團日式拉麵

某天經過見到依間團拉麵，第一次見到香港有拉麵售票機😀幾似日本。位置喺荃灣楊屋道街市附近，位置不太明顯，不過唔使排隊，可以即刻入去食。同區嘅都有幾間日式拉麵，拉麵台風，麵屋福，一幻等… 而依一間團拉麵比較唔搞多花臣，主打湯拉麵。我哋三個人去食試咗魚介，黑蒜油同埋櫻花蝦，拉麵味道吾錯，拉麵最緊要夠熱，份量都OK。個人覺得魚介拉麵最好食，黑蒜油同櫻花蝦拉麵比較普通，唔夠飽可以再加飯。叉燒成碗麵嘅靈魂，顏色呈粉紅色應該係慢煮，好腍味道亦好好食。餃子係炸餃子，同平時煎嘅唔同。總括嚟講OK值得一試。…查看更多

2024.3.10今日約左好友出街，買左一陣野就同佢入荃灣揾埋佢老公一齊食飯，就推左哩間拉麵店😃我點左份櫻花蝦拉麵，🍲🍲湯底飲落有濃厚豚骨味，而後勁帶出少少蝦的鮮甜味，雖然係濃湯，不過唔油膩，口感有少少漿口😗🍜🍜麵身我揀左直身細硬麵，口感順滑爽口😃🍥🍥配菜有叉燒，紫菜，京蔥，青蔥，櫻花蝦，味玉，竹筍。叉燒係好薄既梅頭肉，雖然薄，但有手掌心大。食落彈牙，冇豬腥味，鹹味適中😃櫻花蝦望落顏色係好深既橙紅色，睇落個量都有2湯匙左右，食落唔脆，好似冇另外炒過有少少林左咁樣😮不過味道仲係好香蝦既甜味而且唔腥😃味玉係一整個，流心程度大，約有5成熟😃味道偏淡，正好同湯底好夾😉店內既裝潢擺設偏向昭和年代風，方形店，約400-500尺大，以木材為主既傢具，約有6座位吧檯，以及4張4人方檯，櫈有軟坐墊。店內有電視機，播放日本既廣告及近年既日本流行音樂，氣氛幾好😃檯面非當乾淨，冇油立立既感覺。另有提供檸檬水，以及基本既調味料。櫈底有箱可以放手袋背包😃店員既服務態度非常友好親切，好禮貌咁問客人需求😆👍要注意哩間店係門外買食券，然後入店交飛，可以收電子支付，但要揾店員幫手，都幾方便👍價錢方面，櫻花蝦拉麵+可樂都係$97，而且味道方面我自己覺得好滿意，麵身仲可以揀直身麵或者曲麵😃起碼食得飽又唔洗過百😂而且地方乾淨，店員友善👍👍下次再黎荃灣會試埋其他拉麵😋👍…查看更多

呢間拉麵店過喺楊屋道街市附近門口擺左部拉麵自助販賣機仲要真係好似日本咁㩒制再入cash ga!呢個小特色真係加分唔少🤣講返碗麵先我嗌左櫻花蝦拉麵 ($88)麵有曲麵/直麵揀 我揀咗曲麵加$10可以有罐裝汽水麵本身已經包咗兩塊叉燒+一隻溏心蛋整體味道唔錯叉燒燒過好有油香溏心蛋生熟度岩岩好 好好味湯底亦都有櫻花蝦甜味 唔會太咸美中不足係麵無得揀軟硬程度個人比較鍾意食硬麵 所以覺得爭少少咁但總括嚟講 碗麵絕對對得起個價錢💛👍🏽…查看更多

團日式拉麵最特別既就係佢點餐係自己係鋪頭門口禁機同入錢。真係好似去翻日本咁🤤拉麵既種類唔算多，有魚介拉麵、櫻花蝦拉麵、黑蒜油拉麵、激辛味噌拉麵同埋鮮蜆味噌拉麵，不過好食既話洗乜咁多選擇😏今次黎嗌左三款唔同既拉麵，個人覺得三款都幾好食。1️⃣櫻花蝦拉麵（$88）（溏心蛋+$10）每碗拉麵本身都有筍、蔥、紫菜、叉燒同埋一隻溏心蛋，因為好鍾意食溏心蛋，所以我另外再加多隻溏心蛋😂湯底飲落有好濃既蝦味🦐面頭都鋪滿曬櫻花蝦。叉燒有兩大片，有炙燒過既香味。另外呢度既麵有得自己揀要曲麵定直麵。呢碗揀左直麵，直麵幼身啲，幾瓜湯👍另外溏心蛋超正，勁流心😍  2⃣️黑蒜油拉麵（$83）黑蒜油拉麵黑蒜味好重，仲有啲炸蒜同蒜泥，撈埋一齊勁香😋不過呢碗湯底偏油一啲。  3⃣️激辛味噌拉麵（$88）呢碗真係比我想像中辣🌶️見到碗麵入面仲有兩條辣椒。鍾意食辣既可以黎挑戰下，我覺得同譚仔小辣差唔多，可能仲辣啲添🙈入面仲有啲辣肉碎，撈埋個湯底食更加惹味！呢款麵就揀左曲麵，個人覺得曲麵好食啲，一樣都幾掛湯，但係曲麵食落更加彈牙。  …查看更多

農曆新年前去嗰陣仲係禁晚市堂食所以趕喺六點前要食完下晝真係people mountain people sea呀成條街都係人辦年貨嘅又有 買餸嘅又有好不容易去到呢間鋪門口裝修都算唔錯 都係以木為主門口擺咗部點餐機 好方便👍🏿一去到無人 我哋就揀嘢食喺點餐機度已經可以揀走唔走蔥麵有得揀直麵或曲麵點完餐比晒錢就拎張單俾店員安排好位置就等食吹咗一陣水 啲嘢已經到唔算好耐可能因為當時唔算多人我哋都揀咗直麵小妹就食黑蒜油拉麵除咗黑蒜油 仲有生蒜同炸蒜🧄仲有紫菜 筍 溏心蛋 叉燒 好豐富味道個人覺得 俾麵匠風龍差少少但又比幸拉麵好少少 換言之 係好食😋而櫻花蝦拉麵料都唔少 湯都算唔錯㗎但我比較鍾意食黑蒜油拉麵🤪值得一提係 佢嘅溏心蛋係全隻上仲要好流心 真係好正🤤黑蒜油拉麵🙆🏿‍♀️ $83櫻花蝦拉麵🙆🏿‍♀️ $88…查看更多

每一日都係食拉麵嘅好日子🤤 今日下晝同男朋友嚟到荃灣嘅💛團日式拉麵食嘢，不過由於鋪頭離巴士站都有一段距離，加上唔識路，我哋都行咗10幾分鐘。入鋪頭前要先喺自動販賣機買票，感覺好似喺日本拉麵店！本來幾想試黑蒜油拉麵，但聽朋友講呢度黑蒜油拉麵比較重口，所以我哋叫咗櫻花蝦拉麵($88) 同埋魚介拉麵($80)🌿 櫻花蝦拉麵 $88呢度嘅麵底可以揀曲麵或者直麵，我就叫咗曲麵，口感唔錯，亦掛湯汁。拉麵除咗有櫻花蝦，仲有原隻溏心蛋、叉燒、竹筍、紫菜。櫻花蝦拉麵湯底偏鹹，叉燒其中一邊係火灸，但除咗邊位有少少肥，其他都比較瘦，如果肥啲厚啲會好食好多。至於其他配料，都尚算滿意，而且拉麵有一大碗，份量充足，就算係男仔都好夠食。特別要讚一讚呢度嘅溏心蛋，咬落去之後，啲蛋黃流晒出嚟，又幾香滑，搞到我食到一半都忍唔住要影吓佢🤣🌿魚介拉麵 $80男朋友就試咗直麵，以直麵嚟講，呢度算好食，因為可以掛湯汁，而且麵條硬度適中。拉麵上面鋪咗一堆木魚絲，材料豐富，湯底亦有淡淡魚香，相比櫻花蝦拉麵就比較淡口。🌿小結：總括嚟講，團日式拉麵價錢合理，拉麵同配料味道唔錯，個人特別鍾意溏心蛋，只係略嫌湯比較咸同埋叉燒偏瘦。餐廳環境舒服坐位整潔，可惜座位比較少，而且位置偏遠，所以唔係好多人幫襯，住附近嘅朋友不妨去試吓支持吓佢😛#黃店 #拉麵 …查看更多

係荃灣揀左間黃拉麵食一食，黎到先知呢度好似日本咁用自動售賣機先係自動售賣機買完野食，等店員有位就帶我地入去我地嗌左兩個拉麵，分別係櫻花蝦拉麵同埋激辛味噌拉麵。先講第一個，櫻花蝦拉麵。我個人覺得呢個幾好味，湯底夠濃厚，拉麵配搭埋櫻花蝦一齊食就有淡淡既蝦香味流心蛋係偏生的（即係幾流心下），有人中意呢種，有人中意熟少少個蛋黃"傑身"少少既，呢樣就見仁見智啦第二個係激辛味噌拉麵。其實本來想食辛味噌拉麵，但係我地去到已經賣曬，咁就試下佢個激辛有幾辛！我本人都算食得辣既（當然仲有好多人比我更食得啦），覺得呢個辣度可以接受，會覺得幾辣下，但又未辣到食物到，喜歡食辣既可以挑戰一下塊叉燒係好味既！未至於去到入口即溶果種，但佢食落係有淡淡既燒過既焦香味（但係由於激辛果碗比較濃味，個焦香味就比個湯底蓋過左）…查看更多

見到呢間拉麵店使用自助拉麵機，即刻聯想起日本啲拉面店🍜。使用方法非常簡單，按下需要的拉麵即可，但就需要預備現金付款🤑。我個人就好曲麵多過直麵，因為好似比較入味🤤*必須出示學生證才可以享有優惠-魚介拉麵 （$58）- 學生價🐟-湯底充滿濃郁的魚香。配料方面有半隻糖心蛋、兩大片紫菜、同兩片油脂均勻焦香非常的豚肉，仲有大量木魚碎。-櫻花蝦拉麵（$58）- 學生價🦐-比起魚湯味，我更喜歡櫻花蝦湯底味道更為濃郁，比較其他拉麵店的櫻花蝦湯底的拉麵，味道通常比較淡，但這個非常濃郁。半隻糖心蛋、兩大片紫菜、同兩片油脂均勻焦香非常的豚肉，仲有大量櫻花蝦。🌸🦐-題外話：黃到發金既拉麵店，門口派發鹽水仲推出學生優惠。💛-特別喜歡這個包長筷子的招紙特意拿了放在書桌枱頭時刻提醒自己- 在成功之前不要放棄。❣️…查看更多

依間小店似足日本拉麵店咁，要先係門口部販賣機選購食物~每款拉麵都可以選曲麵/直麵個人比較欣賞櫻花蝦拉麵$88，配料都係例牌：有溏心蛋、豚肉、筍、紫菜、(走左蔥)、大量櫻花蝦，而麵係選左直麵櫻花蝦拉麵既湯底較魚介拉麵香濃，食得出鮮味而不會過鹹過油，直麵都好吸湯，雖然無得揀軟硬度但都唔會煮過頭。溏心蛋既流心程度都好滿意~蛋黃好香濃同超流心的~豚肉略肥但可接受，好軟淋同帶有點焦香整體來說絕對可encore~食物質素又ok環境又乾淨企理，坐得好舒服，值得推薦架~…查看更多

在門口的販賣機先選購拉麵/飲料/追加項目。麵條可以選直麵/曲麵。每碗拉麵都包含蔥，溏心蛋，叉燒，筍，紫菜。我點了櫻花蝦拉麵，選了曲麵。湯底香濃，不會過鹹。叉燒肥瘦適中，有燒過，油脂都出來了。溏心蛋是一整顆，能做到流心。整體很好，唯一是麵質我不太喜歡。…查看更多

櫻花蝦拉麵 (直麵)睇到表面係好多櫻花蝦油 櫻花蝦 湯底味道相當濃厚☺️👍🏻 不過味道會比較偏鹹 嗜清淡口味可以選擇魚介拉麵叉燒脂肪比例較多 口感都腍身 除左透光之外冇乜缺點 溏心蛋既温度整得不錯😌可以再生小小 略嫌唔夠入味麵係幼直身 但冇得簡軟硬度而且偏軟身 吸水好快所以最好食快啲但總括而言 $88好抵食👌🏻而且有部拉麵自動販賣機係吸引大家去食既亮點魚介拉麵 (曲麵) 魚介拉麵 魚介粉重但湯底不算太濃 麵係曲麵所以比較彈牙 …查看更多

估唔到荃灣有間自助形式拉麵店，點自助法? 首先你係門外自助售賣機選取你想食嘅(做法好似汽水機咁)，然後放入cash( 有得自動找續)，取單後就入舖搵位座，等食😂買嘅過程帶比我好似係去緊日本旅行😆😆😆 #櫻花蝦豚肉拉麵 $88 (我繼而選了曲面)， 湯底充滿蝦花蝦味道，曲麵爽口每啖沾上湯嘅味道! 薄薄豚肉好林呀，再追加一份豚肉 $20，但厚返d就好嘞!! 隻溫泉糖心蛋一咬爆蛋汁，啜飲返晒，唔好浪費😂#黑蒜汁豚肉拉麵 $83 (直麵)，呢碗選擇直麵， 碗麵未到面前已經聞到浸黑蒜味，但略咸，之後要飲返多d水😜😜每對都有唔同字句…查看更多

吃在荃灣 --團日式拉麵🍜💕櫻花蝦拉麵（$88）---------平時好少去荃灣完左sem得閒就同朋友喺荃灣搵下好西食🙈呢間餐廳落單係自助形式 㩒你要嘅款式 入錢 之後就可以入去坐定定等野食😍---------今次我叫呢個櫻花蝦拉麵係呢間餐廳嘅招牌菜式之一 果然無失望呀😍湯底好合我口味 仲有櫻花蝦嘅香味 鹹度適中 唔會口渴😊麵條都煮得剛剛好 唔會太軟 仲有少少咬口添😁叉燒有三大塊 每塊都有燒過所以好香 脂肪部分都唔會太多 因為我好怕食太肥嘅叉燒 所以值得讚！😍👍另外要讚嘅係溏心蛋🥚切開一半之後啲蛋汁就把把聲流出黎 見到都流晒口水😍好食到想食多隻吖💕總括嚟講性價比高 值得一試👍👍----------價錢：$88評分（10分滿分）賣相：7味道：8性價比：8回頭率：7--------餐廳資料名稱：團日式拉麵地址：荃灣大屋街18號金豐閣地下1-2鋪前往方法：荃灣站B1出口…查看更多

去完紗廠個肚餓到都咕咕聲😂～ 我依稀記得荃灣開佐間新既拉麵舖👅 難得入到黎就梗係要試下啦😚.餐廳效仿日本係門口擺佐部自動拉麵售賣機，要首先買票之後先可以入座🙈 喺香港有呢個體驗真係好特別所以即刻有拍照留念😂 呃係人係日本都好（ff下🙈）.拉麵都有五款簡，一樣都係會有得俾你揀要直麵定曲麵，同埋配料要求☺️ 比完錢之後就會出飛仔比你，入到餐廳店員就會問你攞飛仔之後安排入座，之後要做嘅嘢就係等啦😂.櫻花蝦拉麵 🍜 $88 （直麵)一嚟到就已經聞到勁香櫻花蝦味😍 個湯係用蝦味醬料同蝦油烹調而成 而且可以見到舖滿左櫻花蝦係面 一啲都唔手軟😍 即刻飲佐頭啖湯先～ 果然飲落勁濃郁而且蝦味出晒黎🤤 因為我揀咗直麵所以更加索味同有彈性 但係每一啖都充滿蝦味～ 超正👍🏻 因為我都痴線嘅關係所以我地兩三下就食完，但都表示好滿足😚.魚介拉麵 🍜 $80（曲麵）湯底除佐用鰹魚湯，仲用佐肉碎烹製，令到口感更加豐富同湯底更加濃郁，所以食落都好大陣鰹魚味😚 而且叉燒都大大塊，又唔肥膩.總結，由湯底同自家製既溏心蛋同叉燒都係佢地自家製，超級有誠意仲要份量一啲都唔手軟👍🏻 強推！！未試過用拉麵自動販賣機既，可以過去試下過手癮👅 而且店內裝潢都採用左日式風格，真係可以呃下人去佐日本一日遊😂 未有得放假都要輕鬆下既🧡 香港人工作壓力真係太大😢…查看更多

荃灣拉麵店應該好少，見到呢度有間拉麵開咗 ，店外出面已經有拉麵售賣機客人只需要喺門口揀選自己想要嘅拉麵同埋飲品，然後直接付款就可以啦。揀完拉麵之後畀咗錢就會出一張付咗款嘅單據，然後入去搵位，店員就會收取你嘅order幫你落單。食物好快就到 ，我叫咗櫻花蝦拉麵，拉麵可揀直面同曲面。上次試過直面,今次試下曲麵。我覺得曲面反而比較有咬口，比較好食。櫻花蝦湯底啲蝦都比較香濃，唔錯而且仲有兩片紫菜，仲有糖心蛋，不過糖心蛋就爭少少，煮得唔夠熟，只差一點點吧!另外仲叫咗魚介拉麵，魚介拉麵湯底比較清清地，我覺得櫻花蝦味比較好食。魚介拉麵都係叫咗曲面，都算唔錯。拉麵份量多夠飽…查看更多