Coti (京瑞廣場2期)

去石門同朋友食lunch，就揀間可以坐耐少少🤏🏻飲杯嘢傾吓計嘅餐廳。Coti Cafe係開放式設計，屬於半自助形式，搵咗位之後就去counter落完單，食物準備好之後就可以自己拎返埋位，感覺舒服自在😌芝士肉醬千層麵以蔬菜沙律🥗伴碟，呢個配搭冇咁膩。蕃茄肉醬味道夠濃郁，配上焗過嘅香濃芝士，好開胃。值得一提嘅係夾層除咗芝士同茄汁之外，仲有翠玉瓜片，口感更加豐富又清新。呢間餐廳最出名嘅就係佢嘅全日早餐，真係要點份試下啦😆分量確實夠大，真係好豐富，一份就有齊有沙律🥗香煎雞扒🐥茄汁豆🫘煙三文魚🐟炒滑蛋🥚哈密瓜🍈牛油多士🍞不得不提嘅係雞扒煎得香脆肉質嫩滑😋餐飲方面我哋就加咗錢upgrade做特飲。提拉米蘇☕️外型好吸睛，黑咖啡上面有香濃嘅cream同手指餅，再灑上可可粉，每一口忌廉都好軟滑，無論空口食定係同咖啡拌勻一齊飲都好正👍🏻棉花糖朱古力🍫上面嘅棉花糖有微微燒過，味道更加香甜，而朱古力飲品非常香濃又唔會好甜，朱古力控一定好鍾意❤️…查看更多

每隔兩星期都要去第一城一轉，但行過去置富食晏又遠又熱，寧願搭一個站去石門食晏仲方便！今日喺 2 期行咗個圈，見到呢間工業風嘅cafe，水泥牆嘅裝修都幾舒服㗎，不過舖位唔大，如果喺正Lunch Time嚟，都可能要等多陣！.已經睇啱食咩嘅豬太郎見到有位，即刻行埋去落單等食啦！舖頭嘅兩位同事，一個煮一個沖飲品，即叫即做，都好快手，食物到咗就可以去返吧台位置自取。.➜ 芝士肉醬千層麵 & 棉花糖朱古力（ HK$98 ）平時食千層麵都係一個焗盤上，呢度又有啲唔同噃～千層麵入面好足料，啖啖滋味，味道比較濃，有埋旁邊嘅沙律配菜，就balance返晒啦！暫時都仲未飲得咖啡嘅豬太郎就揀咗杯棉花糖朱古力嚟歎，唔算太多Cream，所以都唔會太膩，topping嘅棉花糖可以食咗先又得，撈埋落朱古力度慢慢飲都得！ .食物款式雖然唔多，但出品都有心機，下次可以再嚟食過！…查看更多

放假又喺慢活嘅日子訓到自然醒，梳洗一下再出門口食個Brunch 🌤星期六嘅石門原來好熱鬧好有葵涌廣場嘅感覺Coti Cafe 位於京瑞廣場2期二樓半開放式嘅設計，簡約裝潢擺放咗幾張枱椅，零壓迫感Lunch Set 款式唔多，但好吸引👅Drinks 選擇較多，coffee 喺呢到主打🍱蒲燒鰻魚飯鰻魚肥美肉滑，口感軟綿綿鰻魚汁撈飯喺絕配玉子煎得香口，外脆內嫩仲有沙律配菜，夠晒清新健康🍝蕃茄醬蝦肉意粉蝦肉爽口彈牙份量多捲起意粉掛上滿滿嘅蕃茄醬啖啖茄醬酸甜開胃🍯天然蜂巢咖啡牛奶、咖啡、蜂巢分開送上將咖啡倒入奶中，再加入蜂巢攪拌沖調成一杯蜂巢咖啡香濃嘅咖啡充滿淡淡嘅蜂蜜味為忙碌嘅生活加點趣味🍫棉花糖朱古力朱古力特飲香甜濃稠仲有滿滿嘅綿花糖，好有滿足感！…查看更多