黃珍珍泰國菜館

我成日都覺得，約朋友食飯，想約就要約，想去就要去！做咗阿媽講呢啲係幾衰，不過我哋早咗幾個禮拜約，爸爸又肯幫我湊住兩個，咁我就梗係要出嚟鬆一鬆啦！太耐冇食泰菜，我哋就相約在九龍城黃珍珍泰國菜館，我都算係半個地膽，去過九龍城嘅朋友都一定聽過黃珍珍。一坐低我哋就埋頭苦幹咁睇餐牌，我哋4位少婦，一人揀幾樣，一唔小心我哋竟然叫咗 11 個餸，兩款甜品！食物到枱，大家都一定係相機食先啦！唔係大家又點會睇到靚靚餸菜個樣，下面我就講下我哋叫乜叫咗咁多。生蝦刺身：食泰菜必叫，而且用嚟打卡一流，睇相你就知點解，真係超夢幻 (其實係啲乾冰造出嚟嘅效果)。新鮮生蝦配正宗酸辣泰式醬汁，仲要配埋呢個傳統泰式食法「生蝦、涼瓜、辣椒、蒜頭」一啖入口，層次豐富，真係睇得又食得之作。柚子沙律：超 fresh 又開胃嘅沙律，真係食完之後個胃可以裝多咗食物。燒澳洲和牛舌：牛舌絕對係嶠爸至愛，我就一般般啦！但黃珍珍呢個澳洲和牛舌，我就真係食唔停口，因為食落口超「冧」嘅，唔似平時嗰啲咁「un」。串燒鮮白鱔：呢個真心不得了，一上枱，我已經被佢嘅香味吸引住！老老實實，連我呢個唔好魚嘅人，食完一串都想再嚟一串，因為真係燒得勁香，啲汁真係同舊鱔好夾。炸單骨雞翼：聽店員講係新登場，佢哋係用無激素雞翼，配埋新鮮泰國香料醃製。食落口真係脆到卜卜聲。內層仲好 juicy，仲要係單骨食法，真係勁方便！冬蔭公湯：新鮮生猛嘅大頭蝦，煮出濃郁惹味嘅冬蔭功湯，酸酸辣辣勁開胃！泰式明爐元朗烏頭：呢個烏頭來頭不少，再經過黃珍珍嘅廚師團隊巧製泰式蒸烏頭，加入咗酸梅等泰式食材，突出魚嘅鮮味，另外仲加咗豬肉丸，夾埋魚湯一齊食，果然有驚喜。招牌咖哩炒蟹、法式麵包：法式麵包，沾咖哩食，勁正！或者就咁食啲咖哩炒蟹，一樣係食唔停口。馬拉盞炒泰國通菜：泰國通菜真係同一般通菜唔同，好爽口，再配埋馬拉盞炒，真係好香口。菠蘿炒飯：芊嶠至愛，入面有菠蘿粒，面有肉鬆，有腰果，放係個菠蘿入面上枱，真係又靚又香。泰式炒粉：估唔到個配搭咁夾，有酸酸嘅味，即便個肚已經好飽，但食完一啖都仲想繼續食🤪甜品 - 芒果糯米飯 (左) & 椰青糕 (右) 椰青糕 ：類似大菜糕，入面有一絲絲椰肉，所以有淡淡嘅椰香味。芒果糯米飯：黃珍珍嘅芒果糯米飯好特別㗎！因為係分別有黑糯米 & 白糯米，白糯米係出面少啲機會食到，但原來白糯米都幾好味！總結：對上一次食黃珍珍都年幾之前，今次再食，感覺同以前唔同，味道唔再似以前咁濃味，而且多咗啲「花神」，淨係個仙氣生蝦刺身，都已經好特別。下次一定要同老公仔女到嚟食！…查看更多

老字號信心保證👍🏻正宗泰國菜館相信好多人聽過名字都說之前食過，那就是位於九龍城的「黃珍珍泰國菜館」。而我卻是第一次來，原來咁好味😍食到停唔到口😝黃珍珍第二代傳人 Jacky 好熱情招待每一位客人，好細心咁推介客人最新鮮嘅菜式，熱情到好似識咗好耐嘅朋友咁🤣其實第一次見😆因為家姐搬咗去九龍城，所以家庭聚會就多咗喺九龍城，今次一家人嚟試吓呢間正宗泰國菜館。去黃珍珍泰國菜館必吃的就是「生蝦刺身」，平時食生蝦通常配辣椒同蒜頭，但黃珍珍就採用左傳統泰式食法，將生蝦、涼瓜、辣椒、蒜頭一啖放入口，肉質緊實富彈性，味道爽甜鮮美。記得點埋正宗酸辣泰式醬汁，滋味無窮，非常醒胃。「柚子沙律」黃珍珍嘅柚子沙律超大碟，好清甜爽口，唔會太酸又唔辣，味道調得啱啱好，非常開胃又美味。👍🏻「燒澳洲和牛舌」你以為生蝦刺身係必點，其實我就覺得這碟燒澳洲和牛舌，先係唔可以錯過嘅菜式，從來未試過食牛舌食到好似食緊和牛咁，入口即化，相當難忘。「串燒鮮白鱔」鱔皮烤得又脆又香，而肉質仍有點彈牙，保持到鱔的鮮甜。熱辣辣的鮮嫩魚肉在口中慢慢的漏油溶化，那滋味真的不能形容！「燒日本魷魚」口感嫩口又入味，味道香濃帶甜，口感Q彈。「炸單骨雞翼」採用無激素雞翼，仲用左新鮮泰國香料醃製，外脆內嫩，單骨做法好方便，小朋友都食到。「冬蔭公湯」三隻大大隻新鮮生猛嘅大頭蝦，非常搶眼，爽口鮮甜，蝦膏特濃😍「泰式明爐元朗烏頭」好多人都好怕食烏頭，因為好怕食到佢陣泥味😅而黃珍珍嘅烏頭係喺香港飼養的激罕烏頭，肉質幼嫩好多，黃油豐盛而且一啲泥味都冇，果然係好味。「招牌咖哩炒蟹、法式麵包」個咖喱炒蟹汁不得了，配埋個法式麵包食超夾。法式麵包超脆口，本來已經飽到十成食唔落，但因為個法式麵包太好味，忍唔住就食咗成個😆😆😆「馬拉盞炒泰國通菜」食泰國菜通常都會叫通菜，但原來黃珍珍嘅通菜真係來自泰國，爽口好多。「菠蘿炒飯」去到尾聲已經飽到暈，菠蘿炒飯就比屋企人分咗，我要留肚食甜品😝😝😝「泰式炒粉」當我以為我已經飽到極點，但最後又俾呢碟泰式炒粉吸引咗🤣🤣試左一啖，咁好味嘅？🤣🤣酸酸甜甜好開胃，又忍唔住再食多幾啖，今日好似黑洞咁🤣🤣係咁食😆😆「椰汁西米糕」晶瑩通透既椰汁西米糕，大菜糕口感伴隨椰汁香味，仲要冰涼口感，飯口甜品最適合不過。「芒果糯米飯」幾飽都要食既芒果糯米飯，有黑白糯米配鮮甜芒果，越食越掛住泰國，越食越想去旅行。忘了飲品，我地叫左芒果汁、奇異果汁、菠蘿汁同珍多冰，全部新鮮果汁👍🏻👍🏻👍🏻唔係糖水溝出嚟🥰老闆話所有菜式都無落味精，所以食完唔會好口渴。🥰一路寫一路好想再食😍😍😍味道🌟🌟🌟🌟🌟環境🌟🌟🌟🌟🌟服務🌟🌟🌟🌟🌟抵食🌟🌟🌟🌟🌟黃珍珍泰國菜館九龍城打鼓嶺道 23 號百營中心地下…查看更多

九龍城食泰國菜一向出名，不同大細風格的泰菜館多不勝數，但講名氣講龍頭一哥就一定是紮根46年的黃珍珍。由泰國廚師主理，對食材用料嚴謹，堅持保留傳統泰國風味，難怪留有一大捧場客。近期黃珍珍回饋大眾以優惠價推出「泰愛泰滋味」懷舊套餐，Tiffany當然即刻約齊朋友食好西啦^^整個套餐有8道特色菜，最後還有甜品，人少有6位半圍餐，人多熱鬧的都有12位，價錢都好超值架~!!頭盆要開胃就當然是酸酸甜甜柚子沙律，入面除了花生碎，還有蝦米醉，份外咸香，帶小些小微辣，作為頭盆十分開胃!!之後黎是噱頭泰國菜黃珍砂珍讚火焰燒雞，用泰國香料醃製，以先煮後燒的迫式，將雞肉表皮封住，皮多肉嫩，芬芳四溢上枱前再用火焰燒一燒加熱，將香味逼出，令人垂涎三尺大廚幫你配好以洋蔥、菠蘿、三色椒以及車厘茄做配料的酸甜汁，感覺有點港式炒咕嚕肉，餸白飯一流的菜式泰國掃街時總會買串燒食，雞、牛、豬都可以用來做串燒，靈魂就是醬汁，然後一串接一串......愈食愈多呢其實泰國沿海，都好多海鮮食，香辣海中霸伴青芒果絲是用上紅寶石魚，肉多肥美，上枱好夠體面將魚肉切件炸香，入口啖啖肉，連骨都好酥脆!正!!咖哩蟹跟法包，實不相瞞，Tiffany是一個包控，好鍾意食麵包，而黃珍珍所用的法包是由大廠供應，所以品質好好^^法包充滿了惹味香濃的咖哩汁，食兩個都唔夠啊>L<習慣每日都飲湯，酸辣海鮮湯就好夠誠意，好足料蟹、魷魚、蝦仁、青口都有.....用料十足...有重重的香茅味~~I LIKE IT^^未夠飽的話還有原個菠蘿炒飯^^去到我最愛的甜品部份，泰國最出名是椰青糕和香葉西米糕椰青糕入口清甜，用椰青水再加入刨絲椰子肉製成，好味得想多吃幾件；平日食西米糕多數食原味，黃珍珍破格推出芋頭、斑蘭和黑芝麻3種口味，還有椰絲芒果糯米糍，質煙韌軟糯。同朋友開開心心傾下計，又一飲飽食醉的晚上^^…查看更多

今日約左成班老友去黃珍珍泰國菜館聚舊！黃珍珍呢個名相信冇人會未聽過，佢地0係九龍城已經曆史悠久，聽就聽得多，但我都係第一次黎食佢地出左個新套餐 - 「泰愛泰珍味盛宴」，個名咁勁，一於試下啦！一席$2388 （原價$3288） 優惠做到1月23號咋！準備開餐 - 先黎柚子沙律柚子粒粒都好飽滿，仲要好大梳！原來師父用左金柚拆成肉粒，每一啖都可以食到柚子既香、甜、酸，咬落去卜卜聲咁好過癮！配以魚露、青檸汁、紅蔥頭等，個汁好夠酸，非常惹味醒胃！香辣海中霸伴青芒果絲師父用左泰國黎既「紅寶石魚」，非常之大條，肉厚而肥美！師父先將「紅寶石魚」炸過，但仍然保存到肉汁，肉質鮮嫩，再配以紅蔥頭、香茅、指天椒，再加上削皮既青芒果絲一齊食，又酸又辣咁，味道好豐富！珍珍讚火焰燒雞珍珍讚火焰燒雞選料為「走地雞」，上台時店員會在我地面前點火燃燒雞隻，陣陣香味即時釋放出黎，真係流晒口水，急不及待要起筷喇！一咬落去，雞件外層脆口，肉質非常嫩滑，而且肉汁豐富，再配以洋蔥、三色椒、車厘茄、菠蘿粒、魚露而成既汁，又juicy 又醒胃，正呀！ M6級咖啡炒蟹師傅選用左M6級大肉蟹，上台時大家都嘩然，好震撼，因為真係好大隻！！蟹肉真係好鮮甜，肉厚多肉，蟹味特出，絕對冇俾咖哩味遮蓋！師傅仲加左少少辣椒去整，更加惹味！講到咖哩，呢個咖哩汁真係整得好好，味道剛好，少少辣，味道夠濃，用黎配香脆法包，真係一絕！如果唔係要留肚食其他野，我諗我會狂點法包黎食！酸辣海鮮湯真係好足料，內有好多海鮮，數得出既有魚、蝦、蟹、青口、魷魚等等，而且樣樣都勁大件，勁呀！湯內仲加左香茅、南薑、金不換、紅蔥頭等等，又酸又辣，唔止惹味，仲可以配埋啲海鮮一齊食，一品兩食！什錦串燒沙爹什錦串燒沙爹共12串，有豬、雞、牛三款，串串都好大件，重點梗係佢個秘汁啦，沙爹香味好濃，咬落去好juicy，好味呀！馬拉盞通菜食泰國菜又點可以冇馬拉盞通菜呢，呢個菜整得好翠綠又爽口，加入左秘裝馬拉盞調味，非常惹味！原個菠蘿炒飯最後梗係要黎個主食啦！菠蘿炒飯亦係泰國菜必食之選，原隻菠蘿份量十足，飯炒得粒粒分明飽滿，內有蝦、爉腸、雞肉、腰果、大量肉鬆等，材料豐富，味道好有層次，同時食到蝦既鮮味，雞肉既鮮甜，菠蘿既酸味，仲有青豆既清新，好食！荔枝冰粒粒荔枝都好大粒甜品併盤最後最後，仲有甜品併盤，當中既椰青糕最為特別，聽店員講，師傅係用左新鮮既椰青同椰水而成，果陣椰香味非常濃郁，而且特別清新，可以中和返之前既濃味及飽滯感！除左椰青糕外，芒果糯米糍亦同樣出色！師傅選用熟度好夠既芒果，所以好甜，好香，皮又夠薄，正！今晚好好彩，撞岩有表演第一次黎食黃珍珍，非常滿意！唔止食物好食，服務亦非常好！而且地方夠大，就算一大班人聚會都冇有怕，黃珍珍是個聚會好地方！…查看更多

上星期六全家去九龍城搵嘢食, 諗住食泰國嘢又希望坐得舒服D, 所以楝了黃珍珍, 貪佢哋有半圓枱可以坐得舒服D及可以放什物, 六點半去到並唔多人, 見餐牌上唔算太多選擇所以叫咗幾樣例牌嘢柚子沙津: 樣同埋味道一般無什驚喜, 下次可以唔叫炸蟹鉗: 同酒樓飲宴時菜式味道一樣, 不過不失啦泰式拼盤: 整體非常一般, 炸魚餅最唔掂又淋又淡口青咖哩牛腩: 全晚最唔掂就係呢碟餸, 咖哩味完全唔掂又非常之淡色, 牛腩及牛筋唔入味而且切得好碎, 一個字講哂 "唔掂"咖哩抄蟹及焗豬仔飽: 隻蟹本身唔新鮮, D肉霉既, 但個咖哩汁味道反而唔錯, 用來點焗麵飽都幾好食椰汁酸辣雞肉湯: 味道正常榴槤抄飯: 呢個幾好味, 適逢呢排榴槤靚, 所以配合任何做法都會好食的, 碟抄飯味道香甜, 我最後包底食哂成碟, 好滿足總括來講, 同區的泰國食店食物質素都唔會差過佢, 而且價錢亦會平過佢的, 但要講坐得舒服真係無咩邊幾間好過佢的...…查看更多

在下今天初試牛刀，將我的第一次送給珍珍。約了中學時代的“project鐵三角” ── 兩陳一李，到九龍城寨一聚，到黃珍珍落腳，廢話少說，上菜！1. 冬蔭功湯 黃珍珍的冬蔭功湯，材落都落足，對於不嗜辣的我，酸辣程序都適中，兩位陳小姐就認為可以更辣。而為了更切合香港人的口味，黃珍珍的有加椰子汁，中和了辣味，個人很喜愛！2. 泰式燒豬頸肉 惹味版的中式叉燒加三中蝦片，穩穩當當，醬汁蠻好味！3. 泰式柚子沙律 對於 “沙律怪”的我，任何一碟普通的沙律我都愛，而珍珍這個也真的普通！哈！ 85%都是柚子肉，加入少許乾蔥、花生、蝦米粹及咸味醬料，有多三隻小蝦！就是這樣！中規中矩！4. 三味魚柳 甜酸醬加炸魚柳，又一中規中矩作品，好處在於沒有一般茶餐廳或大排檔的甜酸東西的那陣刺鼻的酸味。其實不值一讚，應該是要追樣才合格！5. 泰式咖喱炒蟹 如果這是她的招牌菜，珍珍應記十個大板！賣相可以，不過還是杷蟹蓋放上面好，懶得很！蛋漿埋芡，不過得個看字！她實際上是不怎樣有咖哩味的！我都不接受，一個咖哩痴會有比八十後更強的反對意欲、衝動！6. 小甜品 – 芒果糯米糍、椰汁糕、芝麻糕 雖然得四件，我們妙分了她們！全部都好味！！7. 珍多冰第一次試飲，都是糖加水，不過加了椰子汁，就成了我的寵兒！還帶有一點點米香，挺特別！~ ขอบคุณ! ~…查看更多

去完曲奇四重奏,搵地方醫肚,原本想去同心,又想起好耐無去黃珍珍,有朋友最近話幾好,又試下:得我同媽媽,叫左:蒜子胡椒鱔-好多炸蒜,好香,鱔亦肥美,但胡椒味唔夠柚子沙律-全碟都是柚子,份量足,味道酸酸甜甜,幾好!但我覺得其實加少少其他配菜如紅蘿蔔絲,會無咁單調,食味會好一點泰式炒粉絲-粉絲夠彈牙,唔會一舊舊!人太少,試唔到幾多野!…查看更多