金山海鮮酒家

為媽媽祝賀生日，來了這間海鮮酒家，因為食物質素不差之外，價錢還合理。他們的海鮮收費不算貴又新鮮，飯後還送甜品蛋散，所以抵食。******************************金山海鮮酒家有2間，今次戔了莊士敦廣場這間，因為環境坐得舒服。墨魚餅彈口又香墨魚味。蝦仁炒蛋，蛋炒得不會太老，不錯。鼓汁炒聖子，聖子很爽口，很新鮮的。蒸扇貝，扇貝很鮮甜，可惜較為細粒。蒸鮑魚，真的新鮮，入口鮮甜味十足。椒鹽瀨尿蝦，蝦肉不會梅，味道做得適中不會太咸。最後還送飯後甜品蛋散。入口鬆脆，又會否太甜，小朋友最愛食呀!…查看更多

每當我哋一班Friend想炒幾味隊隊酒時, 就會第一時間諗起"金山", 一來地點就腳, 二來又平又大碟, 三來飯後送炸蛋散, 最後更係超平既開瓶費啦.  就算味道唔係高班, 但都令我哋呢班嘩鬼暢飲暢食.1) 小食: 鹽水雞腳~ 好夠味, 好多隻, 上碟時少少微暖, 應該係浸了鹽水再淋沙薑汁, 等更朋友來時邊等邊食最好2) 小食: 皮旦酸薑海哲 ~ 我唔食既, 朋友話一般啦, 份量較少, 但皮旦好似好糖心3) 荔芋炆油鴨煲 ~ 好多芋頭但油鴨不多, 個汁好香椰汁味, 用來佐飯好好4) 砵仔焗魚腸 ~ 我不食的, 但見好多料喎, 朋友話好多料好味5) 椒鹽瀨尿蝦 ~ 我最愛, 好夠鑊氣, 好大隻, 瀨尿蝦多肉, 椒鹽好香, 佐酒一流.(仲有蒜子上湯浸菜, 最後既炸蛋散無影相......>_<)…查看更多

去大當家食飯時,見七樓原來係金山佐敦分店. 上次係舊舖食過佢嘅雲英雞念念不忘. 已經幾耐未食過有雞味嘅新鮮雞. 但由於佢舊舖環境比較地戊,所以都唔係太有動力再去. 今次見佢新店又大又光猛,有地毯,有檯布,都應該可以帶媽咪嚟試試.椒鹽瀨尿蝦 - 媽咪對瀨尿蝦又愛又恨. 愛佢肉質鮮甜,恨佢厚殼難處理. 不過今次叫$28中size已經好唔錯. 可以用較剪剪開硬殼,方便好多. 呢個肉質真係幾鮮甜,$28抵啦!!!招牌雲英雞 - 半隻$80都真係唔平,但係一食你就知味道!! 雞皮脆口,雞肉嫩滑又有雞味,真係好好好好食呀!! 再加埋薑蓉真係一流呀!!!蒜蓉粉絲蒸貴妃蚌 - $68半打有咁嘅質素真係超班. 每隻蚌都肥大肉厚,夠鮮味又冇沙. 一大啖食真係好滿足呀!!!銀山砵酒焗桶蠔 - 見食評個個都點呢味就即管試試. $78有約六,七隻大蠔又唔算貴. 果然個邊仲脆,亦滿有砵酒味,真係做得唔錯.黃金墨魚餅 - 我個魷魚,墨魚怪見到食評推介就一定要試. 墨魚餅厚身又彈牙,仲有粒粒墨魚肉,真材實料,唔係一舊粉餅. 送飯美味!敬送果皮西米紅豆沙 - 最後送返個甜品都做得好認真. 紅豆煲得起沙,再加上香香嘅果皮味,又唔太甜,我唔好甜品都食咗大半碗架!!!整體食物質素好,環境係有少少嘈,不過都可以接受. 而且侍應有禮,多位疑似股東人物係度熱情招呼客人,感覺良好. 今次為佐敦金山平反,並唔係其他食友講服務咁差.…查看更多