皇甘栗鮮炒乾果專門店

一直都好想試皇甘栗嘅栗子雪糕，終於俾我食到！原來軟雪糕版本只限星期六日供應，今日咁啱有，當然即刻試！雪糕質地好滑，栗子味非常濃郁，每一啖都好似食緊打爛咗嘅冰凍栗子，真材實料，唔係嗰啲人工香精味。配埋朱古力脆筒，口感層次更豐富。店內仲有好多乾果可以試食，環境乾淨企理，店員亦都好有禮貌又熱情。栗子迷絕對唔可以錯過！…查看更多

呢間小店主打傳統糖炒栗子、近百款涼果，健康乾果同進口花茶等😍仲有超過20款本地製時令雪糕，最特別係首創涼果口味雪糕，令其係雪糕關注組爆紅🍦💗栗子軟雪糕（$38）選用當季北方栗子混合日本牛乳製成，入口幼滑Creamy，栗子味香濃，同時好重牛乳味，兩者味道好balance，配上香脆嘅原味窩夫筒🌰💗話梅軟雪糕（$38）用上磨成粉末狀嘅話梅同日本1%乳脂製成軟雪糕，口感同樣順滑，味道酸甜開胃，最特別係最後再灑上話梅粉，有雙倍層次，配上較鬆化嘅威化筒🫒💗鹹檸雪葩（$38）鹹檸雪葩食起嚟冰涼清爽，超級消暑，檸檬酸味突出，帶少少鹹味，最正係有鹹檸檬果肉，配上好香朱古味嘅朱古力窩夫筒🍋‍🟩…查看更多