冚棒唥 (昌華商業大廈)

呢間第一次食令我有驚喜....椰奶泰式紅茶冰 $68賣相非常吸引，亦都睇到設計飲品嘅心思，為保冰塊沖淡味道，將佢變埋冰 ，咁飲真喺幾爽 。濃濃嘅椰奶撞去圓球泰式紅茶 ，近近一聞就聞到椰汁味 ，如果兩者比例份量溝得更好的話，我會覺得更有更次。HA!蝦飯堡 配脆脆薯角&雜菜沙律 $118佢嘅厚厚嘅薯角，食落滿口薯仔 ，咁食真喺好滿足，而佢嘅蝦堡我都好鍾意，每一啖食落去都差不多有蝦肉食出佢嘅彈牙，加上菠蘿嘅新鮮多汁 ，原來咁樣食蝦堡喺咁正架，佢嘅飯堡加上有少少蔬菜添加層次 ，可以改善嘅地方喺，如果嗰飯堡外層變得更加香脆嘅話，我會覺得更加好食。…查看更多

冚棒（唪）唥，睇完個名諗咗好耐，望埋個粵拼都係唔明，google完先知——哦！原來即係「陷辦爛」！正字係咁寫🤪話時話大家知唔知冚唪唥一詞嘅出處到依家仲係粵語研究中嘅一個謎，更加有人話可能係嚟自古代波斯語（下省三千字，有興趣可自行google🤣）。估唔到去搵嘢食都可以增長文化知識😹✧ 椰奶泰式紅茶冰 $𝟞𝟠夏天飲呢個真係好！爽！一嘢將啲香噴噴嘅暖椰奶倒入粒泰式手標牌紅茶波波冰到，隨住粒波波慢慢融化每一啖都有啲唔同口感同味道！又可以跟個人喜好控制返落幾多同埋幾時落啲椰奶，真係好玩又好飲😻不過如果粒紅茶波波冰個味可以再濃少少就perfect喇！✧泰式風味魷魚鬚金柚沙律配厚切蒜蓉烤多士 $𝟠𝟠個名長到呢⋯⋯證明呢碟嘢真係好豐富呀吓😹個秘製辣汁有驚喜，帶出到魷魚嘅鮮味同埋令個金柚沙律變得不平凡，蒜蓉多士烤得好香好好食。仲有啲蝦米仔吊味。雖然呢幾樣嘢好似九唔搭八咁但食落原來又幾夾㗎喎🙈✧ ʙᴇꜰᴏʀᴇ ꜱᴜɴʀɪꜱᴇ黑夜 $𝟞𝟠呢杯係喺espresso入面加咗咖啡甜酒同埋vodka，望落黑黑沉沉，飲落又有啲苦苦甜甜同醉醉地咁所以叫黑夜真係好襯🤪仲有一杯係叫before sunset，但係就無before midnight，如果唔係就儲齊Richard Linklater導演嘅before系列三部曲電影名了😹✧ 爆炸芝士黑松露厚切烤多士 $𝟜𝟠嘩！真係好耐無食過咁好食嘅cheese toast🥰D芝士多到⋯條拉絲長到⋯⋯真係好滿足🤪不過係完全食唔到黑松露味嘅😹但唔緊要啦，其實淨係啲芝士同個香脆嘅厚多士已經令人欲罷不能🙈不得不說，呢間冚棒唥係少數會令我想再幫襯嘅cafe，佢啲嘢食同飲品有創意多花款得嚟又真係好食㗎喎！呢一點真係好難得！！…查看更多

🔘啱啱好全日早餐 $138評分: 🌕🌕🌕🌕🌗評語: 全日早餐包括左煙肉、香腸、炒滑蛋、薯餅、芝士大啡菇、焦糖香蕉、雜菜沙律同厚切蒜蓉烤多士，而當中芝士大啡菇、焦糖香蕉同蒜蓉烤多士係大力推介！芝士大啡菇面層係厚厚嘅芝士，而中間加左忌廉芝士，口感豐富好好食。焦糖香蕉外脆內軟，好似食緊焦糖布丁咁，而且比較少餐廳會將呢樣加入全日早餐。而本身一見到塊厚切蒜蓉多士係以為佢燶左！但其實冇燶之餘仲好脆口，有好香濃嘅蒜蓉牛油香！十分推介呀！雖然我覺得佢呢個價錢都係偏貴🥺。。🔘泰式風味牛油果配蕃茄沙律配厚切蒜蓉烤多士 $88評分: 🌕🌕🌕🌕🌑評語: 沙律以牛油果作為主角，基本上每一啖都會食到牛油果，配上蕃茄、烤腰果同生菜，加入埋佢哋嘅秘製泰式甜酸醬，酸酸甜甜好開胃好好食👍🏼另外厚切蒜蓉烤多士就唔洗多講😛。。🔘椰奶泰式紅茶冰 $68評分: 🌕🌕🌕🌗🌑評語: 餐廳將泰式紅茶製作成冰波波，一來影相好靚，二來可以保持紅茶嘅濃度同溫度。客人可以將加熱左嘅椰奶倒落紅茶冰球，完成一杯非常靚嘅泰式奶茶😍一開頭淨係飲到奶味，如果想飲到泰式奶茶味，可能就要等耐少少等啲冰溶左先。唯一挑剔係價錢上，可能係製作程序比較繁複而令定價較為進取。。。🔘薄荷朱古力 $45評分: 🌕🌕🌕🌕🌑評語: 朱古力味極重！而且好香濃，好似飲緊溶咗嘅薄荷朱古力咁，口感同味道都十分不錯👍🏼。。🔻價錢偏貴，但整體味道好好🔻暫時食過最好食嘅全日早餐推介指數: ⭐⭐⭐️⭐️…查看更多

位於佐敦嘅一間小店店舖裝修充滿特色但座位唔多大約都係得20個位.黯然銷魂飯堡 配 脆脆洋蔥圈&雜菜沙律 $118泰正冬陰功意大利粉 $128椰奶泰式紅茶冰 $68⬇️飯堡見到有好多人推薦然後個樣又幾靚就忍唔住嗌😆兩塊飯堡有用蛋同蔥炒過 🥚但食落去冇乜味中間夾住一塊都幾厚嘅豬腩肉🥩仲有隻煎蛋🍳同埋有幾條菜心🥬豬腩肉好冧好入味👍🏻好有趣咁佢俾咗一個好似蠔油嘅嘢配飯堡食如果你覺得唔夠味可以加洋蔥圈炸得真係好脆整體來講都唔錯冬陰功意粉係朋友叫嘅我食咗一啖覺得好好味 有驚喜！🤩🤩仲好食過我個飯堡意粉唔會炒到好冧仲有啲咬口冬陰功味好濃食到香料味又夠酸又夠辣👍🏻👍🏻（下圖嘅上方）椰奶紅茶都好飲打卡都好靚椰奶味超濃夾埋紅茶成件事好夾不過成$70一杯嘢飲有啲貴😳⭐️…查看更多

佐敦一帶不嬲都係獵食嘅好地方，今次發掘到呢一間新興嘅Cafe，成間舖頭都好artistic，淨係單睇個鋪名，就已經充滿着香港嘅特色🥰💸定價來講呢，價格都比較進取💰午餐會包一杯americano或者茶，其他特飲就會有$15嘅折扣優惠。💡💡超級溫馨小提示！聰明嘅你記住一定要book定枱！唔係就要等好耐架啦🥰—素素全日早餐🥣— HKD$138評分：🐷🐷🐷🐷🐽/5🐷之前介紹過九龍城嘅貴價全日早餐 #肥人日記_cafe，今次呢個無論價錢定係質素上比九龍城嗰個再高一個層次😂入邊有乜東東呢？首先呢就係蘆筍（好食！）、芝士焗大蘑菇、炒蛋、多士、焦糖香蕉、薯餅，同埋沙律。好鍾意佢比較創新嘅配搭，摒棄左一貫要有腸仔煙肉嘅all day，呢一個素菜全日早餐更加適合注重健康嘅大家🥰—冬陰功意粉🍝— HKD$128評分：🐷🐷🐷🐷/5🐷呢個係意粉嘅配菜有青口同埋大蝦。冬陰功嘅sause有少少辣，但係調味唔錯，加埋個意粉唔會煮得太淋，texture好易入口。但唯一要提嘅係，海鮮可以更加新鮮，特別係個青口。—椰奶泰式紅茶冰🧊— HKD$53跟餐評分：🐷🐷🐷🐷/5🐷呢個紅茶冰真係超級打卡呀寶🥰但係呢飲嘅時候就有啲困難啊！因為🧊溶嚟溶去都溶唔晒😂走嘅時候都仲有半舊，感覺上有啲浪費🤥建議啲奶可以再煲熱啲，同埋大家飲就盡快淋落去🧊度！味道黎講，個椰奶都幾香，紅茶味又幾出，所以其實都算唔錯🥰…查看更多

來到這間佐敦有特色的小店，店裡以車子為主題，處處可見店主裝飾的用心，餐點也蠻特別的，尤其是多款的特製飲料，點主食還有半價優惠也有啤酒🍻可以小酌一下！風乾火腿牛油果厚切烤多士牛油果醬冰冰涼涼的，還有加入洋蔥調味，蔬菜多很健康不想吃太飽可以點這一道泰正冬蔭公意粉滿滿南洋風情的海鮮意粉，冬陰公的香氣十足，配上意粉很有創意先擠上一點青檸汁提味，每根麵條吸附冬蔭公的醬汁，味道香辣惹味蝦仁、帶子和淡菜都很大顆，蝦仁很有彈性，還能吃到一片片的蘑菇，好好食！椰奶泰式紅茶冰有gimmick的泰式奶茶，杯子造型特別！一大顆冰球是濃縮的手標紅茶冰🧊，圓圓的一顆很可愛，再倒入熱騰騰的椰奶，就融化混合成泰式奶茶，椰奶香甜濃郁，冰球要等一下才會融的比較多，茶味越來越香，整體好喝又好玩！…查看更多

見到網上推介這間餐廳店舖唔算大 但每個位置見到店主細心佈置整間cafe 都好有藝術氣息🎨有張靚靚的mini cooper 椅 🚖仲有幾幅畫作 🌅大約3點到 都幾full 幸好預早訂枱 唔係就要等🍛黯然銷魂飯堡 set ($108）飯外層脆脆地 有少少飯焦感覺裡面有菜心 日式叉燒 煎蛋 🍳仲有甜甜醬汁 真係好似食緊黯然銷魂飯🥛椰奶泰式紅茶冰 （$68）如果跟餐 可以半價一上枱先知咁特別 係可以自己調校一杯熱熱的椰奶 同一個紅紅圓圓泰式紅茶波波冰可以隨自己心意倒入椰奶 放少些奶可以有濃濃的茶味 岩晒喜歡濃濃紅茶的我☕️店主都好有禮貌 同埋唔會催人走係一間可以休閒談天好地方現在新開張 OpenRice 仲要有優惠…查看更多

佐敦開左間新cafe小店，個名非常特別，叫做【冚棒唥】🙆🏻‍♀️🙆🏻‍♀️ 我咁為食梗係要冚棒唥都食啦😅🤣-☆ 黯然銷魂飯堡配粗薯&雜菜沙律 HKD$108即係Rice Burger，有叉燒、煎蛋、芥蘭等，好得意特別既配搭，絕對要嚟試一試有幾黯然😚😋-☆ 迷你脆炸粗薯條配 希臘乳酪酸忌廉醬 HKD$48飯堡配既粗薯好好食，俾我一個人食哂，唔夠喉所以叫多客encore再食過🤤 最鍾意食夠粗身既薯條，零舍有口感，加上有少少鹽調味，好好食！-☆ 椰奶泰式紅茶冰 HKD$68一大粒泰茶波波，好靚靚🤩 將微暖椰奶淋上去，令波波慢慢溶化，可以自己控制茶同奶既濃度，玩味十足👍-☆ 蝶豆花椰香咖啡 HKD$58超靚既一杯飲品😍 外表吸睛之外，味道亦十分出色💕 咖啡味十分濃郁，夾雜微微椰香，幾特別既一杯gimmick drinks😉😌-小店雖然地方不大，但勝在冚棒唥都有👍支持本土特色小清新✔✔…查看更多

有一日返完工係佐敦經過見到呢間餐廳，睇完個名load左幾秒原來冚棒唥係咁寫！餐廳個英文名仲要係用左廣東話拼音 ham6baang6laang6，咁得意搞鬼，無理由唔入去試下一入到去有煥然一新嘅感覺，係佐敦舊樓林立嘅地方，竟然有咁嘅小清新cafe餐廳入面擺左幾盆蘭花，牆上面掛左啲以食物為題材嘅油畫，令成個感覺好artistic，好似入左個Art Studio咁，好適合飲住杯咖啡、睇下書咁過番個悠閒嘅下午Menu上面選擇唔算好多，不過cafe係咁架啦，貴精不貴多嘛！我最後揀左三樣野食，一個Rice Burger, 一個意粉同一杯 Cold & Round (飲品)。對於好似我咁中意食飯嘅飯桶黎講，飯堡係好偉大嘅發明，因為可以滿足到我想食Burger 嘅慾望，又有得食飯，所以我決定要食下！.有睇過《食神》呢套戲嘅人應該唔會對「黯然銷魂飯」陌生，呢個名好似已經正式代表左叉燒煎蛋飯咁餐廳呢個「黯然銷魂飯堡」果然無令我失望，好食過好耐以前m記出個個「飯Tastic」好多！兩片飯入面有菜粒同菇粒，淨係個飯都好夠味，配合入面夾住嘅兩大塊叉燒、煎蛋同幾條菜心，食一啖已經好似食緊一碟飯咁，我都想學家燕姐咁大叫：「好好味呀～」上碟除左個飯堡，仲有粗薯條同黑醋汁沙律，都幾夠飽！唯一麻煩少少係個飯堡好juicy，食完要抹下手，如果有附送濕紙巾一張就好啦另一個主菜我揀左慢煮溫泉蛋卡邦尼意粉，相比起街外嘅卡邦尼意粉，呢個調味淡啲，我鍾意佢個溫泉蛋好滑，配上煙肉條同意粉，yummy! 唯一美中不足係個size偏細，男朋友食完唔係好夠飽Cold & Round 系列就係平時去飲酒個種 “On Rock” 咁，我揀左椰奶泰式紅茶冰，姐係椰奶on泰式紅茶Rock，上枱時椰奶同紅茶冰係分開嘅。店員教左我地正確嘅飲用方法，就係將暖暖地嘅椰奶倒入紅茶冰，攪下攪下舊冰就會慢慢溶，再攤一攤，就會變成泰式奶茶，睇住個過程真係好療癒！味道方面，椰奶味好濃，淡淡地，唔會好甜，幾啱用黎配件cake.因為店面唔算大，所以枱同枱之間距離都比較近，不過因為我早食飯，餐廳唔算好full，咁都算ok有一樣野可以改善，就係張枱比較細，我地唔係叫左好多野食，但係張枱已經滿左，如果張枱大少少就好啦！.總括黎講，呢間餐廳環境、食物、服務都好，會再encore! …查看更多