真鮨

約咗好耐無見嘅大學朋友食晚飯😁一早約咗嚟食日本嘢，可惜其中一位朋友身體唔舒服，我哋叫咗啲熱食share, 不過我同另一位朋友都叫咗兩款壽司自私食😂 吞拿魚(赤身)壽司正正常常，魚味幾重，切得比較薄身。 火炙燒左口魚群邊壽司一直係我大愛，入口即溶，啲油脂香到呢🤤 明太子玉子燒 — 哩個我最推薦！一碟有六件，玉子超級厚，外層微熟內層頗滑，中間嗰幾舊玉子燒嘅明太子多到流出來🤩 芝士鰻魚玉子燒 — 相比之下較為遜色，無咩芝士味，鰻魚又好細塊。 豚肉鍋嘅湯底幾清甜，豚肉好厚切但唔夠入味，份量亦太少。仲叫咗四款串燒，露筍豚肉串同埋大蔥雞肉串都okay, 牛舌非常鹹! 至於燒豆腐我就無試到😛.總結：食物不過不失，散叫嘅話性價比唔算好高，叫SET會抵好多，唯有等朋友好返再食過啦😂不過哩到坐得好舒服，地方唔大但啲枱都放得疏落，好適合同朋友嚟聚舊!…查看更多

🔥Moshi Moshi店舖唔太，但餐牌選擇多，仲會有每日精選推介，真係會選擇困難症發作😂🔥不過我今次黎嘅主要目標只有兩個！就係蔥花海膽大阪卷同蟹霸丼！🔥蔥花海膽大阪卷🔥大阪卷嘅饀料一目了然，有海膽、吞拿魚蓉同蔥。想分開先試饀料又得，包埋做卷食亦得，得左！海膽新鮮但未到甘甜，而呑拿魚蓉就好肥美🤤紫菜夠脆，成個卷都啖啖外脆內綿密😛🔥蟹霸丼🔥話明蟹霸，梗係全部都係蟹。有原隻炸軟殼蟹、蟹肉同蟹膏，仲有半隻糖心蛋點綴。炸軟殼蟹肉厚、唔腥、唔油口。蟹肉同蟹膏份量慷慨，淡淡飯都有蟹鮮美👍🏻🔥唯一不足嘅係整體份量細左啲。🔥其實愛蛋嘅我又點會錯過玉子燒😛🔥明太子玉子燒🔥玉子燒得嫩滑，明太子份量適中。睇下個近鏡👀總括而言，食物幾好，價錢未到超值，但以尖沙咀旺位黎講，還可以啦🤔Moshi Moshi，值得一試！Feast Level:🔥🔥🔥🔥/5…查看更多

雖然是日天氣不似預期但難得早收工又可以同女友去食下好野依然保持好心情😆🙌🏻適逢我同女友都鍾情日本菜早前有朋友介紹呢間質素不錯吃還掂行開黎呢頭一於黎撐下枱腳啦☺️Moshi Moshi位於尖沙咀金巴利道喺尖沙咀B1出口經彌敦道行過黎都算方便呢度裝修以木為主周圍都放左好多日式擺設同掛畫仲有好多靚酒🍶環境好有格調而呢度野食都有好多款式最後我地叫左三款刺身、芥末八瓜魚及三文魚籽軍艦、親子卷、花之戀、蒲燒鰻魚串、明太子玉子燒同埋豚肉露荀串刺身 (三文魚、油甘魚、吞拿魚)刺身厚切夠哂足本！即叫即切亦十分新鮮三文魚刺身脂肪比例均勻而且入口散發魚油香油甘魚刺身口感就比較厚實食落魚脂亦好濃郁吞拿魚刺身就色澤鮮紅食落鮮甜亦唔會起筋軍艦 (芥末八瓜魚、三文魚籽)軍艦紫菜香脆唔會話淋哂芥末八瓜魚有微微芥末香亦好有口感而三文魚籽食落一啲都唔腥食落亦好鮮甜親子卷及花之戀兩款都賣相一流親子卷面頭既三文魚籽同樣地食落一啲都唔腥而且食落鮮甜而花之戀面頭既蟹籽亦增添口感配合夾心沙律醬亦係好夾另外三文魚脂肪比例均勻入口散發魚油香雙重享受！蒲燒鰻魚串鰻魚好肥美！而且燒得好香又唔會太燶食落啖啖肉同魚油香必食！豚肉露荀串豚肉脂肪比例剛好唔會話太肥膩燒得有微微鹹香亦唔會太燶配合鮮嫩露荀一齊食亦可以中和肉味無咁漏明太子玉子燒賣相十分吸引！玉子口感軟熟香嫩蛋漿同糖份比例亦好均勻配合玉子燒既內餡明太子有微微鹹香之餘灑上木魚絲蔥花蟹籽亦好有口感！必食！…查看更多

趁著今天是星期五，特意來一個自製早放，跟好友來一個happy Friday。這間餐廳位於金巴利道，從尖沙咀地鐵站出發大約走五分鐘便到，地點尚算方便。這間餐廳的裝修簡單，令人感覺舒服。但要注意的是門口有一條樓梯，如果要照顧老人家或是小朋友就可能要留意一下。我們一行二人點了幾道菜分享。1) 雜錦刺身拼盤(⭐⭐⭐⭐💢):這個刺身拼盤一式六款，包括了三文魚，油甘魚，北寄貝，帶子，赤蝦和魷魚。三文魚和油甘魚都是厚切，脂肪分佈平均，入口即溶。北寄貝和魷魚吃起來爽口，而且魷魚是包著青瓜的，十分特別。相比之下赤蝦較為細隻，但也鮮味，肉質結實。2) 各式壽司(⭐⭐⭐⭐💢):另外叫了四款壽司，分別是三文魚腩，劍魚腩，黃金蟹膏和蟹鉗軍艦。三文魚和油甘魚壽司不過不失，十分肥美。蟹鉗軍艦看起來十分吸睛，味道也不錯，蟹肉鮮甜而且結實。蟹膏也挺為甜美。相對之下，這個黃金蟹膏吃起來較為香口。3) 各式串燒(⭐⭐⭐⭐💢):另外也叫了幾個日式串燒，包括雞皮，雞肝，豚肉和牛舌心。串燒都是即叫即燒的，上枱時還是熱辣辣。豚肉串燒加了七味粉，吃起來微辣，十分惹味。雞皮十分脆口，送酒一流。另外牛舌心和雞肝也挺不錯。4) 明太子玉子燒(⭐⭐⭐⭐💢):玉子燒的蛋十分嫩滑，而且雞蛋味十分濃。明太子爽口，令這個玉子燒吃起來十分有層次感。整體而言，這間舖頭的食物質素不錯，價錢中等，都可以考慮再來。…查看更多

呢個晚上約左一個好耐無見既朋友，咁佢呢排岩岩生日，就話放工之後約出黎傾下計食個飯，順便去朝聖出名既珍珠奶茶，但飲珍奶之前，我地話想搵間餐廳輕食一下，食小小野先再去飲。朋友話想食日本菜，再加上openrice見到呢間叫moshi moshi既餐廳好似幾多好評，就決定黎試下！地鐵站B出口行過黎都唔算遠，六點九行到過黎餐廳，都未洗等位。餐廳環境:餐廳環境好舒服，都有好多正宗日本餐廳既一啲擺設，擺設都幾精緻，幾岩人打下卡影下相，我無影咁多，主要都係輕食為主！原條池魚 $188先黎既係原條池魚，餐牌話係築地原條新鮮既池魚，好耐無見過原條上，餐廳起左魚肉，大概有九件，另外配上sauce，個sauce酸酸地好開胃，池魚本身我都唔多食，首先佢絕對係無任何腥味，入口果個口感係好正，佢唔會話好難咬或者太軟，口感岩岩好，肉質食得出係鮮，呢個價錢食呢個質數，還可以！章紅魚壽司 $18 甜蝦壽司 $21章紅魚壽司朋友話味道還可以，我食果件甜蝦壽司就好fresh，食落唔會有腥味或者臭味，通常去食放題成日會食到唔新鮮既蝦，會有腥臭味，呢份甜蝦係真fresh同好味！海膽和風軍艦 $42 原條赤甘鯛壽司 $38朋友太鍾意食魚，佢話原條赤甘鯛壽司味道唔腥，口感好好。而我食既海膽和風軍艦真係超級好味，海膽夠鮮唔臭，三文魚子好好味，魚子油味重，吞拿魚腩入口即融，估唔到呢個價錢食到呢個質素。明太子玉子燒 $72我不嬲都係有玉子必叫既人，日本餐廳多數都有玉子，估唔到呢到仲有明太子玉子燒，所以我係諗都唔諗就叫左，六件明太子玉子燒食完真係好想encore，不過只係輕食所以無encore，玉子燒上面有小量蔥花同蟹子，配上甜而不"濟"既玉子，夾埋明太子簡直係人間美食，呢個真係必食推介！牛舌+豚肉+雞肝+雞皮 $146最後我地仲叫左四串串燒，一味豚肉串有小小spicy，不過肉好軟入口好好味，味道好過癮；蒜香燒牛舌心好軟，一咬就開，味道口感都唔錯：燒雞肝朋友就覺得麻麻，佢唔太鍾意內臟，我就ok既，我覺得味道甜甜地，都幾好食，一咬開就化，食完spicy跟住食左salty再去到個內臟就甜甜地，三個既味道真係好唔同；燒雞皮串就好脆，炸油味好香，咬落好似食緊薯片咁。…查看更多

日本磯燒真係好吸引 不過唔係度度都做得好😀依間不俗門口就已經有大大個menu 同大家講有磯燒 唔係淨係日本野 磯燒套餐 賀有分賀同盛 簡單啲黎分就係一人份同二人份😂 雖然我地2個人 但朋友小烏胃 所以都係叫個賀頂下癮算數未燒之前會俾你睇下啲食材先 咁啱今日有貴花蚌 所以我就轉咗試下😂個爐唔喺自己面前燒 所以唔會好熱 但都唔需要擔心啲食材會俾人換咗 因為每次只會燒同一枱既食物 蟹蓋超鮮甜 一啲都唔腥 蟹肉加蟹子完美口感 加上蛋黃 唔算好膩balance 唔錯😂 用木匙食 仲唔怕會熱口 好貼心貴花蚌 勁鮮勁甜 又大隻 夠哂爽口彈牙 啲汁都好清甜 值得一試👍🏼明太子玉子燒👍🏼超人氣之選果然實至名歸 明太子filled up哂玉子內部 就黎爆咁樣 玉子鬆軟 入口好fluffy 再加明太子粒粒 好match !!仲有淡淡既魚味 應該係上菜前加既sauce 令成件事都好加分❤️油甘魚甜蝦海膽丼魚夠油脂 蝦夠爽口 海膽texture 不俗 重點係！ 分量唔會太少 令每一啖飯都可以食到魚生 正正！…查看更多

上次食味道唔錯，今次朋友話想食日本野第一時間就諗到佢，有新菜單，磯燒味道出色，其他野一樣保持水準店內裝修幾清新，似文青cafe多過食日本野。座位夠哂闊，食飯同傾計都好舒服，最讚係餐具擺設都用心，望到就覺得舒服食物選擇多，丼飯同小食都好多款，磯燒係新餐牌，咁梗係要試一試啦！擺盤好靚，而且好新鮮，店員仲貼心咁問要唔要加鵪鶉蛋，之後店員會拎番入去叫師傅燒，唔洗自己郁手燒過後都冇縮水，好鮮甜而且冇沙，加上因爲新鮮帶子食落爽口唔霉身，好正！象拔蚌係最愛之一，鮮甜爽口。師傅火喉控制得好好；蟹腳反而冇想像中咁甜，都可能係其他太正佢就遜色左朋友最愛，充滿蟹膏香味，其實鵪鶉蛋味唔出，但加左口感就更柔軟，我地貪得意加落飯一齊食，極惹味！不如店家考慮下出過燒蟹蓋丼刺身舖滿飯面，油甘魚係我愛嘅味道，唔會太重油味但又夠香，而且冇筋口感好好；甜蝦一個字甜；海膽新鮮唔算係食過最鮮甜，不過冇腥味亦入口即融，而且份量唔孤寒！上一次都有叫，今次再回味一下。上菜前店員會將醬油淋上面，香味出哂黎！蛋好嫩滑，明太子份量好多，食到中間覺得味道太重，但朋友話充滿咸香好正，真係睇個人口味又一encore 之選，比上次炸得更脆，炸粉比例就更加好。南瓜同蕃薯天婦羅好甜，中哂我口味；不過最讚係軟殼蟹，大大隻好厚肉地，仲有膏！另外店員好貼心，見我地兩個人主動俾多碟汁第一次食味道好正，今次繼續保持水準，新嘅磯燒套餐有驚喜。雖然價錢唔係特別平，但食物質素值得呢個價！…查看更多

已經跟這幫朋友認識第七個年頭，每年都會互相慶祝生日，今次特意選了這間新餐廳！被安排坐在門口旁邊，自成一角都頗方便，但有時需要侍應時會有點困難LOL，若有鐘按會方便些。我們有六位，落單時侍應說可以幫我們切成六份，但上菜時還是只有五份⋯這裡有點扣分。食物質素則滿意的。明太子頗多，玉子很嫩滑，好吃。下至上：海膽芝士串燒 ，十分推薦，可見海膽份量十足，芝士味也很濃郁。豚肉露荀串，中規中矩，沒有深刻印象花枝明太子串，明太子不算多，普通。實物與圖相差都幾遠LOL menu上的海膽是有厚度的😭！飯量很多，整碗應該有3/4是飯，魚生是表面的一層。雖然份量有點失望，但魚生質素幾高，海膽是鮮甜，頗新鮮。芥末八爪魚芥末味頗重，吞拿魚蓉都好吃😋紫菜則不夠脆，有點腍。朋友那個都圖文不符，飯量太多她更吃淨半碗。我們還叫了兩碟小食，六人埋單千七，性價比尚可，但未必有下一次。值得留意是暫時未有信用卡服務，大家來吃記得禁定現金啦！…查看更多

近期興日本丼，今次同好友去尖沙咀試新野店面唔大，但裝修有心思，高樓底令用餐環境好開揚，餐具亦精緻雜錦丼好快就上，食材幾乎舖滿飯面，而且望落好新鮮三文魚子大大粒得黎好飽滿，同飯一齊食中和左咸味，好鮮味；三文魚厚切而且十分肥美；蟹腳幾重海鮮味，偏咸但帶鮮甜味；最愛嘅海膽份量幾多，入口好滑，但鮮甜味道略為不足。雖然好似大大碗，其實飯量唔多，一個女仔食哂完全冇問題～上菜前店員會先淋上日本醬油，超級香！玉子又香又滑，明太子夾中間份量幾多，唔算好辣。咸香嘅明太子夾埋玉子一齊食好正最後上天婦羅，應該係因為即炸需時。食材好新鮮，有大蝦、軟殼蟹加蔬菜。炸漿裹得唔厚，不過口感偏硬，差少少香脆感。好滿足加滿意嘅一餐，食材新鮮而且製作認真，全部菜式嘅味道都唔錯，最推薦明太子玉子燒少少不滿係我地去前上Facebook 問左打卡會有85折，但電話book位時又話係88折，價錢唔係問題，但希望下次寫清楚唔好一時一個說法。…查看更多