越南咖啡室 (已結業)

夜晚肚餓搵飯食喇，個商埸轉營，多左好多食市，之前食過好食就一直提住要再黎食，今次又黎喇星期六晚又晏去成八點幾例牌要等位，記得之前個小肥經理幾好，宜家轉左個瘦黑面經理食既心情都差左我地兩個簡左好耐之後決定食二人餐，抵食丫178餐飮簡左椰青，餐轉要加多18蚊，每人一個菜同飯黎先，即炒小菜好香青咖喱雞配蒜蓉包，因為冇晒蒜蓉包改左薄餠俾我地，咁大個人之前一直冇食過青咖喱，依個又香又微微辣好開胃，正，只係如果雞肉唔係炸會更好，同冇嘜雞味，但真係已經唔錯，本黎唔係好肚餓既我都狂用黎撈飯青咖喱點薄餠都好食鐵板蠔仔煎蛋依個正丫，咁岩天氣凍凍地，鐵板黎到熱辣辣又好食，依個係我地仲有個送簡唔到問職員佢推介俾我地架，正如果唔係入門口果下俾個經理嚇一嚇，我會俾五粒星，小餐廳都可以好有水準，其他職員都好友善，特别係推介野食俾我地果個女仔

平時好少黎到秀茂坪禁遠，呢日陪老公黎探親戚， 順便係商場食埋飯，見到有間裝潢好得意的餐廳， 原來係我最愛的越南粉麵!!餐廳的裝潢好得意，以粉藍同白色為主，好似藍天白雲~ 天花板上面仲掛住越南特色傘仔~ 野食選擇都唔少，有粉飯套餐、下午茶餐、仲有兒童餐~ 連越南特色飲哈品同椰青都有!! 有<椰青> 我當然要點返個啦~ 椰青大大一個，清甜多汁!! 老公就鍾意飲<椰汁三色冰>用樽載住，賣相特別， 椰汁味好濃，紅豆、綠豆、红豆、葛粉條份量足 老公點左個<烤牛肉湯檬粉>，可以配一款小食， 小食點左<無骨鳳爪> 我呢d懶人最愛無骨鳳爪，haha~ 鳳爪醃到好入味，酸中帶少辣，幾開胃~ <烤牛肉湯檬粉> 烤牛肉份量足，而且烤得岩岩好，好幼嫩唔會過老~ 湯檬粉爽口彈牙~ <小食拼盤（大）> 因為我好鍾意食越式小食， 所以寧願唔點粉而點左個大的小食拼盤~ 有豬頸肉、蝦餅、雞中翼、春卷、蒸粉包一次過滿意晒d願望! 豬頸肉好好味，肉質鮮嫩又香 蒸粉包蒸得香滑軟熟，入面有肉碎、冬菇， 再配埋上

觀塘就去得多，但要上山秀茂坪就真係咁大個人都未去過，今日放工要拎一拎d野俾個朋友，初到貴境，又咁岩到晚飯時間，就去左秀茂坪商場搵食，行行下見到有間越南餐廳裝修得幾靚就入左去試下餐牌種類極多，除左大量越南食品外，連小菜都有提供，迎合晒唔同人既口味跟好多茶餐廳一樣自助係枱上拎餐具椰青 （＄30）黎食越南菜點少得飲番個椰青，椰青大大個，椰汁夠多又清甜酸辣去骨鳳爪 （＄48）實在太耐無食過去骨鳳爪，小時候同學間最鐘意話去骨鳳爪戚由無牙阿婆去骨，但我就一路都無理過呢個傳聞，最緊要就係好味，同埋食得方便，去骨鳳爪吁啖啖肉仲可以食埋軟骨，夠晒營養，呢個酸辣去骨鳳爪醃到入晒味，酸多過辣，連小朋友都食到豬扒湯金邊粉 （＄50）改金邊粉要加＄3，喜歡金邊粉的細滑，湯金邊粉勁大碗，金邊粉多得很，付上辣椒粒同青檸自行以自己口味加到粉中，豬扒已切件方便食用，煎得很香，最後由於金邊粉太多，我都吃不完