鼎爺私房菜

因為疫情反覆, 去年已訂位既私房菜, 要到農曆新年期間才可以試到。餐廳位置銅鑼灣閙市, V Point 曾經有唔少不同種類既餐廳, 但搭升降機上去時, 發現好多都做唔住已結業。飲食業早已處於生死邊緣, 但政府繼續無為而治。其實今次係慕名而來, 朋友安排好訂座, 非常感激, 就當係新春午餐團拜! 餐廳格調稍為遜色, 跟普通的中菜館相差不大。我地一早訂左套餐, 整體來說都算高水平, 但就沒有太大既驚喜; 反而侍應既服務態度唔錯, 例如我地發現枱布有少許污漬, 佢地已馬上安排替換; 雖然話呢d係應有既態度, 但絕對值得認同。…查看更多

乖乖地留守於家中食咗個幾月住家菜，疫情終於有所緩和，晚市得以重開，實可喜可賀！古語有雲：「禍兮福所倚」，新冠肺炎帶黎嘅二人限聚令最正面嘅一刻就係容許XO仔有機會單獨約會甜心兒，一嚐平時只做一圍一圍菜嘅「鼎爺私房菜」。高級私房菜有鼎爺做生招牌夠哂號召力！步入餐店，即留意到接待處身後有個百子櫃，牆上嘅陳列架上則照出多件古董擺設，裝潢散發著中國色彩，同時亦不失時代感。樓底高高嘅用餐大堂空間感足，配上落地玻璃可觀賞高層景色，突顯其氣派十足。拍牆一邊有個巨「鼎」屏風，氣勢一樣咁勁！兩口子被安排入座寬敞嘅四人圓枱，厚墊絨櫈尤其舒適。餐桌上擺放著自用及公用餐具，紅色餐巾更綀成禮物上嘅大蝴蝶結般，入夜襯托埋維港靚景，實高雅得很！於餐廳用膳必需預先訂座、選定菜單及預繳訂金。因受二人限聚令管束，「鼎爺」現除咗暫停一席多人嘅用餐規定之外，仲限時以抗疫價$1,280改推晚市二人套餐（原價$1,880）。飲品餐牌共有八頁之多，首頁列出可續杯點選嘅紅、白酒。接著嘅五頁為樽裝紅酒、白酒、日本清酒、甜酒、茅台、汽酒。如貴客欲自攜佳釀，開瓶費分兩種：750ml嘅紅酒、白酒、汽酒每樽收$300；700ml嘅烈酒及中國酒每樽收$500。最後兩頁則以中文列出涼茶、汽水、果汁、礦泉水、啤酒及茗茶等項目。點好飲品，餸菜順即續一送上，並由年輕好客嘅經理哥哥講解每道菜式所用之食材及烹調方法，猶如正為鼎爺嘅節目作出旁述般，十分詳盡；遇上問題少男佢都好有耐性地一一解答，態度絕對誠懇專業。鼎爺精選前菜：打頭陣嘅四款前菜以拼盤呈上，建議由左上角順時針方向食，順序亦即「蚵仔卷」、「懷舊蝦多士」、「龍穿鳳翼」、「陳醋雲耳仔」。已預先一開二嘅蚵仔卷入口酥脆，且毫不油膩。除咗肥嘟嘟嘅蚵仔之外，卷物餡中混入咗西芹同潤腸，令口感增添爽潤之餘，食落更覺鮮香。炸至金黃嘅懷舊蝦多士不單質感鬆脆，咬落底層塊多士更加係化於口中，但又唔會話食到成口油；多士面嘅蝦隻爽厚彈牙，原來當中嘅秘訣係要喺鮮蝦上打多咗層蝦膠，鼎爺足料嘅功夫果然有料到！意外地，四款前菜中賣相最唔起眼嘅龍穿鳳翼竟然係當中最複雜嘅一味，因為鳳翼首先要起骨，釀入沙葛、金華火腿、甘筍、唐芹重新穿起後，再用慢火炸出。味濃香口嘅龍穿鳳翼內外集合咗不同程度及質感嘅香脆，口感尤其豐沛。最後左下角嘅陳醋雲耳仔乃自加製嘅陳醋所涼拌出，細小捲起嘅貓耳朵巧脆嫩滑，酸中帶點兒辣勁，醒神得黎可一解之前三款炸物嘅油份，設計者明顯花過心思。遼參玉白：海味四寶之一嘅遼參本身冇乜味，質感鬆軟滑溜，師傅巧妙地釀入自加製蝦膠，除咗可以令遼參望落更為飽滿肥厚之外，仲多咗份層次感，咬落外軟滑內爽彈，簡單伴配上湯蛋白汁已能吊出清香嘅鮮味。椰皇燉嫩雞：雞湯原隻椰皇上，外觀已夠震撼。由於餐具燙手，湯品均由經理哥哥揭盅。原來呈奶白色嘅湯係用咗兩隻椰皇所炮製而成；第一隻椰皇先起哂肉連椰水經攪拌機打碎，加埋第二隻椰皇同嫩雞燉上個半鐘，放入香芧後再以慢火熬多兩個鐘務求帶出當中嘅雞味，全程冇落過任何鹽或糖。無添加嘅足料椰皇雞湯嘅椰香味清純芬芳，雞味濃而不俗，相當滋潤！豉香欖角骨：欖角骨選用西班牙黑毛豬作主材，菜名聽落應該好簡單，但其實又係一道功夫菜！西班牙黑毛豬先經過蒸煮以迫出油份，方才慢慢拉油至七成熟，之後撈入以豉汁、蘇梅醬及檸檬葉絲所特製嘅豉香汁煮到索哂味就大功告成。呈扒狀嘅豉香欖角骨外層香脆，厚肉鬆爽，而且肉汁豐腴，調味酸甜醒胃，吃畢半點膩感都冇，確真滋味無窮！高湯浸菜心苗：BB菜心幼嫩甜美，碗中以老雞及火腿熬燉嘅高湯亦鮮香濃甜，據悉竅門係要混入陳皮絲、大頭菜及西芹點綴，又上咗一課。阿爺黃金炒飯：單尾係同嫲嫲睇電視都見過嘅阿爺黃金炒飯，因為好記得鼎爺話要用成七隻蛋黃加一隻完整嘅蛋先做得出，當時小肥仲講咗句「咁咪即係七月伴太陽」，令嫲嫲笑咗一笑！炒飯要做到粒粒金黃，最考嘅就係耐性，首先飯粒要浸喺蛋蛋入面，之後炒嘅時候要用慢火不停咁兜，效果先可以令每粒米飯都被蛋蛋包住。金黃吸睛嘅阿爺黃金炒飯乾巧有彈性，配料嘅蝦仁及菜粒十分爽脆，連同頂面脆卜卜嘅脆米及炸瑤柱食更為一絕！文思豆腐芝麻糊：文思豆腐羮就食得多，細佬都係第一次見到芝麻糊入面會加入幼如髮絲嘅文思豆腐，明顯係要展示一吓師傅嘅刀功。芝麻糊微甜易入口，撈入文思豆腐即提升其幼滑之口感，食完又唔會話漿住個口。香滑椰汁糕：玫瑰花形嘅椰汁糕色澤白滑，質感柔韌軟潤，椰香味清新輕盈，簡潔大方。由螢光幕嘅廚房紅出電視城嘅鼎爺，推出咗人氣食譜不久後已經喺銅鑼灣創立自家品牌「鼎爺私房菜」，以其古法粵菜吸引一眾粉絲。中菜廳環境優雅大方，舒適闊落，服務貼身周到。真係冇諗到限聚令反而帶來抗疫驚喜，兩小口有幸以特價品嚐到鼎爺聞名嘅功夫菜，親身感受到譚玉瑛姐姐於節目中常掛於口中嘅色香味俱全，絕對值回票價！…查看更多

環境5分：混合中式同西式餐廳嘅格局，格調高級。環境闊落，地方寬敞，望出去個維港景，相信可以見到煙花，非常之舒服，可以畀滿分。衛生5分：餐枱舖曬白色枱布，環境衛生，非常乾淨，都係滿分。服務5分：服務員非常專業，戴曬口罩同手套，每碟餸菜都解釋得非常清楚，材料煮法毫無保留話曬畀你哋聽，畀硬滿分！味道5分：1)      祥豐茶莊勐海熟普洱茶：眼見杯入面得少少茶葉，原來非常之濃，飲到尾仲有色同茶香味。2)      鼎爺精選前菜：蚵仔卷炸到脆卜卜，蚵仔嘅比例適中，非常香口。3)      鼎爺精選前菜：懷舊蝦多士更加唔洗講，隻蝦非常彈牙。4)      鼎爺精選前菜：龍穿鳳翼原來係雞翼拆曬Ｄ骨，中間放Ｄ紅蘿蔔代替骨嘅位置，非常特別，好考功夫。5)      鼎爺精選前菜：陳醋雲耳仔清新但有少少辣，好爽口。6)      遼參玉白：非常名貴，遼參入面釀左蝦膠，好彈牙，同埋Ｄ蛋白汁非常之配合。7)      椰皇燉嫩雞：呢個湯非常之清甜，椰子味非常之足，因為用左兩個椰子嘅汁，濃縮為一個湯底，非常滋補。8)      豉香欖角骨：用上乘西班牙嚟嘅豬肉又蒸又炸造成，非常香口同淋，絕對唔韌。9)      高湯浸菜心苗：菜心苗非常之嫩，食完菜飲埋Ｄ高湯，非常好。10)  阿爺黃金炒飯：食得出Ｄ飯粒粒分明，粒粒都有蛋黃包住咁樣，非常之考功夫，平平無奇嘅炒飯都做得咁出色，真係抵讚。11)  文思豆腐芝麻糊：磨到溶曬嘅芝麻，加上細細條絲嘅豆腐，飯後甜品嚟講真係一絕。12)  香滑椰汁糕：椰汁糕好軟好潤，個味清香又唔會話好甜。抵食5分：七八百蚊就食到電視台鼎爺菜式，真係超級抵，呢個抗疫價真係唔可以走寶，滿分！…查看更多

「鼎爺」李家鼎近年由出書到開設餐廳都大受歡迎，這次來到已開業三年的「鼎爺私房菜」，認真吃一頓高級手工粵菜。前菜四式拼盤有阿爺叉燒、蚵仔卷、蜆蚧米通鯪魚球及椰皇酸薑皮蛋，椰皇酸薑皮蛋的酸薑非常爽口又不太辣，加了一片椰皇，我很喜歡！蜆蚧米通鯪魚球香脆彈牙，口感特別，不加蜆蚧也好吃；阿爺叉燒半肥半瘦，也很不錯；蚵仔卷加了潤腸，沒有醒味反而甘香，外脆內軟。我們這次主菜並沒有點平時必叫的紫晶生炒骨或阿爺蒸肉餅，反而以海鮮為主，有琵琶黃金花竹蝦、古法避風塘炒蟹及馬友肚中尋，還有招牌的阿爺富貴雞。琵琶黃金花竹蝦以大蝦加上牛油和咸蛋黃炮製而成，金沙外層甘香不油膩，花竹蝦亦大隻肉爽。古法避風塘炒蟹用上鮮甜的澳洲肉蟹，加上豆豉、乾濕辣椒和紫蘇葉來炒蟹，香辣可口，連不善於吃辣和拆蟹的我也吃得津津有味。另一道馬友肚中尋是將已去皮起骨的馬友鹹魚放到桂花魚魚腩內，蒸至剛剛好，桂花魚肉滲透出絲絲的馬友香氣，鹹香味鮮，魚肉嫩滑。廣東人都喜歡滋補湯水，鼎爺的椰皇燉嫩雞用上兩個椰皇水加入椰子肉和香茅煮成，先放入雞肉慢煮20分鐘後加入椰漿，再將湯放回椰皇內燉一個半小時，清潤鮮甜，席上友人讚不絕口。阿爺富貴雞亦是「鼎爺私房菜」的招牌菜之一，又名為阿爺乞兒雞，先以新鮮及乾荷葉包裹鮮雞，再將酒泥拌入米酒調勻成黏土狀覆蓋全雞，精心焗製，所以上菜時需要先同木槌將外層酒泥敲碎，再一層層荷葉打開，即時酒香味四溢，雞汁得以保存，令雞肉質感嫩滑且惹味，果然名不虛傳！炒飯易學難精，要炒得粒粒分明也頗考功夫的。鼎爺的桂花黃金炒飯，先將蛋汁浸飯一小時，再加入蝦、瑤柱、菜及蔥花等以細火慢炒，炒至乾身即上碟，難怪這炒飯份外好吃。主食過後，最後就是甜品，這一道文思豆腐芝麻糊看似簡單，其實製作文絲豆腐需要非常熟練的刀法，將豆腐切得幼細且平均，可見鼎爺對每一道菜的誠意。鼎爺廚藝精湛，亦十分重視食客的意見，吃到一半他更走進來跟我們交流，問我們好不好吃？喜歡那一道菜？鼎爺貴人事忙，但毫無架子，非常友善。縱使經濟蕭條，但我真心希望「鼎爺私房菜」能一直做下去，繼續將手工粵菜發揚光大。…查看更多

得悉鼎爺開私房菜，一直都想試試。終於給我訂到檯可以一嘗所願。餐館位於銅鑼灣V-Point 21/F,交通非常方便。一出 lift門卽見到鼎爺肖像什有氣勢。入內裝煌高雅而帶有灑脫感覺。阿爺叉燒採用元朗黑毛豬元朗。由於是新鲜肉所以毫無雪味，入口甘香鬆軟。先吃一塊薄繼而一塊厚，食得甘香，蜜味濃。翠綠抱鮑魚單睇賣相已相當有睇頭。雖然簡單的將鮑魚置於節瓜上，但就充份展現*簡單就是美*。大廚經長時間烹調，鮑魚煙勒有咬頭，節瓜亦夠稔易入口。椰皇燉嫩雞簡直是用心之作，以兩個椰皇一份雞的配搭；烹製成一道滋潤養顏，亦可有補而不燥的功效。一個個椰皇送上時一陣陣椰香味，飲落濃郁惹味；亦帶有香茅清香。原來職員介紹先把一個椰皇燉後再倒入另一個椰皇內，放入香茅和鮮雞再燉兩個半鐘才有這效果。臘味煲仔飯食煲仔飯好多人喜愛食它的飯焦。這個臘味煲仔飯就是飯香D焦而不硬。臘味亦是經過揀選，臘腸肥瘦適中；潤腸採用鴨潤製做，較一般用雞潤的更甘香。而臘肉則有一種食金華火腿的感覺，真可謂各有持式。…查看更多

早在2017 年已經預訂，當時瘋狂致電同whatapps 訂位都等不到回應，最後要親身到訪才訂到位。等了半年，今天終於品嚐到「阿爺廚房」的味道！！來到V Point  21樓，一開Lift 門已看到鼎爺的有型樣職員帶我們到我們的枱，頓時覺得很錯愕為何位置會如此「迫」，小小的房間竟然有兩張枱職員可能見我們有點不悅，解釋臨時有客人訂了枱，所以今天迫了一點臨時訂枱，我們可是等了半年呵！！這方面真的有點減分！！不過都不想影響用餐的心情！！睇下我們的菜單先！！我們訂了HK$888 的套餐一開始先來頭盤「四小碟 －阿爺叉燒、炸芝蔴蝦餅、醉鮑魚、青瓜海蜇」職員都好用心講解每一味菜（雖然大家都好心急想開動），聽完解釋再食每道菜，真是別有風味我覺得四款都好好味叉燒是本地黑毛豬，肥廋適中；芝麻蝦很香芝麻味、彈牙；醉鮑魚是鼎爺父親至愛，用高梁酒浸了三日三夜，很香很濃的酒味，口感軟滑，不過酒味略略蓋過了鮑魚味；青瓜是手拍的，很爽脆、海蜇都好爽好好味！！第二道菜： 阿爺黃金蠔一直以為是食「金蠔」（甲為是新年加上之前的食評都是食金蠔），所以一上菜見到是「炸蠔」，大家都有點失望其實味道是好食的，蠔是用心處理過，所以很嫩、沒有筯，蠔亦炸得香脆。不過一人兩隻炸蠔的份量，對於細食的我們就多了點。吃了這道菜已飽了七成第三道菜： 椰皇燉嫩雞這是我全晚最愛味道非常清新，這道菜用料雖然簡單，但就是一條「香茅」就帶出了椰皇同雞的美味，連鹽都不用落！！第四道菜： 紫氣東來即是紅火龍果咕嚕肉，這道菜就另人失望了豬肉雖用本地黑毛豬，但相信是沒有醃，肉味很淡，但個咕嚕汁又太酸，一般！！第五道菜： 馬友肚中尋即是新鮮魚同馬友咸魚一起蒸！！我本人是很喜歡食魚，所以我是喜歡的，而且咸魚夾鮮魚，味道有層次不過我覺得蒸得有少許過佐少少火，魚肉有少許「靱」，少少扣分啦！！第六道菜： 啫啫芥蘭煲這道菜就比較普通，而且欠了些「獲氣」，蝦乾又不太香！！第七道菜： 阿爺富貴雞這道菜真是萬眾期待因為功夫太多，真的不能在家製作！！打開「酒泥」，隻雞的美態出現了，真的想立即一淡咬落去！！龍友們影完隻雞的沙龍，職員會拿回廚房幫我們切雞這味道真沒令人失望，很香很香的酒味同荷葉味，很滑！！由於細食的美女朋友們食唔晒，益了我打起作第二天晚餐，但第二天翻熱都仲好滑好好味但有少少要扣分是有些部位咸了點！！第八道菜： 新舊荷葉飯很香荷葉味，真的很香！！但可惜之前的富貴雞太濃味了，另這個飯食落有點淡。最後的甜點： 萬壽果糖水這個木瓜糖水我都超Like, 跟糖水鋪的木瓜糖水不一樣，味道好清新，很清潤，飲完有一種「如沐春風」的感覺不過很想知道為何要落「香蕉」？！（這道菜職員沒有解釋）當然，來這兒吃飯，跟鼎爺影相集郵是指定動作！！鼎爺雖然七十歲，但非常精神、神采飛揚，而且非常Nice!!我們影完大合照，仲每人同佢影獨照都有求必應！！總結：食物味道都算不錯， 但用料平實，沒有貴價食材來說，平均HK＄1000/位就貴了點，職員親切有禮，但座位太迫真是扣分！！…查看更多

我12月尾whatsapps想book2月份，查問哪日有位，可能生意應接不暇個幾星期都沒有回覆，到1月中突然通知有空檔期，就是1個月後可惜鼎爺去了旅行趕不及回來，只好影紙板公仔安排坐門口位置，屏風＂鼎＂字是鼎爺真跡鼎爺精選前菜，叉燒稍肥但好腍好味，醉鮑魚用上玫瑰露，入口好香玫瑰味用上廿年陳皮，吃得出是靚陳皮原個椰子燉雞，好香好濃椰子味排骨炸得剛剛好，香口又不會乾原條白鱔，份量多，肉質鮮嫩腐乳生菜就比較普通無驚喜為了食這道乞兒雞而來的，果然沒有白來，好香荷香味帶少少炭味，雞肉又滑又嫩這個荷葉飯就要扣分了，飯是微暖又乾身，可能因為不熱所以覺得乾吧糖水除有木瓜外有元肉,蓮子,紅棗,最特別是香蕉我們向經理反映荷葉飯不夠熱乾身，經理即時話整過一個給我們，我們話已吃飽只是給意見。後來經理就補上馬蹄糕煎得好香好好味。…查看更多

2017.09.11搵到到一班摯親成圍，先有個人第300篇食評誕生😘鼎爺到場，有得同真人影相，好nice啊～是晚全天候有侍應在旁斟茶遞水上菜。每樣餸都有專人入內介紹特色、煮法。用餐服務水平很高。食材處理、刀功、配撘、醬料運用、烹調搵唔到錯處，冇過鹹/甜/酸，炸物冇過厚粉/硬唔脆，菜肴冇太腍/嚡/唔入味/過膩/唔夠熱之類。味道尋常中見不平凡，成餐飯食落覺得舒服、平衡，味道細膩。要响街搵到類近水平都有，但就食落重味啲甚至有味精，但今晚我的味精不耐症冇發作過，證明材料全天然，整體食物質素高。…查看更多