由於有一朋友是蛋黃哥（或者有些人叫佢梳乎蛋）的擁戴者，見到這crossover 佢邀我們去一齊食（至少可叫多些野食），但估不到在午餐和下午茶中間都要等一小時多才能有位，如是平時的我，一定不會等⋯//不過不得先讚這店老闆有生意頭腦，談到這授權，令不少人原本對這點心店毫無識知而來。加上又從佈置，食物設計和有紀念品賣，真的算花心思。//點了以下食物：梳乎蛋雞蛋布丁：布丁在蛋殼中，味道充滿蛋味，賣相亦吸引一些//真真假假流心布丁：原來係牛奶同芒果布丁，但最礙眼的是竟然蛋黃哥的樣子是一張透明貼紙貼在蛋殼上，真的很假。//梳乎蛋蝦堡：當我見到那油膩的蝦餅，我只好打退堂鼓，不過造型是不錯，蕃茄也算厚切和新鮮。//梳乎蛋流沙包：造型係得意的，又是最符合蛋黃哥的身份特徵的，不過是否一個好味的流沙包？我只覺得流沙較少，外皮較厚⋯//騰騰震奶凍：我覺得是少數較可取的，因為造型和味道都是比較符合主題，蛋黃哥都會無力而震震吓，牛奶奶凍都是有真正的奶味，係比較可取。//梳乎蛋蝦餃：普普通通和皮厚，加上等很久，但因較大粒，蝦都算足料。//梳乎蛋雜菜沙律：可能佢想不夠有什麼中式點心，惟有沙律加隻荷包蛋，不過如果啲菜夠凍會更好。//梳乎蛋煙肉五穀炒飯：佢相對比較少油和健康，味道尚可。//可能我較理性吧，食完除了影相呃like 或講左好多句「嘩好得意」之外，如果說回這餐廳食物的味道，服務和是否抵食，和其他點心店比較，我會覺得並不突出，因人太多店員忙不過來。//連最後蛋黃哥fans 朋友都沒有意欲再來，惟有看看這店會否繼續有新搞作吧⋯⋯…查看更多
但有點失望的是，包裡的蛋汁不夠多，試了多次也不太成功。味道方面，中規中矩，蛋汁沒有很膩的感覺，但流沙包的外皮不夠熱(明明是新鮮出爐)。梳乎蛋蝦漢堡($59) - 漢堡、蝦餅、芝士、蕃茄、太陽蛋，再配上千島芥末醬，就成為左梳乎蛋蝦漢堡。蝦餅炸得香脆，流心的太陽蛋又貼上蛋黃哥的造型，旁邊還有炸過的薯仔粒，而驚喜的是碟底有蛋黃哥的公仔。安格斯牛肉腸($39) - 普通點心的質素似乎比蛋黃哥點心更高，腸粉足料，軟韌適中，而且會吃到原片牛肉。黑魚子燒賣皇($29) - 燒賣配上味道濃郁的黑魚子，食落新鮮彈牙。論點心質素，確實比一般點心餐廳/茶樓遜色，但論創意特色，又或者你是蛋黃哥的粉絲，那就一定要試！
…..打左四十幾次電話去餐廳後, 終於訂到星期一晚既一張靚枱(好彩O個日冇放棄打電話, 之後已經唔可以電話訂枱呢~)星期一萬分期待去食蛋黃哥, 餐廳比想像中細, 難怪要大排長龍。因為訂枱的關係, 5分鐘左右已經可以安排入座。訂左9點鐘, 所以都好擔心蛋黃哥食品一早sold out, 心諗如果賣晒就走….. 坐低後接過2張點心紙,一張係蛋黃哥食品, 一張就係常設的點心紙。蛋黃哥共有9款食品，3款coming soon, 另外2款售罄, 好彩都仲有流沙包 :) 二話不說剔晒所有蛋黃哥點心先! 仲有要點茉莉花茶arrrr $20有杯墊送。最先上枱的是流沙包, 一籠三個, 我地3個即刻有理冇理摙爆蛋黃哥個頭, D奶皇流晒出來為止。
再來梳乎蛋煙肉五榖炒飯及雜菜炒飯，其實都係普通炒飯同炒飯，荷包蛋上面加張米紙有蛋先生的一字眼和O咀，但就食得你好開心~ 值得一讚個炒飯用紅米,仲有乾瑤柱。梳乎蛋蝦漢堡就有D膩，薯仔粒亦有D淋。本身坐低時, 侍應哥哥話震騰騰奶凍已sold out, 但食食下佢話有返貨, 落左柯打, 咸點都未食就到, 一於相機食先, 震到蛋黃哥心都離一離。食蛋黃哥都夠甜啦, 所以常設點心就只點了蝦餃和龍鬚鳳尾蝦。呢個龍鬚鳳尾蝦超得，出面炸到脆卜卜的大大墨魚膠包住勁大隻蝦。食到尾聲, 之前睇facebook 話食具未有得賣，我地又試下問, 原來咁岩幫我地加茶既係老闆，佢話食具只限50套 ，如果我地要就入倉攞界我地。老闆勁好人,我地話有少少花左,佢即刻入去攞多2個界我地揀!跟食具仲有3張貼紙送雖然只係少少蛋黃哥佈置，都令我地影唔停
