真‧章魚無雙 (已搬遷)

依間係我食左五年以上嘅愛店，事緣我久唔久去葵廣整指甲，幾乎每次整完都會去買依間章魚燒食，已經成為左一種習慣🙈以前每粒章魚燒都係放一粒大嘅原隻章魚，口感好出色，當年我試過依間後再去大阪食唔同嘅章魚燒，唔知點解硬係覺得依間係最好食（可能咁啱係大阪試個啲比較一般🤣）好可惜自從疫情以來改為每粒用兩粒章魚粒，口感上有落差，但整體來講仍然好足料好抵食！粉團剛剛好唔會好似食粉咁，但亦唔會太薄容易爛，醬料亦比得好闊綽👏🏻雖然長期都好多人買要等，但都整得好快，一般十分鐘內有得食，即叫即整可以保持溫度🔥以下係多年來歷久不衰、我最愛嘅四款味道：🟠🐙 明太子章魚燒 $𝟛𝟚/𝟞 ᴘᴄs (𝟙𝟘/𝟙𝟘)No.1最愛，本身係明太子控，依間嘅明太子味好好食同份量好多🥰⚫️🐙 黑松露章魚燒 $𝟛𝟝/𝟞 ᴘᴄs (𝟡/𝟙𝟘)我最常食嘅第二名，用平時點薯條個啲黑松露沙律醬，我自己幾鐘意，不過部分人可能會覺得陣黑松露味有啲假，各花入各眼😎🦀🐙 蟹膏章魚燒 $𝟛𝟝/𝟞 ᴘᴄs (𝟠/𝟙𝟘)蟹膏份量多同味道好濃，加左少少蟹籽，個人覺得食得多會有少少漏。🥚🐙沙律蛋章魚燒 $𝟛𝟚/𝟞 ᴘᴄs (𝟙𝟘/𝟙𝟘)我幾乎從來冇聽過人叫依款，因為佢只係普通不過嘅蛋沙律，但我有一日突然覺得食來食去都係個幾款味，心血來潮想食蛋沙律，點知好有驚喜🤩首先係佢會保留一兩件比較大件嘅烚蛋係度增加口感，其次係蛋沙律凍冰冰章魚燒熱辣辣，咁極端地放埋一齊好特別！我個人來講真係好鐘意❤️🌟 Follow @gfgm.hk on Instagram for more 🌟…查看更多

我好好好好鐘意食章魚小丸子🐙，所以就算葵廣有好多好嘢食，明知食完食唔落其他嘢，但係每一次嚟到都會忍唔住食🥢，呢一間仲要標王係有原隻章魚🐙，雖然今次嚟到已經冇咗原隻，但係佢裏面仲有好多嘅章魚粒，佢有好多味都好好食，而我嘅最愛一定係明太子章魚燒，粒粒都好飽滿，好多明太子醬好多木魚，每一啖都充滿明太子沙律醬味，鹹香鹹香，熱辣辣嘅章魚燒一啖接一啖，好快就食完，即叫即整，大概等15分鐘左右，嗌完去其他舖頭睇下，再返嚟攞就差唔多啦…查看更多

🐙 <明太子章魚燒> $ 32/6粒 上個月久違地去咗一次葵廣，第一次試呢間人氣小店，超級多人排隊等候，證明一定好味道!!!落單到野食到手都差不多要20分鐘!留意店鋪主要收現金❤️章魚燒有多款口味，即叫即製，一拎到手熱辣辣，抵讚😆👍🏻明太子醬好惹味❤️鹹味中又帶有明太子既鮮味😍雖然章魚燒本身係偏淋，但明太子醬完全喺點睛之筆，濃香味十足🥳下次想order黑松露口味，睇落都好似人氣之選⭐️…查看更多

今次又黎度葵廣搵野食，每次嚟都少不免要食章魚小丸子🧆依家亦都係我嘅最愛😍🌈黑松露章魚燒6粒 $35兩款都係大約等咗5分鐘就有啦！一拎上手仲係熱辣辣，除咗用黑松露沙律醬之外，每粒章魚燒上面都有一pat黑松露醬，可以話黑松露味超級濃郁！小丸子裏面有一大粒章魚，但就好似冇落椰菜，口感爭少少🤏有埋就Perfect啦！而且佢加咗大量嘅木魚碎，一齊食真係好似去咗日本咁😌🌈明太子章魚燒6粒 $32呢款明太子亦都係我嘅最愛，面頭加咗大量嘅明太子沙律醬，有少少咁多辣，十分惹味！不過同樣地可以落返啲椰菜，增加成個味道嘅層次～…查看更多

對上一次食章魚燒已經唔記得係幾時 好記得仲要係唔好食既 食落成舊粉咁 隔咁耐冇食 要食返啲好好味既章魚燒 係葵涌廣場有好幾間都有賣章魚燒 但有兩間就專係淨係賣章魚燒既 兩間都好出名 但好似二樓呢間係再出名啲 長期都好多人買 咁今次就試左呢間先 味道都有成十幾款 有得揀六粒定八粒 我地揀左明太子味 六粒裝 店員話好快就有 可能因為係平日就冇乜人 真係好快有 六粒大大粒 望落勁多明太子醬同沙律醬 每一粒入面都有原粒既爪魚 仲要粒粒都熱辣辣 擺入口係辣口既 真係好好味 又平又足料又好味 下次會再黎試其他味 值得一試…查看更多

一向出街都好少食章魚燒，因為好多間都粉漿比例偏多，令到成粒章魚燒好似淨係食麵粉咁🙈但唯獨係去到葵廣，我地先會食章魚無雙嘅高質章魚燒啦😋🐙明太子章魚燒 ($30/6粒)小丸子粉漿、章魚同配料比例啱啱好，一啲都唔吝嗇，口感豐富😝調味出色，唔會過鹹，配搭埋帶鹹香味嘅明太子沙律醬，相比起普通嘅燒汁，又提升左一個層次⭐️最欣賞嘅地方係即叫即整，所以每次食都係熱辣辣🔥好有誠意，呢個價錢簡直無得輸😂推介💯…查看更多

繼續葵廣系列。朋友喜歡吃章魚燒。我其實也很喜歡，但剛從大阪回來，還試了超過5間的小丸子，真的有點擔心香港的質素會有落差很大之感。但share食都係幾粒姐，就陪她一戰吧！-款式都幾多，十款有9款都是特別款。所謂特別款，就是topping/ sauce不同而已，下面的小丸子本體是相同的。我們選了明太子章魚燒。章魚丸本身比較實在，粉多餡料並不多，很普通；特別之處想必就是醬汁，一食之下就是現成明太子醬(淡味版)。作為喜歡明太子醬既人泥講都唔錯既，但個人還是覺得這樣的配搭不及原味好食。-傳統做法傳統配搭，有時候，是有它的原因。…查看更多

🐙🐙明太子章魚燒 $30@6 $36@8🐙🐙📍真.章魚無雙 葵涌廣場2樓📍 終於有間似樣啲嘅章魚燒👏👏曾經香港街頭都有好多“有章魚”嘅章魚燒🐒不過越黎越少 就算而家多翻 都好多伏的😣(旺中 伏!)呢間最抵讚一定係每粒都有完整章魚鬚🐙🐙新鮮整要等5-10分鐘(值得!!!).有滿滿嘅明太子 微辣 配酸甜嘅美乃滋💓仲有隔離咸香嘅木魚片一啖放入口(唔怕熱嘅話)係好好好滿足😚假如粉漿再塞滿少少 皮再煎脆少少 就完美😎 .老媽同我都話好味 一定會再食👋👋Delete Comment…查看更多

依個真係好高質嘅章魚燒👍🏻，依間有嘅章魚燒有好多口味，蜜糖介末，黑蟲露等等最重要係。。。竟然有明太子嘅口味我真係雙眼發光❤️❤️，仲要岩岩扲出泥個下啲柴魚片郁郁下😍明太子嘅味道好出，每一啖都有濃濃嘅明太子味道，好幸福唔會比其他調味遮左，而且醬料落得夠多唔會小，沙津醬都好夠，仲要入面舊章魚係大大粒🐙，每粒章魚都係有腳，係有腳，有腳 正啊😊，每隻腳都齊哂咖😍真係每一啖都有滿滿明太子加章魚味又唔會好多粉，只係食到章魚…查看更多