小房子 (大南街) (已結業)

早幾日無意中發現小房子搬左去大南街，新店有唔少乾花同舊屏風、木鋼琴等復古擺設。店員熱情地介紹menu同甜品櫃，留意返呢度只有花茶無賣咖啡，原本見到隔離枱個飯糰配蕨餅好吸引，可惜當日食左野先黎。提提大家，而家仲做緊有浮游攝影展~ 🍽檸檬磅蛋糕配雪糕半溶雲尼拿雪糕加果乾，賣相好精美，磅蛋糕密度頗高，濕潤得黎偏實淨，食得出檸檬皮味，我最鐘意佢夠酸，唔食得酸嘅連埋雲尼拿雪糕一齊食就唔怕。🍽豆腐芝士蛋糕豆香比想像中濃，質感幼滑輕盈，配消化餅底，仲有啲穀物碎同頗甜嘅抹茶糖漿。☕️冷泡銀毫茉莉綠茶呢杯正正常常，唔會太淡，茉莉味清香，不過定價有少少進取，14:00 後食tea set會抵啲。

𠵱間店喺旺角都好多人去過，最近搬咗嚟大南街，環境一樣咁靚，乾花搭配有心思，顏色望落舒服自然，配合昏黃燈光同舒適桌椅，令人好想午睡💤。14:00-17:00有tea set，是日蛋糕配任何一款茶，我哋就有檸檬🍋蛋糕配雪糕加玫瑰🌹桂花烏龍茶。蛋糕好迷你，似跟餐甜品，男人應該一啖玩完，雪糕唔會好甜，幾香雲呢拿味，夠滑，蛋糕略嫌過酸，蓋過甜味，酸澀得猶如失戀嘅感覺，好在有杯好茶中和返。杯茶嘅料好豐富，茶葉俾得大方，茶味濃郁，有玫瑰香，如果時間夠沖多轉水應該都夠味。下次再試新口味❗️