村爺爺龍蝦湯.泡飯.燉湯專家

好好對自己系列☺️今日同男朋友黎左呢間試呢野 龍蝦湯好多好評 所以都即刻揀左個黎試極上海鮮龍蝦湯泡飯 $78一上菜就即刻試左個湯 個湯好清甜 有龍蝦味蜆有好多隻 同湯一齊咁食 真系啖啖龍蝦味青口好似兩大兩細 超足料 魷魚兩條 正常仲有隻大大既帆立貝 龍蝦頭系裝飾🤣個湯真系冇得輸 性價比高 值得再試螺片鮮雞魚腩龍蝦湯泡飯 轉龍躉頭$83呢個湯系冇咁清甜 但都唔錯👍 螺片同雞都滑 魚腩份量就有d少 整體黎講 兩個都幾好食 性價比高飯系另外放 唔系泡飯 可能放唔落個湯到吧🤣不過自己整番泡飯都超好食 期待下次再食…查看更多

勁耐之前已經聽過「村爺爺」 呢個名，完全係因為俾佢啲海鮮吸引住😍 全部睇相都貌似好抵食，大大件好足料咁，價錢又唔貴～ 當然要會會佢啦😋 估唔到真係無令人失望呀👍🏻極上海鮮龍蝦湯泡飯 💰68海鮮數量真係一啲都唔會孤寒，有帆立貝、墨魚仔、魷魚圈、蜆肉...... 完全做到啖啖飯配啖啖肉，可以稱得上為 十·分·足·料 😋 呢個飯有有種食法嘅～ 當餸食或者湯飯咁食都等～ 而剩係飲湯會較為濃味，將飯倒落湯到做泡飯，對我嚟講就唔濃唔淡啱啱好啦♥️…查看更多

假期Lunch想食海鮮盛宴，以為要成百蚊？唔洗$199、唔洗$99，只需$68就可以食得好豐富！ 係邊度可以食到？就係喺油麻地嘅一間專做湯飯嘅餐廳「村爺爺龍蝦湯.泡飯.燉湯專家」！餐廳似乎幾出名，見餐廳門口癡咗好多媒體嘅報道同名人嘅合照！門口都多人等位，如果大家唔想等位就要早啲去啦～ 🧡極上海鮮龍蝦湯泡飯（$68）估唔到$68嘅海鮮湯飯係咁豐富！個湯飯一上枱已經好震撼，因為真係勁足料！湯同飯係分開上，碗湯度有超多海鮮，仲用咗大大件嘅龍蝦頭嚟做裝飾，視覺效果一流！ 除咗落料足，味道都好正，魷魚鮮味十足，蜆同青口都鮮甜無沙，帶子大隻有咬口，龍蝦湯超鮮甜，好味到份量咁大我哋都全部清哂~ 🧡螺片雞件魚腩龍蝦湯泡飯（$68）同樣都係好足料，魚肉大大塊，食落超有滿足感，絲瓜好鮮甜，雞肉都好嫩！除咗面頭有好多肉類，下面其實都有好多生菜，唔係平時一般湯麵咁一條兩條，係成顆咁多！真係超抵食，CP值極高，絕對係平民超值之選！…查看更多

響油麻地睇完戲，搵一搵有咩好食，就見到呢間好受歡迎嘅龍蝦湯泡飯。可能嚟到嘅時候已經八點幾，所以排隊嘅龍都唔係好長，大概等咗5分鐘都入得，仲可以喺排隊嘅時候點埋餐。極上海鮮龍蝦湯泡飯真係極度推薦，唔好睇佢龍蝦頭咁大好似得個噱頭咁，入面嘅料都10分充足，有青口扇貝墨魚圈同埋十分之多嘅蜆肉，幾乎每一啖飯都有海鮮餸飯，$68真係性價比超高，原價好似係百幾蚊，就算係百幾蚊都值得食。龍蝦湯認真一流，十分之鮮甜，飲落亦唔會覺得似係味精味道，每一啖飯都食得好幸福。入面仲有好多生菜，浸左起個龍蝦湯非常索味，成套野食得均衡滿足。唯一爭少少嘅係，個飯始終有啲粗，雖然大部份餐廳都唔會用靚嘅飯，但感覺泡飯先至同個湯最夾，可以食多啲湯，所以都係揀泡飯。試完泡飯可以下次加$10叫手打烏冬，同個湯都好夾。試咗朋友嗰個川芎竹芷魚頭湯，淡淡藥材味都好好味，魚頭都係好鮮甜，同龍蝦湯比係另一種鮮甜，有啲似我之前試過第二間食嘅刀削麵嘅湯底，雖然都好好味但係我覺得龍蝦湯會特別啲。叫魚頭湯個餐就會有一杯嘢飲，但係菜就另上配蠔油，菜可能同個湯冇咁夾，所以唔係浸湯食。鍾意食烏冬嘅朋友，都可以喺呢間試吓，相信佢唔同湯底都同烏冬好夾。不過呢度環境真係好窄，出入幾乎個屁股都會撞到人哋個碗，不過油麻地好多舖頭都係咁，食完就要快啲走啦。…查看更多

夜媽媽想走出呢個油麻地，真係相當唔容易，如果你咁啱有啲饑渴，咁就好容易落搭，難敵街邊嘅招徠，令你好想飲吓湯水，咩呀？大胃係指呢間湯飯店呀咁夜出面仲係幾多人排隊㗎，但服務態度依然好好，仲有口罩套提供為咗更加享受到湯嘅味道，大胃決定檸茶走甜熱飲就平啲，只係加$6花魁嚟喇，用嚟熬湯嘅龍蝦頭足以證明，呢碗湯究竟有幾濃蝦仲有一眾蚌兵蜆將，令湯底鮮味達到極致呢碗都唔惹少，激多干貝同唔同嘅食材淨係花膠都一大片，毫不手軟魚腩又多又嫩，無魚不歡者發喇炸雞翼又大舊又脆口，仲有好香南乳味望住呢部流水機食美食，地方雖然窄啲，但不失詩意…查看更多

這間放係list 好耐之前有幾次weekend 晚上經過都見到一條好長的隊伍估唔到weekend lunch time 人流係唔算太多 十二點幾去都可以立刻入難得唔洗等位 就叫得豐富些😂🦐極上海鮮龍蝦湯泡飯 （$68）套餐要加$10 附送油菜，飯同熱飲一杯海鮮有好多款 魷魚 青口 蜆仔 🦑🐚超級足料 湯加埋飯一起食 每口都會好鮮甜 🥥椰子螺頭花膠雞煲（$78）椰子味唔算太重 湯底清甜反而雞係有驚喜 雞肉超嫩滑😍🐤南乳雞翼 （$28/4 隻）新鮮炸成 超脆口南乳味都算濃 但有些貴以這個價錢食這頓飯都算抵食但如果要排個幾鐘 就未必好值得同要預左位置有些逼 坐得不太舒服…查看更多

砵蘭街一向給人較為混雜既地方，但開始愈來愈開多左不同食肆，這間見食評評分都不錯，試下係咪真係咁抵食先。位置近油麻地方向，都算方便易搵。正值食飯時間，都見開始有人龍，但不算等得太耐。餐牌都有幾多款式選擇，有d眼花撩亂。我地為左費事食龍蝦剝殼麻煩，選了極上海鮮龍蝦湯泡飯。賣相相當吸引，而且有好多海鮮，有青口，蜆，魷魚，扇貝等。個湯底有濃濃龍蝦味。好超值姬松茸螺頭雞煲湯， 呢個係top 2之選。另外，還有花膠螺片雞煲翅湯，呢個係Top 1之選，必選。聽個名已夠養顏。以上2個雞煲湯都可以加$10就可以轉套餐，配油菜，米線/米粉/飯及熱飲品。3款湯都好味到一滴不剩，全部飲哂…查看更多

今天難得來到油麻地，見到這間龍蝦湯專門店，決定來試試看！幸好過了最繁忙的時間，我只是等了5分鐘就可以入座！餐牌上有各個龍蝦湯泡飯，令人花多眼亂！他們亦有其他湯底可供選擇，而我當然要點龍蝦湯啦極上海鮮龍蝦湯泡飯賣相十分吸引！雖然沒有真龍蝦吃，但也有這個蝦頭！龍蝦湯十分鮮甜，而且濃郁，用來泡飯一流！值得一提的是他們的海鮮毫不吝嗇，有很多蜆、青口魷魚、扇貝等，全都是帶有新鮮的味道。平時很少會喝畢湯的我把這個喝完！唯一希望可以改善的是湯底可以更熱整體來說，以這個價錢吃這個質素的食物已經是十分超班了！下次可以試試真龍蝦！…查看更多

可能係7點前到，等幾個人就入得。小店係會坐得比較逼，都無辦法，好彩上菜快！嗌左：極上海鮮龍蝦泡飯（$68）同花膠螺頭雞煲餐（$78）。落單時姐姐有心提醒下，極上海鮮嗰個係無龍蝦係入面既😂但就咁擺個龍蝦頭、都覺得好fancy😂😂😂無論係龍蝦湯定雞湯都超級鮮！勁多海鮮，青口、蜆、帶子、魷魚，去晒d殼就倒個飯落去自製泡飯😂（因為都未試過嗌泡飯但個飯分開上LOL）另一邊廂，雞湯都好正，加10蚊有菜、飯、野飲，超抵食！7點幾食完走就好多人排隊了…查看更多

朋友話要食好西就嚟咗呢間，好耐之前已經有朋友介紹呢間食店，但一直都冇時間嚟呢頭試，今次lunch特登搭車嚟食選擇都幾多，除咗泡飯之外，重有鹵水，咖哩等等可以選擇，但嚟到呢到冇理由唔試佢嘅泡飯，叫咗一個花膠螺片雞煲翅同一個極上海鮮龍蝦湯泡飯雖然呢個飯冇龍蝦，但入面有青口，帶子，八瓜魚同蜆，份量重唔少，令到個湯嘅味好濃郁同好鮮甜，一啖飯配一啖湯咁食令每一啖都有龍蝦湯嘅味道🤤🤤花膠螺片雞煲翅亦都好大份，有半隻雞喺入面，除咗雞重有螺片同埋花膠，美顏首選，啱晒女士。但食落就麻煩少少，要用手套食先方便。兩個咁足料嘅午餐加埋都只係150，真係超值👍🏼👍🏼…查看更多

出到黎油麻地已經九點半，真係好餓好餓之前經過幾次都見到門口排晒長龍，今日可能係太夜嘅關係竟然直接入去就有位一入到舖到已經成陣好鮮嘅龍蝦味攻過黎個餐一送到，就見到成碗滿滿嘅海鮮，真係好吸引第一啖當然係要試下個龍蝦湯啦！味道鮮甜，的確無令人失望加埋d青口、墨魚仔、魷魚、扇貝同蜆肉，啖啖海鮮，非常滿足(舊龍蝦其實就無咩肉，但唔浪費都啜下入面d汁，好甜架）最後成碗海鮮湯清晒，唔重味精嘅湯飲晒成碗都唔會口渴，真係值得一試！…查看更多

有時經過這裡，見很多人排隊，都想找機會來食。恰巧經過這裡，今次未有太多人排隊，即決定到這裡食晚餐。友人來到，剛好入座 門外有大大的餐牌，在等位時都可諗下食乜......店內地方不算大，幸好我們坐在門口附近的二人枱，自成一角 ^_^店員推介「花膠螺頭雞煲翅」，我們都覺得很抵食，由 $128 減至 $68，仲要限量，只限堂食。即急不及待點了這款 「花膠螺頭雞煲翅」及「極上海鮮龍蝦湯泡飯」，以為只食雞煲翅不飽，原來可加 $10 轉套餐，包油菜、飯及飲品，非常好！極上海鮮龍蝦湯泡飯，首先飲啖龍蝦湯，湯頗濃，但都鮮甜，放入飯內一齊食就更好味！除了湯底好，仲有很多海鮮，海鮮都滲入龍蝦湯的味道 花膠螺頭雞煲翅，有半隻雞 店員很貼心放了兩隻膠手套，話可以手撕雞食，之後亦放了刀叉，方便我們切來食^_^雞湯濃郁但頗甜，雞肉頗滑，足料、美味且很飽！油菜新鮮，可中和一下！再配飲品，很滿足，非常飽！…查看更多

今日出開黎油麻地就search 下呢頭有咩食，村爺爺泡飯之前一路都好想試，記得好耐之前食過一次佢既車仔麵，果時咁啱龍蝦湯賣晒，今日一定要尋回失去既龍蝦湯底💪🏻。✨天寒地凍特別肚餓，收工兩點零黎到估唔到仲要排隊🙉好彩排左3,4個字就有位。✨餐廳環境細細，放埋野食張枱真係有d迫。✨啱啱排到兩點半原來係下午茶時間，送熱飲喎～好野😚。✨極上海鮮龍蝦湯泡飯（$68): 佢個龍蝦湯真係好正，龍蝦味雖然唔算好濃但都幾鮮甜。海鮮超足料，有青口，扇貝，蜆，魷魚，墨魚仔，生菜。除左個墨魚仔好硬無咩味，其他都ok起碼食到d 鮮甜味，不過以68蚊既質素黎講就不能要求太高了。 個飯仲好鬼大，浸埋d 湯真係食唔晒。 ✨花膠螺頭雞煲翅（$68): 排隊果時見人帶住手套，拆緊隻雞真係好吸引勁想食🤤，隻雞超大有成半隻，d 肉仲幾嫩。 個湯既雞味都幾濃郁，不過味道偏甜，感覺唔係好天然，但男友就好鍾意。✨螺頭幾厚身有鮮味，不過本身無咩牙力真係覺得好硬😵，魚翅厚身得黎食到d好似魚鱗咁既爽口質地，感覺好怪吞唔落吐左，花膠比男友食晒😭，不過佢話味道正常。✨68蚊黎講真係超抵食，份量夠大，都好難唔飽。餸方面我最鍾意個雞，啖啖肉算幾滑。不過如果湯底方面我都係會encore龍蝦湯，味道鮮甜得黎無雞湯甜得咁假，但配料我下次唔會㨂海鮮因為質素一般。天氣凍個泡飯好快就凍晒，如果有個火黎坐熱佢就更加正😘。🉐總括黎講龍蝦湯泡飯勝💪🏻…查看更多

今天閑來無事到了油麻地覓食經過砵蘭街的時候 看見村爺爺店外有很多人排隊正好想起曾經有網上報道 村爺爺的龍蝦湯泡飯 鮮味一流 並且食材新鮮 於是我就馬上加入排隊隊伍等了大概20分鐘 終於輪到我我叫了一個極上海鮮龍蝦湯泡飯 加了7元有炸魚皮和熱飲首先炸魚皮和熱飲先到然後等了大概10分鐘大大碗湯飯到來店家十分貼心把湯和飯分開令客人能夠好好品嚐湯的味道湯飯到來時我當然馬上急不及待先嘗了一口湯湯底鮮甜 並且不算太油膩 首先不得不提每樣海鮮十分新鮮 並且甚少有沙加上海鮮亦十分足料 我粗略一數 大概有一個扇貝 六至七粒蜆肉 四個左右的青口 三至四個墨魚圈 還有一個龍蝦頭 並且龍蝦頭不是做做樣子的裝飾品內裏還有少量龍蝦膏 面對這樣子的陣容我只能說店家真是誠意十足蜆肉和墨魚圈都爽口彈牙 食得出明顯的鮮味青口不會煮過火 太硬 唯一美中不足是其中一個青口有少量沙扇貝亦新鮮鮮甜 可惜有點過火 有點硬不過這等小瑕疵 對於一碗那麼多海鮮的湯而言 不足為題畢竟他這碗充滿誠意的湯 我也是一滴不留送到肚內店員亦有禮貌向客人介紹 老闆也十分親切至於坐位方面 不會太小也不會太大 但是不會感到不舒適 作為小店而言已是不錯總括而言村爺爺店值得一試 如果不是路程太遙遠也可以特意過來試一下…查看更多

之前試過呢間村爺爺個車仔麵覺得唔錯，今次來挑戰一下幾個鋪位之隔的泡飯店。同村爺爺車仔麵一樣，門口大大個menu,可以睇過岩食先入去。泡飯店的坐位都不算太多，幸好我去到時間尚早，唔使排隊。呢度的湯好像都幾出名，我見每2枱左右都有人點，份量好像一人火鍋甘多。下午茶餐好抵食！十幾廿蚊有交易不過我今次特登來試個龍蝦湯泡飯，下午茶時段送熱飲。呢個海鮮泡飯超多海鮮！有魷魚、墨魚仔、青口、帶子、蜆，個龍蝦湯好鮮味！飲完唔會好口渴，撈飯食一流！ 個湯仲有好多條菜，非常足料！凍檸茶 (+$3) 另外點左個小食，薯角同個南乳雞翼係新鮮炸起，熱辣辣！ 南乳雞翼之前起車仔麵店食過覺得好食今次再encore …查看更多