Cube O - Journey with Seajellies

之前一直想黎試，前排終於BOOK到，BOOKING時要俾200蚊按金有啲驚訝，不過都好，可以令啲人冇咁易放飛機，對餐廳黎講係保障黎～我地一行兩人準時喺餐廳門口出現，已經見到有幾對情侶喺門口排緊隊等入座，入座速度比較慢，只有一位職員做登記同時要帶埋客人入座，所以都排左一陣隊先入到。入到去環境有啲暗，同埋都比想像中細，一入門口就見到餐桌，每張餐桌隔離就係一個水母缸，每張枱嘅水母品種都唔同，睇完水母就嗌嘢食。兩款湯都好吸引所以兩款都嗌哂黎試。法式龍蝦湯配馬斯卡邦尼芝士泡沫 $118本身好奇芝士泡沬係點樣，但黎到都係面頭多左少少白色CREAM嘅東西，飲落係好濃嘅龍蝦，個泡沫都有芝士味，夾埋一齊就會俾龍蝦蓋過左，覺得有少少多餘嘅感覺，湯入面仲有幾舊龍蝦肉，都幾好飲。忌廉牛肝菌湯 $118有好濃嘅牛肝菌味，質地唔太稠，雖然有忌廉但飲完都唔會太膩。兩款湯都有配當日餐包但係係咩包就冇介紹了。主菜嗌左安格斯肉眼扒 $328同阿根延紅蝦天使麵 $238。牛扒嗌左五成熟，一上黎成碟都好COLORFUL，俾好多唔同嘅菜遮住左個牛扒，牛扒肉質唔會太UN，食落都唔會有筋，拌菜有驚喜，黃椒好香甜。而天使麵本身見佢都好多人食所以想試下，點知係極失望，雖然賣相好似唔錯，但係啲蝦好明顯係雪藏蝦，雪藏都算，三隻蝦三隻啲肉都係梅⋯⋯天使麵OVERCOOKED，成餅嘢咁又淋哂，完全唔建議食哩個。總括黎講，都預左哩間嘢係食環境，不過個天使麵係令人最失望。另外雖然個場唔係好大，全場只有兩位女店員同一位男店員。當中兩位女店員似係PART TIME或者好新手，放低嘢食唔會介紹下，叫加水又淨係邊個叫加邊個咁。不過當日同場有客人無理取鬧惡言相向，好登嗰位硬食嘅男職員可憐，都佩服佢一直保持住自己嘅專業態度。…查看更多

早前雜誌也有訪問的這間以水母作主題的奇妙西餐廳，是浩海立坊探游館的餐廳，餐廳充滿神秘感及海洋氣息，全程望著飯枱旁玻璃內的水母進食，癒愈之餘亦覺得新穎✏️位置: 8/10✏️環境: 9/10✏️衛生: 9/10✏️服務: 8/10✏️食物: 9/10餐廳位於楊屋道荃新天地2期連接的新商場Plaza 88，荃灣西鐵站走路前往只需8分鐘，附近交通亦四通八達。餐廳內陰暗、寧靜而舒適，供應西式菜餚，款式不多但普遍味道不錯🌟慢煮加拿大帶骨豬鞍 - $298據說用上8小時去慢煮，果然豬鞍肉質相當鮮嫩多汁，一點也不乾一點也不靭，豬肉味香，口感絕佳🌟法式香草燒雞 - $268燒雞燒出來很香，雞肉香口而嫩滑，香草味濃，配上薯蓉減低了略為偏乾的口感🌟忌廉冬陰功海鮮意大利麵 - $218有鮮蝦、青口、藍青口及帶子，海鮮種類充足份量亦夠多，新鮮味美，而意粉醬汁用上忌廉冬陰功，味道香濃卻不會太辣，開胃亦惹味🌟阿根廷紅蝦天使麵 - $238另一款是放入三大隻阿根廷紅蝦的天使麵，很貼心的預先開殼，蝦肉相當新鮮結實，肉質鮮嫩，而且燒得很香，喜歡食燒海鮮的朋友必點🌟法式龍蝦湯配馬斯卡邦尼芝士泡沫 - $118這款法式龍蝦湯加入了獨特的芝士泡沫並打至均勻，龍蝦鮮味突出，湯夠香滑，配上附上的麵包食口感很不錯🌟忌廉牛肝菌湯 - $118同樣相當香濃，忌廉及菌味都很豐富，香滑美味，亦附上一片麵包，沾湯食味道獨特未上菜前或飯後可到餐廳內的水母萬花筒參觀，既是餐廳，又是水族館，難怪有不少情侶來光顧呢🍽Cube O - Journey with Seajellies📬地址： 荃灣宏楊屋道88號Plaza 88 8樓…查看更多

Cube O係全港第一間喺市中心嘅海洋體驗館，原來佢除左玩，入面仲有餐廳可以一邊望住水母一邊食野。見媽媽就黎生日，就帶佢黎哩度預早慶祝。Cube O佔左商場全層樓面，門口冇乜特別。拉開帳幕就進入五光十色嘅水母世界，超靚超夢幻。每張枱旁邊都有一格水族箱，而每格都放左唔同品種嘅水母，箱底都有寫返品種名稱，賞心悅目之外都別具教育意義。另外餐廳都好貼心，每枱都會俾一棧環狀夾燈，食飯時除左可以夾喺枱上面睇清楚食緊乜之外，想同食物或者水母影相都可以要黎打燈，出黎效果都好自然。野食方面，選擇唔算好多，頭盤、湯、飯/麵、主菜同甜品每樣有幾款，因為餐廳都花左唔少錢保養水族館，所以野食都會比出面餐廳貴少少，不過價錢都未算太離地。法式龍蝦湯配馬斯卡邦尼芝士泡沫($118) - 龍蝦湯上面加左芝士泡沫，上枱時仲係熱辣辣。龍蝦湯味道非常濃郁，唔會太鹹，入面都有兩粒龍蝦肉，麵包脆得黎唔會太硬，蘸龍蝦湯食味道都唔錯。巴馬火腿野菌意大利麵($188) - 意大利麵軟硬適中，每一條意粉都掛滿醬汁，醬汁杰度啱啱好，creamy得黎又唔會水汪汪彈到周圍都係。巴馬火腿切得到細細粒，唔會太鹹，配埋有咬口嘅野菌，又唔會覺得好齋。忌廉冬陰功鮮意大利麵($218) - 哩個海鮮意大利麵好食之餘仲非常抵食，性價比極高，必食！意大利麵上面鋪滿大蝦、帶子、魷魚、青口同藍青口，每款海鮮各有兩件，而且全部都唔會太細隻都有睇頭，食落肉質仲好結實彈口。意粉同樣係軟硬適中帶啲彈口，最正係個忌廉冬陰功汁，酸酸辣辣咁好惹味，但辣度其實只係BB辣同小辣之間，連平時唔食辣嘅媽媽都食倒。法式歌劇院蛋糕($138) - order時侍應會問要唔要寫字，仲會提供埋蠟燭。歌劇院蛋糕一層朱古力一層蛋糕層次分明，上面係厚厚嘅朱古力鏡面，入口朱味超濃郁，但又唔會太黏喉，朱迷一定唔會失望。總結，環境超靚超夢幻，雖然定價小貴，但最重要啲野食好食之餘賣相亦靚，水準非常高，可以一邊食飯一邊睇住水母，成餐飯都變得賞心悅目，除左同另一半黎，其實帶長輩或者小朋友黎都一樣咁開心。不過留意返，餐廳有分幾個入座時段，限時90分鐘，因為我係平日去加上疫情關係，食客唔多所以佢冇限我坐幾耐，建議訂枱之前問清楚。…查看更多

呢間餐廳位於浩海立方 • 探游館，係香港首個建於市中心嘅海洋體驗館🌊食客可以一邊零距離欣賞水母翩翩舞姿，一邊品嚐由五星級酒店廚師炮製嘅西式美饌💜💗法式龍蝦湯配馬斯卡邦尼芝士泡沫 ($118)用上3個鐘熬煮嘅龍蝦頭湯汁，加入忌廉煮至濃滑鹹鮮，馬斯卡邦尼芝士泡沫令整體更奶滑🦞💗忌廉牛肝菌湯 ($118)忌廉湯濃厚順滑，牛肝菌味道香濃四溢🍄配上香脆多士，帶陣陣蒜香🍞💗巴馬火腿野菌意大利麵 ($188)意粉爽滑彈牙，每條意粉掛住濃稠奶香嘅忌廉汁，巴馬臣芝士味非常突出🧀加入大量菇菌，以煙肉同巴馬火腿增添鹹香🥓💗阿根廷紅蝦天使麵 ($238)醬汁主要以阿根廷紅蝦膏、蕃茄同白酒熬煮，微酸清爽中帶蝦鮮味。天使麵幼細滑溜，吸收哂醬汁嘅精華🍝4隻阿根廷紅蝦並排係麵上，肉質結實爽彈，鮮甜十足🦐…查看更多