滿記甜品 (已搬遷)

一進門便有店員招待，店內分為榴槤區與非榴槤區，相當細心的照顧週到。 落單後不到10分鐘便開始上菜。 這裡的價格和許留山差不多，但甜品款式這裡算是比較多。 我們點了榴槤班戟 (二件)、楊枝金露和白雪黑珍珠。 店員在我們面前打開榴槤班戟密封口膠袋，榴槤香味即撲鼻。薄薄一層的綠色班戟皮，包住不會太甜的CREAM，夾雜著榴槤肉，咬落時榴槤的陣陣淡香即時透入味覺神經。楊枝金露淡香清甜，除了當甜品吃；當果汁飲一樣可行。白雪黑珍珠用冰凍的雲呢嗱味做汁底，加入香甜的芒果肉及香蕉粒，加上黑珍珠西米粒和熱帶水果亞答子，整碗還有圓肉的淡淡香味。 下午時間客人比較少，我們都能自由的隨意選擇坐位。 離開時我們自行取記帳單到收銀處付款，這裡設有八達通快捷方便。…查看更多

都已成習慣了，每次來西貢，如時間許可必往滿記總店朝一朝聖，一來既為消暑，二來也順便以特價回味一下滿記的甜品! :)　母親節之行也沒有例外，為滿足兩位榴槤迷媽，特別選坐榴槤特區，來頓消暑糖水餐。原來總店的食品價位，已與市區廣大的門市看齊了，既來之則安之，也一回味滿記的幾款特色甜品吧：　榴槤班戟($23)-這是滿記多款甜品中，幫襯得最多，也是店內水準最好的食品之一，美味柔軟香滑程度，可以令一個不吃榴槤的人(我!!)，也慢慢接受這異物來，對於兩位榴槤迷媽以及榴槤迷老公，更是珍品。試過一次柯打芒果、香蕉多款班戟，榴槤味的水準最高的，的確是幾值得一吃的甜品。　榴槤忘返($35)-滿記另一項由榴槤肉+黑糯米+椰汁組成的名物，早年兩口子幫襯過，今次又來重溫，始終吃不出兩款食材間有甚麼火花。覺得只是一般，要吃還是留quota來多件榴槤班戟好了。　西瓜豆腐花($15)-生果怪細妹的選擇，豆腐花夠滑、西瓜亦算甜無法挑剔，但也留不下多少深刻印象。　白雪黑珍珠($25)-我對中式的糖水只是一般，最愛的湯圓又太熱且滯，就選了糖水中最滿意的白雪黑珍珠來消暑。滿記的出品做得很好，由芒果、黑珍珠、香蕉粒、海底椰及椰汁溝起的糖水口感豐富、香甜清潤，平日不喜黑珍珠的我也能清光，而且飲後用感冰爽怡人，很舒服!　滿記還有一款甜品很美味，就是荔茸西米焗布甸，但這熱食的甜品似乎冬天來較適合。然而隨著優惠不再，下次還是改變一下習慣，將配額留給其他甜品，反而這帶的選擇是爆多的!!…查看更多

上星期日既然山長水遠入到嚟西貢，encore 完超讚嘅意大利菜而冇留低食甜品，下一站當然係心目中一早已經決定咗要去朝聖嘅甜品店─就係滿記！假日佢旺場就梗架啦，不過因為佢有咁多個舖，所以唔駛等都即刻有位。室內嘅環境可以講話同以前好唔同，而家無論你去到邊區邊間分店，裝修都會完全一樣，牆紙都係嗰隻圖書館咁嘅式樣，木色裝修配昏暗燈光，刻意營造浪漫情調，好嘅就係有自己嘅 icon，而失去嘅當然係每間不同位置舖頭嘅獨特性啦！話就話室內情調適合情侶談心，不過因為實在太爆，客人大多數都好識做，食完就會閃，唔會阻住做生意，所以入去食嘢都好難坐到超過半個鐘嘅！入去坐低，我哋就叫咗： 榴槤班戟：雖然成日寫嘅甜品食評中有好多都有榴槤，但係好似滿記呢個咁出名嘅甜品，我反而係第一次食！因為我之前係唔食榴槤嘅，見到亦唔會叫。但係自從食過我老公喺金滿堂成日叫嗰個榴槤甜品後，我先漸漸愛上咗榴槤；原來只要榴槤揀得靚，味道真係好精彩，唔怪得咁多人食，自己以後食甜品又可以多個選擇！滿記嘅榴槤班戟外表呈青綠色，其實都係同芒果味個皮一樣，只係唔同顏色；一切開質感煙靱嘅班戟皮，隨即聞到一陣香得嚟近乎可惡嘅榴槤味 真係有好大嚿榴槤，當然仲有好多忌廉啦！榴槤好靚好正，好好味，嗰陣獨有嘅香甜味道真係～～ 不過我覺得放得太多忌廉嘞，雖然係甜品，都唔一定要太甜，啲忌廉仲有少少搶咗榴槤啲味道添！不過整體上我都係好滿意！:) 雪山榴槤：既然佢啲榴槤咁得，我又想食雪糕，就叫咗呢個配雲喱嗱雪糕嘅榴槤甜品嘞！呢個啲榴槤仲正，一大嚿無添加其他嘢，好滑好濃味；一啖榴槤，一啖雪糕簡直令人忘我！甜品本身嘅甜味係靠雪糕同埋佢所調製嘅雲喱嗱碎冰支持，感覺好過其他人工甜味。甜品嘅面頭有幾塊士多啤梨片，不過有少少酸，唔係咁得，其實唔加上去仲好！食完呢個全部都係榴槤嘅下午茶之後，真係暫時乜都食唔落嘞，睇嚟要行番幾個鐘先可以返出市區食晚飯嘞！…查看更多