旺泰特食

营业中

休息中

一班人去西貢入camp前，點都要食返餐好嘅😋 我哋去咗碼頭附近食街嗰邊食巷仔泰國菜，叫咗好多嘢每人都只係百幾蚊！價錢合理之餘，啲嘢都算唔錯🤤🧆#泰式拼盤：有串燒春卷魚餅蝦餅，蝦餅幾好食😀👍🏻🍢#沙嗲串燒：有豬牛雞3款肉類揀，我哋3樣都有揀；正常發揮。🐔#海南雞：叫咗半隻都夠食😛 值得一讚嘅係廚師嘅刀功，我夾嗰舊大得嚟好似雕花咁😹🤭🍝#泰式炒金邊粉：味道唔錯，但略嫌餸多過粉，我想夾多啲粉都冇🙂‍↕️🍍#菠蘿炒飯：味道還好。本身FF係用菠蘿載住啲炒飯，結果唔係🤣🌮#泰地道生菜包：我哋都覺得幾好食，不過如果好似我呢啲唔鍾意綠色配料嘅人，就可能要考慮係唔係要開啟偏食mode 😹🥬#脆肉炒芥蘭：幾好食但係好細碟🥹 脆肉就有啲似叉燒🤭整體嚟講味道係唔差嘅。另外仲叫咗好多其他嘢同有啲冇影相，例如：冬蔭功、豬頸肉、雞炒河、芒果糯米飯⋯⋯呢啲都幾好食。今次冇食到青咖喱，如果下次再嚟嘅話會連其他想食嘅嘢試吓😉

📍#旺泰特食📍Sawaddee Thailand #SawaddeeThailand🇭🇰香港西貢福民路58-72號高富樓地下15號舖🇭🇰 Shop 15, Ko Fu Building, 58-72 Fuk Man Road, Sai Kung, HK🌐西貢#MFJ西貢 #MFJ泰國菜#MFJ_SaiKung #MFJ_ThaiFood味道: 👅👅👅👅賣相: 👀👀👀👀價格: 💰💰💰💰服務: 👨🏻👨🏻👨🏻環境: 🌹🌹性價比: ⭐️⭐️⭐️⭐️回頭率: 🔆🔆🔆🔆人均消費：HKD200竟然食到間咁地道嘅泰國菜！餐廳近小巴站嘅一條小行，都算易搵冇特別裝潢，感覺好似八九十年代嘅食店咁⭐️馳名海鮮冬陰功🍲$118超濃厚嘅冬陰功湯！份量唔算大碗，大概係一碗車仔麵咁大裏面有蝦，青口等等，飲落特別鮮味！⭐️泰式生蝦🦐$98食泰菜冇理由唔食生蝦㗎！生蝦爽口，加埋蒜片同辣椒食好正重點係佢個醬汁，好辣，但成隻蝦昇華咗去另一個層次😍💯沙嗲串燒🍢$78沙嗲汁唔太辣，仲微微帶甜真心推介個串燒豬肉！肥肉又香又好味，而且一啲都唔膩⭐️惹味蝦膏炒飯🍛$63裏面有好多洋蔥同埋大蝦，仲有好多蛋加埋蝦膏一齊炒，勁香勁惹味！🆗白灼螄蚶🐚$10

今日，同個朋友係西貢出完海，曬咗全日，返到岸邊餓餓地，就諗住求其搵間餐廳醫肚，結果就發掘到新驚喜！🤩間餐廳好旺，不過等左10分鐘之後就有位，都算快。講吓佢啲食物：沙嗲串燒 👍🏼👍🏼👍🏼👍🏼👍🏼雞牛豬，每樣分別叫左一串，個人認為雞同豬係最好食。另外見到佢即場燒，好香口，肉質夠柔嫩。最緊要個沙嗲汁好香濃，不過入邊有花生🥜。招牌海南雞飯 👍🏼👍🏼👍🏼👍🏼隻雞都好滑，不過不失，但最驚喜係佢個冬瓜湯，完全冇味精，好好飲，完美地勝過其他海南雞飯店。泰式生蝦 👍🏼👍🏼👍🏼👍🏼呢個係佢哋Menu無寫的，要自己同佢嗌。隻蝦好新鮮，爽口彈牙，配埋佢個醬汁，簡直一流，酸酸甜甜，辣辣地，好啱食飯之前開一開胃。服務：呢間泰國餐廳負責嘅人都係泰國人，食落去就更加正宗，佢哋都好Nice，雖然好忙，但冇黑口黑面