，底層是軟糯西米，口感層次豐富，香甜不膩。