蛋記

🤍 太安樓蛋記 🤍🧇格仔餅🧇 💰$20即叫即整 拎上手仲熱辣辣🤤外脆內軟仲有蛋香味🥰唯一缺點係覺得唔夠醬！下次要叫佢多花生醬同煉奶！🤤🤤🧇雞蛋仔🧇 💰$20都係即叫即整不過一定要趁熱食 耐咗就會淋晒👀格仔餅出色啲～大家去太安樓一定要試吓！！！…查看更多

我認為既然去一個比較重人情味的大廈內進餐，本人而言，我會選擇較老字號的店舖。所以今次一個人午膳後甜品，去了蛋記。首先，當我到達店舖，老闆娘不知所終，只剩下店舖開著，大約等了5分鐘，老闆娘才紛紛走過來。雞蛋仔等待時間較長（因為要預熱爐），而且之前吃過他的雞蛋仔，味道及口感也一般，於是我選擇了格仔餅。等待格仔餅時間頗短，大約3分鐘就有得吃。大概舊時的格仔餅比較薄且脆，比現時新穎的雞蛋仔口感不一。由於我對甜食比較執着，尤其是格仔餅，只會要花生醬，其他煉奶、糖、牛油等等都免得就免。這間老字號的格仔餅，薄且脆，口感似窩夫waffle， 而它的花生醬也可見是被溝稀了，比其他花生醬較甜，幸好我一早就說齋花生醬。總結：這些老字號店舖，實沒有什麼服務可言，但自在兒時回憶的味道，這裏的格仔餅適合一些愛吃薄窩夫的人，我會給分數為7/10。…查看更多

格仔餅太安樓真係越來越多好嘢食，但係咁多年都屹立不倒嘅有呢一間，格仔餅同埋雞蛋仔都好出名！張梁點餐👦🏻🧒🏻$18 《格仔餅》評分（10分滿分）：8️⃣食評💬：即叫即製，熱辣辣好鬆脆～喺嗰塊脆熱嘅格仔餅上面落牛油、花生醬、花生粉同埋煉奶，然後一啖咬落去真係好好味！店員亦都好細心，主動問我需唔需要切開一半同阿梁一齊食👍🏼不過我話一人一啖甜蜜啲，所以無分開一半～阿張仲試過叫嘅芝士雞蛋仔，有芝士鹹香，好特別亦都好好味！…查看更多

格仔餅（$15）今次係草根第2次去太安樓或多或少，姐姐係衝著*鴻記*而嚟第一次，冇開！😩😫今次，仍然係冇開！！🤯點呀🤦🏻‍♀️！係咪黑得咁緊要算！唯有退而求其次去蛋記（好似都好多人食）識食緊係叫多醬，仲咩都落齊🤟🏻❤️要讚下個花生醬好香🥜加埋砂糖、牛油同煉奶好好味👅格仔餅薄身，焗到外面好脆食完一件都唔覺膩不過size就比較細件以$15呢個價錢都幾費💸但係的確幾好味嘅Ps.希望下次嚟食到鴻記🙏🏻（神呀！支求你俾草根姐姐下次食到，唔係我仲要嚟多好多次🙈），到時再比較下…查看更多

約了人去康怡廣場睇戲，心血來潮，專程先往太安樓食格仔餅！估唔到下午約兩時來已經排長龍，果然是「人龍店」！現在的售價是$15。感覺上冇以前咁大件，格仔餅好似薄了一點點，但仍然是外脆內軟。想當年蘇絲黃介紹過此店之後就出了名，所以這店還貼有當時介紹的照片。格仔餅會有牛油、花生醬和鍊奶，店員會問明是否每樣都要，有些人會「走牛油」，可能是怕肥，但我覺得最好味的「配方」就是原來的組合，所以我永遠都會要求「全加」！…查看更多

未到食飯時間但係又口痕，所以就黎左買底格仔餅黎食🙈我鐘意佢地既格仔餅夠熱又好脆，但可能我個人比較鐘意食甜野，佢地用既花生醬有點稀同偏咸😢即使叫左多糖多煉奶都唔太夠甜😝但食落口感係唔錯既 👍🏻…查看更多

由細到大都非常鍾意食格仔餅，最鍾意當然係以前細細個食街邊嘅炭爐格仔餅啦～但係而家真係少之有少之餘，想搵檔好味嘅都難！幾年前，無啦啦走咗去太安樓掃街，見到呢間蛋記（？）一試就難忘喇！佢個蛋漿剛剛好，唔會太甜之餘，做出嚟外脆內軟，呢個就真係格仔餅最緊要嘅一環！見到老闆同老闆娘成日焗到個格仔餅咁上下，就會用支义拮下佢，唔知咩原因，但我估計就係令佢內脆外軟嘅原因～十幾蚊，就可以氹下自己開心，都好值得吖～ ！！！記得叫佢多奶多醬喎！！！…查看更多

眾所周知太安樓都係一個覓食既好地方嫁啦，今次一場離到已經忍唔到口要吞翻個格仔餅頂下癮先格仔餅仍然係烘蛋漿後加料，而哩間既料係煉奶，花生醬，白砂糖同牛油，每次食落都係即烘脆而甜膩，感覺好滿足好罪惡不過哩間格仔餅鋪已經係老字號，係太安樓開左十幾年，不過因為鋪租問題而加價加到傻，同埋餅底越整越細雖然感覺越食越唔抵，但點都因為quality仍然唔錯，同埋由細食到大既既童年回憶，所以一定繼續幫襯，當係一個回憶既懷免啦…查看更多

今次去西灣河食大排檔，每次到西灣河，總被太安樓的香味吸引，呢間格仔餅以前要排長長人龍，怎麼今天消失了！心想不會轉手了吧！即叫即整，看外形沒有不一樣不會過厚，薄薄的，脆脆的，砂糖牛奶牛油花生醬，依然落得剛剛好！就是從前的味道，蛋香濃全個脆脆的，！…查看更多

上次過去西河灣攞電話之後, 就順便去試下<太安樓0既雞蛋仔>, 去到0既時候, 都有幾個人正在排隊, 本身想試下雞蛋仔0既積奇, 突然驚食雞蛋仔可能要等耐d, 而且又好耐未食過格仔餅, 所以最後都轉0左lu, 呵呵!!! 1. 格仔餅 ($9) ~ 賣相就普通啦, 顏色就係比較深d. 見佢加糖, 花生醬, 牛油及奶油0既時候都比較輕手, 所以我就叫佢多d奶油啦!!! 食落口, 第一個感覺, 就係比較脆, 而本身我就比較鐘意食"淋"身少少0既, 所以今次0既格仔餅不是我杯茶!!! 整體評價：太脆了, 不是我杯茶!!! …查看更多