影片
更多
2025-03-12
279 浏览
去餐廳都有幸運台玩？我哋有個朋友特別Lucky，特登嚟呢度食飯，博吓中唔中6個相同數字「全單免單」😆有大食大，即刻order「原隻龍蝦金邊粉」，龍蝦肉彈牙多膏，最正係有唔少金邊粉，而且炒得夠乾身，口味更貼近香港人，唔會好似泰國咁得酸味🤪 本身以為應該唔會好多金邊粉，仲order咗個白飯🫣「冬陰功」、「椰子雞湯」 竟然有兩個size可以揀，咁我哋梗係試晒兩個味啦🤭「冬陰功」微辣，後勁有香茅嘅香氣、青檸嘅酸味，鍾意辣嘅話就可以試吓呢個！我自己就唔係好鍾意辣，「椰子雞湯」就比較啱我，其實就係椰奶版嘅冬陰功，降低左冬陰功嘅存在感，加咗啲椰香，後勁同冬陰功差唔多，呢度碗碗都好多材料👍「泰式生菜包」、「泰式手打炸蝦餅」 呢兩個經典嘅泰式小食，冇理由唔試，手打蝦餅就一貫市面作風，不求有功，但求無過😆「泰式生菜包」 反而幾出色，作為泰式嘅開胃菜，肉碎爆香加入酸酸辣辣嘅材料，再用新鮮生菜包住食，肉餡同生菜口感，形成強烈對比，超級開胃😛「椰子雪糕」、「椰子沙冰」都係同一類家族嘅「甜品」，同朋友一早就決定咗要食「椰子雪糕」，曾經有考慮過唔好飲「椰子沙冰」，好好彩有嗌到！唔甜係對香港甜品嘅最大敬意（雖然佢係飲
去餐廳都有幸運台玩？我哋有個朋友特別Lucky，特登嚟呢度食飯，博吓中唔中6個相同數字「全單免單」😆
原隻龍蝦金邊粉
14 浏览
0 赞好
0 留言
原隻龍蝦金邊粉
0 浏览
0 赞好
0 留言
有大食大，即刻order「原隻龍蝦金邊粉」，龍蝦肉彈牙多膏，最正係有唔少金邊粉，而且炒得夠乾身，口味更貼近香港人，唔會好似泰國咁得酸味🤪 本身以為應該唔會好多金邊粉，仲order咗個白飯🫣
冬陰功
11 浏览
0 赞好
0 留言
「冬陰功」、「椰子雞湯」 竟然有兩個size可以揀，咁我哋梗係試晒兩個味啦🤭「冬陰功」微辣，後勁有香茅嘅香氣、青檸嘅酸味，鍾意辣嘅話就可以試吓呢個！
椰子雞湯
19 浏览
0 赞好
0 留言
我自己就唔係好鍾意辣，「椰子雞湯」就比較啱我，其實就係椰奶版嘅冬陰功，降低左冬陰功嘅存在感，加咗啲椰香，後勁同冬陰功差唔多，呢度碗碗都好多材料👍
泰式手打炸蝦餅
18 浏览
0 赞好
0 留言
「泰式生菜包」、「泰式手打炸蝦餅」 呢兩個經典嘅泰式小食，冇理由唔試，手打蝦餅就一貫市面作風，不求有功，但求無過😆
泰式生菜包
0 浏览
0 赞好
0 留言
「泰式生菜包」 反而幾出色，作為泰式嘅開胃菜，肉碎爆香加入酸酸辣辣嘅材料，再用新鮮生菜包住食，肉餡同生菜口感，形成強烈對比，超級開胃😛
「椰子雪糕」、「椰子沙冰」都係同一類家族嘅「甜品」，同朋友一早就決定咗要食「椰子雪糕」，曾經有考慮過唔好飲「椰子沙冰」，好好彩有嗌到！
唔甜係對香港甜品嘅最大敬意（雖然佢係飲品🙈），「椰子沙冰」 沙冰打到好滑，唔同出邊嗰啲沙冰仲有大大粒冰🧊而且椰香十足，𢳂下𢳂下成杯食晒🤣
椰子雪糕
0 浏览
0 赞好
0 留言
「椰子雪糕」預先知都幾大碗，用咗半隻椰子殼做碗，一碗有三球🤪食到下邊先知原來有啫喱，我就問朋友，你覺唔覺得有少少茶香味？佢就話覺，我自己估應該係龍眼茶凍（？） 個面仲鋪咗啲椰肉、椰乾，店員同我講呢啲都可以食😗
呢度不愧為由參加過米芝蓮的廚師主理，樣嘢食都幾好味！值得返兜😛
最後可以玩2次擲骰仔🎲 我就擲到3個6🤙🏻，唔使返大陸之餘仲要有得8折🤭
✦ 原隻龍蝦金邊粉 $268
✦ 冬陰功 $48
✦ 椰子雞湯 $48
✦ 泰式生菜包 $108
✦ 泰式手打炸蝦餅 $98
✦ 椰子雪糕 $118
✦ 龍眼冰 $48
✦ 椰子沙冰 $58
✦ 白飯 $20
•┈┈┈┈┈┈ ୨୧┈┈┈┈┈┈•
📌 消費滿$400（連加一）即可有一次擲骰機會，$800（連加一）兩次，如此類推。每次6顆骰子，擲出以下點數即得以下獎品：
・6個相同數字（全單免單）
・5個6 （5折）
・4個6 （75折）
・3個6 （8折）
・2個6 （85折）
・1個6 （9折）
（優惠不適用於套餐，不可與其他折扣，優惠或優惠卷一併使用。）
（優惠不適用於加一服務費 ，星期日及公眾假期）
📌 消費滿 $400 可於胡忠大廈或合和中心，免費泊車三小時。
＊以上優惠如有任何爭議，泰鑫將保留最終決定權＊
•┈┈┈┈┈┈୨୧┈┈┈┈┈┈•
张贴
