喜來稀肉

情人節打算不被割到一頸血，所以選擇了韓燒，以為亞洲菜式冇情人節set dinner，但其實都有minimum charge，不過每人＄300，都可以接受。一直聽到有好多好好嘅評價，所以都想試一試。一坐低就好迅速地有人俾咗幾碟side dishes我地，有傳統白菜泡菜，有粟米，有洋蔥，有大豆芽菜，然後好快就有人到左啲蛋漿落個爐嗰度。食得辣嘅話傳統嗰啲白菜泡菜就好好味啦，所以都加左兩次，想加多一點粟米，但要加錢，所以最後都冇加到。碟洋蔥好鬼難食，可能太生。叫咗一個＄388牛肉Platter,同一碟牛肉護心肉（聽講係佢哋嘅招牌肉。整體感覺ok, 但始終又唔係好似人人講到咁好食。服務態度都麻麻哋，完全冇韓國人侍應，亦都冇人介紹過肉係咩部位，所以都唔係好知自己食咗啲乜嘢。但食完呢個韓燒之後，行到去邊果陣味去到邊。不過燒果塊板真係唔錯，食咗好多次韓國燒烤，唔係好用側邊果舊肥豬肉嘅話，都好易會竉晒，同埋癡底，但喜來嗰個爐燒左好耐都只需要換一次，同埋痴底燒窿問題唔嚴重。…查看更多

香港地，無論‌天氣凍定熱，D人總係鍾意吃火鍋，食烤肉！我都唔例外，前幾日就約左幾個朋友來到銅鑼灣嘅“喜來稀肉”。雖然，近年來香港都開左唔少高質數嘅烤肉店，而喜來稀肉卻一直都人氣高企，皆因佢唔會提供D劣質食物俾客人！前菜有泡菜，芽菜，洋蔥，仲有碗湯，湯裡有幾條芽菜，清清甜甜，幾好飲！泡菜、芽菜都好味，前菜種類係少左D，但勝在美味亦無限添食！喜來烤肉，呢個係此店的招牌菜，砌成一朵好靚嘅玫瑰花狀，攤開後份量亦唔少，經微微烤後，牛肉本身的香味保留著，味濃鮮香，肉質松軟，配上特制醬料，清爽香甜。牛五花，肥瘦分布均勻，質地很鮮嫩，口感豐滿不油膩，醬汁微甜，包埋生菜一齊吃，仲正。烤牛腸亦係喜來稀肉的特色菜，出面韓燒店比較少見，燒起食落同豬皮唔同嘅係，牛腸爽脆，而豬腸會韌D，但一樣有嚼勁，一樣越嚼越甘香！烤豬皮煎蔥餅，非常好食，好多料，有蝦仁、蔥、紅椒芝麻等，煎到微脆口感仲好煙韌，好香服務周到，食物質數高，值得品嘗！…查看更多

第一次來這裏，卻是為歡送同事。雖未必是最後一次和這同事吃飯，但有機會是最後一次以同事的身份來一起共進晚饍。自己雖然沒有去過韓國，但總算有看過不少韓劇。內在環境及氣氛都很韓式，大木枱，灰色地，還播着K-pop MV，感覺都算特別。不知道這款爐是否真正的地道，但就是近來很潮的一種。三個間格放了有泡菜的蛋槳、純蛋及蒜片。耐心等待後便可以吃到很有特色的熟蛋了。這個裝清水的樽都頗有亮點，因為有全智賢嘛！一共有三款小吃：泡菜、洋蔥及大豆芽，反有各特色。最辣的是泡菜，洋蔥很清甜，而大豆芽主要是甜的。因為是免費添吃，各人都吃得很開心。這裏主要提供豬及牛。較有印象的先是豬皮（上圖的右邊），因為本身較薄，燒過後很脆，一點肥都沒有。而牛的代表就是這個生牛肉，完全沒有加熱，用生蛋配上蘿蔔，用鐡匙攪拌後便可進食。不知是否第一次吃，心理有點不知所措的情況下令到有點吃不出味兒。…查看更多

環境：算寛闊，肯定不會背對背，冇乜煙味。廁所用飯碗放洗手液，感覺不佳。服務：已經當你熟客，服務員放下所有野便行了，由我介紹一下啦！烤爐邊倒了2款蛋漿，原味和辣味，個人喜歡原味，較滑和蛋味香。有三款好味的泡菜和一款滴緊水的生菜(包肉會溝淡肉味)，食完可添。4人可配給一個湯碗，都是可添的。四方椅是可以打開放袋的，可惜食完才知。點了招牌護心肉丶五花肉丶豬皮丶喜來烤牛肉和啤酒，護心肉夠軟和香，如果燒生的會好食的，不過唔知貨原，所以全熟。五花肉燒走油後，外脆內香，呢個仲似招牌。豬皮質感似啫哩，冇乜特別。牛肉切得太薄，火鍋就差不多。細支韓啤＄30，淡味清爽，夾燒烤火鍋都ok。…查看更多

打從上年喜來稀肉在尖沙咀第一家店開幕，我和哈韓友人們就一直很想一試。可惜剛開張人流太強勢，連訂座都要等兩個月，當然直接到餐廳等位的人潮亦是源源不絕。不單是店內，行人道，大家甚至都排出馬路去了，很危險啊……　　所之當我地知道喜來稀肉開分店，仲要係旺區，就好似今次去既銅鑼灣分店，就知道有機啦！分流之下大概就唔使等咁耐掛？即刻訂位！點知果晚去到都仲係要等位同埋要限時，冇所謂，食到就算啦。爐邊蛋漿（原味和泡菜辣味）　　就是免費任添的蛋漿，有兩款味道，均是任加的。只要揚手同職員講，佢地就會拎住一壺蛋漿過黎即添架啦！:^)我們巴不得要無限添，但最後只是添了一回原味。　　原味較能吃出蛋香，而且味道純粹簡單。當食左濃味烤肉或菜式之後，想清一清的，不一定要飲野，食蛋都得。泡菜辣味就比較香口，辣得過癮夠惹味，唔算麻辣但好夠香。加上蛋漿，辣中微酸，更有濃濃雞蛋香氣，剎是不錯。　　建議食到生少少既雞蛋既朋友可以係佢燒至表面乾水就挖一點來吃。若是裏頭有蛋漿溢出，會自動流淌去填補舀去了的部分。咁就通常會食到嫩滑又不過生既雞蛋，仲沾有薄薄蛋漿同食，香氣更厚郁。豆芽湯　　可以添加的湯品，十分輕盈又簡單的豆芽湯。豆芽仍帶少許爽脆，湯底味道不濃，算是清香夾有菜甜。若是食到太辣既食物，頂唔順時飲下清清味蕾也無不可。泡菜　　辣度頗高，就連平日食得辣既朋友都出聲叫我小心食。不過辣得黎唔係盲辣，仲有辣椒及其他醃料既酸度及微微鹹香。白菜夠清爽，點點脆度不會太過單調。當食左好多燥熱食物，肥膩食物，用泡菜既酸辣清新及微凍清涼既味道質感去解膩。用不著多說，一下子清味蕾的好戰友！　　豆芽及洋蔥都係任食既前菜。豆芽夠爽口，帶脆不過稔，唔會好霉好水爛。洋蔥薄身軟稔，生洋蔥原有的嗆香，配上酸酸的醬汁，讓人大叫刺激。　　生菜同其他韓式燒烤一樣，係任你食任你包既。顏色青翠，新鮮爽口，清甜菜香當然是腸胃的好友，解膩的佳品！　　或者是重口味如我的，可以下點醬汁才包肉，惹味得不行，分別有辣油、豆瓣及麻油鹽三款。個人就中意豆醬既，係韓國果陣都會瘋狂蘸點佢。然而這裏的豆醬太過稀身，難以沾掛，還是有點遺憾了……韓式烤豬大腸　$120　　豬大腸一盤端上，比想像中多得多，感覺大氣。一看到這盤滿滿的，就想起在韓國的時候언니帶路，去到大邱既烤腸街，食左人生中第一次既大腸。其後則是為之著迷了，番到香港食韓式燒烤都必點。　　這兒的豬大腸件件色澤鮮潤，表面沒有髒污，切得厚薄得宜。燒過後外皮帶少許焦脆，充滿嚼勁彈性，豬腸香氣亦不俗。可惜的是雖然叫清潔得夠乾淨，但連裏頭少許脂肪好像也去掉了。入口沒有那種豐腴甘香，只剩濃濃的豬腸衣原味。沒那麼油膩不健康，不過……吃豬大腸不就是想嚐到那啖油香嗎？辣護心肉　$160　　講真真係店方最主力推介既肉款，餐牌更有一版專門介紹。依部位來說，就係豬隻橫隔膜與肝臟之間既肌肉肉筋。每隻成年豬也只有兩三百克，呢度一份取保險位，就有兩百克。望落就好似同普通切條豬柳冇分別，仲要醃完又一堆扭埋哂咁，細細一碗仔。對於未食過護心肉的我們……有點失望啊！　　點都好，都係要燒黎食過先知。不過個人認為自己動手既燒烤好睇技巧，因此我都唔想特別吹噓或者貶低其原有品質，畢竟唔係生食。　　一路燒一路食，又要剪切又要包菜又要包醬……結果？咪就燒得太耐，過熟囉。粒粒剪切開來既護心肉燒至帶焦微燶。諗起平時食開既豬肉係呢個時候，應該會乾到要沖水吞．大感不妙。　　直接夾起，放微涼至能入口的程度就一口吞下。吃到的是最原味，沒有後加調味、沾醬、包菜包飯減膩或是印去油脂。　　……嗯？　　一嚼下去完全沒有想像中的硬柴韌實，厚身的護心肉仍是夠稔香可口。肉質嚐起來保留到嚼感，富有彈性而中心濕潤滲點肉汁，唔會係用鬆肉粉去醃稔會做到既效果。醃過的辣味只是香辣，蓋不住原來的濃郁肉香，清而不膩。而且沒有大大塊脂肪帶牽著，唔會有油淋淋的膩口反胃問題。雖然份量的確不多，但都叫做試得過，唔係外表所見咁平凡。不過上述純粹為我地個人意見，各人口味不同，另覓所好亦無不可。生牛肉拌飯　$98　　一大碗盛起奉桌，食物份量不多，但用大碗就方便拌飯冇咁易跌出黎。滿滿的配料蓋滿白飯之上，鋪得密密麻麻，中間的飯粒全然躲藏起來了:^0！儘管大碗令食材顯得稀少不足，然而還掩不過色彩及種類上的豐盛。　　見我地放左係度一段時間都仲未得閒拌勻，店方就過黎提醒。因為生牛肉有稍為醃過，放置長時間既話會有點氧化。睇落去顏色就會轉暗，又好易變質，影響食物衛生及身體健康。　　但我地仲有成枱食物要奮戰，連搵位放都成問題，更別提要拌好吃了。職員可能都睇唔過眼，主動過黎幫我地拌好佢。XDDD隔離枱見狀就以為係原有服務，順手又叫職員幫手。:^p只係講咩都好，若是要點此道，請儘快食用，最好係一上枱已經起筷。　　生牛肉拌飯既重點食材當然要數生牛肉自身啦！牛肉呈細絲條狀，有如伴菜，只是上桌時被搓回一團疊於正中。上頭再打生蛋，看著就有如一朵紅花，帶著黃色的花蕊。牛肉就如視覺上一樣嫩滑，牛肉香氣稍為清淡，沒有平常吃到的濃膩。半點腥臊味道也不覺，比魚生是更加稔爽，幾乎不用嚼咬就可以直接吞下，連筋位亦是極少。　　伴菜切成絲條狀是有別於飯粒的形狀。吃下去不單有粒粒分明的飽滿彈牙飯粒，還有一絲絲的伴菜爽口清脆。微甜帶水分更是稍為滋潤了飯粒，食落清爽順口。　　戳破蛋黃後，飯底盡情吸附蛋漿，變成略帶金黃的誘人賣相。吃下去，蛋香全收，毫不浪費，且不腥又不膩。將生牛肉與伴菜及飯底同吃，不失為一道清涼沁爽的傳統佳餚！！！！！　　服務方面真係都教人滿意的，主動又貼心，效率也頗高。如果要添加免費贈菜，職員係快快手送上。唔係掉落黎係奉上桌，夠哂禮貌，佢地都唔會因為免費野冇得賺而拖延十世。加上幫我地拌飯之前又問過使唔使幫手先。一邊拌飯一邊同我地解釋番要趁早食，語氣態度溫和友善，唔係好似以前有間既人係拎起拌勻黑面走。到尾就夠鐘，職員會黎提要交枱，但絕對唔係不斷煩膠去逼人走。仲要佢提完，我地想加多次蛋漿，都會添，並非見你就走就求其做。又冇食食下突然拉你去俾左錢先，感覺幾尊重客人。:^)　　說真的，我地兩個人點左一份肉，一份大腸同一碗飯。但時間上真係好緊逼，趕到咩咁先剛剛好食得哂。環境雖然叫坐得舒服，周邊唔會過份逼狹。只係張枱又係好細既，放哂前菜、湯、菜籃、餐具同冰水之後已經冇咩位。去到後期我地真係用手拎起支水，拎起兜飯去食。　　90分鐘時間限制真的有點麻煩，就算唔係食完之後坐哂係度吹水，仲係奮戰之中，都係要跟守店方規則。其實公事公辦又冇錯既，只係有少許不人性化。點太少我地又食得唔飽唔盡興；點得多俾錢佢賺啦，又唔夠時間食唔夠位置放。總覺得又是兩難的狼狽局面啊………查看更多

一向都知喜來稀肉位於尖沙咀的主店日日排長龍, 人氣爆燈。早前竟收到它試食邀請, 雖是去銅鑼灣分店, 但相信質素都有保証, 當然應邀出席。一出升降機門便看到一塊寫上韓文和中文的招牌, 內裏地方不算很大, 但座位頗多, 感覺有點狹窄。內有圓形枱和方形枱配無背椅子, 舒服程度一般, 而每枱都設有一台燒烤爐及抽油煙的氣管, 食客不用擔心燒烤食品時弄至全身油煙。不論有沒有客人, 每枱都預先放了三款前菜及一籃生菜, 它們並沒有蓋子, 預早放在枱上, 感覺不太衞生, 其實當有客人坐下才送上前菜不是便好嗎? 起碼能確保食物不會長時間暴露空氣中而變壞的可能。三款前菜包括有泡菜、大豆芽及生洋蔥絲。泡菜 爽口脆身, 片片沾滿辣醬, 辣度頗重, 相當入味, 越吃越刺激, 愛辣的我吃得很滋味。大豆芽 同樣爽口, 兼且帶汁, 雖混入了辣醬, 但辣度較温和, 適合不能吃得太辣者, 用來佐白飯挺不錯。生洋蔥絲 條條幼長, 清爽多汁, 雖沒有加入辣醬, 但由於生食, 故本身帶辛辣, 友人醒目地把它們輕燒, 吃時更美味。除了三款前菜外, 還有一碗大豆芽清湯, 其清澈透底, 味道清淡, 內存清爽的大豆芽, 可惜又是一早已上枱, 故喝時已完全涼了, 始終熱湯會更美味。最喜歡是烤爐邊的煎蛋, 一邊加入了辣醬, 另一邊是原味。食客可按個人喜好的生熟程度而舀來進食, 個人較喜歡吃半生熟蛋, 入口滑溜, 蛋味香濃, 相當美味, 而加入辣醬的滑蛋則更加惹味。點一份店子招牌菜, 就是護心肉($150/200g)。護心肉即是豬的橫隔膜與肝之間的肌肉肉筋, 每隻豬只有約200-300克, 此部分肉質會較柔軟而不油膩。先由店員悉心為我們一邊講解, 一邊示範燒製, 挺不錯的服務。店員把其燒至外層帶稍稍焦燶, 香燒後味道濃郁, 但略嫌肉質不夠柔軟嫩口, 有點失望。以清新爽脆的生菜包着一件蘸上韓式辣醬 的護心肉, 再加入一些泡菜 和大豆芽 同食, 別有一番風味。還點了一客份量不多的魚籽石頭窩拌飯 ($88)，上枱時熱辣辣, 香氣十足。內有脆卜卜的魚籽、火辣的泡菜、清新的洋蔥粒、絲絲的紫菜 及撒了一些甘香的芝麻, 整體味道不錯, 可惜米飯 較為黏口濕淋黏, 而吃石頭窩飯最期待是那餅香噴噴而可口的飯焦底, 但可惜它竟然欠奉, 真的非常失望。------------------------------由於上菜快手, 所以今次真的好快燒一燒就離開。友人大讚尖沙咀主店的食物美味, 但可惜銅鑼灣分店的質素平平, 並非預期所想。…查看更多

近來再次收到喜來稀肉的試食邀請，原來最近他們在銅鑼灣也開了分店呢，相信可以分散一點在尖沙咀的長長人龍吧？!當晚約了友人一同前去，位置頗就腳的。約七點上到去，店內已坐得滿滿的，但感覺比尖沙咀店迫狹和嘈吵。坐左我們附近的，相信就是收工來吃烤肉的oppa，看到他們點了滿桌子的食物，認真豐富。.剛坐下已店員已在爐邊倒入蛋漿，一邊是原味帶點辣味，入口滑滑的，不錯。.看到桌子已放了數碟前菜，像入口辣味頗勁的泡菜，味道比平時食的泡菜辣得多，頗為過癮。.涼拌大豆芽、生洋蔥和大豆芽湯等。還有一枝大凍水，裡頭也加片檸檬，可以清清油膩感。(數款前菜和湯都可以免費添加).烤肉必備數款醬汁，包括韓式辣醬，豆辦醬和海鹽；當然少不了烤肉(包肉)必有的新鮮生菜。.在牛肉和豬肉當中，小妹選擇了真雪花牛肉 $200。每碟約有7片牛肉，每片都切得厚厚的，油脂分佈平均，紋理分明，色澤紅潤。.正在烤肉的時候，有位韓藉年輕店員來幫我們烤，他也細心的問我們要幾成熟，盡量把烤肉火喉控制到我們想要的。.這塊厚切的雪花牛，食落很有咬口，也有牛肉香，不過肉味不算很濃，和上次試過的五花肉相比，五花肉比較惹味，食落較油脂豐腴。.大醬湯 $68店方極力推薦這大醬湯，所以便點了。這大醬湯湯底用上韓式味增醬和辣椒醬所製，材料不少包括粗蔥、豆腐、香菇、金針菇和豬肉片，材料滿多。味道有點像日本的味增湯，再帶點辣的味道，其實頗惹味的。一邊飲湯和食配料很快便有飽肚的感覺，而且熱量不高，所以韓國人也挺愛煮這個湯，冬天食很暖胃呢!…查看更多