泰簡單

营业中

休息中

呢日發現咗銅鑼灣嘅泰國菜，餐廳位於大廈嘅天台，有室內同室外嘅座位 。我哋就坐室外，夜晚更加chill同有情調吖嘛😂木瓜絲蝦沙律味道酸辣，用咗好多新鮮嘅材料🥗 入面嘅青木瓜絲幾爽口，加埋用咗啲蝦乾，所以入口都有海鮮嘅味道🦐 側邊仲有生菜可以包住木瓜絲沙律嚟食。燒泰式雞一上碟已經聞到好大陣香料嘅味道，餐廳用上檸檬葉加埋其他泰式香料去燒，所以食落口甜甜地，外皮真係燒到好脆㗎🐥 雞肉嘅肉質幾實淨，唔算好多皮下脂肪，所以食落口都唔會太肥膩。蟹肉炒飯幾鍾意呢個蟹肉炒飯，味道清清地，主要用上蛋同埋蟹肉去炒，更能夠食到蟹肉嘅鮮味🦀 呢個炒飯炒到粒粒分明，係個幾抵食嘅主食。飛天通菜餐廳用嘅通菜都幾嫩口，每條都細細條，唔會有渣🥬 有啲辣椒絲同埋一啲泰式豆豉做調味，食落口幾惹味。黃金夢呢杯係鮮菠蘿汁同埋鮮芒果汁混合而成，味道會好甜，飲落口幾有層次🥭珍多冰第一杯充滿泰國風情嘅飲品，入面嘅珍多唔會太硬，配埋椰奶味都唔錯。呢間嘅泰菜好地道，廚師同店員都係地道泰國人，下次仲可以同友人過嚟飲cocktail🍸

原來喺銅鑼灣總統戲院頂樓嗰度有一間好正宗嘅泰國餐廳，廚師同侍應都係正宗泰國人，夜晚仲開埋室外嘅位置好有feel添，啱晒打卡，室內就坐得好闊落，食物都好正宗，啱哂好耐冇去過泰國既我啦🤣木瓜絲蝦沙律 🥗呢個係一個甜甜酸酸嘅沙律，有木瓜絲、蝦同埋花生，有少少辣幾開胃，仲可以用脆卜卜嘅生菜包住嚟食添 😌椰汁雞湯 🥥 想飲一個熱辣辣熱唔辣嘅湯可以揀椰汁雞湯，比較清甜啲，椰汁味好香濃，再配埋香料好惹味😇菠蘿炒飯 🍍 食泰國嘢一定要食菠蘿炒飯，當然係係一個新鮮菠蘿端上嚟啦，有蝦又有肉鬆，好食！飛天通菜 🥬蔬菜方面就揀咗飛天通菜，都係一個必食嘅泰國菜式，少少辣辣地好好食😄黃金夢 🥭 佢嘅果汁係鮮榨㗎😍😍 黃金網係用鮮菠蘿汁同鮮芒果汁整嘅，飲落好鮮甜🥰鮮番石榴汁 🍋‍🟩另外試咗佢嘅鮮番石榴汁，一樣好新鮮🤩

今日是週年紀念兩個人簡簡單單吃晚飯。最愛這裡吃濕炒海鮮河粉、鮮炸蝦餅和泰式奶茶。 「濕炒海鮮河粉」材料魷魚、蜆肉、青口和蝦肉主要材料，用黃豆醬做芡汁惹味，海鮮食材都新鮮，河粉順滑。「鮮蝦炸餅」熱辣辣，外層煎至金黃色脆口，蝦膠都幾彈口，配泰式醬好味。除了以上食物還點了兩款健康泰式食物。「馬拉盞炒芥蘭苗」 用馬拉盞炒出來芥蘭苗比一般大，而且好爽口，有少少蒜蓉味和辣椒味。「木瓜絲蝦沙律」 酸辣味比較重，有蝦、芽菜，切成長而細的木瓜和車釐茄混合而成的沙律。除了泰式奶茶之外，有一款叫「暖意洋洋」是香茅薑茶，好舒服暖胃。

位於銅鑼灣總統戲院的泰簡單開業多年，相隔多年重臨人氣依舊旺盛。裝潢散發東南亞異國韻味，環境好chill適合打卡，設有戶外露天座位，營造出閒逸的度假風情。高樓底甚有空間感，室內有落地玻璃，可以一覽鬧市的景色。餐牌款式繁多，包括多款小食、湯、沙律、粉麵飯、主菜、海鮮、咖喱、蔬菜及甜品等，晚市更有cocktails供應。餐廳廚師及侍應都是泰國人，呈現泰式傳統地道風味。木瓜絲蝦沙律 $94泰式料理的酸辣總是能讓人打開一餐的食慾，青木瓜沙律口感爽脆清新。肉質爽彈的鮮蝦，混合辣勁不輕的涼拌青木瓜，激活夏日倦怠的味蕾。馬拉盞炒通菜 $105翠綠通菜味淡爽脆的特點正好與馬拉盞的鹹香風味互相匹配，用來炒菜生色不少。豆腐肉碎粉絲湯 $75泰國菜五味紛陳，一碗清淡湯品可以清一清味蕾，帶點家常菜的味道。配料豐富，集齊豆腐、肉碎、娃娃菜、菇菌和西芹等食材，吸收湯底精華。飯桶 $118以木桶盛載的炒飯份量驚人，足夠2-3人享用。大隻厚肉的蝦球，撒滿欖角和豬肉鬆等配料可以添上多重口感。炒飯炒得夠乾身，粒粒分明，軟硬適中，不會黏作一團，鹹香味重，讓飯粒滲入馬拉盞的鹹鮮味。鮮椰青 $55百份百純天然椰青水即開即飲，口味

餐廳：泰簡單地點：銅鑼灣謝斐道（入口喺內街地下，有𨋢上。）菜式：泰國菜餐牌：小食，沙律，咖喱，湯，主菜，海鮮，蔬菜，粉麵，飯，甜品，特飲，熱飲，酒類，飲品。木瓜絲蝦沙律 $94 另加一先黎一客沙律。木瓜絲蝦沙律有兩隻去殼蝦仁，主體爽脆木瓜絲伴有番茄，豆角，青瓜，個汁酸酸甜甜，完全唔辣，仲有脆口花生米加添口感。配有4片新鮮生菜，可以自製生菜包。鮮炸蝦餅拼香辣炸魚餅 $92 另加一小食叫左鮮炸蝦餅拼香辣炸魚餅。鮮炸蝦餅同香辣炸魚餅各兩件，每件再一開二易入口。鮮炸蝦餅熱辣辣，炸得皮脆肉質非常彈牙，味道唔錯。炸魚餅就散少少，不過入面好滑，食到又聞到超香香茅味，仲加左蔥花，味道好特別，其他餐廳少有呢個味，味道唔算辣。下底墊有一片生菜。點伴碟既甜酸醬更好味。泰式明爐烏頭魚 $268 另加一泰式明爐烏頭魚果然係明爐，滾到熱辣辣先食。烏頭魚超大條，肉質唔錯，好多肉食，吸左個湯味道更好。配料有好多肉碎，椰菜，草菇，蔥，辣椒，配料吸湯之後味道剛好。個湯仲有一粒梅子，好多薑片同香茅，所以酸酸辣辣，好醒胃。另跟個湯，味道就較濃同較酸，帶好香香茅味，配料都有肉碎，秀珍菇，燈籠椒，蔥。菠蘿炒飯 $128 另加一菠