陳小館 (已結業)

好日都唔出尖沙咀嘅我都比我搵到間食點心嘅好野餐廳位置非常易搵 係地鋪嚟門口好大 路痴都搵到😂星期六下午茶時間都唔多人卡位闊落坐得好舒服我地揀左鐵觀音☕️茶香夠香醇亦都好滑個茶仲靚過一般酒樓👍🏻我地都飲左好多估唔到點心都可以有high tea二人set都係$199 仲免茶介 唔叫對唔住自己😂先講最特別嘅「有雞先定有蛋先」即係安蝦鹹水角配原隻薑汁蒸蛋個造型勁可愛 差啲唔捨得食鹹水角個餡好足料留意返薑汁蒸蛋係凍嘅 可以留返最後先食佢好彩薑味唔會太重 可以留有蛋香 啱啱好之後講下啲咸點超多芝蝦蝦春卷同樣餡料好足 點埋喼汁就好開胃金箔蝦餃王個皮都ok薄 入面嘅蝦係爽口夠新鮮黑魚籽燒賣佢應該係用咗啲魚肉 加上黑魚籽比平時食開嘅燒賣個鮮味更突出鮮蝦菜苗餃個人最中意呢個個皮晶凝通透 好薄 夾嘅時候小心啲😂裡面嘅菜苗真係好嫩 加埋鮮蝦真係好好味😋到甜點喇麻香綠茶餅內脆外軟 又唔會好甜 正椰汁流心球其實已經好後先食佢但出奇地仲係個皮好脆 裡面嘅椰汁都仲係流心都幾重椰香🥥影雪白切糕咬落非常煙韌幾樣甜點都唔會太甜 所以唔會太滯 啱曬我👍🏻呢個價錢兩個人食仲有咁多款可以試到真係幾抵 仲可以影相打下卡添😂

尖沙咀新開親民抵食茶館—「陳小館」🍂🫖📣至31/10為至經OpenRice訂早茶/下午茶送紅米金莎蝦腸一份🥰😋推薦點心：🥢白金流沙包（二件）$20熱辣辣食個包好鬆軟，有空氣感唔會一團粉😍流沙餡有鹹蛋黃白味，唔會好甜仲有滿瀉嘅效果🌟真心推介呢到嘅包，必食！🤤🥢有雞先定有蛋先？$38雞仔係鹹水角嚟，好大舊🤭外皮香脆軟糯，熱熱地食唔會好黐牙☺️個餡唔會過份鹹又有汁，令到整體唔會因重油炸而又乾又油膩❤️配上薑汁燉蛋，味道偏甜唔算好滑，但可以中和食完鹹水角熱氣嘅感覺🐣🥢紅米金沙蝦腸（OpenRice 訂座免費）紅米腸皮做gimmick，食落味道同普通腸粉冇大分別。中間炸皮酥脆但略嫌🤏🏻 厚，蝦餡幾爽口同足料～不過食完都幾膩🙊🥢白玉棉花雞 $32魚肚唔係油浸，而且都有三大舊厚身魚肚，食落好有口感☺️啲雞都好嫩，食開棉花雞嘅朋友值得試試❤️🥢金箔蝦餃皇（二件）$23= 普通蝦餃不過個餡多小小都大舊啲，再加小小金箔☹️不推薦❌🥢炒麵 $28= 一啖啖油食落口🥢醬皇鳳爪 $28= 無乜醬，唔入味👫ʜᴋᴅ 80~95 ᴘᴇʀ ᴏɴᴇ

打風前夕，天色都仲好好，就同媽咪去咗一間位於尖沙咀新開嘅餐廳食點心。金箔蝦餃王兩大隻蝦餃，蝦餃上面點綴咗金箔賣相好吸引，蝦餃皮薄，入面隻蝦大大隻彈牙爽口，必點。黑魚子燒賣大大粒燒賣夠真材實料，點綴埋黑魚子更添層次。蜜汁叉燒包叉燒包熱辣辣夠軟熟，唔會死實實，叉燒包餡料都多。有雞先定有蛋先？見個名咁得意就叫嚟試下，雞仔其實係鹹水角，蛋就係雞蛋布甸，底下舖上瑪利餅乾碎，整個賣相夠晒吸引。雞仔出面塊皮甜甜地煙煙un un ,味道似煎堆嘅皮，而入面嘅餡料就係肉碎冬菇等鹹鹹地，整體就係鹹鹹甜甜咁好好味呀。蛋就雪凍咗嘅，似食雞蛋布甸。紅米金沙蝦腸出面紅米皮很薄，裡面炸得好脆，蝦肉食落夠爽，咬落好有層次感，必點。砂鍋温泉蛋牛肉飯半熟嘅溫泉蛋，蛋汁加埋牛肉餅同飯度正呀，飯食到粒粒分明啱啱好，唔會過硬過軟。堂食免收茶錢，另有加一服務。食到好飽。