興華美食 (已結業)

放工經過想買點食物，隨便選了一家點一些當晚餐，經過就看到興華美食在街角招牌突出，便買來試試。即叫即製，大概等10分鐘左右便可以遲了！脆皮雞軟骨（$18）炸得香脆，這個價錢份量也算很多，不過吃到最後有點而太鹹，一定要配些飲料呢！椒鹽薯條（$15）是經典的港式薯條，香脆，配上我們另外的漢堡真是classic。椒鹽炸燒賣（$12/6粒）外脆內軟，也挺特別的！芝士三重奏安格斯牛肉漢堡（$48）也是經典的港式漢堡，足料，不過不知道是否是天氣寒冷，麵包比較冷，有點美中不足。看到興華美食還有很多撈麵撈冬，很適合一人晚餐啊！…查看更多

行去紅磡，途經一間小食店好有人氣，好多老少路人經過都會停一停嗌佢啲嘢食，大胃都唔執輸啦，嗌咗啲小食拎去公園大快朵頤:)佢地嘅小食比一般街頭小食味道更豐富，燒賣色水同質感都好好原來佢會加椒鹽先炸，炸完唔乾又煙韌芋圓圓碌碌金黃色咁，惹人垂涎外皮好綿，內裡餡料卻好豐富炸餃子一啲都唔油，但顏色仍然靚仔餡料唔係一般嘅菜肉，仲會加粉絲，好有心思碗仔翅一樣會令你食到片碎不留，寒冬之下食佢啱晒呀雖然店主好似好後生，但功力拍得住老師傅喎…查看更多

以前住Hall﹐好鍾意explore紅磡周圍有啲咩好嘢食、好嘢玩夜晚去睇完一齣好平嘅戲，都會去食下串燒做宵夜。今日返到嚟紅磡呢頭，口痕間見到呢間小食店，都俾佢吸引咗我哋叫咗碗仔翅脆皮雞軟骨 紫心香芋圓銅椒鹽炸燒賣 佢嘅碗仔翅都好多料，有豬皮 which我比較少見出面會有每一羹都覺得好足料 椒鹽味都好夠「脆皮雞軟骨」簡直係一粒接一粒...咁食唔停口，外賣睇住戲黎食，一流炸燒賣粒粒金黃色，唔會炸到過曬龍，煙韌有口感~~椒鹽味個人認為可以再落重手啲:)最後一款，甜食~~都唔錯就咁睇佢個名 以為同芋圓有啲乜嘢關係lol 點知原來佢係literally嘅圓形、香芋波波球 佢外面炸粉唔太厚，裏面嘅紫心香芋泥充滿成粒波，絕無有食空氣嘅感覺，讚…查看更多

今日周圍行下，行行下又為食想食野。其實就唔係肚餓嘅，但真係想食野，所以就諗住食下啲小食咁啦。但呢到附近咁多野食又有啲選擇困難，最後見到呢間小食店有人排隊。呢個時候我諗起身邊曾經有位朋友同我講過：「香港人好識食嘅，你見到多人排隊嘅就通常冇伏嘅。」因為佢呢句，我就揀左呢間小食店啦。🧆椒鹽炸燒賣 $12燒賣有六粒。呢個炸燒賣真係有驚喜，炸燒賣外面有炸蒜同調味粉，但一咬落去嗰陣，啲調味粉絕對唔會掩蓋到粒燒賣本身濃濃嘅魚肉味。口感方面，炸嘅外皮脆，但內裡嘅燒賣口感軟身又彈牙，好食。🥟炸餃子 $22餃子有五隻。餃子入面有肉有菜有粉絲，唔錯。🍤吉列炸蝦 $22炸蝦有三隻。新鮮熱辣啱啱炸好，大家食嗰陣要小心熱。size都唔會話好細，如果炸粉薄少少會好食啲。另外有醬可以點。🍲碗仔翅 $20食左咁多炸野，覺得個口有啲乾，所以叫返碗碗仔翅黎食下。都幾大碗，粉絲同木耳嗰啲都多嘅，都算足料。食完之後又覺得再飽左。…查看更多

去完觀音廟祈求出年保佑我有得去世界各地旅行食G食好西。經過呢間小食店好香，忍唔住買咗幾樣港式小食！唔講唔知原來你間小食店係由做咗40幾年嘅興華茶餐廳開嘅！識食就梗係食西.............多！一口西多份量啱啱好仲有#多到漏嘅白色杰身煉奶 叫咗外賣都忍唔住開嚟即刻食，夠熱夠脆勁多牛油，堅係唔錯！金黃色嘅芝士年糕($18/2件)好煙韌，好Q彈多芝士一咬開辣親！證明真係即叫即整新鮮到，$18兩件都抵食有最鍾意食嘅椒鹽炸燒賣($12/6粒)！係童年回憶熟悉嘅味道，炸完啲燒賣香脆可口 #粒粒都係黃到金嘅顏色同間舖一樣 加埋椒鹽、辣椒粉仲有啲炸蒜簡直係一流。#黃絲餐廳 #黃色經濟圈 #支持小店 ⠀⠀⠀⠀⠀⠀⠀⠀⠀📍 興華美食 (紅磡)紅磡差館里15B號地下1號舖⠀⠀⠀⠀⠀⠀⠀⠀⠀…查看更多