友利坊 x 友利冰室 x 勿當奴 (已結業)

位於太子始創中心的樓下，牆壁的壁畫很特別，自有一番風味，和整個商場與別不同。我叫了他們最受歡迎的乳豬卡邦尼意粉 和 叉燒炒蛋飯。叉燒炒蛋飯，HKD 58，簡直是驚喜，10分滿分，餓的話可以有20分。一定要叫炒蛋不要煎蛋，份量很多，又好食。乳豬卡邦尼意粉，HKD 68。老實說，這個價錢比外面的cafe還便宜，還多了三塊乳豬，真的很良心唔話得。乳豬附有乳豬醬，普普通通，反而卡邦尼意粉幾出色，有西餐廳的水準。加了一個8蚊小食，忌廉蟹肉薯餅，普普通通。樽仔奶茶8蚊一枝，很滑。會回頭再食的餐廳！…查看更多

好耐無行過始創😂 估唔到依家開咗間咁得意嘅餐廳，睇餐廳名完全唔知佢賣乜。👍🏻 乳豬卡邦尼意粉乳豬同卡邦尼平時都會食，但無諗過可以擺埋一齊做一道菜。乳豬皮烤得脆，肉質嫩滑，唔洗點乳豬醬都夠哂味。卡邦尼醬汁夠濃，完全可以掛汁。意粉彈牙，煮得啱啱好。份量大，唔係一般兩啖就食哂嘅意粉。👍🏻 美國穀飼叉燒煎蛋飯叉燒好靚，半肥瘦，而且肉質軟腍。煎蛋脆邊，流心蛋黃。美中不足係唔夠豉油撈飯，不過整體非常滿意。👍🏻 豬柳強做緊推廣加$12就有。價錢抵，質素更加係意想不到。漢堡包上枱時暖笠笠，麵包非常軟熟，中間有芝士、豬柳、蛋。咁嘅價錢我真係想問可唔可以加多兩個😂👍🏻 樽仔奶茶作為奶茶控，只要有得揀奶茶我一定會嗌😂 奶同茶味道平衡，夠哂地道。最欣賞係唔甜！見佢好好賣，我拎嘅時候係最後一支，想飲就要留意喇😬📍友利坊 x 友利冰室 x 勿當奴 太子彌敦道750號始創中心地庫B02-06號舖…查看更多