The Point (已結業)

上次去銅鑼灣登龍街吃飯，經過見到 The Point ，因為之前到尖沙咀 The One 的店吃過，所以印象較深刻，記憶中這裡的薄餅、意粉很好吃，今次我們專程來銅鑼灣分店食個下午茶 ☕️餐廳裝修帶歐美風格，主要以木材元素，設計時尚簡約，擺放多張四人枱及長型枱，空間感足，不會有壓迫，地方舒適，輕鬆自在。這裡主打是薄餅，薄餅款式選擇多，我們來到的時候正是中午，午餐餐牌上有3 Courses 和 2 Courses，還有單點的特色意粉、芝士通粉、湯飯、肉類、小食、沙律、特色甜點、特飲等，款款都好吸引。我們點了兩個 3 Courses 的午餐。先來挪威煙三文魚，三文魚咸咸香香的味道，肉質嫩滑，配備檸檬汁，口感更清新。意大利香草烤茄子沙律以多種蔬菜製成的沙律，新鮮嫩綠，口感爽脆，烤茄子味道特別，不會過淋，有口感，所有材料沾了醬汁，酸酸甜甜，非常開胃的前菜，真的不錯！Norcina Pizza 9"，薄餅材料包括香腸粒、野菌、烤蒜頭和香草忌廉芝士醬，我最喜歡吃薄薄的餅底，鬆脆可口，加上烤過的蒜頭舗面，更惹味，自己都是第一次食有蒜頭的Pizza，味道獨特，果然這裡的 Pizza 非同凡響，美味無比。鮮露筍野菌黑松露卡邦拿拉意粉這個意粉散發著淡淡黑松露香，露筍鮮嫩爽脆，什菌，意粉彈牙，配合濃濃的芝士味，所有材料都有卡邦拿醬汁，混合起來味道剛剛好，不會太濃亦不會淡，越食越起勁，完全是我喜愛的意粉，簡直回味無比！午餐加 $32 棒棒雞翼配蜜糖燒烤醬3隻，香脆可口，雞翼只有一條骨，方便易食，沾一沾蜜糖燒烤醬，另有一番風味，我們邊吃邊讚，好美味。忌廉泡芙配朱古力醬這甜點以杯子盛載食品，看起來很吸引。泡芙鬆軟，忌廉香甜軟滑，與朱古力醬混合在一起，不會太甜，味道匹配，好吃。意大利奶凍賣相精緻的甜品，濃厚的奶香味，清甜幼滑，與士多啤梨醬及生果粒一起吃，口感豐富，美味可口！Fruit Soda以多種生果混合製成，飲起來有菠蘿和西柚的香甜味，口感清新解膩，好飲。龍蝦湯 $78   (1 bowl)湯裡啖啖龍蝦肉，肉質鮮美，彈牙爽口，濃厚的龍蝦湯味，美味可口。Ice Lemon Tea茶味清爽，檸檬新鮮，冰冰涼涼，清爽解渴。…查看更多

約咗一世嘅飯局終於都成事揀咗呢間喺銅鑼灣食街轉角位 主打食pizza嘅 The point 打開menu 好多選擇 花多眼亂 有選擇困難症嘅我倆 諗咗好耐終於決定到為咗留個quota食甜品決定叫一個湯兩個小食一個pasta同兩個甜品😂😂😂🤤真係好濃好足料亦好creamy 棒棒雞翼 即單骨雞翼新鮮即炸熱辣辣咬落去出晒煙咁熱雖然係炸 但入面依然嫩滑多汁個蜜糖燒烤醬 酸酸甜甜好開胃亦豐富咗雞翼嘅味道甜蕃薯條配香辣沙律醬同友人去親邊度食飯都必點嘅小食😁好好味 係真甜蕃薯嘅味道外脆內軟 甜甜地 甜薯控必食個沙律醬唔辣 唔食得辣嘅人都唔使驚然後係主菜蝦肉彈牙爽口 再配合埋個海鮮醬汁成件事一流 海鮮汁食得出好足料 香濃惹味每條意粉都極掛汁 每食一啖都有濃濃嘅醬汁味最後唔少得 當然係甜品叫咗兩個我倆都係見到Nutella 會變心心眼嘅人所以上枱見到得咁少Nutella 係有d失望嘅不過食落就發現依家呢個比例就啱啱好甜味無搶咗酸咪咪嘅橙味風頭酸味又比甜味牽引住仲有好香脆嘅餅底Very niceBrownie 亦無得輸香濃嘅朱古力味 口感好rich嘅brownie 再加埋香蕉同雪糕係圓滿嘅一餐希望下次同友人見面食飯唔使約一世都約唔到啦🤓…查看更多

今次是第二次來The Point，上次吃過它的pizza後，便決定要來第二次試試它的pasta。這是鵝肝pizza ,除了中間一大塊鵝肝，每塊Pizza上都有一小塊鵝肝，讓人感覺很滿足！而且是我喜歡吃的薄批，咬起上來特別香脆可口！美中不足的是洋蔥略嫌大塊搶了鵝肝的味道。而今天試的是炒野菌，棒棒雞和虎蝦意粉。香蒜橄欖油炒野菌簡簡單單得來味道很不錯。我點了4塊的棒棒雞，味道就是一般炸雞而已。奇怪的是他的醬汁， Menu上說的是蜜糖燒烤醬，但他明明就是茄汁，是cocktail shrimp那種茄汁...$72有點貴。最後是香煎虎蝦海鮮汁意粉，雖然沒有很香濃的海鮮汁味， 但味道還是很好，是下次可以再點的菜色！綜合來說是不錯的餐廳，如果想食Pizza和意粉它是很好的選擇。價錢其實有點偏貴，如果不是有早鳥優惠： 7:15pm前結帳可享有30% Off，也真的不會常去。…查看更多

龍蝦……居然配的是pizza？以為看錯了呢！跟帶著弟妹的朋友，週末午餐吃這份，豪氣又豐富。龍蝦薄餅 ($298)原隻龍蝦，躺在pizza上，霸氣十足！賣相無得輸，連鄰桌遊客也走來拍照。把龍蝦移開，就像變成了兩份菜式。不止是裝飾，殼下有拆肉，再釀入磨菇、蕃茄等。pizza上同樣鋪有餡料。微甜可口，整份被搶著吃。棒棒雞翼配蜜糖燒烤醬 ($78)做成棒狀的單骨雞翼，偷食超方便～夠惹味，不太乾身。一份約4件，略嫌「唔夠喉」。軟殼蟹沙律 ($118)最怕軟殼蟹空洞乏味，這份脆口又蟹味濃。脹鼓鼓的水波蛋，輕輕切下，蛋黃就一瀉而出。混著生菜、烤甜椒和蜜糖芥末汁同吃，不太單調。甜品pizza，有肉桂蘋果和香蕉棉花糖口味 ($68)。雖然擔心會膩，反正只是6吋的迷你版，吃了再算。兩款樣子相似，同樣有雲尼拿雪糕，小朋友最愛。冷熱交替，感覺特別。蘋果的，撒有葡萄乾、合桃和吉士醬。味道跟蘋果批近似，夾著肉桂香，個人較喜歡。香蕉那款比較甜，配有烤得半融的棉花糖和朱古力醬。士多啤梨雪糕泡沫 ($48)以梳打為基，雖然打入雲尼拿雪糕，跟預期的奶沫系有落差。喝起來清新輕盈，士多啤梨淡但不酸。小結特式pizza鹹甜都有，以龍蝦那款的吸睛度和好食指數最高。環境時尚開揚，菜式方便開心share，大人細路都適合。…查看更多

又到午饍時間，行經登龍街睇吓有咩好食。發現轉角位有間餐廳，整間都以玻璃為主，乾淨整潔，又帶點點綠色，就揀咗呢度。店內主要以木枱為主，陽光從玻璃透入店內既感覺幾舒服，望向天花板竟然見到the point。估唔到lunch都有咁多款食物可以揀，小食、沙律、意粉、Pizza、甜品都有得食。Mock Champagne $48好似一杯香檳，但係完全冇酒精，入邊有蘋果、檸檬同埋薑，飲落去小小似波子汽水。Caprese Salad $108內有水牛芝士、番茄同火箭菜，番茄好新鮮，而水牛芝士又唔會好咸，中和了火箭菜的苦澀，味道好清新。Truffles Fries $68薯條呈幼身，上面有芝士同埋調味粉，入口好香脆，黑松露味唔算好濃，棒棒雞翼配蜜糖燒烤醬 $78雞翼只有一條骨，好似雞鎚咁幾得意，棒棒雞經油炸但入口不覺油膩，雞肉帶點嫩滑，旁邊的燒烤醬令到雞翼更惹味。Smoked Salmon Benedict $108底層係多士，上面有煙三文魚、牛油果同埋Benedict，一切開蛋漿便湧出，脆口嘅多士配搭鹹鹹地嘅煙三文魚，再加濃濃嘅蛋漿，三者非常夾。Portobello Hash Benedict $98呢個Benedict配有蘑菇、菠菜、焦糖洋蔥同埋薯餅，食落又係另一種感覺，因為呢個brunch食落去係甜嘅。蕃茄龍蝦意粉 一上枱已經被大大隻龍蝦吸引住，廚師亦好細心地將龍蟹肉散佈在意粉內，不用自己拆殼，入口意粉除了有番茄味之外，還帶有龍蝦的香味，而龍蝦肉亦很彈牙。鵝肝pizza呢度嘅Pizza比較出名，因為店內嘅石爐只需三分鐘，就可以將細件嘅Pizza整熟，鵝肝切成細細塊，遍佈喺Pizza上面，因為細細粒，入口唔會好油膩，而Pizza係薄批，外層好鬆脆，果然係招牌菜。Cinnamon Apple $68同樣是Pizza的形狀，上面有一球雲呢拿雪糕，入口好香肉桂同埋蘋果批味，餅底依然是十分鬆脆。Banana Heaven $68呢個甜品又係另一種口感，上面有香蕉、棉花糖以及朱古力醬，非常香甜美味。Lunch都食到咁飽，今晚唔駛食飯啦😂原來仲可以包場俾小朋友慶祝生日，學整pizza，又幾得意喎！…查看更多

週一晚約了友人聚餐，為方便大家，特意選了一間位處銅鑼灣的餐廳「The Point」。 筆者抵達餐廳門外，眼見長長的人龍，以為輪候者眾，及後發覺那是輪候小巴的人龍，才晃然大悟 =PThe Point 是意式餐廳，主打意粉及薄餅兩款美食。在品評這些拿手美饌之前，先來數道前菜小吃。炸蕃薯條配忌廉芝士醬是打頭炮的香口小吃，即點即炸固然香脆，再加上蕃薯本身的甜味，份外好吃！棒棒雞翼配蜜糖燒烤醬的熱辣程度與炸薯條不遑多讓，以雞翼去單骨反起炸香，味道酥脆燙嘴，但以七十餘元才四件雞翼來說，實在貴了少許。筆者喜愛大蘑菇，這道菠菜里哥特芝士烤龍葵菇當然是必吃之選。菜式的賣相有點似菠蘿包，面上是脆脆麵包粒，中層是芝士菠菜，底層是龍葵菇，旁邊伴上火箭菜沙律。就龍葵菇而言，菌香算上中等，芝士香氣則稍弱。至於在旁的火箭菜，本身味道鮮爽，但建議所用上的香醋味道可調弱一點。香煎蟹肉餅配烤紅椒香蒜蛋黃醬是比較失準之作，蟹餅蟹香很淡，而且整體味道過鹹。香蒜辣椒白酒煮大蜆用上澳洲大蜆，外型飽滿，甜嫩度中規中矩，配上的香蒜辣椒汁香辣惹味。與雞翼一樣，數隻蜆取價百餘元實在進取。香煎阿根廷紅蝦蕃茄意粉所用上的紅蝦大隻甜美，意粉富嚼勁，蕃茄汁濃郁帶甜，是一道不俗的菜式。特級美國安格斯肉眼牛扒是明顯失準之作。雖要求 medium-rare 的熟度，但出來成品幾近全熟，肉質帶韌。加上肉香一般，菜式有很大的改善空間。Roman 薄餅以意大利風乾火腿、無花果、火箭菜及蕃茄醬作餡料。薄餅的厚薄程度介乎坊間厚批與薄批的兩者之間，煙韌得來又帶點脆，面上的芝士量足，調味佳，與風乾火腿味道配搭恰宜。至於批面的無花果，口味帶甜，與火箭菜一起能平衡薄餅與火腿的膩感，建議可追加多一點份量。餐廳以意粉及薄餅作主打，甜品也不忘以此取勝。 Cinnamon Apple Pizza 是甜吃的薄餅，餡料有烤蘋果、葡萄乾、合桃、吉士醬及雲尼拿雪糕。薄餅食味甜爽，肉桂味香，冷熱交集。而當中的合桃更是亮點之一，口味甚為香脆。Tiramisu Affogado 是咖啡愛好者的必然之選，咖啡味道濃香，層次口感豐富，值得一試！飲品先後試了兩款完全不同風格的選擇。餐前的 Strawberry Ice-cream Float ，顧名思義，飲品以士多啤梨作主要味道，並引入一球香草雪糕及適量梳打汽水作基底，製作有點似奶昔。或許梳打份量相對多，飲品味道比預期淡了一點。餐後以 Honey Latte 作結。此店用上的 Bolaven 咖啡豆產自老撾，屬有機農產品，味道比一般咖啡豆輕盈少許，加上 Latte 奶量足，整體口感幼滑，再配合蜜糖的天然甜潤，頗合筆者口味。整體而言，餐廳的意粉及薄餅確是做得不錯，但牛扒及飲品則有進步空間。前菜小吃水準合理，但定價略為進取，OK喇！…查看更多