嵐橋丼飯專門店 (已結業)

日本野永遠食得多都唔厭😝今次就揀左黎嵐橋丼飯專門店食餐好，聽個名都知呢到主打丼飯，但其實佢刺身、串燒、炸物、卷物、鍋物等都有提供，我地嗌左鯛魚薄切沙律($138)、極上海之幸丼($308)、軟殼蟹牛油果卷($148)、天婦羅盛合($128)、薩摩赤雞肉蔥串($38)、薩摩赤雞腿肉($34)、秋葵($38)簡約日式木系裝修風格，店鋪空間雖然唔算好大，但座位都唔會太逼鯛魚薄切沙律：用上新鮮嘅鯛魚薄切片，配上清新嘅沙律菜、蕃茄仔、特製嘅和風醬汁同蔥花，令每一口都充滿鮮味同埋清爽嘅口感😋味道清新酸甜夠開胃😍極上海之幸丼：呢個丼飯擺盤非常精緻，兼且豪華到爆🤩有大拖羅2件、日本牡丹蝦、磯煮鮑魚、大蟹鉗、深海池魚、真鯛、油甘魚、海膽、蔥花拖羅魚蓉同埋三文魚籽，每一種海鮮都新鮮到不得了😋大拖羅入口即溶，磯煮鮑魚、牡丹蝦彈牙，海膽、大蟹鉗味道鮮美，另外佢呢到係用赤醋飯，真係每一口都係享受🤤軟殼蟹牛油果卷：軟殼蟹炸得香脆，配上牛油果嘅綿密口感，再加上滿滿嘅蟹籽，味道層次豐富😍每一口都充滿驚喜，真係好好味🤤天婦羅盛合：有多款炸物，包括大蝦、南瓜、茄子、秋葵、冬菇等，每一款都炸得金黃香脆😋外皮酥脆，內裡食材保

朋友介紹下先知有間丼飯專門店🍣，可自選用赤醋壽司飯/冬菇飯/麻油飯😳，就係咁吸引左去😂😂。餐廳環境雖小但五臟俱全，而店員有笑容又有禮貌，服務同食物都good good🥰，係食得開心既一餐🥳👏🏻-💕 極上海之幸丼 $308大拖羅2件,日本牡丹蝦,磯煮鮑魚,大蟹鉗,深海池魚,真鲷,油甘魚,海膽,蔥花拖羅魚蓉,三文魚籽👅好味指數：8/10丼飯底揀咗赤醋壽司飯😚，帶微微鹹香但又唔會太重搶左刺身既鮮味👍🏻，大拖羅睇色澤已經知好靚好新鮮好肥美！有入口即溶感覺🥰！海膽甘甜質感細膩，磯煮鮑魚同牡丹蝦都好爽彈，份量充足又新鮮！-💕 火炙吞拿魚沙律 $188👅好味指數：9.5/10油脂感滿滿，質感嫩腍😍，沙律夾脆配上酸汁，好清新，中和油膩感。-💕忌廉芝士吞拿魚卷 $138👅好味指數：9.8/10造型好靚💯，忌廉芝士同吞拿魚好夾，忌廉芝士質感細膩配上鮮甜吞拿魚，再加埋蛋黃醬，好滿足😍。-💕天婦羅盛合 $128👅好味指數：9.9/10海老,日本蕃薯,日本南瓜,日本青椒仔,茄子,冬菇,魚塊好驚喜❗️以為天婦羅都係差不多，偏油偏重口味，完全刷新左我嘅認知😂‼️ 平時如果同我一樣好怕食好油淋淋既野，都唔怕一試❗️天婦羅皮

天氣開始熱，想食日本野但又有d趕時間，食魚生飯就係最好既選擇。呢間位於棉登徑既日本餐廳，佢一邊係居酒屋，適合同三五知己坐低邊飲邊食邊傾計；另一邊就主打魚生丼飯🍱餐牌上既選擇都唔少，仲有串燒🍢炸物🍤可以叫，可惜店舖面積較小，座位唔多而且較迫，但裝修尚算係日式。\ 🐟極上海之幸丼🦀🦐/ 無諗過店舖小小但個魚生飯有驚喜🤩！首先係份量多，丼飯刺身鋪滿滿，有大拖羅、大大隻牡丹蝦、磯煮鮑魚、大蟹鉗、深海池魚、鯛魚、油甘魚、海膽、三文魚籽、吞拿魚蓉。刺身全部都好新鮮，磯煮鮑魚就非常腍滑入味，唔會實定定，拖羅又夠肥美，入口即溶，好吃好吃！\ 🍄黑松露帆立貝鵝肝丼🐚 /丼飯裡面有黑松露灸燒帆立貝、燒鵝肝、蔥花吞拿魚蓉、三文魚籽。黑松露香味濃郁，帆立貝鮮甜，兩者夾埋味道好match；而正方形既鵝肝煎得好香，油脂豐富，入口即溶。店家使用既係赤醋飯，而且飯裡面有d透明嘅「醋啫喱粒」，酸香醒胃，可以用黎平衡刺身油份既膩，食完真係超滿足❤️店家會定期更新Menu，呢家好似已經食唔到鵝肝丼了..不過Menu有好多其他既選擇，價錢大約係$148-$288，刺身全部都好新鮮，絕對係值得一試！下次有機會我都想去居酒居嗰邊試

這是我近幾年吃過最高質的丼飯🥺💯他們這一分店好像是主打魚生丼飯，餐廳上有超多款式，花多眼亂🤣最後我們點了極上海之幸丼🍱𥚃面有大拖羅、磯煮鮑魚、池魚、鯛魚、海膽、牡丹蝦等等❤️‍🔥拖羅夠肥美，入口即溶🥺鮑煮得軟身帶有一點嚼勁，也是超好吃🥺💕難得的是連海膽都很鮮甜❣️😭而且飯底少見地用了赤醋飯，軟硬適中，醋味剛好不會過酸，能提升魚生的鮮味💕這一大碗用料超豐富，吃完超滿足👅👅大推💯我們另外點了3串串燒跟鍋燒烏冬🍢🍲🤤個人很推介免治雞肉棒🍗啖啖肉，中間混合了一點軟骨，增加口感。蘸上蛋汁，濃郁蛋香跟雞肉超搭，非常好吃😋😋極上海之幸丼 $268安格斯牛肉鍋燒烏冬 $138自家製免治雞肉棒 $48日本雞胸軟骨 $32厚牛舌 $52

»《嵐橋丼飯專門店》嵐橋有分丼飯以及日本料理 適合一班人聚餐的地方 食物品種多元化-極上海之幸丼 $268壽司盛八點 $258丼飯的刺身鋪得滿滿一碗有松葉蟹螯，海膽，三文魚子深海池魚，大牡丹蝦，大拖羅
壽司八款不同的時令刺身 中間有三文魚籽海膽 可以用紫菜包住吃小店用的都是赤醋飯 ( ´͈ ᗨ `͈ )ﾉ-串燒：
明太子山藥 $38 / 厚牛舌 $52 /薩摩赤雞腿肉 $34 / 田樂燒豆腐 $28-串燒定價不高 值得追加田樂燒豆腐賣相有點像臭豆腐當然咬下去 味道並非如此完全做到外脆內軟的口感兩塊厚厚的，同麵豉醬好夾！味道同口感都有驚喜-明太子山藥非常爽脆上面鋪滿了明太子醬
微微辣的鹹香，很惹味！*⑅୨୧┈┈┈┈┈┈┈┈┈┈┈┈୨୧⑅*

本人其實不好海鮮，特別係刺身。魚生當中比較鐘意食的是吞拿魚，想食刺身飯，契姐推介尖沙咀有一出色店舖，所以一試。4個人，點了2個極上海之幸丼、1個極上吞拿魚丼、1個北海道丼(午餐G )和2款串燒，牛舌和安格斯牛小排。刺身新鮮，吞拿魚很肥美，丼的壽司飯調味調得幾好，不會太酸，飯亦粒粒分明。極上吞拿魚丼的吞拿魚蓉份量亦算ok ，整碗吞拿魚丼質素高。串燒幾好，燒得幾香，牛舌比牛肉出色，牛肉略嫌有點韌。整體價錢不算便宜，稱不上抵食，但質素幾好。

已經大半年冇得去旅行，唯有係香港食下日本菜當自己飛左。早排同朋友去左呢間位於尖沙咀既丼飯專門店，裝修有啲似居酒屋，價錢就中規中舉，一個SET$200左右（丼＋湯），算係合理。同朋友分別叫左個極上海老二重丼同極上海之幸丼，因為真係太難揀，所以就叫左兩個都係MIX既，等大家都可以試多啲。就份量而言真係對得住個價錢，全部刺身都好肥美大份，成個碗都放滿哂，就算我地SHARE食都每人分到唔少，賣相就已經好吸引。味道方面其實都冇咩好挑剔，基本上都夠新鮮，呢到既海老係我食過既日式餐廳入面算係最好既頭幾間，完全冇腥味仲好juicy，另外每份都有啲三文魚籽可以撈飯食，簡直係一流。飯底佢有啲醋啫哩粒粒，幾驚喜，我自己中意食酸野既覺得唔錯，但友人就話太酸。最後叫多份牛舌同埋蕃薯仔，牛舌燒得幾好，仲好多汁；蕃薯仔就不過不失，一口SIZE好方便食。

「丼」食緊既每一啖都係充滿日本🇯🇵高質既幸福味道😌環境佈置大走日系🇯🇵風格😌 係大愛既木系🏷色調+鯉魚旗🎏🥰餐廳座位唔算多但空間都幾寬敞舒適😌女店員都好親切😚食材新鮮又高質🥰 好有日本🇯🇵既味道晚市惠顧每人消費夠$200仲有85折😃黎’日本🇯🇵’梗要啤一啤🍻 +$48有Suntory生啤🍺☺️<極上海之幸丼💰$258>其中1️⃣款熱門丼飯🤤 足料之餘相當吸睛👀9️⃣款食材每樣都好新鮮😳 真心高質📈1️⃣蔥花吞拿魚蓉 2️⃣三文魚子3️⃣蟹鉗🦀 4️⃣日本牡丹蝦🦐 5️⃣饑煮鮑魚6️⃣深海池魚 7️⃣白身魚 8️⃣馬糞海膽9️⃣仲有最愛既大拖羅🐟 肥美又滿口魚油🤤總之每啖都係幸福既味道🥰🥰🥰<日本海膽牡丹蝦丼💰$258>海膽分別為🇯🇵赤海膽同🇰🇷馬糞海膽😋激鮮甜無腥味之餘會喺口裡面’朗’下’朗’下😌牡丹蝦🦐爽甜夠份量👍🏻 連蝦腸都處理了蝦頭🦐裡面既綠色液體😲 問過店員應該係類似膏既野黎壽司飯加左醋調味🥣 仲有醋啫哩粒粒, 酸酸地幾開胃🤤

五月某一個星期五晚上，窩夫在尖沙咀買東西後，去了嵐橋丼飯專門店吃晚飯。七時前到達，未見人潮，可以安安靜靜享受一頓一個人的晚餐。看過網上的食評，對嵐橋的丼飯評價很高，要選哪一款丼飯好呢？窩夫選了極上海之幸丼，好好慰勞一下近日工作非常忙碌的自己。極上海之幸丼($258)本身有九款配料，但窩夫走了三文魚籽，飯上放了大拖羅、磯煮鮑魚、蔥花吞拿魚蓉、日本牡丹蝦、深海池魚、松葉蟹鉗、金目鯛和韓國海膽八款海鮮，全部都很高質，只是對韓國海膽有少許失望，鮮甜度不足，那隻磯煮鮑魚非常腍滑入味。用日本米煮的壽司飯帶微暖，因為加入了赤醋而帶點粉紅色，壽司飯的軟硬度和酸度都控制得非常好。飯上加了些超香的胡麻，令丼飯的味道更豐富更有層次。結果窩夫將一大碗丼飯消滅了，吃得乾乾淨淨。窩夫還加了28元將隨刺身丼飯附送的味噌湯升級為(魚立)魚湯，魚湯非常濃郁，肯定用了大量(魚立)魚來煲，充滿家的味道，喜歡喝魚湯的朋友不能錯過。

今日同另一半嚟到靜中帶旺嘅棉登徑覓食發現到哩間以丼飯為主題的日式小店：「嵐橋」見到門口menu，丼飯非常吸引！二話不說，一於入去試下！！！雖然鋪位不算大，但因座位間距合宜，所以都坐得舒服，唔會太迫丼飯價位由$148至$278之間，款式非常多重點係每碗都堆上滿滿嘅刺身！非常吸引！另有兩款丼係熟食，方便不吃魚生的食客。⭐️味噌湯每個丼飯都會配送一碗味噌湯。雖說是配送，但絕不馬虎，味道不會過咸～而且內有豆卜、豆腐、海帶，材料十足！⭐️黑松露帆立貝鵝肝丼 （$168）丼飯非常精美，同menu圖片不大出入份量十足！包括黑松露灸燒帆立貝、鵝肝慕絲、蔥花吞拿魚蓉、三文魚籽。黑松露香味濃郁，帆立貝亦相當鮮甜肥美，估唔到兩者味道係相當配合！另外，鵝肝慕絲煎得好香，入口順滑即溶而唔漏值得一讚嘅仲有喺飯上有一啲呈透明狀 嘅「醋啫喱」，如覺飯不夠酸可以拌勻進食！⭐️極上海之幸丼 （$258）哩個丼飯真係不得了刺身件件都份量十足！包括大拖羅、鮑磯煮、蔥花吞拿魚蓉、日本牡丹蝦、深海池魚、三文魚籽、松葉蟹鉗、金目鯛、海膽。蟹鉗&牡丹蝦 超超超大隻！而其他刺身亦不容忽視～全部厚切非常新鮮！吞拿魚蓉，味道濃郁，口感cream

以超靚新鮮食材聞名既嵐橋，今日終於有時間黎試下啦，呢兩款就係我今次叫既丼飯先黎就係麵豉湯呢度既丼飯揀直係藝術品四大粒新鮮既帶子上面微微一燒，帶點金黃色，再加上一小綴黑松露醬，盡顯矜貴下面仲有四塊好似午餐肉既鵝肝，食落估唔到咁滑，仲有d入口即溶既感覺，呢款就緊係岩哂鍾意食海鮮既我，入面有磯煮鮑魚、蔥花吞拿魚蓉、牡丹蝦、深海次魚、三文魚籽、松葉蟹鉗、金目鯛、海膽仲有好多精瑩通透既醋啫喱刺身非常新鮮，色澤亮麗，魚油豐富仲有燒物食添仲有唔少靚酒添

日本菜百食不厭，魚生刺身更是日本料理其中一個代表。今晚又心思思想去食，於是乎就走去食丼，因為俾佢個餐牌吸引，每個丼都有相。加上餐廳設計完全係日本小居酒屋感覺，無理由唔試。「極上海之幸丼」個名十分威猛，陣容都十分鼎盛，大拖羅、鮑魚、金目鯛，池魚，韓國海膽，松葉蟹柑、牡丹蝦和吞拿魚茸。每款都好新鮮最好味最突出當然是大拖羅，油脂豐富又無筋。但係最有驚喜就是牡丹蝦因為出奇地新鮮蝦頭的膏亦是甘香美味不會苦的「海之幸丼」雖然無左極上兩個字，但不要以為他只是攞走一些「極上海之幸丼」的材料就算，而是他轉了另一些材料。一樣是有驚喜的例如海鰻魚，燒得入味而且完全冇細骨值得一提的是他的飯是用赤酢的，所以味道較為特別不是一般酸的。而飯上邊會有一粒粒啫喱狀的物體，咬開確定這是白醋做的，這樣一起食就夠更高層次了忍不住多叫了串燒，雞翼和雞皮都做得非常出色可口

之前嚟過呢頭嘅餐廳食嘢，先發現原來附近好多日本嘢，除咗拉麵、燒肉、日本炸雞之外，仲有呢間食日本丼飯嘅專門店～係門口已經見到裏面嘅裝修好別緻，成個日式居酒屋咁。天花板上掛咗燈籠同好多日本嘅魚旗幟（唔知個啲叫咩😛）有個位係可以睇住師傅攞邊舊魚生嚟切，好似個吧枱咁嘅因為呢到都比較full，所以要等一等先有位，一路等嘅期間都有兩三group人嚟咗等位極上海之幸丼佢嘅材料有大拖羅、鮑磯煮、吞拿魚蓉、牡丹蝦、蟹鉗、海膽、三文魚籽、深海池魚、金目鯛。首先想講每一樣都好新鮮，完全唔會有腥味，全部都好鮮甜，所以基本上成餐飯都唔會要點豉油。飯就係赤酢壽司飯個大拖羅一入口就好似唔洗咬咁，個口感係好soft，加上佢入面嘅油脂更加豐富個味道蟹鉗係超級超級之大隻，食落去爽過食北海蟹丼嘅蟹鉗，因為大隻到成口都係蟹肉🤤個牡丹蝦好大隻，個身長差不多係個碗一半，咬落去黏黏地鮑磯煮係已經會煮到隻鮑魚好入味，咬落肉質結實，非常之厚身。佢事先切開一半可以同朋友share北海蟹丼朋友好鍾意食蟹，所以就揀咗呢個專食蟹嘅丼。佢個樣都砌到成隻蟹咁🦀 上面有兩塊脆片，入面仲有甲羅燒、松葉蟹肉、蟹鉗、呑拿魚蓉、海膽、三文魚、三文魚籽、蟹籽

以往酒吧林立的綿登徑，想不到原來巳靜靜地起革命，現在變得剩底不同的特色食肆，就像筆者最近造訪的一間日式丼飯專門店，以日本直送新鮮海產和不同的日本米飯底作招徠，十分吸引。餐廳面積不大，裝潢以木色為主調，配上鯉魚旗等日式風格的裝飾，簡約的設計營造出淡淡的東洋味道。極上吞拿魚腩丼，拖羅嫩滑肥美，入口即溶，雖部份帶筋但仍不失美味，最特別大廚配上特製的晶瑩醋香啫喱，佐上拖羅和粒粒分明的赤醋飯，淡淡果香米香平衡了魚脂的油膩，多上了一份清新。極上海之幸丼，海鮮大盛之選，有齊鮑魚、海膽、拖羅、金目鯛、松葉蟹、大甜蝦、油甘魚和三文魚籽等鮮美刺身，足有8款之多，完全堆滿了整個碗面，全部刺身都十分肥美鮮甜，鮮度爆燈，讓人沉醉於那濃厚的海洋氣息當中。海之幸丼，雖然少了極上的豪華字眼，但用料一點也不馬虎，拖羅、海鰻、大甜蝦、三文魚、油甘魚、松葉蟹肉和三文魚籽等刺身均見蹤影，份量和鮮美程度不會遜色於前者，各有千秋，同樣吸引。除了丼飯之外，這店還有關東煮和串揚供應。關東煮種類選擇頗多，湯汁清澈鮮甜，蘿蔔入味，竹輪彈牙，椰菜卷爽口，年糕福袋軟糯，蘸點芥辣添上刺激，更是開胃惹味。串揚，即以竹籤串著食材，再裹上麵包糠炸脆

喺尖沙咀行街完街，真係附近亂行睇吓有咩食，點知就比我見到呢間好似係新開既日本野！出面嘅裝修都幾有日本風味，入面又幾多人所以決定入去一試～果然係丼飯專門店，丼飯選擇花多眼亂不過原來除咗丼飯仲有好多其他選擇架！《三文魚親子丼》$148淨係睇食水都已經睇得出三文魚同魚籽係幾新鮮，三文魚除咗嗰幾片厚切之外，側邊仲有啲三文魚粒粒，非常足料~魚籽粒粒飽滿👍最特別嘅地方係上面既籽同醋啫喱，一般嘅丼飯絕對唔會有呢兩樣野，香脆既籽增加口感，醋啫喱解你膩濟感！《極上海之幸丼》$258呢個就勁喇，魚生種類多到你唔信，大拖羅、海膽、吞拿魚蓉、牡丹蝦、深海池魚、三文魚籽、松葉蟹鉗、金目鯛、鮑磯魚！淨係睇啲配料都知有幾正，仲要樣樣魚生都鮮甜新鮮👅一試難忘丼飯都會配麵豉湯《沙椎魚串揚》$25《蓮藕串揚》$20最驚喜嘅就係食到呢兩個！之前喺大阪旅行食個串炸，一試愛上～ 之後係香港完全搵唔到地方食，點知今日就搵到喇！關東煮🍢《竹輪》$23《炸魚餅》$25關東煮餃得好好，好有闈本便利店食果種味道，另外兩款都好煙銀有口感👅正