火鍋撚 (日富里百好大廈)

今日係年三十，食團年飯的日子，往年都係食中菜為主，今年特別啲就諗起打邊爐，加上呢幾日天氣凍凍地真係好適合打邊爐，我們預先book 好位，所以一到餐廳就有位了我哋選擇西環限定的湯底：招牌豬肚雞鍋，湯鍋包括了一大個豬肚和一隻雞，真係好足料，而且味道香濃，好滿足好好味打邊爐肥牛必不可缺，我們order 了極品安格斯肥牛，肉汁鮮甜美味。黑豚肉唔錯，入口肉汁滿滿。羊肉比較遜色，口感一般，下次可以唔叫。鴨血夾滑好味，加上小小辣好開胃。滑豆腐真係好滑，正常水準。各款丸類都好出色，口感彈牙鮮味。響鈴好香脆可口，正鯇魚骨腩比較多骨，味道一般。牛栢葉正常發揮生菜好新鮮總結火鍋撚食火鍋係唔錯嘅選擇，湯底十分足料好味，服務就麻麻哋，尚可接受。…查看更多

近著香港大學站，是「火鍋撚」的西環旗艦店，佔地超過五千呎。店內裝修以古代為設計主題，每道牆身更繪上香港人文風情塗鴉壁畫，好有本土特色。 每位收取茶芥及火鍋醬油$10，有十數款醬料可自行調配，如蒜蓉、炸蒜、指天椒、麻油等等。 媽媽滋補老火湯鍋 - $160七款文火熬製湯底，開始踏入秋季，需要滋補一下。這款湯底有半隻嫩雞、瘦肉、淮山、杞子、猴頭菇、紅蘿蔔、粟米和海底椰等等，味道非常鮮甜，完全不油膩。 極品安格斯肥牛(小) - $193掛起一片片有著豐溢油花的肥牛片，如大理石般的紋理，入口嫩滑又濃郁，更有卷成玫瑰般的，很有美感。 四寶餃餃拼盤 - $97有齊四款招牌餃子各兩粒，包括至尊水餃皇、鮮蝦雲吞、皇牌魚皮餃和巧手韭菜餃，自家製作特別新鮮，肉餡好飽滿且皮薄，尤其鮮蝦好爽滑彈牙。 五色丸丸拼盤 - $128有海味花枝丸、蟹籽手打蝦丸、流心鹹蛋黃豬肉丸、手打雙重芝心丸及海瑞香菇貢丸五款招牌肉丸，手打肉丸的質地特別紮實彈牙，部份咬開更噴出濃濃醬汁，如芝心丸。 黑松露墨魚滑 - $106鮮香爽彈的墨魚滑，有少少墨魚粒更添嚼勁，同時散發陣陣濃香的松露飄香，完全不用額外蘸醬料。 法式龍蝦湯爆漿牛丸(半份) - $59三粒飽滿彈牙的牛丸，牛味好濃郁，咬開除了牛汁外，還有濃稠的法式龍蝦湯汁，充滿鮮味。 七味黃金炸一口金磚豆腐 - $68金黃的炸豆腐外酥內軟，薄酥的外皮撒滿香濃的七味粉和炸蒜，咬開有軟嫩的滑豆腐，豆香十足。 香甜粟米件 - $49爽脆的粟米咬開流出香甜的水份。 即炸三秒響鈴卷(半份) - $35直接吃的話，可蘸上甜辣醬，十分香脆可口，或涮上三秒，立即吸飽湯頭的精華，入口外脆內濕潤。 仙草芋圓(附送)有煙韌軟糯的芋圓，加些香甜又沙沙的紅豆和綠豆，以及爽滑彈牙的仙草，入口很清甜，或可選腐竹雞蛋糖水。…查看更多

以前都聽過這一家火鍋店, 名字好記又有氣勢! 跟朋友去食後就發現不得了, 一吃便愛上~ 每個食材都很高質!!調味配料也比平常多, 我發現那個陳年XO醬很香!! 一定要加它~看到湯底都好吸引, 最後還是選鎮店推介的蜂巢豆腐白湯鍋, 一鍋的白湯, 中間有一條很粗的參條!!一直吃都會感到淡淡的參香味!! 豆腐及鴨血份量, 很後悔太早吃蜂巢豆腐, 因為在差不多吃完時我又吃了蜂巢豆腐...........超級濃味,很入味, 早知留在最後吃! 下一次一定要忍口多煮一會才吃蜂巢豆腐!極品安格斯肥牛不會切得太薄, 而且有牛肉味! 至尊水餃皇連朋友都說有驚喜, 平時火鍋店的水餃都不太好吃的, 不過這個可以跟雲吞店的比~ 很彈牙又足料, 不過因為有少許豬肉部份, 也要小心不要煮太耐~瑤柱干貝滑應該是墅魚滑內加了許多干貝絲吧~ 這個最愛就是肉是"鬆軟"的, 是手打的口感打邊爐都有燒賣?? 原來都要放入鍋滾, 不過夠晒創意, 迫真到差D夾起來食不過少看娃娃菜, 湯底好, 就了菜吸收湯汁, 就是無敵~稻庭烏冬也是必點, 口感一流!! 有咬口又滑~吃完還有店家送的糖水!! 芋圓涼粉清熱, 食完熱火鍋再吃凍涼粉~ 爽!!另外的沙冰有點酸酸甜甜的味道~想不到西環分店都坐滿人~如果對食物質素有要求, 絕對推薦呢間! 特別是它的蜂巢豆腐白湯鍋…查看更多

是日OT，男友接收工。為了一解小女子的滿肚悶氣，男友帶咗我去試火鍋撚。e家做飲食，除了食物質素，真係少d心思都好難突圍而出。餐廳裝潢很有本土特色。每逢有客人步入餐廳，幾乎全體職員都會禮貌迎接。印象甚好。打邊爐，不可小覷醬料哦～ 一應俱全，不過有人頭收費。黃金系列向來深得我心。經推介，男友為了order咗一份黃金雞皮。鹹蛋黃香氣撲鼻，雞皮酥脆，入口即化。果然是招牌系列。有炸物又點少得🍺啤酒。飲慣生啤，我哋揀咗青島來試，生啤就係fresh！餐前小食之後，就上湯底。一品酸菜白肉鍋，招牌湯底之一。放肉之前就梗係要嘆返碗湯先啦，之後落咗食材就會變燥。材料份量十足，有類似薯粉嘅粉條，有番茄同切到好薄好入味嘅白肉片。齋飲湯頭都好飽。鴨血！男友嘅最愛之一。鴨血打得好靚，唔容易爛，但如果味可以再濃郁一d就更好啦。打邊爐不可或缺的手工丸。份量雖然不大，但真材實料，新鮮手造，值得一試。😂事後先發現影👆份牛嘅時候影咗背面，份量其實多一倍呢。睇相都知脂肪分佈靚啦～ 不過因為OT完，有d夜，今次只可以order細份嘅小試牛刀。下次絕對要嗌大份嘅。輕輕涮8秒，入口，滿腔牛味～男友最愛，沒有之一。打邊爐一定要嗌皇帝菜，新鮮，味香但不會喧賓奪主。多食蔬菜有助腸道健康吖～見唔係好夠喉，再補多支erdinger。但俾我揀，都係鍾意飲生啤多d。準備埋單嘅時候仲有飯後甜品免費送添啵～ 不過男友唔好甜嘢，唔想浪費就只係要一碗。濃濃桂花香嘅芋圓糖水，打完邊爐，消暑降火一流吖～…查看更多

入秋了，最好食火鍋，今次專登搭車去西環食特色火鍋。食店取名火鍋撚，火鍋狂熱是也！內裡驚喜，陸續有來！先有日日85折吸引優惠：早鳥優惠 晚上7:30前結帳及離座宵夜優惠 晚上9:30後入座 所以我同老公就晚上6點去開餐，摼到的可叫多個餸，抵！全店環境寬敞，區域分佈清晰，古色古香，門口放有高大兵馬俑、牆上滿有中國風壁畫、木製傢俱等。入座後，店員會提供多款特色火鍋醬油(HKD10/位)以供混醬。 這裡提供的食物款式有很多，當中包括熟食爆好味黃金系列、文火熬製湯底、精選牛肉、海鮮刺身、點心配料、手打丸類、手打滑類….. 另有多款自家飲品及特製港式Cocktail！開飯前記得裝飯，因這裡【白飯任裝】，跟熱辣辣火鍋料最夾。蜂巢豆腐白湯鍋 (HKD133)稱得上鎮店推介，湯底材料豐富，內有蜂巢豆腐、原條人蔘、鴨血、藥材等，另加入忌廉牛奶，香滑濃郁，非常滋味。 七味黃金炸一口金磚豆腐 (HKD59)餐前先來個餐前小食，一口一香脆，惹味開胃。極品安格斯肥牛(小) (HKD149)見到隔離枱叫了一客，賣相超吸引，二話不說即叫一客小的，牛肉油脂如雪花般分佈均勻，滾一陣就食得，柔軟嫩滑，正！【雙拼】蟹籽手打蝦丸＋流心鹹蛋豬肉丸 (HKD69)想食多點款式，可選雙拼，以較高價錢為準。手打蝦丸爽口彈牙，豬肉丸咬開滲出美味鹹蛋黃。【雙拼】鮮蝦雲吞＋至尊水餃皇(HKD59)雲吞、水餃皮薄餡靚，肉汁滿溢，用料新鮮，爽口美味。(左) 特製雞尾酒：花雕那媽 (HKD68)這裡的港式Cocktail名字搞鬼，由咸亨雕皇、蘋果汁及青檸混合而成，酒味香醇，帶有果味，很不錯。(右) 冰鎮烏梅汁 (HKD33)甜品：腐竹糖水沙冰 或 芋圓糖水 (免費)飯後不用苦惱去邊度食甜品，每位食客都可獲贈入口透心涼的腐竹糖水沙冰，或材料豐富的滋潤芋圓糖水。這裡晚上9:30後，仲有shisha水煙供應，可跟朋友輕鬆下！…查看更多

火鍋撚之前在中環都食過，感覺非常不錯，於是今日與同事來到西環分店打邊爐。這店位於西環皇后大道西，地點方便，鄰近地鐵香港大學站B2出口，或者電車站堅尼地城屈地街站。店舖採用古色古香的設計，一進店就見到一比一咁大的兵馬俑，枱與枱之間闊落，更設有屏風間隔，感覺好有私隱。餐點選擇好多元化，鍋底方面無論選擇什麼鍋底（祖傳秘製麻辣鍋、蜂巢豆腐白湯鍋、一品酸菜白肉鍋、媽媽滋補老火湯鍋、素之滋潤湯鍋、招牌胡椒豬肚雞鍋），鍋料都是非常豐富。配料也多元化，有精選牛肉、海鮮刺生、活海鮮、海產、肉類、香滷類、點心配料、炸物、手打丸類、餃子、豆製品類、素類、麵食類，還有自家製鮮飲品、手工啤酒等，琳琅滿目，目不暇給。這裏的鍋底實在非常足料，好有靈魂，今次選擇了祖傳秘製麻辣鍋拼蜂巢頭腐白湯鍋。祖傳秘製麻辣鍋以多種香料及藥材(例如:不同的花椒、龍眼肉、杞子、紅棗等等)調製成湯頭，麻而不膩，滾得越耐麻辣的感覺就越有層次。配上煮過後仍然滑溜的鴨血及吸了麻辣鍋味道的蜂巢豆腐，對喜歡食麻辣鍋的人來說簡直是享受。蜂巢頭腐白湯鍋以不同的藥材及人蔘肴製成為奶白的湯底，入口好順滑香濃，帶有少許藥材味，我唔客氣地飲了幾碗湯先開始打邊爐，感覺好滋補。而蜂巢頭腐白湯鍋內亦有大量滑溜的鴨血及吸了白湯鍋味道的蜂巢豆腐，白湯更能突顯蜂巢頭腐的豆香鮮味。極品安格斯肥牛（小）安格斯肥牛份量𣎴少，一片片掛起加上以數片安格斯肥牛砌成的玫瑰花型肥牛，賣相一流。雪花紋好靚，而且有濃郁的牛味，入口濃郁又滑溜，必食推介。脆鯇魚腩脆鯇魚腩好新鮮，片片立立令，入口爽脆，味道鮮甜。新鮮田雞田雞真的非常新鮮，應該是即叫即劏的，上枱時田雞仍是微微跳動，入口爽彈，鮮甜無比，湯底帶出田雞的鮮味，田雞的鮮味亦入了落湯低中，簡直是相輔相成。四寶餃餃拼盤拼盤包括雲吞、魚皮餃、韮菜餃、水餃，款款都皮薄餡靚，隻隻飽滿，肉與菜的比例恰到好處，不錯的選擇。甜品 - 腐竹雞蛋沙冰/芋圓凍店舖好好，食完一餐咁豐盛的火鍋後，贈送腐竹雞蛋沙冰/芋圓凍，可以清清熱，非常透心涼，好貼心的服務。…查看更多

老公生日當然要去食佢最愛嘅火鍋，今次揀咗一間飛一般嘅 “火鍋撚”，店內裝潢以木為主嘅古代風格，門口仲有兵馬俑公仔，牆壁圖係中國畫風，店內座位闊落、環境潔淨舒適～食物選擇有好多，有肉類、海鮮、丸類、蔬菜類等，湯底都非常有特色，飲品有沙冰，連cocktails 都有，第一次食火鍋有cocktails飲～今次湯底選擇左蜂巢豆腐白湯鍋，未開始食打邊爐當然要飲啖湯先啦，湯稠厚、入口甘甜，湯底配料非常豐富，有蜂巢豆腐、鴨血、人心、多款中藥藥材等～必食推介極品安格斯肥牛，因為得兩個人所以點左細碟，見到油脂分布均勻，份量都好多～肉質幼嫩，非常滿足～女士最愛嘅當然係花膠，造型好似古代皇后食嘅補品，大大隻～巨型蟶子皇新鮮彈牙，必定要食～手打滑拼盤，可以任選兩款手打滑，我哋點左蝦滑、墨魚滑，口感爽口彈牙～即炸3秒響鈴都係必食推介，入口脆卜卜，可以就咁食或者擺入火鍋灼3秒，擺到最後都仍然保持脆口～最後當然要食返啲蔬菜啦，如果唔知食咩菜好就可以點呢個七彩蔬菜盤，有粟米、黑木耳、番茄、娃娃菜、菜心，款款新鮮～呢度嘅飲品都好特別，有唔同口味嘅冰沙就好似我華田冰沙，仲有多款cocktails，無論賣相、味道都有水準，好似我呢杯花雕那媽，用左咸亨雕皇配以蘋果汁青檸調製，味道清新容易入口，啱晒女仔飲～最後仲有甜品送添，非常特別嘅腐竹雞蛋糖水沙冰，味道唔會太甜，仲有落足料嘅仙草芋圓，有紅豆、綠豆、珍珠、小丸子、芋圓，個底仲係涼粉添～呢度晚上可以坐低飲番杯，同朋友傾吓計～…查看更多