龍璽酒家 (已結業)

上個週末約咗好耐無見嘅中學同學去聚下, 疫情下久未見面, 難得機會下揀左間未去過嘅. 地點尚算方便, 就在九龍站上蓋, 位於ICC 101樓, 估唔到部lift又幾快喎.門口金碧輝煌, 好有名貴食府嘅格局, 裡面裝修都好靚, 枱與抬之間又有適當距離. 坐得舒服安心.落地大玻璃可以睇到一部份海景, 同大部份九龍市景, 好清楚. 至於食物方面, 大致上比普通酒樓精緻, 擺盤有心思. 我個人推薦鮑魚燒賣(真係有成隻鮑魚響燒賣上面)、生拆海蝦泡飯(個湯好鮮好濃)、楊枝甘露. 聽講楊枝甘露仲係呢度嘅創辦人首創. 所以特別好味.當然有咁嘅食物質素, 地理位置, 裝修, 服務, 價錢一定係相對嘅. 我覺得都值得嘅. 但可能間中嚟一次都唔錯嘅.…查看更多

復活節假期，疫情下無得去旅行，不如去欣賞下香港的靚景。原想去ICC的天際100，但諗諗吓，不如去101樓幟哥的龍壐飲茶，一邊食一邊睇覯景🙄訂了1:15枱，1:10到了需要等一下才可以入座。入去見到個海景真係好靚，可惜今日有煙霞，所以有點美中不足。點左7樣點心，最後才叫甜品。先來的是金網脆脆卷，賣相好吸引，個脆脆卷同個名一樣，炸得好脆，但係一啲都唔油膩，好味到一口接一口噢！鮑魚酥來了，仲熱熱哋，好好味。跟住蝦餃同燒賣一齊到，蝦餃真係好有蝦味，咁新鮮嘅！鮑魚燒賣，唔使講都知好食啦。仲有叉燒包和XO醬炒腸粉都來了，腸粉大大件，炒得好入味，又有咬口，好好食。最後，荷香珍珠雞出場，珍珠雞真係估唔到你咁好食，平凡中見不平凡，平凡到我都無影相下次嚟都一定要叫佢。最後，叫了楊枝甘露和蛋白杏仁茶，來個完美的結尾…查看更多

見天色非常好，所以碰運氣訂枱，因為係第二輪，服務員話盡量安排窗口枱。真好彩，竟然有張靚景窗口枱坐。未叫點心已經舉機影靚相。講番食物，蝦餃有金箔，味道一般。茘蓉芋盒基本上得芋蓉，帶子好少，我會揀番冬菇同雞粒料配合D。燒賣唔平，因為有鮑魚，但我第一次見咁細隻鮑魚，之前在彩福食個鮑魚燒賣好好多。帶子腸食頭兩件都唔覺有帶子，掲開第三件見到一塊小薄片帶子，好刀工。早知食叉燒腸。石蠔春卷，同樣唔覺有蠔，可能好細粒。叉燒包同牛肉好一般。驚喜係甜品，楊枝甘露好好味，芒果肉同西柚粒都多。桂花椰汁糕甜度剛好。服務算唔錯。兩個人六百幾蚊，當包埋睇靚景算ok.…查看更多

星期日早上好好天，藍天白雲，想同爸媽去飲茶，突然間想起龍壐，可以飲茶之餘欣賞埋風景。不過無預早book位，都擔心無位，即管打去試下啦！11:30先開茶市，但十點幾已經有人接聽電話，實在太好啦！職員話分兩個時段，11:30-1:00和1:15-2:45，第二段時間仲有位！✌️差不多1:15到達，酒樓門口企左條人龍，原來大家係訂左位等安排入坐。差不多等左成10分鐘，我地被安排到門口旁既房裡面坐，房裡只有兩張枱，非常寬敞。張枱很大，足夠坐12個人，所以我地8個坐得好舒服！實在好滿意！👍👍👍點心既選擇不算多，有些點心係3件一客，但係就可以比我地按人頭叫，好貼心！我地總共叫左8款點心，蝦餃燒賣當然唔少得，仲有叉燒包同流沙包、帶子腸同叉燒腸、蘿蔔糕同埋海鮮春卷。點心嘅質素算係幾好，不過啲腸粉就差左啲，唔夠出面酒樓既好食。除咗點心，我哋仲叫咗冰燒三層肉，熱熱地，塊皮非常香脆，舊肉肥瘦適中，好好味！不過份量太少啦！每人分完一舊都差不多食晒啦！另外，我地仲叫左個得獎既生拆海蝦西施泡飯。呢個泡飯既湯味道幾夠鮮同濃郁，合晒我食炮飯既要求。分量方面，泡飯都算幾足，分到8碗，每碗都仲有大半碗添！雖然食飽飽，但係都想試埋甜品，我哋叫咗楊枝甘露、杏仁茶同埋棗皇糕，三樣都幾好味又唔太甜！臨走之前，大家當然要去埋洗手間先啦！竟然係洗手間有大發現，就係有落地玻璃窗望到九龍半島既靚景，超值！😍😍😍總結嚟講，大家對成餐茶都好滿意！酒樓環境好，我地既可以欣賞風景，又坐得舒服，食物既質素亦都唔錯，每人都係二百蚊，超值！…查看更多