櫻花日本料理

平時唔多寫食評，不過呢間餐廳嘅鐵板燒對挑選食材嚴謹嘅程度同埋對調味配菜配搭嘅細心，令我好想記低佢！千幾蚊食一餐當然唔係可以日日食，但係間唔中一次獎勵下自己嘅肚皮仍然值得，辛苦得來志在食丫嘛！而且試過，知道食材嘅質素，就會覺得物有所值和牛一向係我至愛，所以不假思索我就點左近江和牛套餐！今次食評重點講下塊和牛點餐無耐，就見到塊色澤好靚脂肪均勻嘅近江和中送左入嚟慢慢解凍師傅處理過程十分認真，最後仲用猛火烤一烤外皮，將肉汁鎖著，呢一下真係好有視覺效果切開咗嘅和牛見到肉色仲係粉嫩，剛剛好5成熟，近江和牛嘅脂肪感無咁重，唔會有好膩嘅感覺，而且牛味好濃，又多肉汁，真係好令人享受，師傅嘅烹調掌控應記一功！除左和牛之外，我仲好難忘拌碟嘅蒜片，連蒜片都係來自日本，炸到脆卜 卜，蒜味好香，下次去日本都要帶啲蒜頭返嚟個套餐其實仲有好多嘢食，由小吃頭盤前菜主食湯最後以水果甜品作結，真係捧住個肚走，而且無一樣嘢令你失望，呢餐確實驚喜！小吃：鱈魚片，一啲腥味都無，每片都好薄，話咁快就清晒三式刺身：新鮮肥美，入口即溶燒鰻魚：外皮極脆，鰻魚肉夠滑又juicy，非常香口沙律：其實串海葡萄先係主角炒野菜龍蝦麵豉湯：個龍蝦麵豉湯好鮮味甜品：焦糖多士，呢個焦糖多士確係驚喜，師傅預備緊嘅時候已經聞到好香嘅焦糖味，仲見到塊多士煎到脆卜卜，放到我前面嘅時候真係忍唔住即刻放入口，多士有香脆，焦糖嘅味道亦索晒入去，除左塊和牛之外，令我最回味嘅竟然係呢兩片小多士，哈哈！最後，仲想提下餐廳特製嘅調味料，雖然無乜點用嚟點嚟食，因為食材太靚，我比較鍾意原汁原味去感受食材，但係我每款調味都有試左少少，真係調製得用心出色，令我覺得餐廳係好有誠意去做好每一件事…查看更多

友人約這店共晉晚餐，一聽到店名，即時想起...... Sakura sakura 那首日本歌 ^_^再想起以前去日本賞櫻的開心往事。所以都頗期待是次晚餐 一入內，簡約設計，仍隱藏著日本風格。座位寬敞舒適，坐這裡都不錯。殊不知，我們不是坐在這裡，是坐獨立房間呀 令我既驚且喜...... 原來今餐食鐵板燒！我們點了晚市套餐，主菜是龍蝦及日本近江和牛。餐具的擺放都很講究。先奉上小吃，鱈魚片，燒得香口，再沾上沙律醬更惹味！精緻的前菜，為這晚餐打開序幕 ^_^刺身三點，有金目鯛、牡丹蝦及活赤貝，鮮甜美味 黑松露炒粒貝，放醬汁都似藝術品！原味食到鮮味及黑松露味，亦可沾上羅勒汁，食到另一番風味！而我較愛原味，夠鮮！我亦愛吃鰻魚，皮脆肉厚，煎得香口，再配上鰻魚汁，非常美味！和風白飯魚沙律，白飯魚配沙律菜很特別，別有一番風味 主菜出場喇 廚師突然叫我們準備影相或攝錄......突然 "Boom" 一聲，嚇一跳，但很精彩 日本近江和牛配蒜片！一口牛肉粒，入口即有少少想溶的感覺！再配上脆口的蒜片，恰到好處 另一款主菜，蝦羔龍蝦！嘩！啖啖肉，爽口彈牙！蒜片炒飯，粒粒金黃、香口，不太油膩！焦糖多士，很特別！煎香麵包，加上牛油及砂糖，就製作出這個香口，一口的焦糖多士！這款金箔水信玄餅的甜品，簡直無懈可擊！像水滴一樣晶瑩剔透，再配上金箔，更顯得高貴！口感清爽、入口即化！…查看更多

首先要給櫻花日本料理員工們比個like帶給客人幸福快樂的鐵板燒十分友善及健談他們同事之間嘅互動會令人感受到他們工作得很快樂其實一個開心嘅環境係會感染到客人的與朋友二人同行他們安排了入鐵板燒廂房 成師傅便可以專心為我們烹調美味的食物揀了兩個晚市套餐第三行可以自由配搭所以要了香草牛油炒象拔蚌和鵝肝而主菜就要了伊勢海老(龍蝦)及近江和牛首先前菜左:苦瓜天婦羅香脆可口，一啲都唔苦中:泥芋清新小食，味道唔錯右:岩石蛋係將蛋白同蛋黃分開做，食落有點像蛋糕，蛋黃味出。鵝肝外皮煎得十分香脆，內軟充滿油脂感，非常滿足，旁邊有師傅調教的橙味醬汁，與鵝肝十分夾，可以中和番少少嘅油膩感，他還教我們可以與旁邊的水果一起吃。香草牛油炒象拔蚌煎得啱啱好，象拔蚌爽口鮮味香草牛油非常香但一啲都唔鹹。 原味鰻魚一般我們在外面吃到的鰻魚都是醃定的但這裏是原味一路煎一路調味的外面很難吃到這種鐵板燒鰻魚因為時間好講究同埋師傅功夫也很重要看見師傅不停地將鰻魚皮壓在鐵板燒上果真鰻魚外皮十分香脆而肉質多汁嫩滑他們十分細心，在吃主菜之前，會讓你吃沙律清一清味蕾，就算是沙律味道一點也不馬虎。龍蝦加了少許海膽汁，增加creamy感肉質爽口彈牙龍蝦頭還會攞去淆湯日本近江和牛油脂分佈漂亮 師傅話蒜片是日本貨來的，師傅功力真的很好，蒜片十分香脆，因為是日本貨所以一點也沒有苦澀味，近江牛五成熟，煎得十分香口，肉質鬆軟，牛味濃郁，加上油脂感， 點少少旁邊的鹽，好味到唔識點形容我唔記得咗呢個甜品叫咩名但非常漂亮，估唔到最後上的甜品也令我很滿意味道有點像吃龜苓膏或者係涼粉誠心推介這間用心烹調的日本料理餐廳成師傅為我們烹調的食物十分美味，食物充滿香味，鮮味，就連醬汁及配菜都不會忽略，味道不會過火，所有味道都啱啱好。這一餐令我十分幸福滿足。…查看更多

朋友應該是「無事常相見」的，有朋友建議去中環蘭桂芳試這間櫻花日本料理，主要是食鐵板燒的，亦有提供刺身及壽司，我都好耐未食過日式鐵板燒了，就去試一試啦。晚餐 Set Menu 得三個餐，我們四個人，當然每人叫不同的餐來試啦。四個人已經可以開一間房，我們那間房最多可坐六個人，等廚師為我們主理鐵板燒。當海鮮送到來的時候，隻鮑魚真是超大隻，足足有成隻手掌咁大，而且非常新鮮，仲識得郁。呢塊日本近江和牛的花紋好靚。好似是 A5 來的。未食鐵板燒前，先上個前菜，店員介紹應該跟次序食，次序為：左下(蛋黃醋蟹肉)、右下(櫻海老團子)、上(翡翠冬瓜)跟著上刺身三點[左(金目鯛)、中(牡丹蝦)、右(活赤貝)]，金目鯛鮮甜而沒有魚鯹味，我真是要推介，牡丹蝦及活赤貝亦很鮮甜。配上新鮮即磨而不刺鼻的芥辣，真是絕配。鐵板鰻魚，廚司煎得個魚皮極脆，上碟時亦有鰻魚汁伴碟，但我個人覺得味道偏淡，可能是我食得太多傳統的日本燒鰻魚的關係，鰻魚總覺得是要超多汁才行。四成熟和牛粒真是入口即溶，配日本蒜片食，好夾。跟著上沙律，左邊的白飯魚 BB 令這個沙律變得不平凡，白飯魚 BB 極鮮味，簡直是成個沙律的神來之筆。炒飯，個人建議，用蒜片來炒飯，應該會比用蒜蓉來炒飯來得更香更好食。呢個是店方請我們食的焦糖多士，加了牛油，實在太香了，但煎得有少少過火，所以有少少苦味，不過這可能就是焦糖獨有的味道罷。最終來個甜品，水信玄餅我就食得多，但真是第一次食有金箔的水信玄餅，加了黑糖真是超好食。…查看更多

慶祝阿妹生日，為表隆重其事，我呢個阿哥當然要認真安排吓，一於搵間我哋至愛嘅日本料理作為生日晚餐。突然想起，之前東京旅行有晚住河口湖溫泉酒店，當晚所食嘅鐵板料理，每道菜都係廚師即席炮製，相當特別！喺香港就未食過此類料理，就以此為晚餐目標，發現一間一致好評餐廳「櫻花日本料理 」，一於即時訂位，兩兄妹係中環嚐「櫻花」慶祝啦！餐廳原來幾易搵，一岀地鐵向蘭桂芳那邊，未需上到蘭桂坊已見右邊的一條食街，行入少少就見一條特別半旋轉樓梯，就係「櫻花日本料理 」啦！訂座時已告知餐廳今晚會選擇鐵板Dinner Set，一到步服務員超有禮貌帶我哋入座，安排咗一間相當闊落嘅房，只有六個座位以U字型圍住鐵板爐，廚師就係面前即席表演廚藝。其實除咗Dinner Set，仲有Omakase Menu Set，仲有好多唔同種類散叫食物菜式。今晚我就分別選擇咗龍蝦&和牛主菜Dinner Set為阿妺慶祝生日啦⋯⋯yeah yeah！再看看飲品menu，當中清酒係食過嘅日式餐廳中最多款式選擇的一間，而且價錢亦好優惠。我好奇問問服務員，原來餐廳所供應的清酒之多，可迎合不同食客喜好，極適合一邊食日本料理、一邊嘆清酒。由於阿妹酒量好淺，唯有下次再同其他朋友嘆過。先講服務，好耐都無用”賓至如歸”來形容一間餐廳所提供嘅服務質素，完全感受到服務員係用心對客。服務員笑臉迎人之餘，每道菜每樣食物都細心講解食物來由和所伴醬汁食法，又時時刻刻留意客人所需，經常主動添茶，到上甜品前更換上新茶和毛巾，享受美食嘅同時，亦能享受到真正嘅服務，超讚！嘩、曄、嘩⋯⋯「主角」終於岀場啦，就係廚師與美食，哈哈哈！未表演廚藝前，親切嘅廚師先show今晚我哋嘅新鮮美食，並逐一介紹各食物主角，眼前所見嘅鵝肝、龍蝦、和牛等，未品嚐先興奮⋯⋯哈哈哈！今晚嘅美食就以前菜作為序幕：「前菜」兩首，第一道已有三款，簡直係一幅美畫供「嚐」，分別為 ——水雲醋物：其實水雲係藻類食物浸上醋，酸酸滑滑的海藻，非常之開胃醒口，正！素之籽：口感得意爽口，相當特別。上層岩石蛋黃、下層蛋白再伴上黑松露：賣相當吸引，岩石蛋口感獨特又極富蛋黃香，再與下層蛋白+黑松露食，超正。燒鱈魚餅：燒得香口嘅鱈魚餅再點上少少沙律醬，兩道前菜後，我嘅胃口大開啦！刺身三點（牡丹蝦、目拔魚、赤貝）——牡丹蝦：超鮮甜爽口，大大隻牡丹蝦放入口中，勁滿足！目拔魚：好特別，比較少食到嘅一款剌身，得知係魚班類的一種。鮮甜口感獨特，超正！赤貝：一樣超新鮮甜美，好好食！剌身又係似一個藝術品般上枱，已先滿觀賞美感。三款剌身都超新鮮、超好味，口感亦各有不同、各俱特色，超掂！期待以久，到廚師岀場表演廚藝啦！先即席炮製煎鵝肝，大大舊嘅鵝肝經廚師幾吓功夫，煎岀邊邊金黃嘅色香味俱全！鵝肝 —— 廚師告知這是真正的鵝肝，我哋食落去亦感覺到真貨分別，甘香的鵝肝配上藍莓或無茶果，簡直美妙至極！食緊鵝肝期間，廚師再表演黑松露炒粒貝，三兩下手勢已炒好菇類，再加上主角粒貝混合黑松露，又一道美食就在眼前。黑松露炒粒貝 —— 粒貝爽口鮮甜，配上黑松露+茹類的獨特香味，簡直畫龍點睛般美味！緊接到龍蝦岀場啦，大大隻來自日本嘅龍蝦就在鐵板爐上，廚師精湛技術將龍蝦反轉再拆肉，同時肉蝦膏煮汁，整個過程流暢熟練，半分嘅龍蝦變成一大堆蝦肉混以蝦膏汁就上碟啦！伊勢海老 (龍蝦) 半分 —— 日本龍蝦半分已份量十足，蝦肉特別鮮甜爽口，混以龍蝦膏嘅汁，簡直錦上添花，食咗一口已欲罷不能，超超超好味！進食期間眼見廚師放了兩個鍋仔在爐上，我哋好奇嘅眼神已被廚師知道，即時告知係為下一道菜已準備嘅油鍋。廚師打開毛巾包住嘅蓋見到兩鍋仔油，非常認真一絲不苟以溫度計煮到某個油溫，季節魚(金鯛魚)隨即放下鍋仔起舞，好快兩朵魚花就在眼前。季節魚(金鯛魚) —— 又一個藝術品就在眼前，金鯛魚魚皮炸至金黃色嘅鮮花般開放，伴以海膽煮成嘅汁，魚肉鮮美嫩滑，又一超超超好味！和風沙律 —— 餐廳非常細心，下一道主菜岀場前，以「和風沙律」作為一個緩衝作用，一嚐清新嘅和風沙律來清清口腔味道，迎接和牛岀場⋯⋯哈哈！日本近江和牛 —— 一塊厚厚、脂肪分佈均勻嘅日本近江和牛已在鐵板燒上，廚師知道我哋要幾熟程度後，一舜間和牛上下兩層煎得準備就緒，此時廚師再表演火燒牛扒，簡直超級娛樂十足，一大碟厚燒近江和牛類送上。近江和牛比其他地區和牛真的脂肪好平均，完全唔會一口油，肉味十足，真係要入口先知道箇中滋味⋯⋯哈哈！隨碟一邊係炸蒜片，炸得起香脆，我少食蒜嘅都突然蒜片不離口。另一邊係胡椒鹽，但原汁原味食已經係最正，近江和牛真的不同凡響，超超超正！蒜片炒飯 —— 最後表演的係蒜片白飯魚炒飯，四種類不同嘅食物同時處理，白飯放在太陽蛋上好快炒至粒粒金黃色，再混以超香口嘅白飯+蒜粒，兩碗超香超好味炒飯就在咀被⋯⋯哈哈！味噌湯 —— 因爲用之前的龍蝦頭蝦殼煲成，份外鮮甜突出，超棒！醃菜 + 炒野菜 —— 跟炒飯一起品嚐，簡直有互相呼應，好好味。水信玄餅 —— 今次鐵板燒晚餐的甜品，晶瑩通透的自家製水信玄餅閃耀著食用金箔，配上黑糖蜜和黃豆粉，簡直係一個完美句號！「櫻花日本料理」可以講話食過嘅日本料理之最，今晚所嚐嘅所有美食+廚師廚藝，更優勝,更美味我上次於日本河口湖的那餐，而阿妹對這餐生日慶祝更係超級大興奮滿意⋯⋯哈哈！真正超超超大滿足的一餐日本鐵板料理、一餐深刻美味嘅生日慶祝、一餐極富互動+欣賞精湛廚藝表演嘅晚餐，再加上優越餐廳環境、一流服務水準、高超美味食物質素，「櫻花日本料理」已成為我品嚐日菜嘅首位！…查看更多