好茶養生 (MOKO新世紀廣場) (已結業)

由網店開到實體店主打養生天然健康茶品🍵之前上網都有幫襯佢地茶包沖泡容易又方便♨️每日一杯 · 不自覺養生起黎知道佢地開左實體店當然要去支持下店舖位於Moko 1/F既Moko Pop入面開放式設計以雲石 · 黑白為主調簡約得黎又幾高雅佢地仲有設置座位比人坐低嘆啖茶食件餅休息下♡桂花雪莉茶（$38）呢排咁乾燥想滋潤少 💦叫左杯雪莉潤一潤桂花味都幾突出飲落幾舒服 · 清清甜甜♡桂圓紅棗茶（$36）不嬲都有飲開紅棗茶因為我好易手腳冰冷❄️貪佢夠養生補血🩸就算走糖但飲落都有桂圓既清甜味呢杯真係女生必飲🧏🏻‍♀️♡紅莓慕絲蛋糕（$48）外型好吸引 · 好討好☺️食落酸酸甜甜而紅莓味相當濃郁♡玫瑰荔枝慕絲（$48）外形係一朵粉紅色既玫瑰花🌹少女心即刻跑哂出黎外層係荔枝慕絲中間夾心係玫瑰凍食落有淡淡既荔枝清香整體唔會好甜 • 味道配搭得幾好💯店舖除左有即沖茶飲外仲有盒裝茶可以買番屋企One tea a day keeps the doctor away🧏🏻‍♀️…查看更多

嚟到好耐冇嚟嘅Moko，除咗睇吓換咗咩聖誕裝飾之外，仲多咗啲舖頭其中一間專飲養生茶飲，啱晒又想飲手調飲品又怕唔健康嘅人去而且冷鋒嚟到，飲吓熱飲暖身啱晒呢度除咗飲品，仲有好精緻嘅蛋糕供食客送茶呢件類似拿破崙蛋糕嘅cake，食落都幾酥化，cream滿滿士多啤梨嘅香味:)另外打卡一流嘅玫瑰mousse，唔係得個樣㗎，外面用激薄朱古力層包住，跟住就係mousse，裡面就係酸酸甜甜嘅荔枝味餡料，夠晒層次跟住就飲返杯茶啦，胃民揀咗桂花雪梨裡面有啲陳皮，好夠中氣大胃就飲銀耳露，唔會太甜，淡淡甘香溫和又多銀耳，飲完真係覺得暖返晒…查看更多

早幾日同朋友行街行到攰想搵個地方坐下，經過一間雲石風格既茶飲店忍唔住入左去😛不過最近養生，所以叫左杯熱飲，朋友就叫左杯凍飲，再一齊嘆件甜品🍰▪️桂花雪梨茶 ($38)Request左微暖同少甜，帶有菊花清香，入面仲有桂花同雪梨乾！而且甜度非常啱我🥰清熱又潤肺，呢啲天氣飲杯暖野好▪️蘋果美顏茶 ($36) 店員介紹朋友飲呢杯，同樣係少甜，帶有微酸既山楂味好易入口，入面仲有蘋果乾同玫瑰花添果然係養顏又消滯甜品採用獨立包裝，夠晒乾淨衛生我地分別叫左：▪️士多啤梨千層批 ($48)士多啤梨🍓吉士唔會太甜，香滑又清新，而酥皮口感唔算好脆，但充滿牛油香🧈▪️玫瑰荔枝慕絲 ($48)粉色玫瑰花勁靚，外層係薄薄既朱古力脆皮，中間有海綿蛋糕同玫瑰味啫喱，仲有好香既荔枝味，口感層次豐富平時茶飲店買完就走，好少有個舒服既地方可以慢活一下，簡約雲石設計仲幾啱打卡影相添📸️…查看更多

去MOKO行街行到攰 想搵個地方坐下 見到呢間茶飲店有位坐 仲要係雲石風 就入左去🍵桂花雪梨茶 $38有好多中式養生茶可以揀 見秋天到 想飲d潤d嘅野 所以揀左熱嘅桂花雪梨茶 功效係清熱潤肺 養陰生津 仲可以揀少甜飲落好清甜 桂花同菊花味都濃 入面仲有大大片雪梨乾 秋天飲杯暖野好舒服🍦Hojicha Gelato $32見好多人介紹蛋糕 但我嗰日夜所以賣晒 大家想食記得早少少去原來除左蛋糕仲有雪糕 配合茶嘅主題 有4種茶味揀 分別係茉莉綠茶，玫瑰紅茶，伯爵茶同焙茶 。🍵作為焙茶控當然二話不說揀焙茶 有筒同杯裝揀 揀左筒 黑色筒好特別 筒身好脆 雪糕唔會過甜 比較健康 不過作為焙茶控會覺得可以再濃郁d🍨店鋪有好多散裝茶包，茶包禮盒賣，可以揀唔同味番去慢慢試，訂黎做散水禮物都好適合🥰…查看更多

食友知我老婆喺講健康嘅人士，又知小弟都喜歡飲吓啲台灣花茶、果茶，就介紹我試試呢一間「好茶養生」，主打一啲健康、養生嘅中式茶飲，真喺，正合心意。佢仲話，呢間茶飲店以前喺網購店，依家做到開實體，就自然喺有一定嘅實力:)。餐廳採開放式環境，所以，予人感覺開揚，而一室淺灰配白，簡潔明亮，讓人有一種提起勁嘅感覺，加上餐廳位處商場一角，而到訪時人客又唔多，更加寧靜盎然。就在近入口旁嘅用餐區，有一組陳列櫃，趁等候茶飲時走一圈睇睇。櫃上放有好多唔同種類嘅產品，都喺店家自家工場調配嘅茶飲，有小包裝，有禮盒裝，以花果茶嚟講，定價都唔貴。 睇相就睇唔清有啲乜，幸好佢哋都備有產品單張，貼出嚟俾大家參考，產品真喺多元化，而且，除圖文並茂之餘，仲介紹埋有咩配料同功效，真喺按圖索驥，揀番自己嘅心水。不過，現買嘅茶飲就無咁全面，包晒所有店家出品。但喺，可供選擇嘅款式都唔少，亦確喺幾特別，有別一般台式茶飲店嘅款式，更可選熱飲，同樣可以揀少甜少冰。此外，仲兼營甜品，款式唔多，但勝在精緻。不過，此刻就只剩兩款甜品而已。茶飲定價$35-$38，而蛋糕賣$48件，故此，Tea & Cake Set就最抵嘅，每人自選飲品一杯及蛋糕一件，都喺賣$58。士多啤梨千層批（散點價 $48）佢哋每一件蛋糕都喺獨立盒裝，予人感覺衛生，內附小叉仔，食用都方便。而望上去外型做得有板有眼，酥皮烘得金黃，層次都分明，入口都算酥脆且富牛油香，中間嘅士多啤梨吉士亦做得香滑，士多啤梨味都十足，整體亦唔會太甜。玫瑰荔枝慕絲（散點價 $ 48）蛋糕做成一朵玫瑰花形，賣相自然搶到唔少分，加上以少女嘅粉色系，就更増加咗打卡度。單睇外面唔知葫蘆裡面賣咩藥，一切開，底層喺海綿蛋糕底，中間仲有一層玫瑰味嘅果凍，酸香醒胃，而粉色嘅荔枝慕絲做得既柔滑，又有淡淡嘅荔枝清香，整體感覺好清新。  桂圓紅棗茶（散點價 $36）小弟一向都偏愛桂圓，所以，揀咗呢一款以桂圓、紅棗、枸杞、冰糖所做嘅桂圓紅棗茶，但有別一般好似泰式嘅龍眼冰咁，杯內唔多見桂圓肉，但飲落又有一陣陣桂圓嘅清甜，感覺好清潤，嗰陣甜味又好純香自然。桂花雪梨茶（散點價 $38）老婆就好鍾意桂花陣香氣，佢本身都有買啲桂花嚟自己沖，不過，未試過配雪梨，睇樣同我杯桂圓紅棗茶好似樣，不過，唔睇張單張真喺唔知裡面除桂花、雪梨乾之外，仲有橘皮、甘草、菊花及冰糖，飲落確喺幾清甜芳香，味道多變不單一。雖然只是一杯茶飲、一件蛋糕，但感覺已寫意悠閒，心情放鬆，香港人實在太匆匆忙忙，慢活一下亦是養生之道。…查看更多

依間茶飲店以白色及金色為主調，設計簡約型格，買完飲品仲可以坐低同朋友邊飲邊聊天～小店主打健康養生茶，店內仲有售賣甜點、茶味gelato、養生茶包及食品。行街經過見到依家做緊優惠，$58就可以享用到飲品加蛋糕，好抵呀～❀ 桂花雪梨茶近排食得熱氣野多就揀了依杯中式養生茶，佢有清熱潤肺及養陰生津既功效，而且配料好豐富，有桂花、菊花、橙皮及雪梨乾。飲落好清甜，有淡淡桂花香及果香味，清涼解渴❀ 士多啤梨茶本身以為泡泡系列係氣泡茶，但原來泡泡係指打入氮氣令綠茶飲落更順滑。杯內有士多啤梨片及青檸，飲落士多啤梨味突出，配合埋茶香，感覺好清新又解膩❀ 玫瑰荔枝慕絲粉紅色玫塊花造型既蛋糕，賣相好精緻～切開蛋糕會見到明顯既分層，外層係荔枝慕絲，入面夾住一層玫瑰啫喱及海綿蛋糕，底部仲有餅底。整體酸酸甜甜，荔枝味較突出，味道清新，甜度適中❀ 士多啤梨千層批賣相同樣吸引～千層批上有一層層既士多啤梨cream，表面仲有開心果粒粒及士多啤梨作點綴。cream有香濃又酸甜既士多啤梨味，夾埋酥皮食口感豐富，而且食完唔會膩…查看更多

🥚🥚🐷優待自己的養生下午茶✨性價比：9/10🍳食物：7.5/10🌏環境：8.5/10🕺🏻服務：8/10💰是次消費：人均 $ 58#蛋蛋豬 
🏝地點分類: #蛋蛋豬在旺角 
🍰食物分類: #蛋蛋豬吃飲品————————有日在大型商場中逛街逛累了，想找個地方坐下，但之前已經吃了午餐，想找個有輕食的地方休息後再戰。剛好就在一個寧靜的角落見到有間好茶養生，外面已經掛了優惠牌子：$58 任選一件蛋糕＋一件茶飲，價錢非常吸引！店內有十幾個座位，枱面都是雲石花紋，由於在商場最內的小角落，所以真的很寧靜，想不到在大商場中都可以靜一下。之前都已經試過買他們的茶飲即沖包，主打養生茶飲，即沖包內容都已經夠足料，堂飲當然不例外。桂花雪梨茶 Osmanthus Pear Tea (原價$38) 打開杯蓋會見到很充足的材料包括雪梨乾、橙皮，桂花菊花，帶點甜味原來是下了冰糖。這杯是他們的推薦飲品，果然好好味，尤其是熱飲。暖胃養生，可以清熱潤肺，不用常常飲珍珠奶茶。水果茶 Fruit Tea (原價$38)水果茶無論色彩或味道都同樣繽紛，好大杯絕對飲不完，好香好消暑。玫瑰荔枝慕絲 (原價$48)玫瑰形狀的蛋糕十分吸引，切開會見到幾個層次，上面是荔枝味慕絲，細滑又有微微荔枝味。中間有一層酸酸地玫瑰果醬，下層有軟綿蛋糕和餅底，豐富層次有驚喜。巴斯克起司蛋糕 (原價$68)這個起司蛋糕表面燒焦，口感偏甜，帶點芝士味，細細件過口癮不錯。蛋糕都是以外賣包裝，內附小叉叉，堂食外賣皆宜。十分討人喜歡的寧靜小角落，可以為身體充充電再行過，養生飲品多喝都沒有罪惡感，覺得茶飲好味還可以買茶包回家再飲。好茶養生 Hocha.Elite🚦旺角太子道西193號MOKO新世紀廣場1樓123D及123E號舖(旺角東站 D 出口 或 旺角站 B 出口，步行7分鐘)🕰營業時間：12:00 – 21:00…查看更多

因工作關係，旺角 MOKO 可算是小編飯堂之一。今日在商場 food court 吃過午飯，意猶未盡，與同事再到商場另一小店「好茶養生」品杯香茶，吃道甜品。「好茶養生」位處商場一樓，格調時尚清雅，走年輕路線。相比其他餐室，茶館主打外賣，堂食位置不多，騰空出的位置用於售賣各式茶品小吃。先來一件「玫瑰茘枝慕絲」，甜品被製作成玫瑰花及心型模樣，外觀討好。味道方面，首先感受到慕絲的清新茘枝果香，後繼玫瑰果醬接力，花果兩味融合自然，輕巧不膩，作為飯後小點一流。多來一杯「桂花雪梨茶」，屬店家推介之一。以綠茶作底，內含桂花、雪梨乾、橘皮等食材，花果香氣比慕絲蛋糕更輕盈，清熱生津，唔錯噃！同事點了一杯「桂圓紅棗茶」，小編沒有親嚐，同事評價正面。今時今日大家越來越重視健康生活，對飲食選擇亦變得更為考究。閒時飯後來一杯中式養生茶，吃一件花果甜品，絕對是不錯的選擇！…查看更多

今天來到旺角MOKO新世紀廣場，路經這間「好茶養生」，見到此店有養生茶，又有甜品，所以決定在這裡來一個養生的下午茶。皇牌氣血茶($38)我點了熱的，甜度選了適中。這杯氣血茶配料十足，賣相吸引，味道又香甜，又有補氣血的作用，適合我這些氣血不足的人士飲用。桂花雪梨茶($38)這杯點了凍的，味道清甜，潤喉解渴玫瑰荔枝慕絲($48)賣相相當吸引，荔枝味道酸酸甜甜的，味道和口感都不錯伯爵茶意式雪糕($32)味道香濃，口感幼滑…查看更多

同男朋友行旺角行到好攰就想搵間類似Cafe既鋪頭坐下抖下☺️ 行行見到呢間個環境都唔錯就入左黎坐低抖下傾下計！環境幾舒服 以白色裝修為主題～我地叫左兩杯野飲同兩件cake😋皇牌氣血茶 Signature Vitality Tea $38見佢好似好滋陰 同對身體會好啲就叫左呢杯黎飲啦， 有時飲得太多糖都想健康啲😝 佢係已經pack左一包包花茶 再沖水既。飲落真係好養生啊🤣桂花雪梨茶 Osmanthus Pear Tea $38呢杯桂花同菊花味會偏重啲～夢幻卷蛋 Fantasy Roll $42蛋卷鬆軟，食完都唔算太干 Cream都唔差🥰士多啤梨芝士蛋糕 Strawberry Cheesecake $48呢個就正正常常 芝士味唔算太重 個餅底特別啲 係脆米黎！…查看更多

夏天熱辣辣，好多人都會買野飲，珍珠奶茶應該會係大部份人既選擇，今日豬師奶經過moko又口痕想飲野，點知比我發現到衣間養生茶店，直頭係減肥人士恩物，店內有少量座位提供，很到攰想坐低抖下係唔錯豬先生揀左凍既桂花雪梨茶，d茶唔係煲定，係落左order即刻拆茶包沖既，好足料，可以見到好多桂花係杯飲品到，仲可以揀少甜走甜我就揀左熱既皇牌氣血茶走甜，好岩女人養生，有玫瑰，菊花，黑杞子，紅棗，成杯野完全冇添加既甜味，好正，想要甜甜地既可以少甜…查看更多

早前已有研究指出，一杯珍珠奶茶熱量相等於2碗白飯熱量，得悉後也少喝為妙。那天口渴剛巧路過一間售賣傳統茶飲的手搖飲品店，不旦是健康之選，更在抗疫時期扮演著重要的養生角色。自實施餐廳不多於半數人內進後，每間餐廳人流量明顯大幅下跌，茶飲店也不能避免，平日到訪內裡空無一人，但可見飲品店背有社會責任，高櫈位置都禁止就坐，旁邊二人坐位也只可隔檯就坐。中式養生茶共有12款，而茶味雪糕則有4款供應，抗疫時期我倆一於點選二款潤肺茶飲，各人另點雪糕一杯。杯內有2大片雪梨、原朵小菊花、橙皮及桂花等豐富乾果，味道先有明顯菊花味，其後滲出淡然桂花香，茶底帶有清幽雪梨，無糖突顯出那雪梨清，相信熱飲更能浸淫出乾果香甜。銀耳即雪耳，碎散銀耳浮遊於飲品當中，雪梨改以粒狀非片狀，還有數顆杞子在內，選擇少甜彷彿嚐不出冰糖甜，加上使用粒狀雪梨減低了獨有清甜感，是一杯非常清淡的飲品。率先冒出是陣陣的茉莉清甜，其後帶出香濃抹茶粉味，質感挺身尚算軟滑，有少許沙冰口感，所以不是屬於重牛奶味的雪糕類別。意外地雪糕顏色採用了紅茶啡而非玫瑰紅或粉紅色，雖然外貌平實不是打卡品，但其玫瑰味不容忽視，香濃玫瑰味首當其衝攻陷我的味蕾，繼而帶出清幽茶味，就像喝著一杯玫瑰熱茶般濃郁，有著優雅寫意的感覺。邊吃邊環顧四周，原來店內設有禮品架挑選適個茶包帶回家，除了有不同組合及包裝之茶包外，還有配合茶飲的小吃和工具，果真一應俱全外帶茶包款式多達近三十款，每款透明包裝均可看到內裡乾果情況及份量，更標明其功效。我也因應個人需要選了十包回家繼續養生，保持健康身體對抗疫情！…查看更多

話說前日同老公去左旺角Moko😎見到有間野個名好得意，叫做「好茶養生」🤔我完全係比佢個吸引左我埋去🤣行到埋去原來發現係一間手搖茶飲店，開頭以為又係果啲花茶水果茶嘅物體啦😅點知原來呢間係勁嘢嚟😵上網一search🤭原來呢間「好茶養生」係香港首間中式養生手搖茶飲❗️絕對唔係普通花茶水果茶🙅🏼‍♀️而係具有中醫養生療效嘅茶飲😌來頭原來唔細‼️我當然唔會放過😂🔹桂花雪梨茶$38 ：😍佢嘅茶飲真係唔簡單❗️入面有好多料😲雪梨乾、橘皮、甘草、桂花同菊花😍全部都係一啲有清熱潤肺同止咳化痰功效嘅中藥材料👍🏻最啱而家咁乾燥嘅天氣😎🔹皇牌氣血茶$38 ：呢杯係店員極力推薦我飲😍果然無介紹錯👍🏻佢地嘅皇牌氣血茶入面包含有桂圓、紅棗、千日紅、康仙花、金盞菊、金邊玫瑰同埋黑枸杞😵咁多材料....我開始懷疑佢有冇錢賺😑呢杯真係啱晒各位女士們💁🏼‍♀️因為佢嘅功效係可以補血氣、調經止痛同埋暖宮驅寒‼️唔想每個月受到親戚打擾🤭就要防禦一下😎❗️甜品係放係第二個胃㗎！嘆茶又點可以無甜品❗️🔹野莓忌廉朱古力泡芙$42 ：一人份量啱啱好👍🏻泡芙造型可愛，圓轆轆😍外層係脆皮泡芙，入面塞滿晒朱古力，朱古力幼滑，唔會太甜☺️由於係放雪櫃嘅關系，口感有啲似食緊雪糕泡芙咁🤤唔錯唔錯👍🏻🔹白朱古力抹茶蛋糕$42 ：抹茶味濃，但未至於會去到有苦澀味👍🏻配白朱古可以提升蛋糕甜度🤩蛋糕亦夠鬆軟😎配茶真係一流😍整體嚟講，養生茶真係唔錯❗️材料咁多，賣呢個價錢真心抵飲👍🏻最緊要係對健康有好處😎另外值得一讚嘅係店員👍🏻好細心詳細介紹茶嘅好處😎評分味道：4.5/5服務：4.5/5環境：4/5性價比：4/5回頭率：4.5/5…查看更多

今日黎到旺角Moko行街，經過一間叫好茶養生既鋪頭，覺得幾得意，於是入左去食下午茶。好少茶飲店有座位坐而且都幾大間，裝修別緻。我地叫左杯皇牌氣血茶，桂花雪梨茶，白朱古力抹茶蛋糕同士多啤梨慕絲。依家出街多數都係叫手搖飲品，好少會飲養生茶。皇牌氣血茶可以理氣散瘀，暖宮驅寒，好適合女仔飲。我平時手腳冰冷，飲完真係會暖少少。桂花雪梨茶可以清熱潤肺，養陰生津。兩杯野飲都叫左少甜，但我建議呢杯唔好叫少甜，因為少甜左會有輕微苦苦地。白朱古力抹茶蛋糕食得出抹茶味，比較乾身。士多啤梨慕絲好食，多層次，唔會死甜，賣相又靚。…查看更多

好茶養生個名好似好中式, 但裝修超靚! 同閨蜜食完飯去左MOKO行街, 行到最入見到有間文青風既甜品店就即刻吸引左坐低. 一人叫左一款蛋糕一杯野飲, 賣相100分, 味道都好好呀.茶同銀耳露各叫一杯, 店員都主動問我地使唔使少甜, 好貼心, 見佢地係用獨立茶包沖泡, recipe standard左, 料都係好足.蛋糕叫左一個泡芙一個啫喱, puff入面朱古力cream好實淨, 唔係好油既cream, 質地似雪糕, 又唔係好甜, 正. Jelly打卡一流, QQ質地, 餅底又好食, 最重要係坐得好舒服. 鋪頭又係商場角落, 比較靜, 岩晒傾計.見佢除左堂食, 仲有賣即沖茶包, 岩晒忙碌既香港人, 唔同味道有唔同功效, 仲有禮盒裝, 我朋友都買左十個唔同味既茶包送禮!…查看更多