榮記茶餐室

難得今日有時間去慈雲山行一轉，梗係要試吓榮記餐室煲仔麵。我同同事一齊叫咗沙嗲牛肉煲仔麵加炸布腸經典食物果然不同凡響。懷舊瓦煲，熱辣辣公仔麵，見到都熱血沸騰，濃郁沙嗲味，齒頰留香。而且還有現時很喜歡吃的布腸，童年回憶返晒嚟。同事話我成個細路仔咁。😂😂😂雖然冇特別嘅裝修，但係門口大紅燈籠高高掛，此情此景，細路仔是成日都見。好懷念以前。不過因為太飽，今次陳皮蜜餞金蠔，下一次再嚟一定要試吓。原來平時星期日會收五點，下次要帶老公同大隻仔嚟一定要早啲😅😅🤣…查看更多

平時去茶餐廳都鍾意食沙嗲牛肉麵，所以一直都好想試嚇榮記茶餐室嘅沙嗲牛肉煲仔麵，但因為慈雲山真係有啲遠，又唔想特登過去，直到早排終於去開附近，可以去試嚇～▪️沙嗲牛肉煲仔麵煲仔飯就食得多，煲仔麵就比較少見，可以keep住個溫度。沙嗲湯底真係好濃稠，充滿花生香，同埋唔覺得真係好似其他人講到咁咸🫢 牛肉上枱嘅時候未完全熟曬，所以要等一陣先食得，口感好嫩滑，不過就冇乜牛味，同平時茶餐廳嗰啲差唔多😂 整體係唔錯，但唔會特登去慈雲山食榮記茶餐室📍慈雲山毓華里12號地下A-B號舖…查看更多

平時唔會專登入慈雲山，但呢幾日為左探一個好耐冇見嘅朋友所以專程入嚟，朋友就帶咗我嚟呢度食煲仔麵，孤陋寡聞嘅我淨係聽過煲仔飯，煲仔麵真係第一次聽第一次見更加係第一次食，榮記茶餐室到幾多人食，要排一排隊先可以入座沙嗲牛肉麵同煲仔飯都聽過，今次黎就食咗個沙嗲牛肉煲仔麵，沙嗲湯底都算幾濃郁，好多牛肉，麵底唔會煮得太淋，牛肉上面灑上蔥花都幾夾，最重要嘅係上菜熱辣辣，感覺好新鮮食物都算唔錯，不過坐得迫少少，但都可接受…查看更多

自從有沙嗲牛肉麵關注組之後，呢間小店就別具人氣！ 沙嗲牛肉煲仔麵 $68煲仔麵就真係第一次食～賣相係極吸引，滑牛好多又大塊又嫩滑，相當足料好有鑊氣，湯香濃又 掛 汁🤤唔會太咸。果然係沙嗲中嘅espresso👍🏼不過食到底，有好多花生，個湯會愈黎愈濃，如果你鍾意食濃味野既話就岩哂你配粉絲應該都好正，不過下次會share兩個人食，會冇咁飽🤣 值得一試！味道: 8.5/10性價比: 7/10另外，餐廳有供應即棄圍裙，如果驚整污糟件衫可以問staff拎～（員工態度亦都好好）📍榮記茶餐室慈雲山毓華里12號地下A-B舖…查看更多

-平時就食開煲仔飯，今次就食好足料 沙嗲牛肉煲仔麵🤤網上見到相都流曬口水👍🏻-沙嗲牛肉煲仔麵🍜（$68)可選牛肉🐮｜豬扒🐷｜雞扒🐣今次嚟食，點可以唔點招牌美食呢～見到好多人都推薦依個沙嗲牛肉煲仔麵╰(*´︶`*)╯♡個麵一上枱真係嘩出聲ヽ(´▽｀)/賣相真係好吸引😍聞落好惹味👻見到都覺得好足料，有好多片牛肉🥰再加少許蔥花，每條公仔麵都沾滿了濃濃花生醬汁🥜仲有好多芽菜，豆卜吸收曬沙嗲精華💛而湯底濃稠👍🏻👍🏻同平時茶餐廳食嘅好唔同❤️仲食到有少量花生碎(о´∀`о)而每片牛肉有一定厚度☺️肉質嫩滑，真係好味😘2個人Share一個就夠曬～下次會再去食👻-PS 要留意茶餐廳營業時間～星期一至六：6:30am - 9:30pm 星期日及公眾假期：6:30am - 5pm-Name🏠:：榮記茶餐室 Wing Kee RestaurantLocation📌: 慈雲山毓華里12號地下A-B舖價錢💰: 沙嗲牛肉煲仔麵（$68)…查看更多

🍴沙嗲牛肉煲仔麵雖然我唔係沙嗲牛肉麵關注組成員但想試呢間好耐啦～終於食到😍😍餐牌話係沙嗲中嘅espresso,真係好濃沙嗲味上枱嗰陣湯底仲bulubulu,超吸引！！但牛肉就一般啦/////🍴芝士雞肉煲仔飯+窩蛋所有野加芝士都係冇得輸,煲仔飯都唔例外!傳統嘅煲仔飯通常飯要乾身,但呢個好係creamy嘅飯一路食一路feel到種邪惡感😂😂/////🍴白鱔煲仔飯白鱔足料(7-8舊)但唔算好肥美,豉油加豆豉,味道啱啱好,個底仲有脆卜卜嘅飯焦架~~/////其實價錢都唔平,不過間唔中食吓係OK嘅 …查看更多

呢排因為今年網上成立左個香港沙嗲牛肉麵關注組，短短幾個月已經有幾萬人入谷，令到大家有想食沙嗲牛肉麵既熱潮，而呢間茶餐廳因為呢個關注組而變成人氣小店，佢係因為關注組捧紅既兩間小店其中一間。雖然呢間茶餐廳係慈雲山有D山旯旮，反而吸引左好多人黎排隊，原因係因為佢係上年推出左一個沙嗲煲仔麵，賣相吸引，吸引左好多人黎打卡同埋食。呢間榮記茶餐室係一間食煲仔飯好出名既茶餐廳，係1994年開業，已經有26年歷史，呢家店主係榮記第二代負責人，以前係一般茶記，去到2016年店主返黎接手屋企人生意，加左唔同新潮口味好似煲仔飯，多人認識左，煲仔飯就成為左佢地招牌，其中玫瑰肥牛煲仔飯上面會加左玫瑰露同冧酒，上枱時點火就會成個煲仔飯上面都係火，聞落非常之香，燒完之後加返店鋪秘製豉油。因為呢幾年好流行食牛頸脊，D人好鍾意將牛頸脊擺落打邊爐，所以店主將佢加入煲仔飯，係一間有力求創新既茶餐廳。呢度仲有一款食材一般茶記係無，就係金蠔。呢度既招牌陳蠔，姐係陳皮蜜錢金蠔，係因為店主媽媽係流浮山人，所以有門路入到正宗流浮山出產既金蠔，所以店主都將金蠔擺入煲仔飯，變成招牌既金蠔蝦乾煲仔飯，飯底吸收左金蠔同蝦乾既鮮味，就算未落豉油都已經有種香味。咁點解會無端端整整下煲仔飯會整煲仔麵呢?店主話有食開佢地煲仔飯既客人話不如試下整煲仔麵，但如果係普通既煲仔湯麵就唔夠特色，而沙嗲牛肉係香港人既集體回憶，店主自己都好鍾意食沙嗲牛肉，但會成日覺得出面既沙嗲唔夠濃香，或者唔夠花生味，花生味唔夠重等等，一直都想實行賣煲仔麵呢個諗法，但因為太忙一直都無時間，係上年第三波疫情之後，茶餐廳足足休息左一個月，所以就慢慢開始研究沙嗲牛肉煲仔麵，搵本地老牌廠綿香度身訂做沙嗲醬，加入蝦頭等西餐廳做法，呢個沙嗲牛肉煲仔麵令到更加多人認識榮記。我係星期六去，見到有食評話等左個半鐘好誇張，於是去左荷里活廣場買D野飲諗住邊飲邊等，我係由荷里活廣場行左大概3個字斜路到，唔想行既其實係荷里活廣場既總站有19、19M、19S、33A既綠色小既上到去，19、19M、19S係德愛中學站落、33A係蒲蘅里33A係蒲蘅里站落行小小就到。星期六晏就大約3點去到去到，人流反而唔算多，企係前面大槪10個人到，等左10-15分鐘就入得，無想像中咁誇張，我諗夜晚先真係多人殷食煲仔飯。榮記茶餐室睇落平平無奇，係一間好典型既茶餐廳，入面係有懷舊嘅感覺，地板都仲係用格仔磚，不過舖頭面積唔算大，卡位會坐得會有小小好迫，入到去店員都嚴格要求探熱。-1️⃣ 沙嗲牛肉煲仔麵 💰68（👅: 8/10）煲仔麵除咗可以配一丁之外，亦都可以配粉絲或者米粉，除咗可以食牛肉之外，都可以配豬扒或者雞扒，不過我覺得沙嗲牛肉一定係配公仔麵，所以就叫咗麵。價錢$68，相對平時喺其他茶餐廳食都係貴唔少，因為普通茶餐廳食個常餐，講緊都係40幾50，$68價錢實在有啲唔夠平民，因為沙嗲牛肉麵始終係平民小食，但比起其他茶餐廳佢係用煲仔上嘅公仔麵，上枱時會特別熱辣辣，而且打開蓋嗰時嘅沙嗲味撲鼻而來，帶住花生嘅香味，呢樣係其他茶餐廳做唔到既色香味俱全，難怪佢自己形容呢煲麵係沙嗲界中嘅Espresso。另外一提食個時店員仲會送圍巾以防汁醬彈到衫上面，服務幾好。首先講一講湯底，出面食既沙嗲都無落好多配料，無咩花生碎、大地魚粉、蝦米等等，所以店鋪特製既沙嗲膽就加重左呢D既成份，令到沙嗲既口感同味道更加突出。煮既時候都同平時煮沙嗲牛肉完全唔同，首先會燒熱左個煲，先落沙嗲醬入去炒香，炒香左沙嗲膽之後會加水，加到去接近煲邊既位置，之後等佢煮滾後加芽菜、少少椰漿再將味道混和。呢間嘅湯底係我食過咁多間，唯一一間我覺得真係非常之濃郁，佢係花生味同沙嗲同時都極濃郁，濃既程度好似起沙嘅感覺，差唔多每夾一啖麵，佢上面都係沾滿左沙嗲汁，同時間都會掛上好多花生碎，所以食落去花生味都係非常之濃，真係做到Espresso嘅感覺，食食下覺得佢個湯底好似打邊爐嘅湯底。沙嗲凍左唔香，要熱香味先會出黎，所以煲仔麵個煲係用厚身瓦煲，因為保存熱力能力會高D，令到個麵食到最後時沙嗲醬仲保持到香味。不過因為佢個湯底太濃嘅關係，頭幾啖食嗰時都覺得好好食，但就會越食越膩，同埋有D人食完會覺得好口渴，如果你係鍾意重口味既呢個煲仔麵一定好岩你，如果唔係對其他人黎講應該係洗腎級沙嗲牛麵，同埋要挑剔既係沙嗲汁既辣味欠奉，如果多小小辣味會更惹味。而牛肉都同其他茶記唔同，用新鮮牛肉，牛肉都係用牛冧位，即係牛既臂部位置，肉香比較濃，成本貴幾倍，但有時想整好既野食成本就唔可以慳。我覺得依間嘅牛肉有一個好嘅地方，就係每一塊都係好大塊，數量都好多，大概有10幾舊，比起坊間茶記得5、6塊實在多太多，食落係每一塊都好滑，牛肉唔會碎哂，全部都係一塊塊完整既牛肉。而牛肉係可以一咬就咬得開，非常軟嫩唔韌冇筋，食唔出有雪味。因為牛肉有擺落沙嗲膽入面灼熟，佢嘅牛肉本身已經好濃沙嗲味，濃郁既沙嗲汁已經好入味，食落有小小似印尼沙嗲串燒既味道。係個煲煮沙嗲湯底嘅同時，店主係隔離會有個煲用黎煲麵，煮滾左個麵之後會放入煲滾既沙嗲入面。店主講食煲仔麵唔好即刻食，如果想爽口D就等兩分鐘，如果想再腍D就等三分鐘，因為煲既餘溫令到個麵繼續煮，但我覺得依樣就係正正呢碗麵嘅唯一敗筆，就係依個麵實在太腍，砂煲上嘅好處就係保持到湯底嘅溫度，但呢個餘溫同時令到佢個麵好快就諗，我無影好耐相，可能2分鐘內就影完，但影完相食落就發覺係偏腍，就算唔影相我覺得正常人2分鐘內都唔會食得晒啲麵，我自己本身食麵都鍾意食啲硬身啲，不過連我女朋友食完都覺得佢個麵係有啲過腍，所以我會覺得可能食米粉或者粉絲會比麵更好。雖然佢個麵係比較腍，但麵都係依舊咁入味，花生味突出，好明顯可以睇到有花生粒係麵入面，入口時好香口。我會覺得如果公仔麵一開始分開上可能會更好，就好似食日本嘅沾麵咁，分開上可以保持面嘅硬度，食嗰時先浸落去，就會食到硬身既麵同時又食到沙嗲同花生嘅香味。不過我會諗如果唔用出前一丁，用大光麵或者東和，吸汁力係咪會更強。而配料方面去除咗葱之外，都加咗芽菜同豆卜，豆卜就可以將啲好濃嘅沙嗲汁完全滲哂入去，完全係配料之中嘅MVP，一咬落去嗰時好似爆汁嘅感覺。-2️⃣ 沙嗲牛肉煲仔粉絲 💰68（👅: 8/10）因為叫咗兩碗，想試吓唔同嘅餸或者麵，但感覺沙嗲配豬扒或者雞扒會冇咁夾，所以就揀咗食粉絲。個人感覺食粉絲比起食麵好嘅，就係粉絲本身就係腍身，唔怕佢俾個煲嘅餘溫煮到好腍，而且感覺粉絲會比公仔麵更加掛湯，沙嗲汁會更加滲入粉絲嘅每一吋，而且粉絲嘅質地令到花生更加易痴上去，食落就會每一啖都係沙嗲同花生味兼備。-3️⃣ 熱奶茶 + 💰5（👅: 7/10）因為見到熱飲只係加$5就有，食茶記通常我第一樣會使嘅就係熱奶茶，因為飲過好飲嘅熱奶茶都係喺茶記或者喺熟食中心，除咗沖法正宗之外，瓦杯係熱奶茶最常見嘅奶茶杯，因為奶茶杯既厚薄同物料對奶茶入口既溫度有影響，會決定飲用時既口感，加上杯身厚度令嘴唇和茶杯有更大既接觸面，令奶茶入口時，口感更為充實。飲落熱奶茶係茶味比較重，我諗大概係七三比例，可能奶比較少，所以飲落有少少澀，但佢都係一杯唔需要落糖嘅熱奶茶，因為一杯熱奶茶如果佢沖得夠滑，係唔需要落糖已經好飲，整體來講佢係一杯合格嘅熱奶茶。-🌟沙嗲牛肉我覺得係香港茶餐廳必食嘅嘢，我覺得好多其他國家嘅人，唔明白點解香港人咁鍾意食沙嗲牛肉麵，明明係公仔麵，點解要出街食，而唔喺自己屋企煮。但香港人就會明白點解，每一次去完旅行或者外國返嚟香港，基本上第一樣食嘅嘢就係依樣，沙嗲牛肉就係香港嘅味道，喺香港茶記獨有嘅風味。雖然沙嗲牛肉麵係由細食到大，點解呢幾年會突然有關注組?我覺得係因為大家開始對本土關懷多左，好似社區、小店，其中一個原因係因為政治事件，令到大家開始更加關心香港，再加上疫情令到大家去唔到旅行，於是就係香港搵好野食，再加上網絡關注組既活躍，令到呢家大家都有想食沙嗲牛肉麵既衝動。依碗嘅沙嗲煲仔麵，$68一碗確實係貴咗啲，比起平時出邊食嘅40、50常餐，甚至係一啲小店20、30蚊就食到一碗沙嗲牛肉麵，雖然佢貴但佢有相對嘅質素，睇得出店主對沙嗲牛肉嘅要求同諗法，而且有佢店舖嘅特色，其他地方真係食唔到，值唔值得山長山遠一試，就好睇你對沙嗲牛肉麵既熱愛有幾多。如果係黎食煲仔飯就要5點後先有得供應，所以晚市會比午市多人，但如果淨係想食沙嗲牛肉煲仔麵，建議午市黎食，唔駛同晚市想食煲仔飯既人一齊迫，即使係放假，午市都唔算好多人，人龍可能得10個人到。雖然榮記茶餐室6點半就開左，不過煲仔麵要11點後先供應。-👅味道: 8/10🍴環境: 6.5/10💰消費: 73 (服務費: NA)…查看更多

朋友話慈雲山有間茶餐廳成日排晒隊，一定要去試。今日中午時段黎到，都有啲人係門口等緊位，我地大約等左20分鐘到就入得，煲仔飯成日食，但煲仔麵就真係第一次聽，於是我叫左呢個招牌「沙嗲牛肉煲仔麵」，一上枱係滾緊出晒煙既，沙嗲偏重花生味，但係好惹味，同牛肉好夾，好正…查看更多

沙嗲牛肉麵近來引起左一場瘋狂既熱潮🌟，我諗哩間可能係全港首創既煲仔沙嗲🍲，作為沙牛粉既大家應該一啲都唔陌生。今次就叫左佢兩個招牌菜試下😋。邪惡芝士雞肉煲仔飯 $83 加蛋 $5店員推介加蛋🥚話會令成個層次提升，講到咁唔係唔加阿嘛。眼見滿滿既芝士🧀鋪哂係面，一𢳂起啲芝士就即刻起哂絲，可以想像有幾芝味。仲有粟米粒🌽同煙肉🥓粒襯托，整體唔會好單調。加左蛋感覺上係再濃厚啲，半熟既蛋溝埋啲芝士飯🍚反而令佢無咁膩。而雞肉🐓都好juicy，但就偏向原汁原味無咩調味既。可能有朋友會嫌個飯淡左啲，可以加返啲店家既秘製豉油，可惜我地就無試到，覺得本身都好夠味😗。沙嗲牛肉煲仔麵 $68一上枱就熱到起哂泡，沙嗲味香氣撲鼻。雖然熱辣辣♨️，但大家記得焗佢一陣先好食，因為麵底即加入去，焗一焗先岩岩好。大光麵麵質幼身得黎有咬口，掛滿哂濃濃既湯汁。沙嗲味偏重花生🥜，咸香較出，同辣字搭唔上，但配上鬆軟既牛肉🐮又幾夾。油菜 $15 雪碧 $9放埋啲生菜🥬入沙嗲煲加倍邪惡。晚市都比較多人排隊，而且舊式茶餐廳格局，大家可能要坐迫啲，但絕對值得一試👍🏻！…查看更多

🔹沙嗲牛肉煲仔麵 $68熱辣辣嘅煲仔麵湯底好濃郁惹味，仲食到好多花生粒～牛肉係偏厚身啲，肉質幾嫩，咬落煙韌～公仔麵好掛汁，一啖一啖真係令人食唔停！（另外仲試咗粉絲，麻麻哋，建議大家食麵）不過整體嚟講呢間沙嗲牛會比較油膩同埋會偏鹹少少，要係咁飲水永順嘅湯底係可以飲晒，但呢間就唔得了都值得一試嘅！但試過一次就夠因為地點太偏僻，性價比都偏低⋯…查看更多

最近聽朋友講，慈雲山有一間食沙嗲牛肉麵好出名，成日排晒隊，所以特登去試。當然第一樣就點佢嘅招牌沙嗲牛肉煲仔麵，沙嗲味道香濃，但我嫌佢湯底太杰，有啲似撈麵嘅感覺，如果稀返少少就perfect。花膠翅煲仔粉絲，味道都唔錯。椒鹽雞翼，反而有驚喜，味道有兒時食嗰種味道。西多士及菠蘿油味道都一般，可以唔駛叫。…查看更多

💛🍜慈雲山良心小店呢排經常係廣告見到呢個沙嗲煲仔麵廣告終於有機會去試下!!-最鍾意係佢嘅湯底 好濃厚嘅沙嗲湯 仲要一打開蓋就聞到好香嘅花生味 好足料～ 由於係煲仔裝住 食到中段嘅時候再食個牛肉同豆卜都仲係辣咀lol -加分位：店員服務態度好好 座位安排好好 抵讚🤩🥰…查看更多

見近日社交媒體太熱門了～難得有機會去慈雲山，一定要黎打個卡😝環境都算闊落，兩個人坐到卡位唔會好逼👍🏻見好多人都叫煲仔麵！！令人更加期待☺️$68沙嗲牛肉煲仔麵🍲一上枱熱辣辣，睇到佢仲滾緊就興奮🤤眼見牛肉真係好多👍🏻肉質夠稔🤤沙嗲夠濃，似沙嗲汁撈麵🍜可惜愈食愈咸😩食完仲非常口渴😢餐飲加凍奶茶要$7🥲奶茶淡而無味🤷🏻‍♀️已經叫少冰都好多冰😞😞😞呢個價錢食沙嗲牛肉麵始終偏貴🥲雷聲大雨點小🥲比想像中失望🥲$45乾炒牛河🐮牛肉份量多👍🏻河粉夠乾身唔算油🤔不過不失有機會的話都想試下餐廳的煲仔飯🍲感覺應該比煲仔麵出色，但見個價錢都過百蚊一個煲仔飯🤑🤑係好食先好🥶…查看更多

茶餐廳食得多，但有煲仔飯同煲仔麵嘅又食過未？ 我哋上次比較早到，唔使等位，但係食完就見到出面好多人等緊，相信都係因為煲仔麵而嚟！🤣•🥢 真•沙嗲煲仔麵（牛肉） $68🥢 真•沙嗲煲仔麵（豬扒） $68同煲仔飯嘅原理一樣，煲仔可以keep住溫度，冬天食啱晒～ 煲仔麵可以選配牛肉/豬扒/雞扒，麵仲可以揀出前一丁/米粉/粉絲，但同沙嗲最夾嘅配搭一定係牛肉同出前一丁！ 😋沙嗲湯底超級濃郁，而且幾杰身，所以啲麵好輕易就掛滿沙嗲湯！配料仲有啲花生碎同芽菜，食到花生嘅香味。牛肉好淋，好嫩滑，不過感覺同沙嗲係分開煮，但好在沙嗲湯夠杰身，令牛肉可以沾滿湯汁；豬扒好薄，唔會好嚡/乾，但就比較普通。…查看更多

最近好興食沙嗲牛肉麵😹沙嗲牛係茶餐廳嘅產物，基本上大部分茶記/冰室都會有，而架更加係年輕人茶記必食之一～而慈雲山呢間茶記出名食煲仔飯，亦都幾有諗頭，「發明」咗沙嗲煲仔麵😹成功吸引到一班年輕人去試～而我今次咁啱行山經過慈雲山，朋友話想試下😹所以黎朝聖～佢餐牌係寫得幾吸引，沙嗲中嘅espresso🍜價錢亦比其他茶記貴一倍，如果真係想黎打卡，一次半次ok嘅，值唔值就睇你覺得呢張相👇🏻值唔值啦～😆😆😆👆🏻佢地係用新鮮嘅牛肉🐮，所以食落唔會乾/鞋👍🏻，同埋都算嫩滑，而牛肉份量比出面茶記多啲啲～麵就有得揀出前一丁/米粉/粉絲，當然一丁係最夾同相對抵啲啦😹而沙嗲醬真係值得讚嘅👍🏻醬汁比較杰身但唔會漿住個口，有濃郁嘅花生香味，亦都有少少花生碎粒～呢個醬汁撈麵撈飯係無得彈嘅～不過，我嗰煲一丁就比較硬，有少少係脆嘅😹雖然一丁係爽口先好食，但如果唔脆就會好啲，因為食到最尾嗰幾啖都係脆(浸到最尾都唔淋😹)，唔知係咁啱我嗰煲係咁定煲煲都係，不過我朋友嗰煲就無脆麵嘅😹…查看更多