港口味冰室 (已結業)

港口味位於長沙灣元州街，今日去完明愛醫院探人，落到黎，見餐廳仍然在營業，諗都無諗就入左去醫肚。餐廳地方唔算好大， 係一般港式茶餐廳嘅格局。不過餐廳嘅裝修 對比起舊區嚟講 都幾摩登， 以黑色同白色黎做主調，都幾 別出心裁。今日首先叫咗個三人餐，三人餐先黎的係餐湯菜乾煲豬展湯，okay, 不太差。半隻海南雞， 肉都算幾滑， 配濃豉油及泰式辣醬， 唯一美中不足的係啲肉中間冇咩啫喱。小炒王即炒小食，我哋揀咗小炒王小炒王有啲蝦乾有啲腰果有啲魚肉另外仲有 韭菜花， 茶餐廳嚟講呢道菜的配料都幾多。咕嚕魚肉另外又可以揀是日晚餐其中一款， 我哋揀咗咕嚕魚肉， 魚肉都算大舊，又唔算太厚， 酸酸甜甜。跟餐可以配白飯或者油飯（＋5元）, 配海南雞一齊食。跟餐還有一碟蒜蓉炒菜, 幾大碟的。另外仲可以加配飲品可以揀呢度出名嘅樽仔凍奶茶，超濃味。另外我哋又叫咗條魚， 係盲曹呢， 即叫即蒸，78蚊都算抵食。最後我地仲叫左呢到出名的椒鹽豬扒飯，份量大碗，仲要非常有誠意的炒過底黎， 非常不錯。

話說，D先生長沙灣新居入伙，當然要去house warning，搞熱嗰場啦！一玩Mario Party就死啦，玩到唔願停，最後九點鐘先肯落街搵嘢食。好彩畀我哋搵到港口味冰室，滿足大家唔同嘅要求！椒鹽豬扒飯椒鹽豬扒好鬆軟，啖啖肉，椒鹽味香濃，好過癮！最正嗰飯係炒底，炒得好乾身，粒粒分明。豉汁蒸倉魚倉魚大大條，時間掌握好好，新鮮肉嫩，豆豉味濃，十分惹味，送飯一流！檳城叻沙摻摻 + 櫻花蝦炒蛋 + 奶油牛角酥叻沙湯底做得唔錯，非常惹味，有少少辣，夠晒刺激。鮮蝦同魚魚片都好爽口彈牙，最鍾意佢係油麵溝米粉，非常正宗！櫻花蝦炒蛋炒到啱啱好，仲有好多蛋汁，好香滑！奶油牛角酥好邪惡，但好好味，加分！全日早餐呢個A姐話要早餐，好彩呢間冰室有全日早餐咋！吉列豬扒炸得啱啱，香脆得嚟又唔會炸到太乾身，點埋千島醬，真係無得彈！牛乳炒蛋，香滑美味，再配埋脆皮法蘭克福腸，正！樽仔奶茶茶同奶嘅比例啱啱好，茶味凸出，夠滑又唔會太甜，真係原汁原味，正！