南대門韓國料理 (恆港中心)

⭐️ 呢餐係：「好地地賣燒肉咪算做咩賣超辣雞」嘅一餐今次朋友請食飯🤩 帶咗我地去間韓國餐廳～ 以前食過佢啲燒肉都ok！今次就試下其他野🥳 佢有4間分店，但係其實3間都喺韓國街，都好近😂 閒日夜晚都唔洗等位👍🏻🥘春村炒辣雞（M）$280一開始問佢話係二人份，點知黎到似四人份多啲。就算唔嗌其他野，得兩個人都唔會食得曬😂 黎到嘅時候我已經諗係咪炒辣雞黎，點解配料唔一樣嘅🧐 煮到滾又冇人幫手搞下，但係啲廚具又唔俾我地，好不知所措😅 食落都唔係平時啲炒辣雞味，個汁都好稀😭🍜水冷麵 $80夏天嘅來臨就梗係要食返碗水冷麵🤩 涼涼地酸酸地幾開味。抵讚係醋同埋芥末都係另上俾你自己加，可以因自己喜好加👍🏻 🫓泡菜煎餅 $108呢個有驚喜！🤩 熱辣辣就基本，厚得黎仲要脆邊！😋 好多韓國嘅韓食餐廳都未必有脆邊👍🏻 泡菜味都夠，但係唔知點解食到有一塊竟然有兩粒類似軟骨嘅嘢？🥴🐔甜辣醬炸雞 $190黎到隻碟好壯觀（留意係隻碟😂）食咗兩件都係雞胸，鞋都好正常，唔算juicy。朋友就話雞髀都滑幾好味。炸皮唔會太厚，又脆，配埋個醬，甜甜地，都算唔錯！仲有多三粒炸餃子，但係就係超市買到嗰啲韓式餃子，好普通。環境質素：🌕🌕🌕🌗🌑食物質素：🌕🌕🌖🌑🌑CP值：🌕🌕🌖🌑🌑回頭指數：🌕🌕🌕🌗🌑其實以前都食過，啲燒肉都OK，所以都黎過。但係今次個炒辣雞唔係太得。建議如果黎嘅話食返燒肉或者其他野就好啲啦😋Follow me on instagram @10.eatssdm for collab🙌🏻…查看更多

每逢happy Friday, 朋友們都會周圍搵嘢食，一齊去happy gathering!!!韓風仍然未減，我哋仍然好鍾意食韓國菜，所以上個月就去咗韓國街睇吓有咩食，點知可能係星期五關係，全部都座無虛席，反正間間都要排，就揀間最長龍嘅隊來排！🚶🏼🚶🏼‍♀️所以選咗呢一間試吓🤣誰不知食物又幾好味！特別推介泡菜煎餅！外脆內軟，食完一片再一片！但反而比較貴的海鮮煎餅都不及泡菜煎餅好味！韓式紫菜卷就冇乜味，要夾住泡菜一起食先好食點，但平平淡淡嘅湯辛辣麵反而很好吃，如果想簡簡單單食一餐韓國快餐，呢度錯嘅選擇！😋👍🏻不過呢間小店座位非常狹窄，非常不舒適，食完就要即刻走啊。…查看更多

講咗好耐，終於同朋友實現我哋既韓食之旅。人人都話尖沙咀金巴利街係小韓國，我哋第一個目標就係試均金巴利街既韓食。本來今日既目的地係北口，但係竟然無開(可能係因為個時比較早，12點左右)　於是我哋近近地入左間起正北口隔離既呢間。裡面只得十張枱左右，小溫馨~環境都算唔錯。鋪面招呼人客係個妹妹，應該係家庭式經營。坐低之後個妹妹就拎左餐具黎，係傳統韓式餐具，而前菜就有五碟。妹妹既服務都唔錯(好似怪姐姐==)，時不時過黎幫我哋加茶，茶係冰既，準備解辣？亦都唔係平時飲個D茶，ORDER個陣份量等等妹妹都問得好清楚，唔洗落錯單。我哋兩個好耐都諗唔到叫咩食...因為想食既野實在太多啦！！！最後每人叫左一個LUNCH，再另加兩樣。前菜五款：泡菜，菠菜，薯仔，青瓜，芽菜。五樣都做得幾好，朋友好鐘意食個薯仔，係甜甜地既。我特別鐘意個泡菜芽菜同青瓜，泡菜間間唔同口味，呢間就合我心意我哋一人叫左一個拉麵，朋友個個係餃子拉麵，我既係年糕拉麵。年糕比我想像中煙韌入味，麵底應該係辛字麵/三養個類，但係好多料，菠菜等等，蛋都有，蛋同拉麵簡直係絕配！！湯好辣而且係韓國辣既感覺(雖然應該係味精)，我鐘意食辣所以好鐘意呢個湯，朋友就唔係太食得辣，但係都認同：好食~另點既兩樣係紫菜包飯同泡菜煎餅。韓國包飯個樣就同日本壽司無乜分別，但係食過既人都知分別好大。韓國包飯主要係用蔬菜做餡，紫菜係淋既，傻就係用鹽同麻油調味，食落好香口，好清新，呢間既紫菜包飯都做得幾好。PS：紫菜淋同比較淡口係紫菜包飯既特點！！！！我竟然見過人有話間店既紫菜包飯做得唔好因為紫菜好淋同無乜味！！！！！！！我整個無語！！！！！！！！！！！！！泡菜煎餅有大有細，我哋得兩個人所以叫左細份。泡菜煎餅用用既泡菜唔係前菜個種帶辣既泡菜，味道比較酸，我諗係用白泡菜煎，裡面有D豬肉粒，食落口感好特別。煎餅好脆，拎上枱個陣熱辣辣，點D加左芝麻既魚露真係好正！不過我朋友就嫌D泡菜酸，食左三塊就無食，最後成碟食剩一塊，係因為太飽食唔落炸！！今餐韓國菜都係酸，辣多(姐係我鐘意既野)。我哋坐起度食左兩個鐘，都無趕我哋走。總括而言，呢餐值個90分！PS：此店要加一。…查看更多