恩嚐甜品

順路經過，我又講緊地話企左係度，就見到呢個屋村入面有間幾有趣嘅甜品店！門口見餐牌有個芒果黑糯米腸粉，又唔貴，幾得意喎！芒果黑糯米腸粉$37冇諗過可以有咁嘅配搭，超好味！切開見到腸粉幾厚，驚會唔好食，原來咁厚先好，因為腸粉口感超好，少少彈牙，第一啖邊位味有芒果，好似食緊紫米露咁，第二啖有埋芒果有香左，各有千秋👍🏻檸檬汁凍疏乎厘$31好特別，未食過凍嘅疏乎厘，入面泡泡口感打得好好，上面有芒果肉，成個感覺唔會漏👍🏻法式醬汁煮洋梨$43呢個餐牌中最貴，食完覺得值嘅，有d舖頭可能會再賣貴d，或者呢度舖租平d啦！係熱食黎，入面有半隻梨，幫你切好一片片，醬汁類似焦糖燉蛋味，仲多一種香味，有種酒店水準，驚嚇😱醬汁偏甜，配埋煮到淋又唔再有味嘅梨，兩者配合得剛剛好！店員好好，將凍熱分開袋裝～👍🏻本身好鍾意食紫米露嘅我，已經好掛住個腸粉啦，咁到比佢諗到，配服！回頭指數：⧭ ⧭ ⧭ ⧭ ⧭抵食指數：⧭ ⧭ ⧭ ⧭ ⧭…查看更多

今日陪屋企人嚟采頤花園睇樓，離開嘅時候見到呢間恩嚐甜品，就順便買啲甜品返屋企。呢度嘅芒果黑糯米腸粉賣相十分精緻，而且上面仲淋有新鮮芒果汁。入面嘅芒果大大件，再伴以滿滿的黑糯米，當然唔少得椰汁大菜糕嘅外皮，真係好睇又好食。我就最鍾意食豆腐花，所以揀咗日式軟滑豆腐，仲加配咗紅豆(+$7)同雪糕(+$9)。紅豆份量相當多，仲有一大球雪糕。佢嘅日式豆腐比平時食嘅豆腐花更加軟滑，除咗有豆腐嘅香味，仲帶點奶香，配合半溶嘅雲呢拿雪糕就更加滋味，而佢嘅紅豆亦都煮得夠腍夠甜，成個配搭非常匹配。店員仲推介我哋試呢個檸檬汁凍疏乎厘，起初都覺得有啲其貌不揚。不過入口就甚有驚喜，檸檬汁味道帶酸亦帶甜，有啲似細個食檸檬味瑞士糖嘅味道，疏乎厘用蛋白打成，入面仲有一個個細小嘅氣泡，口感非常綿滑，好味之餘亦唔會覺得油膩。呢間恩嚐甜品嘅味道都幾出色，而且仲有好多唔同種類可供選擇，希望有機會再嚟呢度試其他嘅款式。…查看更多