今年爸爸節特別旺🥳因為解禁個個急不及待出番嚟，已經提早2星期訂，好多都已經訂🈵、一係就唔接受預訂📴老人家都係啱食中餐🥢因為有老👵🏻👴🏻有嫩👶🏻所以要搵間真係要坐得舒舒服服⋯⋯龍袍其實都唔係第一次幫襯，電話訂座已經問定使唔使食指定套餐，可以散叫👍本身預咗大時大節出去食飯水準一定比平日👎所以有哂心理準備🥢⋯⋯竟然有驚喜🤩前菜一向水準都唔錯，點了黑毛豬叉燒、脆豆腐粒粒、黃金鮮魷主菜其實只係知道必食泡飯，就問經理有咩推介，好專業，首先問我哋有冇嘢唔食、敏感之類⋯咁我哋唔太食肉就推介咗有時令海鮮，首先有個油浸筍殼魚，之前喺第二度食過其實印象一般，即管再試吓🤨⋯⋯完全改觀，真係做到外脆內軟，炸得剛剛好，魚肉保持得好嫩滑，成條魚由頭到尾食清，連小朋友都嗌追食第二件😋另一推介富貴蝦，其實即係瀨尿蝦，有幾款做法，屋企人揀咗避風塘，嘩嘩嘩！不得之了，好有heart連殼都拆埋啖啖肉，真係第一次食瀨尿蝦食得咁爽，最正係小朋友自己都食到，唔使幫佢搣殼😅下一味就係薑蔥蟹煲，隻蟹真係好巨型🦀一隻夠哂全家食因為姐姐👩🏽唔食豬，但又想食個肉，最後點咗個燒鵝，因為我已經好飽，仲要留肚食我至愛嘅泡飯同甜品，所以我冇食，但屋企人就不斷話好正，塊皮好脆之前食開係佢哋招牌「魚米之鄉」因為我哋已經點了魚，經理建議想食泡飯可以揀西施泡飯又經濟啲，這裡泡飯做得比酒店更出色，去完廁所返去已經分好了，急不及待掛住食忘了影相，出色係個湯好鮮甜，脆脆米食到尾仲好脆口，真係必食👍最期待嘅甜品，原先都想叫埋杏仁茶，可惜賣哂，好彩仲有另一款招牌甜品，紅棗糕，食得出的紅棗味，甜度點到為止，質感好QQ，雖然全家都嗌飽，但一人一件食清，唔好以為紅棗女人先啱食，連爸爸都讚😋完美的。…Read More
老細係熟客，聽同事講佢平時見客都會成日黎呢間酒樓，難怪個日我地坐到張靚枱
好，講下野食先，味道都算唔錯，款式出面比較小見棗皇糕好煙UN飲到無味精的湯 好感動最後我希望可以快D有新同事再入職/或者老細會帶我出去見客，咁我就可以再黎大飽口福了
